Dagblaðið Vísir - DV - 10.06.2011, Qupperneq 44

44 | Fókus 10.–14. júní 2011 Helgarblað
Sólarkokteilar og stuðtónar á Faktorý
„Planið er að ég komi með sólina
með mér og bjóði öllum upp á sum­
arkokteil og tónleika,“ segir Jón Atli
hárdoktor sem hefur verið búsettur
í Kaupmannahöfn síðustu misser­
in en stefnir á heimsókn til heima­
landsins um helgina. Jón Atli og fé­
lagar hans Margeir og Gísli Galdur
standa fyrir sólartónleikunum „Með
cocktail í hönd – niðrá strönd“ á Fakt­
orý á sunnudagskvöldið. „Við erum
að fagna því að remixið sem við Mar­
geir gerðum af laginu Niðrá strönd
með Prinspóló er komið í sölu inn á
gogoyoko.com. Við ætlum að fagna
því með Grand Marnier og bjóða öll­
um upp á sólseturskokteila. Síðan
ætlum við Margeir að spila saman.“
Jón Atli ætlar að nýta ferðina vel og
mun líka taka lagið með Gísla Galdri
sem er með honum í hljómsveitinni
Human Woman: „Nýja hljómsveit­
in mín, Human Woman kemur líka
fram. Við höfum ekki spilað síðan
síðasta sumar á Íslandi. Við erum
búnir að spila hérna í Danmörku og
það er búið að ganga mjög vel. Við
tókum tvö gigg hérna og eitt útvarps­
gigg á Danmarks Radio. Það er ýmis­
legt í pípunum hjá okkur og við erum
að vinna að því að klára plötuna okk­
ar núna. Hún kemur vonandi út í
byrjun næsta árs,“ segir Jón Atli sem
lofar magnaðri sólskinstemningu á
Faktorý á sunnudagskvöldið.
Hvað ertu að gera?
mælir með...
BÓK
Sláttur
„Sláttur er frambærilegt
og fínlega skrifað verk.“
Kristjana Guðbrandsdóttir
TÖLVULEIKUR
L.A. Noire
„L.A. Noire er fyrir alla tölvuleikjaunnendur;
hann er frábær skemmtun og rígheldur í
þig.“ Einar Þór Sigurðsson.
TÖLVULEIKUR
Tiger Woods
PGA Tour 12 -
Masters
„Allir geta spilað, ég
tala nú ekki um ef
menn eiga PlayStation Move eða önnur
sambærileg hreyfitól.“ Sigurður Mikael
Jónsson.
KVIKMYND
Thor
„Thor er frábær sumaraf-
þreying þar sem blandast
saman skemmtileg
hasaratriði, góðir leikarar og hressandi
húmor.“ Jón Ingi Stefánsson
BÓK
Rosabaugur yfir Íslandi
„Myndin sem Björn dregur upp af Baugs-
málinu er ansi skökk og skæld.“ Ingi Freyr
Vilhjálmsson
Saga Sigurðardóttir ljósmyndari
Hvaða bók ertu að lesa?
„Flugdrekahlauparann.“
Hvaða tónlist er í uppáhaldi þessa
dagana?
„Í þessari viku hlustaði ég mikið á The Kills,
GusGus, Iron & Wine og Nick Cave.“
Hvert ferð þú út að borða ef þú mátt
ráða?
„Þar sem ég er námsmaður fer ég sjaldan á
fína veitingastaði en mér finnst
líka yfirleitt heimamatur bestur. Elli
kærastinn minn er ótrúlega góður kokkur
sem og mamma og pabbi.“
Hvaða bíómynd sást þú síðast og
hvernig líkaði þér hún?
„Ég sá Biutiful. Hún var mjög sorgleg. Javier
Bardem er einn af uppáhaldsleikurunum
mínum og hann leikur snilldarlega í henni.“
Hvað ætlar þú að gera um helgina?
„Um helgina tek ég myndir. Á föstudag geri
ég myndaþátt fyrir bandarískt blað og fer
svo í steggjapartí hjá vinum mínum sem
eru að fara gifta sig. Á laugardaginn geri
ég myndaþátt með íslensku fyrirsætunum
Brynju og Kolfinnu. Á laugardag geri ég
verkefni fyrir japanskt blað og tek svo
myndir af geðveikt flottri stelpuhljómsveit
um kvöldið.“
Tekur myndir
um helgina
Vill fá
Rás 3
Útvarpsmaðurinn Ólafur Páll Gunnarsson, eða Óli
Palli, fagnar um þessar mundir 20 ára starfsafmæli
á Rás 2. Hann vill að Íslendingar syngi á íslensku,
honum finnst réttlætismál að opnuð verði Rás 3 fyrir
unga fólkið og hann sigraðist á stami með því að tala
í útvarpinu. Hann hefur gert 775 þætti af Rokklandi
og er hvergi nærri hættur.
Óli Palli býður blaðamanni til sætis á
skrifstofu sinni í útvarpshúsinu. Hér
úir og grúir af alls konar geisladiskum
og kössum merktum tónlist. Hann er
safnari af guðs náð og á t.d. hvern
einasta Rokklandsþátt sem hann
hefur tekið upp. Einnig geymir hann
allar upptökur og lög sem stöðinni
berast. Hann hefur nú starfað á Rás
tvö í 20 ár. Hvernig lá leið þessa eins
reyndasta útvarpsmanns Íslands í út­
varpið til að byrja með? „Vinur minn
ákvað að fara að læra rafeindavirkj­
un eftir grunnskólann og ég ákvað að
skella mér með. Ég þekkti einn sem
hafði lært það og alltaf langað í út­
varpið. Hann er reyndar ekki kominn
enn, en ég fékk þessa flugu í hausinn
– að ég myndi læra rafeindavirkjun
og fá á endanum vinnu hjá útvarpinu
sem tæknimaður,“ segir Óli Palli sem
kláraði námið, skellti sér í útskriftar­
ferð og mætti svo beint að ferð lok­
inni í anddyrið á Útvarpshúsinu og
sótti um vinnu. „Ég mætti hingað og
sagðist vilja sækja um vinnu. Konan
í afgreiðslunni rétti mér umsókn­
areyðublað en ég sagðist vilja fá að
tala við einhvern og fékk þá að hitta
yfirmann tæknideildarinnar, Magn­
ús Hjálmarsson. Ég settist niður hjá
honum og sagði honum að ég vildi
fá vinnu og var mjög ákveðinn. Hann
brosti breitt og sagði að það væri ekk­
ert laust en ég skyldi hafa augun opin
ef ég sæi auglýsingu frá þeim í blöð­
unum.“
Örlagasímtalið
Hann skellti sér því næst á sjóinn og
í öðrum túrnum barst örlagaríkt sím­
tal. Þar var mamma hans á línunni og
sagði að Magnús vildi fá hann í við­
tal. „Síðan mætti ég og mér var boðin
vinna í sumarafleysingum á tækni­
deildinni og síðan er ég búinn að
vera hér.“ Fyrst um sinn vann hann
sem tæknimaður en fékk fljótlega að
koma aðeins nálægt þáttagerð. „Ég
var búinn að vera í um hálft ár þeg­
ar ég tók við þætti af Lísu Pálsdóttur
sem hét Vinsældarlisti götunnar. Það
var mjög vinsæll þáttur sem við erum
einmitt að fara endurvekja í sumar.
Hann var í gangi í einhver tvö til þrjú
ár á laugardagskvöldum.“
Síðan kom að stóra tækifærinu:
„Ég sat heima í sófa einhvern tímann
snemma sumars 1995 þegar síminn
hringdi og þar var á línunni Andr­
ea Jónsdóttir og spurði hvort ég vildi
fara á rokkhátíð í Englandi – BBC
væri að bjóða. Það vildi enginn fara
því að sá sem færi varð að koma sér á
eigin kostnað til Englands. Ég ákvað
bara að slá til. Ég hafði aldrei kom­
ið til Englands og aldrei heyrt tal­
að um þessa hátíð sem hét Glaston­
bury. Það hafði enginn sem ég talaði
við heyrt talað um þessa hátíð en ég
held það þekki allir þetta nafn í dag
og margir íslenskir tónlistarmenn
hafa spilað á Glastonbury síðan þá.
Ég fór þarna út og í framhaldi af því
þá byrjaði Rokkland. Þættirnir eru
núna orðnir 775 talsins og ég á þá
alla,“ segir Óli Palli og brosir.
Fannst hann hafa ljóta og
asnalega rödd
Það gekk þó ekki vandræðalaust fyrir
hann að byrja að tala í útvarpi. Hann
stamaði sem barn og unglingur og
hélt hann gæti aldrei látið drauminn,
um að tala í útvarpi, rætast. „Þetta
var heilmikið mál fyrir mig. Þegar
Magnús R. Einarsson, þáverandi tón­
listarstjóri, bað mig um að vera „live“
í útvarpinu í fyrsta skipti um versl­
unarmannahelgina 1996, líklega, þá