Dagblaðið Vísir - DV - 05.10.2012, Blaðsíða 12

12 Fréttir 5.–7. október 2012 Helgarblað
„HANN ER
MJÖG FEGINN
AÐ SJÁ OKKUR“
V
ið höfum það bara mjög
fínt núna,“ segir Eva
Gunnarsdóttir, syst-
ir Brynjars Mettinisson-
ar í samtali við DV stuttu
eftir að Brynjar kom til Svíþjóð-
ar, þar sem móðir hans og systkini
búa, eftir langt ferðalag frá Taílandi.
Brynjar, sem losnaði úr fangelsi í
Taílandi á miðvikudag, var að sögn
systur sinnar að vonum þreyttur
eftir langt ferðalag og svaf á með-
an fjölskylda hans stóð í ströngu
við að svara símtölum frá vinum og
vandamönnum.
Eva segir að Brynjari líði vel
þrátt fyrir allt sem hann hafi geng-
ið í gegnum síðastliðið ár og að það
hafi orðið fagnaðarfundir þegar
fjölskyldan sameinaðist á ný. „Það
var alveg svakalega gaman að hitta
Brynjar og honum líður rosalega vel
að vera kominn til okkar. En Ísland
er auðvitað heimilið hans og hann
vill fara aftur heim.“
„Hann er mjög feginn að sjá okk-
ur,“ segir Daníel Daníelsson, bróðir
Brynjars. Þegar DV náði sambandi
við Daníel þá voru aðeins nokkr-
ir klukkutímar síðan Brynjar hafði
sameinast fjölskyldu sinni eft-
ir rúmlega árs dvöl við slæmar að-
stæður í fangelsinu. Daníel var að
keyra til Svíþjóðar frá Danmörku
þar sem hann og móðir þeirra, Borg-
hildur Antonsdóttir, sóttu Brynjar
á Kastrup-flugvöll á fimmtudags-
morgun. Brynjar var uppgefinn eft-
ir langt flug og var sofandi í aftur-
sætinu þegar DV náði tali af Daníel.
Sýknaður en ekki frjáls
Raunasaga Brynjars hófst skömmu
eftir að hann kom til Taílands. Þann
28. maí 2011 var hann handtekinn
grunaður um aðild að fíkniefnamis-
ferli og var í kjölfarið færður í fang-
elsi í Bangkok í Taílandi. Hann var
handtekinn þar sem hann stóð með
kærustu sinni á tali við ástralskan
mann sem þau þekktu. Á mannin-
um fundust fíkniefni en lögreglan
hafði fylgst með manninum í ein-
hvern tíma.
Það var svo réttað í máli Brynjars
í undirrétti í lok júlí þar sem hann
var sýknaður. Þrátt fyrir að hafa ver-
ið sýknaður í undirrétti var Brynjar
ekki látinn laus úr fangelsinu þar
sem ákæruvaldið hafði mánuð til
þess að ákveða hvort málinu yrði
áfrýjað. Ljóst var í byrjun septem-
ber að ekki yrði áfrýjað en Brynjari
var þó ekki hleypt úr fangelsinu.
Þegar DV hafði samband við Utan-
ríkisráðuneytið í september, feng-
ust þau svör að verið væri að vinna
í málinu og töf á skriffinnsku væri
líkleg ástæða þess að hann væri
ekki frjáls.
70 fangar saman í klefa
Brynjar dvaldi í Klong Prem-fang-
elsinu, en það er öryggisfangelsi
í Bangkok í Taílandi, auk þess að
vera eitt stærsta fangelsi landsins.
Þar geta dvalið allt að tuttugu þús-
und fangar og gæsluvarðhalds-
fangar. Þetta fangelsi hýsir einnig
konur. Fangar sem þar dvelja hafa
hlotið dóma sem nema minna
en 25 árum. Þetta er einnig með-
ferðarheimili, en allir sem dæmd-
ir eru fyrir vörslu fíkniefna verða
að undirgangast fíkniefnameðferð.
Fjölmargir fangar dvelja í hverjum
klefa, en engin rúm eru í fangelsinu
og þurfa fangar því að sofa á beru
steingólfi.
Móðir hans sagði aðstæður
Brynjars vera afar slæmar, stuttu
eftir að hann fór í fangelsið. „Fyrstu
tveir til þrír dagarnir voru alveg
hræðilegir því þeir lömdu og börðu
Brynjar og vildu að hann segði að
hann hefði verið með drengnum í
þessu en hann var það ekki og sagð-
ist ekki ætla að segja annað. Hann
fékk ekkert að borða.“ Ég þurfti að
fara með mat til hans einu sinni á
dag og allt sem hann þarfnaðist,
klósettpappír og allt, því hann fékk
ekki neitt,“ sagði Borghildur.
Sjálfur sagði Brynjar í viðtali við
mbl.is að fangelsið væri ekki falleg-
ur staður til að vera á og hann hefði
búið við afar þröngan kost. Um 70
fangar hefðu verið saman í ein-
um klefa og þar hefði verið þröngt,
sjóðandi heitt, erfitt að sofa og mik-
il læti. Margir fanganna hafi neytt
eiturlyfja og mikið verið um slags-
mál. Maturinn hafi verið einhæfur
en móðir hans hafi séð honum fyr-
ir peningum og því hafi hann get-
að orðið sér úti um betri mat. Hann
hafi því haldið góðri heilsu mest
allan tímann en margir fanganna
hafi verið haldnir alvarlegum sjúk-
dómum á borð við alnæmi og látið
lífið meðan hann dvaldi í fangels-
inu.
Óttaðist lífstíðardóm
Í viðtali við DV í september sagði
móðir hans hann vera á stöðugu
varðbergi í fangelsinu. „Hann þarf
alltaf að vera að passa sig fyrir öllu
og öllum. Svo er hann með kláða-
bólur út um allt, það er svo skítugt
vatnið þarna.“ Hún vildi meina að
það hafi hjálpað Brynjari innan
veggja fangelsisins hversu ró-
legur og yfirvegaður hann væri.
„Hann er svo rólegur drengur að
eðlisfari. Hann er enginn slags-
málahundur, en það er alltaf
eitthvað að gerast þarna inni.
Það eru fangar að ráðast á fanga
og maður þarf bara að passa sig
að blanda sér ekki í málin, vera
ekki fyrir og halda ekki með
neinum. Maður verður bara að
vera sinn eigin herra þarna inni.“
Sjálfur segir Brynjar í viðtali
við mbl.is að heimur hans hafi
snúist á hvolf á þeirri stundu
sem hann var handtekinn. Hann
óttaðist að hann myndi fá lífs-
tíðardóm, jafnvel dauðadóm og
þegar ræðismaðurinn sagði við
hann að enginn framsalssamn-
ingur væri í gildi milli Íslands og
Taílands, þyrmdi yfir hann.
Hann segir einnig í viðtalinu
við mbl.is að það hafi verið freist-
andi að játa á sig glæpinn sem hann
var saklaus af. „Ég hugsaði mjög
mikið um það og það komu stundir
þegar ég hugsaði: Hvað er ég að
pæla, af hverju játa ég ekki bara?
Hvaða rugl er þetta í mér? En ég er
feginn núna að hafa ekki látið und-
an þessum hugsunum.“
Ætlar ekki að sóa tímanum
aftur
Á opinni síðu á Facebook sem
stofnuð var til stuðnings Brynjari,
sagði náinn vinur hans frá því að
hann hefði heimsótt Brynjar í fang-
elsið. Hann lýsti því hvernig andlit
Brynjars hefði ljómað af gleði þegar
hann sá að vinur sinn var kominn
að heimsækja sig í fangelsið. Þeir
hafi spjallað lengi saman og hann
fært honum kveðjur frá vinum og
ættingjum að heiman. „Hann var í
besta skapi enda dómsúrskurður-
inn mikill léttir en hann þorir samt
ekki að trúa þessu alveg þar sem
ekki hefur verið ákveðið með áfrýj-
unina. Hann hlakkar svo ógurlega
að komast heim að hann er alveg að
springa.“
Að sögn vinarins hafði Brynjar
lítið um fangelsisvistina að segja en
hann héldi sig mikið útaf fyrir sig og
ætti fáa en góða vini innan fangels-
isins. „Hann er ágætlega haldinn
og lítur vel út og er svo langt frá því
að vera bugaður að ætla mætti að
maðurinn hafi aldrei verið annað
en frjáls. Hann hefur hugleitt mikið
og hlakkar svo til að takast á við lífið
heima á Íslandi og var staðráðinn í
því að héðan af yrði tímanum aldrei
sóað aftur.“
Furðuleg tilfinning að vera
frjáls
Vinurinn sagði fangelsisvistina hafa
þroskað Brynjar. „Hann virtist ekki
mikið breyttur nema hvað hann er
töluvert þroskaðri og segist hafa
öðlast dýpri skilning á lífinu. Hann
gaf lítið fyrir að vita hvert almenn-
ingsálitið væri á honum heima
en vildi vita hvernig vinir hans
og kunningjar upplifðu þetta allt
saman og ég sagði honum auðvit-
að að til hans væri hugsað hlýlega
og að enginn liti á hann sem ein-
hvern glæpamann, heldur vildu
allir bara fá hann heim. Hann bað
mig að skila til ykkar allra hversu
djúpt snortinn hann væri að
svona margir skyldu standa með
honum og hvað hann hlakkaði
mikið til að sjá alla og þakkaði
fyrir stuðninginn sem er honum
ómetanlegur. Það lítur því allt út
fyrir að bráðlega fáum við aftur
heim andlega heilan, hraustan
og glaðan Brynjar,“ sagði vinur-
inn en þessi frásögn hans var
gleðileg fyrir aðstandendur og
vini Brynjars sem margir hverjir
höfðu óttast ástand hans í fang-
elsinu.
Í fyrrnefndu viðtali við mbl.is
sagðist Brynjar einnig áður hafa
tekið frelsinu sem sjálfsögðum hlut
en svo væri ekki lengur. Nú ætli
hann að nýta líf sitt í að gera góða
hluti. „Mér finnst þetta skrýtið, ég
er frjáls og meðal fólks. Þetta er
furðuleg tilfinning. En hún er góð.
Ég ætla að nota hverja einustu mín-
útu það sem eftir er til að gera góða
hluti.“
Alltaf jákvæður
Það er enn óvíst hvenær Brynjar
kemur til Íslands og Eva segir að
helst vilji hún að Brynjar verði hjá
fjölskyldunni í Svíþjóð fram yfir
jólin. „En ég held að hann vilji fara
heim mjög fljótlega, við sjáum bara
til.“
Samkvæmt Evu er Brynjar lítið
fyrir að tjá sig um neikvæða hluti
og vilji helst fókusera á það já-
kvæða. Það sé erfitt að meta and-
legt ástand hans svona skömmu
n Brynjar Mettinisson laus úr prísundinni n Sat saklaus í fangelsi í rúmlega eitt ár n Var laminn og barinn fyrstu daganna„Hann var
búinn að
vera í útlendinga-
fangelsi í tvo
daga og ég held
að hann hafi bara
sofið á stein-
steyptu gólfi þar.
Viktoría Hermannsdóttir
blaðamaður skrifar viktoria@dv.is
Hanna Ólafsdóttir
blaðamaður skrifar hanna@dv.is
Klong Prem fangelsið Í hverjum klefa voru sjötíu til áttatíu fangar.
„Ég gat ekki
hætt að
brosa þegar hann
kom til mín
DV 1. ágúst 2012 Brynjar dvaldi mánuð-
um saman inni eftir að hafa verið sýknaður.