Dagblaðið Vísir - DV - 27.08.2012, Blaðsíða 4

Í sigti sérstaks
en starfar enn
Hjartaaðgerðin gekk vel
n Litli drengurinn er kominn heim til Íslands
S
igurbjörn Árni Guðmundsson
er kominn heim frá Svíþjóð
þar sem hann fór í hjartaað­
gerð. Sigurbjörn Árni fæddist
á sjúkrahúsinu á Akureyri að kvöldi
þess 5. ágúst.
Á meðgöngu hafði komið í ljós
að á vinstra nýra væri útvíkkun sem
fylgst var með fram að fæðingu.
Þegar hann fæddist virtist hann
vera hraustur strákur og ákveðið var
að bíða til næsta dags með nánari
skoðun. Morguninn eftir uppgötvaði
móðir hans hins vegar að hann var
ekki með endaþarmsop og í kjölfar­
ið uppgötvaðist hjartagalli. Hann var
því svæfður og sendur með sjúkra­
flugi suður þar sem í ljós kom að
hjartagallinn var tvíþættur. Þá fór
hann í aðgerð þar sem settur var upp
stómapoki. Hann var síðan sendur
til Lundar í Svíþjóð þar sem gerð var
aðgerð á hjarta.
Síðastliðinn föstudag kom Sigur­
björn Árni svo aftur heim til Íslands
með foreldrum sínum og á Styrktar­
síðu fyrir dreng Guðmundsson seg­
ir að öllum heilsist rosalega vel, Sig­
urbjörn sé hinn hressasti. Í færslu frá
því á þriðjudaginn, kemur fram að
þá hafi hann fengið að fara í fangið
á mömmu í stutta stund og það hafi
verið dásamlegt. „Við vildum ekki
sleppa hvort öðru aftur en nú bíður
pabbinn eftir að fá hann í sitt fang en
það verður vonandi á morgun.“
Fyrir áttu foreldrar Sigurbjörns
Árna, þau Guðmundur Már Einars­
son og Helga Sigurveig Kristjáns­
dóttir, tvo drengi og þar sem vinir og
vandamenn óttuðust að veikindum
hans myndi fylgja mikill kostnaður
settu þeir upp styrktarreikning fyr­
ir fjölskylduna. Þeir sem vilja leggja
fjölskyldunni lið geta einnig lagt
inn á styrktarreikninginn, 062–26–
002838. Kennitalan er 240466–3339.
4 Fréttir 27. ágúst 2012 Mánudagur
Sími 412 2500 - sala@murbudin.is - www.murbudin.is
– Afslátt eða gott verð?
Mikið úrval
frábært verð!
Kletthálsi Reykjavík
Reykjanesbæ
Akureyri
Húsavík
Vestmannaeyjum
Verðdæmi 125 mm hjól f / 90 kg
550,-
vrnr: J71125

E
lmar Svavarsson er til rann­
sóknar hjá embætti sérstaks
saksóknara, en starfar sem
forstöðumaður verðbréfa­
miðlunar hjá Íslandsbanka.
Þetta er á skjön við þær verklags­
reglur sem bankinn segist temja sér.
Elmar hóf störf hjá Glitni árið 2004
og starfaði eftir hrun hjá Íslands­
banka. Sérstakur saksóknari fór fram
á gæsluvarðhald yfir Elmari í nóvem­
ber í fyrra og var hann þá sendur í
leyfi, þar sem staða hans var enn að
skýrast.
Héraðsdómur varð ekki við gæslu­
varðhaldskröfunni. Nú er Elmar aftur
tekinn til starfa, þrátt fyrir að botn sé
ekki kominn í málið. Hann var sam­
kvæmt heimildum DV einn um­
svifamesti verðbréfamiðlari Glitn­
is. Bankinn segir að verklagsreglum
hafi verið fylgt í hvívetna. Ekki náðist
í Elmar við vinnslu fréttarinnar.
Lánuðu til kaupa á eigin bréfum
Málið sem Elmar er talinn vera við­
riðinn hefur ekki enn verið leitt til
lykta fyrir dómstólum. Rannsókn sér­
staks saksóknara miðast að nokkrum
liðum þar sem lög eru talin hafa ver­
ið brotin. Þar er meðal annars kom­
ið að Stím­málinu svokallaða, sem
DV hefur áður fjallað um. Stím var
einkahlutafélag í eigu ýmissa fjár­
festa sem keypti hlutabréf í Glitni og
FL Group fyrir um 25 milljarða króna
í nóvember 2007, þar af voru tæpir
20 fengnir að láni frá Glitni. Grunur
leikur á að Elmar hafi haft aðkomu
að því máli sem einn umsvifamesti
verðbréfamiðlari bankans.
Rassía á meðal Glitnismanna
Í nóvember fór fram rassía hjá sér­
stökum saksóknara þar sem Glitn­
ismenn voru yfirheyrðir. Í kjölfarið
birti saksóknari tilkynningu í fjórum
liðum þar sem bankinn var grunaður
um lögbrot. Í fyrsta liðnum er talað
um að grunur sé um að Glitnir hafi
stundað kerfisbundna markaðsmis­
notkun, með því að versla ólöglega
með hlutabréf í bankanum sjálfum.
Í öðrum lið var fjallað um lán­
veitingar Glitnis til ýmissa félaga,
sem veitt voru til þess að kaupa
hlutabréf í bankanum sjálfum. Með­
al þessara félaga er Stím. Upphaf­
legur höfuðstóll nefndra lánveitinga
er sagður nema samtals 37 milljörð­
um. Í þriðja liðnum er fjallað um
framvirka samninga Glitnis í hluta­
bréfum bankans og er eitthvað talið
saknæmt þar. Rannsókn sérstaks
saksóknara og ástæðan fyrir því að
farið var fram á gæsluvarðhald yfir
Elmari tengist að öllum líkindum
þessum atriðum.
Saklaus uns sekt er sönnuð
Þegar DV sendi fyrirspurn til Birnu
Einarsdóttur, bankastjóra Íslands­
banka, var vísað á upplýsingafull­
trúa bankans. Þar fengust þau svör
að í máli Elmars hafi verklagsregl­
um bankans verið fylgt í hvívetna.
Allir þeir starfsmenn sem hafi feng­
ið réttarstöðu grunaðs hjá sérstök­
um saksóknara hafi farið í leyfi á
meðan málin voru að skýrast. Þá
segir í svari bankans að leitað hafi
verið til sjálfstætt starfandi lög­
manns til þess að fara yfir meint
sakarefni og ætlaðan þátt starfs­
manna til ráðgjafar.
Einnig er ymprað á þeirri réttar­
farsreglu að menn séu saklaus­
ir uns sekt sannast. „Eins og gef­
ur að skilja getur bankinn ekki tjáð
sig opinberlega um stöðu einstakra
starfsmanna. Hins vegar hefur það
komið fram opinberlega að í dóms­
úrskurði vegna gæsluvarðhalds­
kröfu umrædds starfsmanns kom
fram að ekki væru taldar liggja sann­
anir fyrir því að hann hefði átt þátt
í þeim brotum sem til rannsóknar
eru. Dómari féllst því ekki á gæslu­
varðhaldskröfu embættis sérstaks
saksóknara í umræddu máli. Rétt
er að hafa í huga þá réttarfarsreglu
að einstaklingar eru saklausir þar til
sekt þeirra er sönnuð.“
Fékk stöðuhækkun
Við hrunið hætti Ingi Rafnar Jónsson,
yfirmaður Elmars, hjá bankanum.
Ingi Rafnar var hnepptur í vikulangt
gæsluvarðhald í nóvember, að kröfu
sérstaks saksóknara. Einnig var far­
ið fram á gæsluvarðhald yfir Elmari
en dómurinn varð ekki við því. Þegar
Íslandsbanki var stofnaður fékk El­
mar stöðuhækkun og var gerður að
forstöðumanni verðbréfamiðlunar
bankans. Hann þénar nú 1,5 millj­
ónir króna á mánuði samkvæmt
tekjublaði Frjálsar verslunar. Bæði
Elmar og Ingi Rafnar eru til rann­
sóknar hjá sérstökum saksóknara en
þar er verið að rannsaka 15–20 mál
tengd Glitni. Ingi Rafnar starfar nú
hjá MP­banka. n
n Er forstöðumaður hjá Íslandsbanka n Bankinn segist hafa farið að reglum
Símon Örn Reynisson
blaðamaður skrifar simon@dv.is
Enn hjá Íslandsbanka Elmar Svavarsson var einn umsvifamesti verðbréfamiðlarinn hjá Glitni. Mál sem hann er tengdur er enn til rann-
sóknar hjá sérstökum saksóknara en hann starfar samt hjá Íslandsbanka. Mynd PRESSPhotoS.biz
„Einstaklingar eru
saklausir þar til
sekt þeirra er sönnuð
haustið nálgast óðfluga:
Áfram svalt
á landinu
Veðurstofa Íslands gerir ráð fyrir
því að áfram verði nokkuð svalt í
veðri á landinu. Í dag, mánudag,
gerir Veðurstofan ráð fyrir því að
hitinn verði á bilinu 5–15 stig, hlýj­
ast suðvestanlands en líkur séu á
næturfrosti í innsveitum aðfara­
nótt þriðjudags. Á þriðjudag verð­
ur rigning fyrir norðan og austan
en annars bjartviðri. Hiti verður
á bilinu 4–13 stig, hlýjast sunn­
anlands. Á miðvikudag verða skúr­
ir fyrir norðan en bjartviðri syðra.
Hiti verður 3–11 stig, hlýjast sunn­
anlands. Á fimmtudag gerir Veður­
stofan ráð fyrir hlýnandi veðri en
á föstudag verði rigning í flestum
landshlutum. Ítarlegri veðurspá
má lesa á baksíðu DV í dag.
nýfæddur á spítalanum Á sinni stuttu
ævi hefur hann farið í stómaaðgerð og
hjartaaðgerð í Svíþjóð.
Blóðslettur
á bílunum
Skemmdarverk voru unnin á bíl­
um starfsmanna og gesta við
skemmtistaðinn Gamla Kaupfé­
lagið við Kirkjubraut á Akranesi
um helgina. Héraðsfréttamiðill­
inn Skessuhorn greindi frá þessu
á sunnudag en atvikið átti sér stað
aðfaranótt sunnudags, líklega á
tímabilinu frá klukkan 3 til 3:45.
„Ef einhver hefur séð eða hefur
upplýsingar um málið má sá hinn
sami endilega hafa samband við
lögregluna á Akranesi. Mjög lík­
legt er að sá sem var að verki hafi
verið skorinn á höndum þar sem
blóðslettur voru á öllum bílunum
sem skemmdir voru,“ segir í til­
kynningu frá Gamla kaupfélaginu
sem Skessuhorn vitnar til.