Dagblaðið Vísir - DV - 13.08.2012, Blaðsíða 6

Sagðist vera með doktorsgráðu
n Stundakennara við Háskóla Íslands sem laug til um menntun sagt upp
É
g sé enga ástæðu til að standa í
slíkri upplýsingagjöf. Það skipt-
ir mestu máli hvernig úr svona
er unnið, það er alveg augljóst að
viðkomandi mun ekki kenna meira hjá
okkur,“ segir Ástráður Eysteinsson, for-
seti Hugvísindasviðs Háskóla Íslands,
aðspurður hvort hann muni gefa upp
nafn stundakennara sem sagt var upp
við guðfræðideild Háskóla Íslands.
Maðurinn sem um ræðir hafði verið
stundakennari við deildina í nokkur
ár. Hann sagðist vera með doktorspróf
en nýlega kom í ljós að það var ekki
rétt, maðurinn hafði aldrei lokið dokt-
orsnámi sínu. Með því að nafngreina
ekki manninn er því ljóst að nokkr-
ir stundakennarar við skólann liggja
undir grun. Nafn mannsins mun þó
hafa verið fjarlægt úr starfsmannaskrá.
Maðurinn fékk borgað samkvæmt
þeirri menntun sem hann sagðist
hafa. Háskólinn mun þó ekki kæra
manninn því hann ætlar að endur-
greiða skólanum ofgreidd laun en
hann játaði strax doktorsprófleys-
ið þegar hann var spurður út í það.
Til þess að vera stundakennari við
deildina hefði maðurinn þó ekki
þurft að hafa doktorsgráðuna. „Það
er kannski sérstaklega dapurlegt við
þetta ofan á allt annað að þessi mað-
ur hefði alveg ábyggilega verið ráð-
inn inn sem stundakennari þó hann
hefði farið rétt með. Hann þykir ágæt-
lega hæfur á sínu sviði og er með það
próf sem þarf til að fá stundakennslu,“
segir Ástráður og segir málið hafa ver-
ið kannað eftir að ábending barst til
þeirra um að hann hefði ekki dokt-
orspróf.
Ástráður segir slíkt ekki geta kom-
ið fyrir hjá þeim kennurum sem eru
fastráðnir. „Þetta er eitthvað sem gæti
aldrei komið fyrir með fastakennara
en það er smá glufa með stunda-
kennara. Menn hafa þekkt til og talið
að það væri víst að það væri farið rétt
með en við þurfum bara að vera mjög
formleg með þetta sama hversu vel
við þekkjum fólkið.“
viktoria@dv.is
6 Fréttir 13. ágúst Mánudagur
„HEFUR VAKIÐ
ATHYGLI UM
ALLAN HEIM“
G
jörningur borgarstjórans Jóns
Gnarr, sem mætti grímu-
klæddur í Gleðigönguna og
mótmælti meðferðinni á með-
limum Pussy Riot, hefur vak-
ið athygli út fyrir landsteinana. Til að
mynda er fjallað um málið í rússnesk-
um fjölmiðlum. Eins hafa fjölmargir
tjáð sig um málið í netheimum og
virðist sem flestum líki gjörningurinn
vel. Framkvæmdastjóri Besta flokks-
ins, aðstoðarmaður borgarstjóra og
nokkrir borgarfulltrúar voru í fylgd
með borgarstjóranum en vagn hans
bar áletrunina Free Pussy Riot.
Borgarstjórinn, sem hefur gjarnan
látið sig mannréttindi varða, stillti sér
upp grímuklæddur á vagni og dreifði
rósum. Með því lýsti hann yfir stuðn-
ingi við meðlimi rússnesku pönk-
hljómsveitarinnar Pussy Riot sem eiga
yfir höfði sér allt að sjö ára fangelsi fyrir
að flytja lag samið til höfuðs Vladimír
Pútín í dómkirkju Rússnesku rétttrún-
aðarkirkjunnar.
Herör gegn heftingu
tjáningarfrelsis
Árni Grétar Jóhannsson, fram-
kvæmdastjóri Samtakanna ´78, seg-
ist gera ráð fyrir því að það séu skipt-
ar skoðanir um atriði borgarstjórans
í Gleðigöngunni. Hann líti þó sjálf-
ur svo á að Jón Gnarr hafi með þessu
skorið upp herör gegn heftingu tján-
ingarfrelsisins í Rússlandi. „Ég held
að málið sé miklu stærra en bara Pus-
sy Riot. Ástandið í Rússlandi gagnvart
hinsegin fólki er slæmt og sífellt verið
að vinna í því að gera það ósýnilegt. Í
mörgum borgum er verið að setja lög
um að þú megir ekki tjá þig í ræðu eða
riti um hinsegin málefni, menningu
eða fræðslu. Þetta er mjög vond staða
því það er verið að gera einn þjóðfé-
lagshópinn algjörlega ósýnilegan og
þagga niður í honum.“ Árni Grétar er
því sáttur við atriði borgarstjórans.
Sterk og skemmtileg skilaboð
„Það skiptir svakalega miklu máli að
hann, sem opinber og pólitísk persóna,
sýni stuðning sinn í verki. Það eru því
ekki bara verkin sem hann vinnur inni
í ráðhúsi heldur líka á svona opinber-
um vettvangi sem skipta máli,“ segir
Árni Grétar.
Hann segir að borgarstjórinn sendi
með þessu sterk og skemmtileg skila-
boð út í samfélagið en einnig á heims-
vísu. „Þetta hefur vakið athygli um
allan heim, að hann mæti í dragi og
taki þátt í gleðinni af fullum krafti. Við
megum ekki gleyma því, þótt staðan
sé góð hér á landi, þá er hún það alls
ekki alls staðar,“ segir hann og bætir
við að alþjóðasamfélagið sé sterkasti
vettvangurinn til að uppræta fordóma.
Það sé því mjög gott að slík opinber
og pólitísk persóna, sem Jón Gnarr er,
sé sýnileg og að hann nái athygli fjöl-
miðla um allan heim með þessu.
Á rússnesku síðunni Echo er
sagt frá þátttöku Jóns Gnarrs í Gleði-
göngunni og atriði hans. Þar segir að
borgarstjórinn hafi með þessu slegist í
hóp með stórstjörnum á borð við Eli-
jah Wood, Madonnu, Red Hot Chili
Peppers, Franz Ferdinand, Yoki Ono,
Peter Gabriel, Pete Townshend, Patti
Smith og Björk sem hafa öll lýst yfir
andúð sinni á meðferð rússneskra yf-
irvalda á meðlimum Pussy Riot.
Hylja andlit sín
Fram kemur á vef íslenskra stuðnings-
manna Pussy Riot að hljómsveitin
samanstandi af rússneskum femínist-
um sem hafi að undanförnu sett upp
óauglýsta pólitíska gjörninga í Moskvu
þar sem viðfangsefnin hafa meðal
annars verið staða kvenna í Rússlandi.
„Textar hljómsveitarinnar einkennast
af femínisma, andstöðu við spillingu
og beinast gegn sitjandi valdhöfum.
Síðustu aðgerðum hópsins var beint
gegn kosningabaráttu Pútíns forsætis-
ráðherra til embættis forseta Rúss-
lands,“ segir á vefsíðunni.
Með klæðnaði sínum líkti Jón
Gnarr eftir klæðaburði Pussy Riot en
hljómsveitarmeðlimir hylja jafnan
andlit sín með skærlitum lambhús-
hettum.
Björk Guðmundsdóttir hefur
einnig látið sig málið varða en á föstu-
daginn sendi hún frá sér yfirlýsingu
þar sem hún segist styðja Pussy Riot
og fordæmir þá meðferð sem meðlim-
ir hennar hafa fengið. Þá býður hún
hljómsveitinni að spila með sér á sviði
lag sem hún samdi um réttlæti.
Skrifa má undir áskorun til rúss-
nesks saksóknara um að meðlimum
Pussy Riot verði sleppt á vef Amnesty.
Hýr gleði í rigningunni
Mikil gleði ríkti í göngunni sem var
farin í þrettánda sinn á laugardaginn
þrátt fyrir mikla rigningu. Um 40 atriði
tóku þátt í göngunni og vakti atriði Páls
Óskars einnig athygli að vanda. Að
sögn Ástu Kristínar Benediktsdóttur,
göngustjóra hátíðarinnar, var fólk í
sólskinsskapi. „Fólk söng og dansaði
í rigningunni. Það var rífandi stemn-
ing í bænum,“ sagði hún. Að göngunni
lokinni voru haldnir tónleikar á Arn-
arhóli. Á meðal skemmtikrafta voru
Páll Óskar, Sigga Beinteins, Friðrik
Ómar, Blár Ópal, Birna Björns, Þórunn
Antonía, Friðrik Dór, Helgi Björnsson,
Hafsteinn Þórólfsson, Viggó & Víóletta
og Betty frá Bandaríkjunum.
n Jón Gnarr klæddist í anda Pussy Riot og mótmælti heftu tjáningarfrelsi
Free Pussy Riot Borgar-
stjórinn var klæddur eins og
meðlimir rússnesku hljóm-
sveitarinnar. MYND: EYÞÓR ÁRNASON
Árni Grétar Jóhannsson Framkvæmda-
stjóri Samtakanna ´78 er sáttur við gjörning
borgarstjórans. MYND: SAMTÖKIN ´78
Gunnhildur Steinarsdóttir
blaðamaður skrifar gunnhildur@dv.is
„Ástandið í Rúss-
landi gagnvart
hinsegin fólki er slæmt og
sífellt verið að vinna í því
að gera það ósýnilegt.
Eigandi Pétursbúðar:
Birti mynd
af meintum
þjófum
Baldvin Agnarsson, eigandi
Pétursbúðar, birti myndir á
Facebook-síðu sinni af tveimur
mönnum sem hann segir hafa
komið inn í Pétursbúð á laugar-
dag og rænt veski af starfs-
manni. Myndirnar fékk hann
úr öryggismyndavél verslunar-
innar.
Myndirnar sem hann birti á
Facebook voru fjórar talsins og
segir Baldvin á Facebook-síð-
unni annan manninn hafa tek-
ið veskið en hinn hafa hjálpað
honum með því að standa vörð.
Baldvin vildi ekki tjá sig frekar
um málið þegar DV leitaði eft-
ir því.
Þjófnaðurinn var tilkynntur
til lögreglu. Skömmu áður sama
dag var tilkynnt um þjófn-
að á hóteli við Skúlagötu þar
sem tveir menn höfðu farið
inn og stolið eigum starfsfólks.
Lögreglan telur að um sömu
þjófarnir hafi verið þar að verki. 
Solveig
vígslubiskup
Solveig Lára Guðmundsdótt-
ir var vígð til embættis vígslu-
biskups á Hólum á sunnudag.
Séra Solveig Lára er önnur kon-
an sem tekur biskupsvígslu á Ís-
landi. Biskup Íslands, frú Agnes
Sigurðardóttir, vígði Solveigu í
embættið.
Séra Solveig Lára Guð-
mundsdóttir var kjörin vígslu-
biskup á Hólum í júní síðast-
liðnum. Hún tekur við því starfi
þann 1. september næstkom-
andi. Hún var sóknarprestur
á Möðruvöllum í Hörgárdal í
12 ár en áður þjónaði hún sem
sóknarprestur á Seltjarnarnesi
í 14 ár.
Hún var fyrsta konan sem
kjörin var sóknarprestur í al-
mennri prestskosningu á höfuð-
borgarsvæðinu. 
Hún hefur skrifað tvær bæk-
ur; Augliti til auglitis, sem eru
kristnar íhuganir handa konum
og Aðgát skal höfð í nærveru
sálar, sem er um lífsreynslu og
úrvinnslu tilfinninga.
Hún stundaði framhalds-
nám í guðfræði í Þýskalandi vet-
urinn 1998–1999 með áherslu
á kristna íhugun og sálgæslu.
Veturinn 2009–2010 lagði hún
stund á nám í þjónandi forystu.
Sagt upp Maðurinn hafði verið stundakennari við guðfræðideild Háskóla Íslands í nokkur
ár. Hann hafði sagst vera með doktorsgráðu sem reyndist ekki vera rétt.