Dagblaðið Vísir - DV - 27.08.2012, Blaðsíða 22
Sinfó leikur tónlist Disney
n Í Eldborgarsal Hörpu 27–29. september
S
infóníuhljómsveit Íslands, í
samvinnu við Eddu útgáfu og
Disneyklúbbinn, hefur náð
samningum við Disney Music
World Wide, um tónleikana Töfra-
veröld Disney, sem haldnir verða í
Eldborgarsal Hörpu dagana 27. til
29. september. Um er að ræða fjöl-
skyldutónleika þar sem tónleikagest-
ir geta hlýtt á allar helstu tónlistar-
perlur Disney-ævintýranna en þær
hafa verið ófáar í gegnum tíðina.
Fluttar verða bæði syrpur og lög í
heild sinni en brot úr Disney-mynd-
unum verða sýnd á skjá með hverju
lagi. Þá munu söngvarar eins og Stef-
án Hilmarsson, Felix Bergsson og
Valgerður Guðnadóttir syngja þar
sem það á við.
Sambærilegir tónleikar hafa ver-
ið haldnir víðar. Til dæmis í Dan-
mörku í fyrra þar
sem 22.000 manns
hlýddu á Disney-
lögin undir berum
himni. Það hef-
ur færst í aukana
undanfarin ár að
sinfóníuhljóm-
sveitir um allan
heim taki popp-
lög eða jafnvel
kvikmynda- eða
tölvuleikjatónlist
upp á sína arma
og hafa slíkir tón-
leikar ávallt notið
vinsælda hjá almenningi.
Verkefnið hefur verið tæp þrjú ár
í undirbúningi enda um stóra upp-
færslu að ræða en Ísland er næst í
röðinni af Norðurlöndunum, á eftir
Dönum, til að setja upp verk af þess-
um toga. Sem fyrr sagði hafa mörg
ógleymanleg lög komið fram í Disn-
ey-myndum og hafa ófá þeirra hlotið
Óskarsverðlaunin að launum.
Hljómsveitarstjóri tónleikanna
verður David Danzmayer og kynnir
Felix Bergsson.
22 Menning 27. ágúst 2012 Mánudagur
Opnun
í Ketilhúsi
Miðvikudaginn 29. ágúst klukkan
15 opnar sýningin Arsborealis –
Mannlíf og menning Norðurslóða
í Sjónlistamiðstöðinni – Ketilhúsi.
Sýningin er liður í hátíðarhöldum
vegna 150 ára afmælis Akureyrar-
bæjar. Á sýningunni eru munir og
efni frá Grænlandi, Íslandi, Fær-
eyjum, Noregi og norðvesturhér-
uðum Kanada. Björn G. Björnsson
hannaði sýninguna, Aðalsteinn
Ingólfsson var listrænn ráðu-
nautur en verkefnisstjóri er Reynir
Adólfsson. Sýningin stendur til 7.
október.
Jarðfræði-
ganga í Viðey
Hreggviður Norðdahl jarðfræðing-
ur mun leiða gesti í jarðfræði-
göngu um Viðey á þriðjudag. Í
Viðey er elsta berg borgarlands-
ins að finna og víða í eyjunni sjást
stórbrotnar bergmyndanir, meðal
annars fallegt stuðlaberg. Gangan
stendur frá 19:15 til 22:00. Ókeyp-
is er í gönguna en gjald í ferjuna
fram og til baka er 1.000 krónur
fyrir fullorðna, 500 krónur fyrir
börn á aldrinum 7–15 ára í fylgd
fullorðinna og frítt fyrir 6 ára og
yngri. Handhafar Menningarkorts
Reykjavíkur fá 10 prósenta afslátt í
Viðeyjarferjuna og í Viðeyjarstofu.
18 íslensk verk
Borgarleikhúsið kynnti fyrir helgi
komandi leikár en á því verða
sýnd 26 leikverk og eru 18 þeirra
íslensk. Í fréttatilkynningu frá leik-
húsinu segir að aðsóknin undan-
farin ár hafi aukist jafnt og þétt og
hafi aldrei verið meiri í sögu ís-
lenskra leikhúsa. Því sé leikárið nú
það viðamesta í sögu leikhússins.
Á meðal verka sem verða sýnd
á stóra sviðinu má nefna Mary
Poppins, Bastarðar, Mýs og menn,
Gulleyjan, Á sama tíma að ári og
BLAM! En uppsetning Borgarleik-
hússins á Mary Poppins verður sú
stærsta sem leikhúsið hefur ráðist
í til þessa.
Felix Bergsson Kynnir og
syngur á tónleikunum.
Lion King Lögin
úr myndinni munu
fá að hljóma.
E
inn af hápunktum Jazzhátíð-
ar Reykjavíkur voru tónleik-
ar Jack Magnet-kvintettsins
sem fram fóru í Silfurbergi í
Hörpu. Salurinn var þéttset-
inn, enda stórtíðindi í íslensku tón-
listarlífi að Jakob Frímann Magnús-
son kæmi fram undir merkjum Jack
Magnet. Frá því platan Horft í roðann
kom út árið 1976 hefur Jakob Frí-
mann gefið út 6 djassskotnar plötur,
m.a. undir merkjum útgáfurisans
Warner Brothers í Los Angeles.
Fyrir hlé leiddu saman hesta sína
gítarleikararnir Paul Brown og Frið-
rik Karlsson ásamt hljómsveitinni
Moses Hightower og Pétri Grétars-
syni á slagverk. Víða var komið við
á djasslendum tónlistarinnar, allt frá
Grover Washington Jr. og Van Morri-
son yfir í Amazing Grace. Það var
hrein unun að hlusta á þessa miklu
gítarsnillinga leika við hvern sinn
fingur í spunanum í sjóðheitu sam-
spili við Moses Hightower.
Dramatískt og dásamlegt
Eftir hlé var komið að stóru stund-
inni. Jack Magnet sjálfur opnaði
settið með tregafullum píanóleik
og söng með fulltingi Jazz Magnet-
kórsins – dramatískt og dásamlegt!
Því næst gengu á svið úrvalslið ís-
lenskra tónlistarmanna – trymbill-
inn Einar Scheving, gítarleikarinn
Guðmundur Pétursson, bassaleik-
arinn Róbert Þórhallsson og Jóel
Pálsson á tenórsaxófón. Ásamt
þeim lék Pétur Grétarsson á slag-
verk. Talið var í Madagascar og allt
gefið í botn.
Í fantaformi
Í laginu Bop Along sem kom út á
plötunni Special Treatment kall-
aði Jakob Frímann velgjörðarmann
sinn og vin frá árunum í Los Ang-
eles – Paul Brown – upp á svið. Það
var gaman að sjá þennan þekkta út-
setjara og upptökustjóra frá borg
englanna og Grammy-verðlauna-
hafa leika með Jakobi Frímanni og
félögum.
Tónleikar Jack Magnet-kvint-
ettsins voru hreint út sagt magn-
aðir. Fjúsjónfrumherjinn Jakob
Frímann fór á kostum á hljóm-
borðinu og var í fantaformi. Með-
reiðarsveinar hans voru þéttir og
skiluðu sínu með glans. Það er
vonandi að Jakob Frímann blási
aftur til sóknar í tónleikahaldi og
útgáfu á nýju efni undir merkjum
Jack Magnet. n
Magnaður
Jakob Frímann
Jack Magnet Frá því platan Horft í
roðann kom út árið 1976 hefur Jakob
Frímann gefið út 6 djassskotnar plötur,
m.a. undir merkjum útgáfurisans
Warner Brothers í Los Angeles.
MynD BEnt Marinósson/BEnzo.is
Skapti Örn Ólafsson
skaptiorn@gmail.com
Tónleikar
Jack Magnet
Fram komu: Jack Magnet-kvintett, Jazz
Magnet-kórinn, Paul Brown, Friðrik Karlsson,
Moses Hightower og Pétur Grétarsson.
Silfurbergi í Hörpu, laugardaginn 25. ágúst kl. 20
„Jakob
Frímann
fór á kostum
á hljómborðinu