Dagblaðið Vísir - DV - 05.08.2011, Blaðsíða 37

Skrýtið | 37Helgarblað 5.–7. ágúst 2011
Stjörnurnar sem
Hollywood gleymdi
n Efnilegir leikarar sem áttu framtíðina fyrir sér n Eru núna flestum gleymdir
Mark Hamill
Mark Hamill ætti að vera aðdáendum Star
Wars-kvikmyndanna að góðu kunnur. Hamill
fór með hlutverk Luke Skywalker í fyrstu mynd-
unum sem komu út á áttunda og níunda áratug
liðinnar aldar. Hamill átti að verða næsta stór-
stjarna Hollywood, en tókst ekki með nokkru
móti að afmá Star Wars-stimpilinn af enninu
á sér. Frá árinu 1983, þegar Star Wars: Episode
VI - Return of the Jedi kom út, hefur afar lítið
borið á Hamill. Hann hefur tekið að sér hlut-
verk hér og þar í sjónvarpsþáttaröðum og þykir
eftirsóttur meðal leikjaframleiðenda við að tal-
setja tölvuleiki. Hann mun meðal annars tala
fyrir Jókerinn í væntanlegum Batman-leik sem
kemur út síðar á árinu.
Steve Guttenberg
Sprelligosinn með barnslega andlitið er minn-
ing sem eflaust margir eiga af Steve Gutten-
berg. Guttenberg var einn vinsælasti gam-
anmyndaleikari Bandaríkjanna á níunda
áratug liðinnar aldar. Hann sló í gegn í Police
Academy-myndunum þar sem hann fór með
hlutverk Carey Mahoney. Þá lék hann í ævin-
týramyndinni Cocoon árið 1985 sem naut
vinsælda á þeim tíma. Frá miðjum níunda
áratugnum lá leiðin hins vegar niður á við hjá
þessum annars ágæta leikara. Guttenberg er
nánast alveg horfinn af hvíta tjaldinu og hefur
á undanförnum árum einbeitt sér að leik í leik-
húsum.
Orson Welles
Orson Welles er þess heiðurs aðnjótandi að
hafa leikið í, leikstýrt og skrifað handritið að
einni bestu kvikmynd kvikmyndasögunnar,
Citizen Kane. Það er að minnsta kosti sam-
dóma álit málsmetandi manna um kvikmynda-
sögu Hollywood. Myndin kom út árið 1941 og
var hún eitt af hans fyrstu verkefnum. Þrátt fyrir
velgengnina gekk Welles furðulega illa að fylgja
henni eftir og féll í pytt meðalmennskunnar,
þó svo að nokkrar mynda hans hafi gengið vel,
til dæmis Touch of Evil frá árinu 1958. Síðustu
árin vann Welles við að talsetja auglýsingar og
teiknimyndir. Síðasta hlutverk hans var að tala
fyrir vélmennið Unicorn í Transformers-teikni-
mynd. Welles lést árið 1985.
Michael Keaton
Keaton var talinn í hópi efnilegustu leikara
Hollywood snemma á tíunda áratug síðustu
aldar. Keaton kom sér almennilega á kortið
með leik í myndinni Beatlejuice frá árinu 1988.
Eftir það fylgdu hlutverk í Batman og Batman
returs. Í fyrri Batman-myndinni féll hann í
skuggann af Jack Nicholson en fékk engu að
síður annað tækifæri í Batman Returns sem
þótti ekki sérstaklega vel heppnuð. Eftir það
lá leiðin niður á við og fylgdu hlutverk í mis-
heppnuðum gamanmyndum í kjölfarið. Ekki
einu sinni hlutverk í mynd Quentins Tarant-
ino, Jackie Brown, gat bjargað ferli Keatons.
Að undanförnu hefur Keaton leikið í sjón-
varpsþáttum og eins og svo margar útbrunnar
stjörnur – talað inn á teiknimyndir.
George Lazenby
Það kom nokkuð á óvart þegar George La-
zenby, óþekktur Ástrali, var valinn til að taka
við hlutverki Sean Connery sem James Bond.
Sú varð engu að síður raunin og árið 1969 fór
Lazenby með hlutverk Bonds í myndinni On
Her Majesty’s Secret Service. Myndin þótti ekki
sérlega vel heppnuð og fer seint í hóp með
bestu James Bond-myndunum. Umboðsmað-
ur Lazenbys ráðlagði honum að segja skilið við
hlutverkið eftir myndina þar sem augljóslega
væri engin framtíð fólgin í því að leika James
Bond. Lazenby fór að ráðum umboðsmanns-
ins en hefði betur látið það ógert. Lítið hefur til
hans spurst frá árinu 1969 ef undan eru skilin
lítil hlutverk hér og þar í bíómyndum og sjón-
varpsþáttum.
Cuba Gooding Junior
Cuba Gooding Junior er kannski ekki öllum
gleymdur í Hollywood, að minnsta kosti ekki
þeim sem sjá um að framleiða svokallaðar B-
myndir. Cuba Gooding Junior hlaut Óskars-
verðlaun árið 1997 fyrir hlutverk sitt í mynd-
inni Jerry Maguire og áttu margir von á meiru
frá þessum annars fína leikara. Röð slæmra
ákvarðana virðast hins vegar hafa kostað hann
áframhaldandi velgengni. Skelfilegar kvik-
myndir á borð við Boat Trip og Snow Dogs
bera vott um það. Cuba Gooding hefur að
undanförnu leikið í fjölda kvikmynda en fáar,
ef einhverjar, hafa vakið athygli og falla í flokk
með B-myndum.
Rick Moranis
Þó að leikhæfileikar Ricks Moranis hafi verið
dregnir í efa af mörgum voru fáir leikarar jafn
vinsælir og hann á níunda áratugnum. Á ár-
unum frá 1984 til 1989 var Moranis einn eftir-
sóttasti gamanmyndaleikari Bandaríkjanna.
Hann lék í Ghostbusters, Spaceballs, Ghost-
busters 2 og Honey I Shrunk the Kids. Ein-
hverra hluta vegna lá leiðin niður á við eftir
það og á tíunda áratugnum lék hann í aðeins
sex bíómyndum. Engin þeirra náði viðlíka
vinsældum og þær myndir sem gerðu hann að
stjörnu í Hollywood. Moranis hætti alfarið að
leika í kvikmyndum árið 1997 en hefur unnið
við talsetningar síðan.
Mr. T
Laurence Tureaud, eða Mr. T, eins og hann er
ávallt kallaður var aðalstjarnan á sjónvarps-
skjáum Bandaríkjamanna um miðbik níunda
áratugarins. Hann lék eitt aðalhlutverkanna
í sjónvarpsþáttunum The A-Team sem nutu
gríðarlegra vinsælda. Þættirnir hættu árið 1987
og átti Mr. T, eins harður og hann var, í miklum
erfiðleikum með að fóta sig í Hollywood eftir
það. Segja má að Mr. T lifi í dag á fornri frægð.
Hann hefur tekið að sér afar fá hlutverk á
undanförnum árum og tekið að sér eitt og eitt
hlutverk í lítt þekktum sjónvarpsþáttum. Hann
hefur þó látið gott af sér leiða því hann gaf fórn-
arlömbum hörmunganna í kjölfar fellibylsins
Katrínar árið 2005 umtalsverða fjárhæð.