Dagblaðið Vísir - DV - 13.08.2012, Blaðsíða 26
26 Fólk 13. ágúst 2012 Mánudagur
Flutt út frá foreldrunum
n Greta Salóme og kærastinn byrjuð að búa
V
ið erum loksins flutt
í húsið okkar og það
er alveg yndislegt,“
segir tónlistarkonan
Greta Salóme Stefánsdóttir
en hún og unnustinn, Elvar
Þór Karlsson hjá BootCamp,
höfðu hingað til búið hjá
foreldrum þeirra til skiptis.
„Þessi íbúð er alveg ótrúlega
fín og alveg eins og við vilj-
um hafa hana. Svo er vinnu-
aðstaðan líka góð svo ég get
setið við píanóið og æft mig,“
segir Greta Salóme en viður-
kennir að nú hafi þau Elvar
Þór engan bílskúr innréttað-
an sem líkamsræktarstöð líkt
og þau höfðu í foreldrahús-
um. „Það er að vísu rétt en
það er stutt úr Grafarholtinu
niður í Elliðaárdalinn og við
brunum bara þangað til að
æfa,“ segir hún brosandi.
Nýtt lag Gretu Salóme
var frumflutt á föstudaginn
og hún segir plötu væntan-
lega fyrir jól. „Þetta lag er
mun harðara en það sem ég
hef verið að gera. Við ákváð-
um að fara ekki í stelpu-
poppið eftir Eurovision. Þor-
valdur Bjarni segir að þetta
sé blanda af Muse, Florence
and the Machine og Gretu
Salóme. Ég er mjög spennt og
lagið hefur þegar fengið mjög
fín viðbrögð.“
Hún hefur notið sum-
arsins til hins ýtrasta. „Ég
kláraði mastersritgerðina
mína viku eftir Eurovision-
ævintýrið og var svo spilandi
úti um allt í júní. Svo fór ég til
Mallorca með fjölskyldunni í
þrjár vikur í júlí og hafði það
alveg yndislegt. Núna er svo
rútínan byrjuð aftur, fastir
liðir eins og venjulega, og
ég er farin að æfa CrossFit á
fullu.“
Aðspurð segist hún óviss
um það hvort hún færi aftur í
Eurovision ef það væri í boði.
„Ég ætla ekki að segja aldrei
aftur en það er svo sannar-
lega ekki á dagskránni eins
og er. Það er svo gott að geta
gert tónlist sem er ekki innan
ramma þessarar keppni. Það
er ótrúlegt frelsi í því.“
indiana@dv.is
É
g hef lengi haft áhuga
á líkamsrækt og verið
nokkuð duglegur síðustu
tíu árin eða svo,“ segir
athafnamaðurinn Róbert
Wessman sem varð Íslands-
meistari karla í flokki 40 til 49
ára á Íslandsmóti í tímakeppni
sem fram fór á Krísuvíkurvegi í
síðustu viku.
„Ég byrjaði ekki að æfa hjól-
reiðar eða þríþraut fyrr en fyrir
um ári. Það sem ýtti mér af stað
var hvatning samstarfsmanna
þegar þau skoruðu á mig að
taka þátt í þríþrautum erlendis
gegn því að þau söfnuðu áheit-
um til styrktar Rauða krossinum
og UNICEF. Sú söfnun gekk vel
og við afhentum Rauða krossin-
um 12 milljónir króna á síðasta
ári. Þetta gekk vonum framar
og við ákváðum að endurtaka
þetta í ár og höfum safnað um
14 milljónum króna sem mun
renna til UNICEF vegna neyðar-
hjálpar og menntunarverkefna í
Afríku,“ segir Róbert sem tók
einnig þátt í 2XU í hálfum járn-
karli fyrir rúmlega tveimur vik-
um og vann þar hópakeppn-
ina með Alvogen-liði sínu en sú
keppni samanstendur af sundi
og hjólreiðum.
„Ég hafði lítinn grunn í
sundi þegar ég og byrjaði fyrir
um ári síðan á æfingum hjá SH
í Hafnarfirði þegar ég undir-
bjó mig fyrir fyrstu þríþrautar-
keppnirnar. Fyrstu æfingarn-
ar voru erfiðar og ég ætlaði nú
varla að komast yfir laugina,“
segir Róbert brosandi en bæt-
ir við að tæknin hafi þó ver-
ið fljót að koma: „Á nokkrum
mánuðum tókst mér að auka
vegalengdina í svona 2 til 3
kílómetra. Ég meiddist á öxl á
síðasta ári og hef ekki náð að
stunda sundið sem skyldi og
hef því að mestu einbeitt mér
að hjólreiðunum í sumar. Tím-
inn í sumar á hjólinu kom mér
í raun ekki á óvart. Ég hef æft
vel undanfarið og þrátt fyr-
ir talsverðan vind á Íslands-
mótinu náði ég ágætis tíma. Ég
tel þó að ég eigi ennþá talsvert
inni.“
Róbert fer í aðgerð á öxl í
september og stefnir að því
að vera kominn á fulla ferð í
þríþrautina næsta sumar. „Þá
er gott að vera kominn með
góðan grunn á hjólinu. Hjól-
reiðarnar eru góð og holl
hreyfing og skemmtileg úti-
vera. Hjólið fer vel með skrokk-
inn miðað við ýmislegt annað
sport og er eitthvað sem flest-
ir geta stundað. Hjólreiðarnar
hafa verið í vexti undanfarin ár
og þar er félagsskapurinn mjög
góður.“
Aðspurður segist hann ekki
góður í öllum íþróttum. „Ég er
mikill keppnismaður og því
hafa félagarnir gert í því að fá
mig í eitthvað sem ég er léleg-
ur í. Það sport sem ég er hvað
allra lélegastur í er keila. Það er
mér lífsins ómögulegt að vinna
félagana í keilu og sennilega er
varla til verri keiluspilari en ég
á landinu.“ indiana@dv.is
n Róbert Wessman er Íslandsmeistari karla 40–49 ára
„Ég er mikill keppnismaður og
því hafa félagarnir gert í því að
fá mig í eitthvað sem ég er lélegur í
Í formi Róbert er í fantaformi þrátt
fyrir að vera meiddur á öxl. Hann fer í
aðgerð í september og stefnir að því að
vera kominn á fulla ferð í þríþrautina
næsta sumar. MYNDIr Pétur Þór raGNarSSoN
„Allra léleg-
astur í keilu“
Ekki viss um annað Eurovision-ævintýri Greta Salóme fór strax í
ritgerðarsmíði þegar hún kom heim eftir keppnina. Hún segir frelsið sem felist í
því að semja lög án ramma keppninnar freistandi.
198 holur á
13 dögum
G
olfarinn Baldvin Vig-
fússon hefur lok-
ið við hringferð sína
um landið. Hann lék
hvorki meira né minna en
198 holur af golfi á 13 dög-
um. Baldvin lék á 21 golf-
velli umhverfis landið en
það gerði hann til að styrkja
Minningar-
sjóð Sissu.
Sjóðurinn
var stofn-
aður af Jó-
hannesi Kr.
Kristjáns-
syni frétta-
manni og
fjölskyldu í
nafni dóttur
Jóhannes-
ar, Sigrún-
ar Mjallar.
Sigrún lést
af völd-
um of stórs
skammts af
læknadópi
og hafa Jó-
hannes og
fjölskylda
barist
hetjulega í
málefnum hennar og ung-
linga í svipaðri aðstöðu.
Hægt var að fylgjast með
ferðalagi Baldvins á Face-
book-síðu hans en ferðalag-
ið kostaði hann sjálfur og
allur peningur sem safnaðist
fór beint í minningarsjóð-
inn. Á ferðalagi sínu fékk
Baldvin þrjá fugla, 31 par, 73
skolla og 91 tvöfaldan skolla
eða verra. Ennþá er hægt
að leggja málefninu lið með
því að fara inn á „21 hring-
ur“ á Facebook og finna þar
nánari upplýsingar.
Jóhannes Kr. hefur fjallað
opinskátt um málefni dóttur
sinnar en hann vinnur þessa
dagana að bók um lífshlaup
hennar.
asgeir@dv.is
Sissa og
Jóhannes
Jóhannes vinnur
að bók um líf
dóttur sinnar og
„hinn svarta heim“.
Engin gælu-
dýr eða börn
Ísdrottningin Ásdís Rán fagn-
aði 33 ára afmælinu sínu á
sunnudaginn. Ásdís var í
Búlgaríu á afmælisdaginn
en ekki er vitað hvað hún
gerði í tilefni dagsins. Fyr-
ir afmælið hafði hún þó sett
fram á Facebook-síðu sinni,
í góðlátlegu gríni, vinsam-
lega ábendingu til þeirra sem
hefðu í hyggju að gefa henni
gjafir eins og bíla, hús, bleik-
ar flugvélar og annað eins,
að tala við aðstoðarkonu sína
sem myndi vera yfir gjafa-
deildinni þennan daginn.
Hún tók svo fram að hún
vildi engin gæludýr eða börn.