Dagblaðið Vísir - DV - 27.08.2012, Blaðsíða 20

Heitustu áfanga-
staðir ársins 2012
20 Lífsstíll 27. ágúst 2012 Mánudagur
n Panama og Myanmar á lista yfir staði sem vert er að heimsækja ekki seinna en strax
Viltu komast út í heim?
Eftirfarandi leitarsíður geta reynst gagn-
legar þegar verið er að skipuleggja fríið.
n Dohop.is
n is.hotels.com
n booking.com
n hrs.com
n cheaphotels.com
n travelzoo.com
n cheapholidays.com
n booking.buddy.com
n thewire.com
n expedia.com
n travel-ticker.com
n kayak.com
n edreams.com
Tékkaðu líka á þessu
Aðrir áhugaverðir áfangastaðir á árinu
að mati The New York Times eru meðal
annars London, Oakland í Kaliforníu,
Tókýó, Tansanía, Lhasa í Tíbet, Havana á
Kúbu, Moskva, Glasgow, Puebla í Mexíkó,
San Diego, Halong Bay í Víetnam, Flórens
á Ítalíu og St. Vincent.
Hvert? Panama
Af hverju? Fyrir skipaskurðinn, gamla
bæinn og strendurnar. Þrettán ár eru
síðan Panama öðlaðist aftur forræði yfir
skipaskurðinum sem er lífæð landsins og
efnahagur landsins blómstrar. Skýjakljúfar
rísa og aðkomumenn flykkjast að, meðal
annars amerískir fjárfestar sem reisa hótel
og koma sér upp villum fyrir síðustu æviárin.
Þarna opnaði til dæmis fyrsta Waldorf
Astoria-hótelið í Rómönsku-Ameríku í
sumar. Fyrir ári síðan var lokið við hæstu
byggingu borgarinnar, Trump Ocean Club
og í byrjun næsta árs á að opna nátt-
úrufræðisafnið BioMuseo sem Frank Gehry
hannaði. Jafnvel gamli bærinn sem hefur
verið í mikilli niðurníðslu hefur tekið stakka-
skiptum. Hverfið komst á lista Unesco
World Heritage árið 1997 fyrir þröngar götur,
aldagömul hús og nýklassískar byggingar
nýlenduríkja. Nú er þar trendí-listamanna-
hverfi með galleríum, kaffihúsum og
götulistamönnum auk þess sem sumir af
flottustu veitingastöðum og verslunum
borgarinnar er þar að finna.
Aðalástæðan fyrir því að nú er rétti tíminn
til þess að fara þangað er hins vegar sú
að skipaskurðurinn sögufrægi á að taka
miklum breytingum á næstu árum. Til
stendur að breikka hann og dýpka þannig
að hægt verði að tvöfalda umferðina um
skurðinn. Stefnt er á að ljúka verkefninu árið
2014 þegar hundrað ár eru liðin frá því að
skurðurinn var opnaður.
Þá er einnig vert að hafa í huga að
töluverðar líkur eru á því að ferðamönn-
um muni fjölga talsvert á næstu árum.
Enn sem komið er eru þeir hins vegar ekki
mjög margir sem leggja leið sína út fyrir
höfuðborgina. Þar er hins vegar að finna
einstaka náttúru, um þriðjungur landsins
er verndaður og fjórtán þjóðgarðar eru
í landinu, auk regnskóga og villtra dýra.
Þá eru fjölmargar litlar eyjur við Panama,
einstakar strendur og kristaltær sjór. Ekki
skemmir fyrir að á ákveðnum svæðum búa
frumbyggjar sem lifa með menningararfi
sínum nánast ósnertum.
Hvenær? Aðalferðamannatíminn er frá
miðjum desember og fram í miðjan apríl.
Hvert? Helskinki
Af hverju? Fyrir hönnunina og Steinunni
Sigurðardóttur. Helsinki er á lista Lonely
Planet yfir tíu vanmetnustu staði heimsins.
Borgin er lítil, sjarmerandi, snyrtileg
og notaleg. Þar er að finna glæsilegar
byggingar í art nouveau-stíl og veitinga-
staði frá 1930 og víða gætir rússneskra
áhrifa.
Borgin var útnefnd Heimsborg hönnunar
árið 2012, meðal annars vegna þess hve
vel hefur tekist til við að nota hönnun til
að bæta líf borgarbúa. Hönnun hefur lengi
verið aðalsmerki Finna, þaðan komu Alvar
Aalto og Múmínálfarnir. Þaðan eru líka
merki eins og Iittala, Marimekko og Artek.
Nú er búið að skapa hverfi sem nær utan um
25 götur og 200 verslanir sem leggja áherslu
á hönnun, óháð því hvort um er að ræða
húsgögn eða húsbúnað, fatnað eða aðrar
tískuvörur.
Út árið verða reglulegir viðburðir tengdir
hönnun, í haust er hönnunarvikan á dagskrá
sem og markaður þar sem unnið er með
samspil fæðu og hönnunar. Þá er einnig
vert að geta þess að Steinunn Sigurðar-
dóttir tekur þátt í samsýningu með
öðrum hönnuðum sem hafa fengið Nordic
Torsten and Wanja Söderberg-verðlaunin,
þeim Harri Koskinen, Henrik Vibskov og
hönnunarteymin Norway Says og Front. Sú
sýning stendur fram í miðjan september.
Matgæðingar geta líka notið þess að borða
á Michelin-stjörnustaðnum Olo, sem hefur
meðal annars verið á lista yfir 50 bestu
veitingastaði í heimi og útnefndur besti
veitingastaður í Finnlandi. Tónlistarunn-
endur geta líka notið þess að fyrr á árinu var
nýtt tónlistarhús tekið í notkun.
Hvenær? Eins og á flestum Norðurlöndum
er sumarið tíminn. Það getur hins vegar
verið mjög gaman að fara þangað í haust
þótt það sé kannski farið að kólna aðeins.
En þá er betra að fara fyrr en seinna. Þótt
Helsinki sé afar falleg snævi þakin þá getur
orðið ansi kalt þar.
Hvert? Myanmar
Af hverju? Fyrir óspillta menningu, nátt-
úrufegurð og hof. Myanmar er víðfeðmast
allra ríkja á meginlandi Suð-Austur Asíu en
þriðjungur landsins er fjalllendi. Þar búa í
það minnsta 135 þjóðarbrot, en hingað til
hefur landið verið lokað fyrir ferðamönnum.
Það kostaði mikla fyrirhöfn og fjármuni að
komast þangað og langt í frá auðsótt að fá
leyfi. Vegna þessarar einangrunar er landið
enn óspillt af áhrifum ferðamanna og heima-
menn taka vel á móti gestum.
Á síðustu árum hefur þjóðin hins vegar geng-
ið í gegnum miklar breytingar og árið 2010
fóru fram í landinu fyrstu frjálsu kosningarnar.
Á sama tíma var frelsishetjunni og nóbels-
verðlaunahafanum Aung San Suu Kyi sleppt
eftir að hafa verið fimmtán ár í stofufangelsi.
Fyrr á þessu ári var hún síðan kjörin á þing. Um
leið er landið að opnast fyrir ferðamönnum en
áhugaverðir áfangastaðir eru fjölmargir.
Höfuðborgin Yangon er ljúf og þægileg,
minnir á anda nýlendutímans og státar
höfuðhofi landsins,
hinu gullna
Shwedagon-must-
eri. Mandalay var
höfuðborg hins
síðasta forneldis
Búrmamanna
og samkvæmt
ferðaskrifstof-
unni Oriental er
Inle-vatn einn
sérstæðasti staður
í Suð-Austur Asíu
þar sem fljótandi
híasintugarðar, þorp á stultum
og sérstæðir Intha-fiskimenn heilla. Þá er
Bagan oft talin með mestu undrum veraldar
en þar eru óteljandi hof en búddatrú er
langalgengust í landinu. Á Ngapali-ströndini
er sjórinn kristaltær og þar er að finna
dásemdar spa, Amara Ocean Resort.
Hvenær? Besti tíminn til að fara til Myan-
mar er frá nóvember og fram í febrúar.
1 Blómstrandi höfuðborg og einstök náttúra
2 Hönnunarveisla út árið
3 Eins og að fara aftur í tímann