Dagblaðið Vísir - DV - 05.10.2012, Blaðsíða 20
L
ögreglan í Wales hefur víkkað
út leitina að April Jones, fimm
ára stúlku sem var rænt í bæn-
um Machynlleth á mánudags-
kvöldið. Hundruð lögreglu- og
björgunarsveitarmanna leita nú allan
sólarhringinn í nágrenni þorpsins.
Lögreglan notast við björgunarhunda,
þyrlur, báta, auk fjölda fótgangandi
björgunarmanna. Leitin hefur þó
engan árangur borið enn.
Grunaður í haldi
Mark Bridger nágranni fjölskyldu Jo-
nes situr í haldi lögreglu grunaður um
að hafa numið litlu stúlkuna á brott.
Hann hefur verið yfirheyrður ítarlega
undanfarna daga en hefur engar skýr-
ingar gefið á því hvað varð um stúlk-
una.
Móðir hennar, Coral Jones, kom
fram í sjónvarpi á miðvikudagskvöld
og grátbað þann sem veit hvar stúlkan
er niðurkomin að sýna samkennd og
skila henni aftur til fjölskyldu sinnar.
„Það hlýtur einhver þarna úti að vita
hvar hún er. Við bíðum í örvæntingu
eftir fréttum, gerið það, hjálpið okkur
að finna hana,“ sagði hún. Hún upp-
lýsti einnig að fjölskyldan hefði vax-
andi áhyggjur af heilsufari hennar, þar
sem hún þarf að fá lyf daglega vegna
lömunar af völdum heilaskemmda.
Sjúkdómur stúlkunnar hefur áhrif á
jafnvægi og hreyfingar hennar, en allt
til brottnáms hennar hafði hún getað
lifað eðlilegu lífi að því tilskyldu að hún
fengi lyfin sín. Það þykir óvanalegt af
lögreglunni í Bretlandi að birta mynd
og nafn af sakborningi þegar rann-
sóknin er skammt á veg komin. Lög-
reglan hefur hins vegar sagt að með
því vilji þeir kveða niður kjaftasög-
ur, en tók þó fram að fleiri en Bridger
væru til rannsóknar. Lögreglan virðist
engu nær við að finna April, sem var
lokkuð upp í gráan sendiferðabíl um
kvöldmatarleytið á mánudag nálægt
heimili sínu í velska þorpinu.
Lögreglan útilokar ekki þann mögu-
leika að fleiri en einn aðili séu á bak við
hvarf stúlkunnar. Lögreglustjórinn á
svæðinu, Ian John, sagði við fjölmiðla
að lögreglan teldi að April væri enn á lífi
og að leitin miðaðist við það.
„Við biðjum til Guðs”
„Hún elskar að fara út að hjóla og að
leika með vinum sínum. Hún er bara
lítil falleg stúlka,“ segir amma stúlk-
unnar. „Það er eins og sprengja hafi
fallið á fjölskylduna okkar. Ég get ekki
ímyndað mér hvað foreldrar hennar
eru að ganga í gegnum núna. Við biðj-
um til Guðs að hún komi heil heim,
en tíminn líður og það er hörmulegt
að hugsa um þetta.“
Rannsóknarlögreglumaður seg-
ir við breska fjölmiðla að rannsókn
lög reglu beinist nú að Land Rover
Discovery-jeppa í eigu hins grun-
aða og leitar vitna sem sáu bílinn frá
kvöldi mánudags og fram á þriðju-
dag þegar Bridger var handtekinn fót-
gangandi rétt fyrir utan Machynlleth.
Hann var klæddur í jakka í grænum
felulitum, svartar vatnsheldar utan-
yfirbuxur og undir þeim var hann
einnig í buxum í felulitum.
Forsætisráðherra biður um hjálp
Hvarf litlu stúlkunnar hefur vakið
gífur lega athygli í Bretlandi. Dav-
id Cameron, forsætisráðherra Bret-
lands, segir að hugur sinn sé hjá
fjölskyldu April. „Þetta er martröð
hverrar fjölskyldu og sú staðreynd
að hún glímir við sjúkdóm, sem
ég þekki frá minni eigin fjölskyldu,
gerir stöðuna aðeins verri. Ég bið
fólk ef það veit eitthvað, ef það sá
eitthvað, ef það heyrði eitthvað, ef
það hefur einhverjar hugmynd-
ir sem geta varpað ljósi á málið,
að hafa samband við lögregluna.
Þannig getum við hjálpað þessari
fjölskyldu að finna litla barnið.”
Það eru ekki aðeins æðstu ráða-
menn landsins sem láta til sín taka
í málinu. Óbreyttir borgarar í þorp-
inu og nærliggjandi þorpum voru
vinsamlega beðnir að taka ekki
þátt í leitinni heldur láta fagfólk
um hana. Íbúarnir tóku hins vegar
ekkert mark á þessari beiðni lög-
reglu og hafa mörg hundruð sjálf-
boðaliðar bæst við leitarhópinn.
Þannig hefur fjöldi fólks gengið um
skóglendi, dali og hæðir í nágren-
inu í von um að finna stúlkuna.
„Við erum að vinna með lögregl-
unni og við erum ekki fyrir henni,”
segir bóndinn Emyr Lewis sem
fer fyrir 30 manna leitarhópi, sem
hefur verið að störfum undan-
farna daga. „Við ætlum ekki að sitja
heima eða fara í vinnuna á meðan
hún er ófundin. Við munum ekki
slaka á fyrr en hún er komin í leit-
irnar.” n
20 Erlent 5.–7. október 2012 Helgarblað
Bjór og fullt
hús matar
Tveir fangaverðir á Bandarísku-
Samóaeyjum í Kyrrahafi eru grun-
aðir um að hafa veitt föngum í eina
fangelsi eyjanna óheftan aðgang
að bjór og mat. Þá liggja fanga-
verðirnir, Fiti Aina og Rocky Tua,
undir grun um að hafa aðstoð-
að fanga við að flýja fangelsið.
Fangaverðirnir hafa verið ákærð-
ir vegna málsins sem hefur hefur
vakið mikla athygli íbúa eyjanna. Í
ákæru kemur fram að föngum hafi
til dæmis verið hleypt einum úr
fangelsinu í nærliggjandi verslun
þar sem bjór og matur var keypt-
ur. Einn fanginn, sem dæmdur
var í rúmlega þriggja ára fangelsi
fyrir árás með sveðju, keypti til að
mynda bjór, kartöfluflögur og kex
sem hann færði öðrum fanga-
verðinum.
Eftirlíking af
Taj Mahal
Framkvæmdir við eftirlíkingu af
Taj Mahal-höllinni í Agra á Ind-
landi hefjast brátt í furstadæm-
inu Dúbaí. Um er að ræða gríðar-
lega stóra framkvæmd, ekki síst
í ljósi þess að eftirlíkingin verður
mikið stærri en sjálf höllin á Ind-
landi. Það er fjárfestir að nafni
Arun Mehra sem stendur fyrir
framkvæmdunum en í nýju höll-
inni verður meðal annars að finna
300 herbergja hótel og verslunar-
miðstöð. Stefnt er að því að fram-
kvæmdum verði lokið árið 2014
og mun nýja höllin fá nafnið Borg
ástarinnar. Áætlaður kostnaður við
framkvæmdina er einn milljarð-
ur Bandaríkjadala, eða rúmlega
120 milljarðar króna. Mehra segist
vonast til þess að nýja höllin verði
vinsæll áfangastaður ferðamanna
rétt eins og Taj Mahal á Indlandi.
n April þarf nauðsynlega að fá lyf við sjúkdómi sínum n Einn handtekinn
Leitin að stúLkunni
ekki borið árangur
Valgeir Örn Ragnarsson
blaðamaður skrifar valgeir@dv.is
Numin á brott Aðstandend-
ur hafa vaxandi áhyggjur af
heilsufari stúlkunnar, sem þarf
lyf vegna heilaskemmda.
„Við bíðum í
örvæntingu
eftir fréttum, gerið
það, hjálpið okkur
að finna hana