Dagblaðið Vísir - DV - 27.08.2012, Blaðsíða 26

V
ið ákváðum að halda
þetta í Gamla bíói fyr-
ir þá sem eru ekki að
fíla skemmtistaði og
böll. Þeir sem mættu
á tónleikana „back in the days“
eru nefnilega margir orðn-
ir ráðsettir í dag,“ segir Gunn-
ar Bjarni Ragnarsson tónlist-
armaður og meðlimur hinnar
goðsagnarkenndu Jet Black Joe
en sveitin mun halda 20 ára af-
mælistónleika þann 31. ágúst.
Gunnar Bjarni segir af og
frá að félagarnir í sveitinni
séu orðnir ráðsettir. „Það fer
ekki saman að vera sett legur
og vinna í tónlist. Engu að
síður hefur margt breyst. Við
Palli bjuggum til að mynda
hjá ömmum okkar á sínum
tíma sem gerði okkur kleift
að stunda tónlist. Við höfð-
um ekki efni á að leigja. Í dag á
maður sitt hús og land og hef-
ur það fínt. En maður myndi
seint teljast borgaralegur. Það
passar mér ekki að vinna frá
níu til fimm. Tónlistarvinnan
fer fram á hinum ýmsu tímum
og frelsið er nauðsynlegt. Það
er samt langlífur misskilningur
að músík sé ekki vinna.“
Ýmislegt hefur drifið á daga
Gunnars síðan Jet Black Joe
lagði upp laupana. Þar á meðal
dvöl í New York þar sem hann
elti drauma um frægð og frama.
„Ég var í hjarta tónlistariðnað-
arins, Manhattan, og gerði tvo
plötusamninga og átti í sam-
skiptum við þungavigtarmenn
á borð við Ron Saint Germa-
in,“ segir hann en Germain
þessi hefur unnið með stór-
stjörnum á borð við Sonic
Youth, Muse, Michael Jackson
og Red Hot Chili Peppers. Að-
spurður segist hann ekki viss
um hvort hann eigi sér enn-
þá rokkstjörnudrauma. „Þetta
er harður heimur. Fyrir mér
snýst þetta ekki um að meika
það heldur að gera tónlist sem
er skapandi. En ég er ekkert af
baki dottinn ennþá.“
Þegar er orðið uppselt á af-
mælistónleikana og öðrum
tónleikum verið bætt við sama
kvöld. Gunnar Bjarni segist
búast við fjölbreyttum áhorf-
endaskara. „Við höfum komið
saman endrum og sinnum og
þá spilað fyrir allskonar fólk.
Þessi tónlist lifir tíðarandann
af og það er það sem heldur
okkur gangandi.“
Gunnar Bjarni er barn-
laus en á föstu. Hann segir
kærustuna ekki eina af þeim
sem hafi mætt á alla tónleika
sveitarinnar á sínum tíma
enda sé kærastan aðeins 23
ára. „Hún hefur samt séð okk-
ur á sviði,“ segir Gunnar sem
hefur komið sér vel fyrir úti í
sveit fyrir utan höfuðborgina
þar sem hann er meðal annars
með sitt eigið stúdíó. „Þetta
er langþráður draumur. Ég
er alinn upp í útjaðri Hafnar-
fjarðar og kann vel við að geta
sótt í náttúruna út í garð. Ég
hef verið með bréfdúfur og
ætla að byrja aftur í því sporti
næsta sumar. Bréfdúfur eru
stórmerkileg dýr og því fylgir
ræktun og allskonar vísindi.
Svo eru það þessi persónu-
legu tengsl við dýrin sem mað-
ur getur ekki útskýrt frekar en
margt annað í þessum heimi.“
indiana@dv.is
26 Fólk 27. ágúst 2012 Mánudagur
Stelpur flottari á skautum
n Æfingar Roller Derby hafnar aftur eftir sumarfrí
Á
huginn hefur aukist
mikið. Sérstaklega eft-
ir Gay-Pride og Menn-
ingarnótt en þá skaut-
uðum við um miðbæinn og
dreifðum miðum,“ segir Sig-
ríður Aðils Magnúsdóttir
formaður Roller Derby á Ís-
landi en stelpurnar í liðinu
eru byrjaðar að æfa aftur eft-
ir sumarfrí.
Að sögn Sigríðar eru all-
ar konur 18 ára og eldri vel-
komnar á æfingarnar sem
fram fara á þriðjudögum
og fimmtudögum í Go-Kart
Höllinni milli átta og tíu á
kvöldin. „Það eru allir vel-
komnir á æfingar, karlmenn
líka. Nú þegar eru tveir karl-
menn sem æfa með okkur og
stefna að því að verða dóm-
arar. Þeir stefna einnig að því
að stofna karlalið eins fljótt
og kostur er og hvetjum við
því einnig karlmenn til að
koma og prófa,“ segir hún og
bætir við að ekki sé gerð krafa
um skautakunnáttu eða lík-
amlegt atgervi. „Ég hafði
til að mynda aldrei stigið á
skauta þegar ég byrjaði og er
orðin alveg ágæt núna. Fé-
lagsskapurinn í þessu er líka
svo rosalega skemmtilegur.
Við urðum fljótt mjög nán-
ar og hittumst reglulega fyr-
ir utan æfingar. Maður hefur
eignast margar góðar vin-
konur í gegnum íþróttina.“
Sigríður bendir áhuga-
sömum að kíkja inn á fés-
bókarsíðu liðsins, RollerDer-
byIceland. „Nú þegar erum
við rétt í kringum 20. Til þess
að komast í lið þarf maður að
ná ákveðinni grunnhæfni á
skautum sem er metin með
skautaprófi og er nú verið að
vinna að því.  Jafnframt eru
tvær okkar staddar erlend-
is þessa dagana þar sem þær
fylgjast með leikjum, æfa
með öðrum liðum, mynda
tengingar og fá reynslu og
ráð frá reyndari spilurum.
Eins reynum við að fá er-
lenda gestaþjálfara til okk-
ar einu sinni á ári til að taka
okkur aðeins í gegn. Þetta
sport er alltaf að verða stærra
og stærra á alþjóðavísu og
einhverra hluta vegna er
áhuginn meiri hjá konum og
felst skýringin sjálfsagt í því
að við höfum þurft að berj-
ast mikið fyrir því að vera til
í þessum íþróttaheimi karla
en í Roller Derby þurfum við
þess ekki, svo tökum okkur
betur út á skautunum. Við
erum miklu flottari!“
indiana@dv.is
Fyrsta barnið
á leiðinni
Fréttamaðurinn knái Andri
Ólafsson á Stöð 2 á von á
sínu fyrsta barni. Andri og
kærastan hans, Bryndís Sig-
urðardóttir, eiga von á erfingja
í lok janúar og samkvæmt
heimildum DV ríkir mikil
gleði og eftirvænting í loftinu.
Andri og kærastan hafa síð-
ustu daga dvalið á Spáni þar
sem þau hafa meðal annars
skellt sér á knattspyrnuleiki
og sleikt sólina.
Brúðkaupið
stóð yfir
í 3 daga
Gestir Rokklands síðastliðinn
sunnudag voru þær Eivør
Pálsdóttir sem nýlega sendi
frá sér plötuna Room og Patti
Smith sem var á Íslandi í vik-
unni og tók lagið með Russel
Crowe á Bar 11 og Kex Hostel
á Menningarnótt.
Eivør sagði frá nýju plöt-
unni sinni og ræddi í einlægni
um ástina. Eivør er nýgift og
sagði frá því að brúðkaup-
ið sem hún hélt í sumar hafi
staðið yfir í þrjá daga. Hún
giftist kærastanum, Þrándi í
Færeyjum, í Götu þann 14.
júlí síðastliðinn og tónleika-
hald í sumar hefur því verið
með minna móti.
Patti sagði frá hversu
ánægð hún hafi verið með
heimsóknina, talaði um
Reykjavík og yndislegar
hestaferðir sem næra and-
ann.
Fjör Sigríður Aðils er for-
maður Roller Derby á Íslandi
en að hennar sögn er þetta
sport alltaf að verða stærra
og stærra á alþjóðavísu.
Beikon í
borginni
Mikið fjölmenni var á beikon-
hátíð í miðborginni sem
haldin var á Skólavörðustígn-
um þar sem boðið var upp á
beikon og með því. Hátíðin
var haldin í kjölfar Alþjóðlegr-
ar beikonráðstefnu í Höfða
í Borgartúni. Beikonhátíð-
in stóð til kl. 19 um kvöldið á
veitingastaðnum Kex hostel
á Skúlagötu þar sem boð-
ið var upp á ennþá meira
beikon og lifandi tónlist. Sig-
urður Kári Kristjánsson, Gísli
Marteinn Baldursson, Kol-
brún Halldórsdóttir og Rúnar
Freyr Gíslason gæddu sér öll
á beikoni, íslensku öli, hlust-
uðu á lifandi tónlist og ræddu
um ... já, beikon.
Upplifir
drauminn
í sveitinni
„Fyrir mér snýst
þetta ekki um
að meika það heldur
að gera tónlist sem er
skapandi.
n 20 ára afmæli Jet Black Joe n Nýtur lífsins uppi í sveit með eigið stúdíó
Stórafmæli Búið er að bæta við öðrum tónleikum þar sem það seldist
upp á þá fyrri. Gunnar Bjarni býst við fjölbreyttum áhorfendaskara.
Sáttur í sveitinni Gunnar
Bjarni hefur búið í hjarta tón-
listariðnaðarins, Manhattan,
og gert tvo plötusamninga við
stór útgáfufyrirtæki. Í dag er
hann alsáttur í sveitinni.