Dagblaðið Vísir - DV - 05.10.2012, Blaðsíða 14
14 Fréttir 5.–7. október 2012 Helgarblað
É
g er bara að reyna að gera hvað
ég get til að hjálpa vini mín-
um,“ segir tónlistarmaðurinn
Alan Jones í samtali við DV en
vinur hans og samstarfs félagi
missti eiginkonu sína í sviplegu
dauðsfalli síðastliðinn föstudag.
Alan skipuleggur nú styrktar-
tónleika sem haldnir verða í Spot í
Kópavogi, næstkomandi miðviku-
dag, en Blaz Roca, Bjartmar Guð-
laugsson og Alan Jones sjálfur eru
á meðal þeirra tónlistarmanna sem
munu troða þar upp. „Þau voru mjög
ástfangin,“ segir Alan.
Kom að mömmu í baðkarinu
Hin pólsku Andrzej and Anna
Chmiel ewski komu hingað til lands
ásamt þriggja ára dóttur sinni í
febrúar og settust að í Reykjavík.
Alan kynntist þeim í gegnum starf
sitt á veitingastað hér í miðborginni
en þar höfðu hin ungu hjón einnig
fengið starf.
Alan lýsir því hvernig allt lék
í lyndi hjá þessari litlu fjölskyldu
þar til fyrir viku síðan þegar hin 25
ára Anna Chmielewski fékk flog í
baðkarinu heima hjá sér. „Dóttir
hennar kom að henni í baðkarinu og
hringdi strax í pabba sinn, en þegar
hann kom var allt um seinan, hún
hafði drukknað í baðkarinu.“ Hann
segir hræðilegt til þess að hugsa að
dóttir hennar hafi þurft að verða
vitni að svo hörmulegum atburði.
„Hún er bara þriggja ára og þurfti að
sjá mömmu sína svona.“
Vilja jarðarför í Póllandi
Alan var að vonum mjög brugðið
þegar hann heyrði af þessu sviplega
dauðsfalli frá vini sínum Andrzej.
„Ég fór bara strax að hugsa hvort
það væri eitthvað sem ég gæti gert
til að hjálpa, og þar sem ég er tón-
listarmaður þá lá þetta beint við,“
segir hann. Eins og gefur að skilja
vill Andrzej koma jarðneskum leif-
um eiginkonu sinnar til Póllands svo
hægt verði að jarðsetja að viðstaddri
fjölskyldu og ættingjum.
Vandinn er hins vegar sá, segir
Alan, að slíkir flutningar geta verið
kostnaðarsamir og hvorki hann né
fjölskyldan heima hafa efni á því að
reiða fram háar fjárhæðir. „Þess vegna
leitum við eftir stuðningi frá almenn-
ingi en það mun kosta 1.000 krón-
ur á tónleikana og allur ágóði rennur
beint í það verkefni að koma þeim til
Póllands.“ Markmiðið er að safna um
800 þúsund krónum en að sögn Alans
ætti það að duga svo að hægt verði að
halda jarðarförina þar í landi.
Fjöldi tónlistarfólks
Alan Jones, sem gerði garðinn frægan
í sjónvarpsþættinum X Factor á Stöð
2 á sínum tíma, segist þakklátur öll-
um þeim sem taki þátt í verkefninu.
„Ég hafði fyrst samband við vini sem
ég þekki í tónlistarheiminum og þeir
töluðu svo við sína vini og við bara
ákváðum að slá til og gera þetta.“
Þeir tónlistarmenn sem þegar hafa
boðað komu sína og ætla að troða upp
á styrktartónleikunum eru Margrét
Eir, Blaz Roca, Bjartmar Guðlaugsson,
Haffi Haff, Guðbjörg Hafsteinsdóttir,
Mirra, Soffía Karls, Marcin Szarkowski
sem og Alan Jones sjálfur.
Tónleikarnir hefjast klukkan 20.00
og aðgangseyrir rennur óskiptur til
Andrzej. Alan bendir einnig á að
hægt sé að leggja fé inn á sérstakan
söfnunarreikning; kennitala 040285-
5399 og reikningsnúmer 0111-26-
100713. n
Styrktartónleikar eftir sviplegt fráfall
n Anna fékk flog og drukknaði í baðkarinu n Fjölskyldan vill jarðarför í Póllandi„Ég fór bara strax
að hugsa hvort það
væri eitthvað sem ég gæti
gert til að hjálpa, og þar
sem ég er tónlistarmaður
þá lá þetta beint við.
Vill hjálpa vini Tónlistarmaðurinn Alan Jones stendur fyrir söfnunartónleikum fyrir vin sinn sem missti eiginkonu sína í sviplegu dauðsfalli.
m
y
n
d
P
r
es
sP
H
o
to
s