Dagblaðið Vísir - DV - 13.08.2012, Blaðsíða 24

24 Sport 13. ágúst 2012 Mánudagur
Heimavöllurinn skiptir sköpum
n Bandaríkjamenn unnu til flestra verðlauna á leikunum í London eins og í Peking 2008
A
ð frátöldu öllu húllum-
hæinu sem fylgir öllum
nútíma Ólympíuleik-
um eru það verðlaun-
in sem öllu skipta þegar upp er
staðið. Bandaríkjamenn unnu
til flestra verðlauna nú sem
fyrr en ekki er síður merkilegt
hve heimavöllur virðist skipta
miklu máli.
Þannig náðu Kínverjar frá-
bærum árangri á leikunum
fyrir fjórum árum í Peking
þegar landslið þeirra fékk alls
100 verðlaun og þar af lang-
flest gullverðlaun, eða 51 alls.
Í Kína unnu reyndar Banda-
ríkjamenn flest verðlaun, 110
alls, en aðeins 36 gull. Á þeim
leikum komu Rússar þriðju
og Bretar í fjórða sætinu hvað
verðlaun snerti.
Í London breyttist þetta all-
nokkuð. Aftur nældu banda-
rískir íþróttamenn í flest
verðlaun eins og í Peking en
merkilegri er árangur Breta.
Náðu þeir frábærum árangri
og unnu íþróttamenn þeirra til
65 verðlauna. Það er æði mikil
framför frá þeim 47 verðlaun-
um sem Bretar náðu 2008.
Mest um vert er að gullverð-
launin nú voru 29 talsins á
móti 19 í Kína. Að sama skapi
var árangur Kínverja tölu-
vert lakari nú en heima fyrir.
Alls unnu kínverskir íþrótta-
menn til 87 verðlauna nú. Sem
er alls ekki slakur árangur en
mun færri verðlaun en Kín-
verjar unnu fjórum árum fyrr
þegar nákvæmlega 100 medal-
íur skiluðu sér í hús. Þeir voru
þó ekki þeir einu sem náðu
færri medalíum nú. Banda-
ríkjamenn unnu til sex færri
verðlauna í London en Peking
þrátt fyrir að vinna flest verð-
launin.
Fyrsta
höfnun PSG
Milljarðamæringarnir að
baki franska liðinu PSG láta
einskis ófreistað að kaupa
þá leikmenn sem þá langar
í óháð útlátum. Einn þeirra
sem helst var á óskalistan-
um er Karem Benzem, hinn
franski sóknarmaður Real
Madrid, og hafði franska
liðið fengið leyfi til að ræða
við kappann. Þar sem pen-
ingar eru ekkert vandamál
hefur liðið hingað til fengið
alla þá sem það hefur viljað
enda flestir leikmenn í bolt-
anum að spila fyrir banka-
bókina en ekki áhugans
vegna. En Benzema hafnaði
tilboði PSG og segist engan
áhuga hafa á að verða enn
ein af stórstjörnum þess liðs.
Hann mun því væntanlega
halda áfram sparki fyrir þá
hvítklæddu í Madríd en þar
hefur hann fengið uppreisn
æru eftir magurt gengi fyrst
eftir að hann gekk til liðs við
spænska liðið.
Bolt fílar
Ronaldo
Þeim fer fjölgandi sem tjá
sig um hvort Cristiano Ron-
aldo er betri en Leo Messi
eða öfugt. Spretthlauparinn
stórkostlegi Usain Bolt er
ekki í vafa; Cristiano er mun
betri en Argentínumaður-
inn. Hittust þessir kappar á
Ólympíuleikunum og spjöll-
uðu saman stundarkorn. Í
kjölfarið lýsti Bolt því yfir að
Ronaldo væri drengur góður
og mun betri í boltanum en
Messi. Bolt bætti reyndar við
að hann hefði lengi haft dá-
læti á Real Madrid og fylgd-
ist reglulega með leikjum
liðsins.
Loks snýr
Villa aftur
Hinn skæði sóknarmað-
ur Barcelóna, David Villa,
snéri loks aftur í leik í æf-
ingaleik liðs síns gegn Dina-
mo Bukarest um helgina.
Leikurinn vannst 0–2 sem
kannski er vart merkilegt en
þetta var fyrsti leikur Villa
með liðinu um átta mánaða
skeið. Munar um minna
enda Villa einn af skæðari
sóknarmönnum í boltan-
um. Leikurinn var síðasti
æfingaleikur Barcelóna áður
en deildarkeppnin hefst á
Spáni en liðið gerði jafntefli
fyrr í vikunni við Manchester
United og PSG.
Flest verðlaun í Kína 2008
n Bandaríkin 110
n Kína 100
n Rússland 73
n Bretland 47
n Ástralía 45
n Þýskaland 41
Flest verðlaun í London 2012
n Bandaríkin 104
n Kína 87
n Rússland 82
n Bretland 65
n Þýskaland 44
n Ástralía 35 Betri á heimavelli Kínverskir íþróttamenn unnu til mun færri verðlauna nú
en fyrir fjórum árum hverju sem um er að kenna.
M
iðað við allt sem
á gekk áður en
Ólympíuleikarn-
ir í London voru
formlega settir er
ekki hægt annað en taka hatt-
inn ofan fyrir Bretum. Leik-
arnir tókust bráðvel í alla staði
og þótt samanburður við Pek-
ing fjórum árum fyrr sé ósann-
gjarn geta Bretar borið höfuðið
hátt í samanburði. Þeir höfðu
ekki ótakmarkaða peninga til
að leika sér að né heldur vilja
til að flytja þúsundir heimila,
loka verksmiðjum eða annað
það sem sjálfsagt taldist fyrir
fjórum árum í Kína.
Sérstaklega tókust leikarn-
ir vel miðað við allt það sem
miður fór í aðdraganda þeirra.
Kostnaður fór margfalt fram úr
áætlun og töluverður ótti var
við hryðjuverk í aðdraganda
leikanna. Þá gekk ekki allt
smurt hvað þjónustu snerti
og kalla þurfti til herinn til að
dekka klúður í öryggisgæslu.
Þau vandræði tilheyra for-
tíðinni. Allt gekk vel og Bret-
ar eru almennt sáttir. Helst
eru það ferðaþjónustuaðil-
ar sem kvartað hafa en fjöldi
ferðamanna í London meðan
á leikunum stóð var verulega
undir væntingum.
Árangur Íslendinga
upp og niður
Alltaf má deila um hvað telj-
ist viðunandi árangur smærri
þjóða á Ólympíuleikum en
óhætt er að segja að íslenska
íþróttafólkið hafi staðið sig
allbærilega í London. Árang-
ur handboltalandsliðsins var
góður og færa má rök fyr-
ir að með örlítilli heppni
hefðu strákarnir getað spilað
um verðlaunasæti á öðrum
Ólympíuleikunum í röð. Þá
er ekki síður merkilegt að ís-
lenska liðið sigraði bæði þau
landslið sem kepptu í kjölfarið
um gullið á sunnudag en þar
vann Frakkland sigur á Sví-
þjóð, 22–21, í hörkuspennandi
leik.
Langhlauparinn Kári
Steinn Karlsson endaði í 42.
sæti í maraþonkeppni leik-
anna og verður að teljast vel
af sér vikið en keppendur alls
voru vel yfir hundrað talsins.
Spjótkastarinn Ásdís Hjálms-
dóttir gerði sömuleiðis ágæta
hluti og bætti Íslandsmet þó
ekki gengi henni sem skyldi að
eigin sögn. Ragna Ingólfsdótt-
ir vann sinn fyrsta og eina leik
á tvennum Ólympíuleikum nú
í London þó sá árangur dygði
skammt. Þá var sundfólkið ís-
lenska töluvert frá sínu besta
en þó féllu tvö Íslandsmet þar
á bæ. Skotfimikappinn Ásge-
ir Sigurgeirsson náði 14. og
32. sæti í skotkeppni leikanna
og sagðist svekktur með það
en hann var á sínum fyrstu
leikum. Þá datt júdókappinn
Þormóður Jónsson úr keppni
eftir sinn fyrsta bardaga.
Sömuleiðis gekk Óðni Birni
Þorsteinssyni kúluvarpara illa.
Hann var langt frá sínu besta
og lauk keppni í 32. sæti.
Ríó eftir fjögur ár
Allir Ólympíuleikar krefjast
mikils og erfiðs undirbúnings
allra sem að koma. Enn eru
margir sem efast um að Ríó
geti haldið leikana eftir fjög-
ur ár enda hefur uppbygging
vegna þeirra farið hægt af
stað og þjóðin er enn frem-
ur að undirbúa á sama tíma
Heimsmeistarakeppnina í
knattspyrnu sem þar fer fram
2014. Hingað til hafa fram-
kvæmdir aðeins hafist við 60
af þeim 230 byggingum sem
borgin hyggst smíða sérstak-
lega fyrir leikana 2016.
Hætt er við að undirbún-
ingur íslenskra keppenda fyr-
ir næstu leika verði þó enn
flóknari en hingað til því þeir
fara fram í brasilísku borginni
Ríó. Þar þurfa íslensku kepp-
endurnir að eiga við töluvert
meiri hita en í London eða
Peking. Júlí og ágúst eru köld-
ustu mánuðir í Ríó en meðal-
hitinn er engu að síður rúm 25
stig og næturhiti að meðaltali
um 19 stig. Til samanburð-
ar hefur hitastigið í London
þessa leika verið milli 12 og
23 stig.
Næsta stopp: Ríó
n Frábærum Ólympíuleikum lokið n Hitastækja í Ríó bíður keppenda á næstu leikum
Albert Örn Eyþórsson
blaðamaður skrifar ritsjorn@dv.is
Það sem hefði
getað orðið
Íslenska landsliðið
í handbolta vann
sigur á báðum
þeim landsliðum
sem kepptu um
gullverðlaunin á
Ólympíuleikunum í
London.