Dagblaðið Vísir - DV - 13.08.2012, Blaðsíða 2

2 Fréttir 13. ágúst 2012 Mánudagur
Á leið í hjarta-
aðgerð í Svíþjóð
Stóri bróðir að rifna úr stolti
DV greindi frá því á föstudag að
lítill drengur, sonur þeirra Guð-
mundar Más Helgasonar og Helgu
Sigurveigar Kristjánsdóttur, sem
fæddist án endaþarmsops og
með tvíþættan hjartagalla þann
5. ágúst væri á leið til Svíþjóðar í
aðgerð næstkomandi þriðjudag.
Þá var einnig óljóst hvort sjónin
væri í lagi en á styrktarsíðu fyrir
strák Guðmundsson kemur fram
að augnlæknir hafi skoðað í hon-
um augun og ekkert hafi fund-
ist að. Þar er einnig greint frá því
að drengurinn hafi fengið nafnið
Sigurbjörn Árni. Í kveðju frá fjöl-
skyldunni segir: „Elsku fallegu
vinir, við viljum byrja á að þakka
ykkur fyrir ómetanlegan stuðning
sem er búinn að hjálpa okkur mik-
ið í gegnum erfiðar stundir. Litla
hetjan okkar fékk nafnið Sigur-
björn Árni í dag og áttum við fjöl-
skyldan fallega stund saman uppi
á vökudeild. Kristófer Alex er al-
veg að rifna úr stolti af litla bróður
og stendur oft lengi hjá honum og
heldur í höndina á honum.“
Ath. Í helgarblaði DV var rang-
lega greint frá því að hann væri
með fjórþættan hjartagalla en hið
rétta er að hjartagallinn er tví-
þættur. Beðist er velvirðingar á því.
Varar við
sænsku leiðinni
Sænska leiðin hefur orðið til þess að
enn erfiðara er að koma fórn-
arlömbum mansals til bjargar og
jafnvel ýtt undir það. Þetta var haft
eftir Pye Jakobsson, stofnanda hags-
munasamtaka fólks í vændi í Sví-
þjóð og Finnlandi, í kvöldfréttum
Stöðvar 2 á sunnudag. Þar var sagt
frá því að Jakobsson varaði eindreg-
ið við sænsku leiðinni. Ný rannsókn
félagsmálastofnana í Noregi sýndi
að vændi í Noregi væri bæði orðið
skipulagðara og alvarlegra eftir að
lög sem banna kaup á vændi tóku
þar gildi fyrir þremur árum. Sú laga-
setning væri oft nefnd sænska leiðin
en sambærileg lög væru í gildi á Ís-
landi. Dómsmálayfirvöld í Noregi
hefðu nú boðað endurmat á lög-
gjöfinni og teldu hana beinlínis
hafa ýtt undir mansal.
Rannsakar
Lindsor
Lindsor-málið svokallaða er nú
til rannsóknar hjá sérstökum
saksóknara en frá þessu var skýrt
á vef Vísis á sunnudaginn. Þar
var sagt að einn af umdeildustu
gjörningum hrunsins hefði verið
þegar Kaupþing lánaði félaginu
Lindsor Holdings Corporation
171 milljón evra þann 6. október
2008. Það var gert sama dag og
neyðarlögin voru sett og sama
dag og Seðlabankinn lánaði
bankanum 500 milljónir evra.
Aldrei hefðu fengist skýringar
opinberlega hjá stjórnendum
Kaupþings á málinu, en það
væri nú til rannsóknar hér hjá
sérstökum saksóknara.
Firrir sig ábyrgð
á milljarðatapi
n Segir Steingrím J. bera ábyrgð á tapi ríkisins vegna björgunar Sjóvár
„Hvers konar rugl
er þetta? Af hverju
hringir þú ekki bara í
Steingrím J. Sigfússon
sem tók þessa ákvörðun?
B
jarni Benediktsson segist
enga ábyrgð bera á milljarða-
tapi skattgreiðenda vegna að-
komu ríkisins að björgun Sjó-
vár. Hann varpar ábyrgðinni
alfarið á Steingrím J. Sigfússon, efna-
hags- og viðskiptaráðherra. Íslenska
ríkið tapaði fjórum milljörðum króna
á því að bjarga rekstri tryggingafélags-
ins Sjóvár. Þetta kom í ljós á dögun-
um þegar Seðlabankinn seldi allan 73
prósenta hlut sinn í Sjóvá til samlags-
hlutafélagsins SF1 og fékk 7,4 millj-
arða fyrir hann.
Sumarið 2009 lagði íslenska rík-
ið Sjóvá til 12 milljarða króna til að
bjarga því frá gjaldþroti. Eignarhalds-
félagið Milestone, eigandi Sjóvár,
hafði gengið svo á eignir félags-
ins að það uppfyllti ekki lengur skil-
yrði Fjármálaeftirlitsins um gjaldþol
tryggingarfélaga. Tap Sjóvár má að
miklu leyti rekja til áhættufjárfestinga
Milestone og tengdra félaga.
Vafningur Bjarna
Skemmst er að minnast umfjöllun-
ar DV um eignarhaldsfélagið Vafn-
ing sem fékk 10,5 milljarða króna lán
hjá Sjóvá. Einnig tapaði Sjóvá þrem-
ur milljörðum króna á fasteignavið-
skiptum í Makaó sem einnig tengdust
Vafningi. Bjarni Benediktsson, for-
maður Sjálfstæðisflokksins og þáver-
andi stjórnarformaður N1, fékk um-
boð frá föður sínum og frænda sem
áttu hlut í Vafningi í gegnum Skeggja
ehf. og Mátt ehf. til að veðsetja hluta-
bréfin í Vafningi fyrir milljarðaláni frá
Glitni. Í samtali við DV fullyrti Bjarni
að íslenska ríkið myndi ekki tapa
neinum fjármunum vegna 12 millj-
arða króna láns sem ríkið veitti Sjóvá.
Til hliðar má sjá hluta af samtali Inga
Freys Vilhjálmssonar, fréttastjóra DV,
við Bjarna Benediktsson í desember
2009.
Ber enga ábyrgð
Aðspurður um þau ummæli sín seg-
ir Bjarni: „Það var það sem ríkið lagði
upp með – ekki satt? Þið voruð þarna
að flytja fréttir af því að ég bæri ein-
hverja ábyrgð á rekstri þessa félags;
ég hef aldrei nokkurn tímann tekið
nokkra einustu ákvörðun fyrir þetta
félag. Mér finnst að Steingrímur þurfi
að svara fyrir það, hvers vegna hann
var að hætta skattfé almennings til að
bjarga þessu félagi.“ Minntur á, að sú
ákvörðun ríkisins hafi legið fyrir þegar
hann lét ummælin falla segir Bjarni:
„Mér fannst algerlega fráleitt að vera
að skrifa af því fréttir hver niðurstað-
an yrði fyrir ríkið – það var algerlega
ótímabært – og enn fráleitara að vera
að færa mögulegt tap ríkisins á mín-
ar herðar. Í fyrsta lagi var það fjár-
málaráðuneytið sem ákvað að stíga
þarna inn og ég hafði nákvæmlega
ekki neitt með það að gera og ég hef
aldrei haft neitt með rekstur Sjóvár
að gera. Eða hefur þú einhverjar aðr-
ar upplýsingar?“ Bent á, að hann hafi
komið að því að veðsetja hlutabréfin
í Vafningi fyrir milljarðaláni frá Glitni,
bregst Bjarni ókvæða við: „Nei! Bíddu,
bíddu, bíddu, bíddu. Veist þú eitthvað
um hvað þú ert að tala – vinur?“
„Af hverju hringir þú ekki
bara í Steingrím?“
Eftir að blaðamaður útskýrði fyrir
Bjarna aðkomu hans að Vafnings-
málinu segir Bjarni reiður: „En
hvernig ertu að tengja það við þetta
félag [Sjóvá]? Var ég að hætta ein-
hverju skattfé almennings? Hvers
konar rugl er þetta? Af hverju hringir
þú ekki bara í Steingrím J. Sigfús-
son sem tók þessa ákvörðun? Hann
hlýtur að þurfa að svara fyrir það að
skattgreiðendur landsins þurfa að,
hérna, að fá stóran reikning. Þú átt
ekki að tala við mig sem hefur ekki
tekið neina einustu ákvörðun fyrir
þetta félag.“ Spurður hvort sá samn-
ingur, sem hann skrifaði undir, hafi
ekki meðal annars orðið til þess
að staða Sjóvár varð eins slæm og
raun ber vitni, svarar Bjarni: „Nei.
Ég tók enga ákvörðun fyrir Sjóvá –
vinur – aldrei.“ Bjarni viðurkennir
þó að hafa skrifað undir veðsamn-
inginn fyrir hönd annarra en segir
þó: „Það var ekki Sjóvá sem ég var að
skuldbinda. Afskaplega ertu tregur.“
Spurður hvort lánið hafi ekki verið
tryggt með veði í eignum Sjóvár, þar
Svona var aðkoma Bjarna
Aðkoma Bjarna Benediktssonar að málinu var sú að í febrúar 2008 skrifaði hann undir veðsetningarskjöl fyrir hönd föður síns og frænda
þar sem eignir Vafnings voru veðsettar fyrir láni frá Glitni. Bjarni sagði frá því í viðtali við DV í árslok 2009 þegar fjallað var um aðkomu
hans að Vafningsmálinu í blaðinu að hann hefði veðsett hlutabréfin í Vafningi hjá Glitni fyrir hönd föður síns og frænda þar sem þeir
hefðu verið staddir erlendis. „Þeir [Benedikt og Einar, innsk. blaðamanns] voru ekki staddir á landinu og báðu mig um það fyrir sína hönd
að skrifa undir ákveðinn veðsamning þar sem þeir voru að veðsetja hlutabréfin sín í félaginu... Þetta var veðsamningur sem gerður var við
bankann vegna lána sem bankinn hafði veitt félaginu.“ Bjarni skrifaði því undir veðsetningarskjölin fyrir hönd eignarhaldsfélags föður
síns, Hafsilfurs, eignarhaldsfélags Einars Sveinssonar, Hrómundar, sem og fyrir eignarhaldsfélagið BNT, móðurfélag olíufélagsins N1, en
fyrirtækið var í eigu ættingja Bjarna. Samtals fékk Vafningur um 15 milljarða króna lánaða frá Glitni en milljarðarnir voru endurlánaðir til
eignarhaldsfélagsins Þáttar International, sem einnig var í eigu Milestone og Einars og Benedikts Sveinssona. Þáttur International var
einn stærsti hluthafi Glitnis. Þáttur International notaði peningana svo til að endurgreiða bandaríska fjárfestingarbankanum Morgan
Stanley lán sem félagið fékk til að kaupa hlutabréf í Glitni árið 2007. Morgan Stanley átti veð í hlutabréfum Þáttar International í Glitni
og hótaði að leysa bréfin til sín í veðkalli ef skuldin yrði ekki greidd til baka. Vafningur tók einnig við lánum frá Sjóvá sem notuð voru til að
endurfjármagna lán hjá Morgan Stanley vegna fjárfestingar Milestone í sænska fjármálafyrirtækinu Invik.
Með þessum lánveitingum út úr Sjóvá til Vafnings var gengið á bótasjóð félagsins með þeim afleiðingum sem greint er frá hér að
framan. Í báðum tilfellum fóru lánin frá Sjóvá og Glitni út úr íslenskum félögum og íslenska hagkerfinu og yfir í bandarískan fjárfestingar-
banka. Krafa Sjóvár á hendur Vafningi var svo afskrifuð í ársreikningi SJ eignarhaldsfélags, sem áður hét Sjóvá, fyrir árið 2009 en þar
segir: „Niðurfærsla viðskiptakrafna vegna Földungur ehf. og Milestone ehf. 19.287.037.“ Afskriftirnar vegna lánanna út úr Sjóvá til Vafn-
ings og Milestone námu því rúmlega 19 milljörðum króna. Heildarskuldir Vafnings, nú Földungs, voru tæpir 38 milljarðar í árslok 2010 og
var um helmingur vegna lána frá Sjóvá og helmingur vegna lána frá Glitni. Sjóvá og Glitnir töpuðu því þeim um 38 milljörðum króna sem
lánaðir voru til Vafnings árið 2008 eftir að byrjaði að harðna á dalnum í íslenska fjármálakerfinu.
Baldur Eiríksson
blaðamaður skrifar baldure@dv.is