Dagblaðið Vísir - DV - 31.10.2011, Blaðsíða 20

20 | Sport 31. október 2011 Mánudagur
S
ebastian Vettel hélt áfram
drottnun sinni í Formúlu
1 á sunnudagsmorgun
þegar hann kom fyrstur
í mark á Indlandi en þetta var
í fyrsta skipti sem keppt er þar
í landi. Helgin var fullkomin
hjá Vettel sem var á ráspól einu
sinni sem oftar, leiddi keppn-
ina frá fyrsta hring til þess síð-
asta og kom fyrstur í mark í ell-
efta skipti á tímabilinu. Hann er
fyrir löngu búinn að tryggja sér
sinn annan heimsmeistaratitil í
röð en gefur hvergi eftir og eiga
keppinautar hans ekki mögu-
leika í hann og Red Bull-bílinn
þegar sú blanda er upp á sitt
besta.
Jenson Button á McLaren
varð annar og Fernando Alonso
á Ferrari varð þriðji. Þeir, ásamt
Mark Webber á Red Bull og
Lewis Hamilton á McLaren,
berjast í síðustu tveimur keppn-
unum um annað og þriðja sæt-
ið í stigamótinu. Silfrið hjá But-
ton á Indlandi kemur honum í
góða stöðu um annað sætið en
Red Bull vill ólmt koma Webber
í það minnsta á pall og fá því
verðlaunapening á báða öku-
menn sína. Liðið er nú þegar
orðið heimsmeistari bílasmiða,
annað árið í röð.
Síðan síðast var keppt í
Formúlu 1 hafa tveir aksturs-
íþróttakappar látið lífið. Breski
Indy-kappakstursmaðurinn
Dan Wheldon lést í Las Vegas
fyrir tveimur vikum og á sunnu-
daginn fyrir viku lést ítalski vél-
hjólakappinn Marco Simon-
celli í Malasíu. Keppt var þeim
til heiðurs í Formúlunni á Ind-
landi og heimsmeistarinn Se-
bastian Vettel minntist þeirra
á blaðamannafundinum eftir
keppni.
„Þessum sigri fylgja blendn-
ar tilfinningar. Auðvitað er
gaman að vinna en hugur okk-
ar allra er með félögum okkar
sem létu lífið. Vissulega tökum
við allir áhættu í hverri keppni
sem við tökum þátt í en þessi
slys eru óþægileg áminning um
hvað getur gerst. Við hugsum
hlýtt til þeirra,“ sagði Sebastian
Vettel.
Tileinkaði látnum félögum sigurinn
n Vettel með fullkomna helgi á nýju brautinni á Indlandi
Einokun Vettel er búinn að drottna yfir Formúlunni í ár. Mynd REutERs
Rory fékk vel
borgað
Norður-Írinn Rory McIlroy
landaði sigri á Shanghæ-meist-
aramótinu í golfi um helgina
eftir umspil
gegn Banda-
ríkjamanninum
Michael Kim.
Fyrstu verðlaun
í Shanghæ eru
þau mestu sem
gefast í íþrótt-
inni en fyrir fyrsta sætið fékk
Norður-Írinn ungi 1,25 millj-
ónir punda eða sem nemur 227
milljónum króna. Suður-Kór-
eumaðurinn Noh Seung-yu og
Bandaríkjamaðurinn Hunter
Mahan urðu jafnir í þriðja sæti.
Fimm höggum á eftir þeim var
Lee Westwood sem fór holu í
höggi á tólftu holu á lokadeg-
inum.
Vill deyja í
kappakstri
Í kjölfar dauðaslysa aksturs-
íþróttakappanna Marco Sim-
oncelli og Dans Wheldon und-
anfarnar tvær vikur var mikið
rætt við F1-kappana um slys
og dauðsföll um helgina á Ind-
landi þar sem þriðja síðasta
keppni tímabilsins fór fram.
Fyrrverandi heimsmeistari í
Formúlu 1, Lewis Hamilton,
sagði þar að ef það væri komið
að honum að deyja myndi
hann vilja að það gerðist í
kappakstursbíl. „Ég gæti ekki
ímyndað mér betri leið til að
fara. Ég hef alltaf sagt ef ég
þyrfti að deyja myndi ég vilja
láta lífið í kappakstursbíl. Þetta
er bara það sem ég elska,“ seg-
ir Hamilton.
Ekki alvar-
leg meiðsli
Miðjumaðurinn ungi Tom
Cleverley hjá Manchester Uni-
ted þurfti að fara af velli um
helgina vegna meiðsla þegar
Englandsmeistararnir lögðu
Everton á útivelli, 1–0. Stað-
fest hefur verið að hann hafi
fundið fyrir smáeymslum í
ökkla en alvarleiki meiðslanna
sé ekki mikill. Ferguson tjáði
þó blaðamönnum eftir leikinn
gegn Everton að varnarmað-
urinn ungi Chris Smalling yrði
frá næsta mánuðinn sem og
vængmaðurinn Ashley Young
sem hefur byrjað tímabilið vel
með meisturunum.
A
rsenal var boðið vel-
komið aftur til leiks
í ensku úrvalsdeild-
inni um helgina þeg-
ar liðið minnti á sig
með frábærum sigri á Chel-
sea, 5–3, á einum erfiðasta
útivelli deildarinnar, Stam-
ford Bridge. Eftir að hafa tví-
vegis lent undir í leiknum og
fengið á sig jöfnunarmark á
80. mínútu sýndu skytturn-
ar mikla seiglu, vilja og ekki
síst gæði í að knýja fram sigur
á lokamínútum með tveim-
ur mörkum. Og hver skoraði
mörkin tvö sem innsigluðu
sigurinn og eitt til viðbótar
til að fullkomna þrennuna?
Að sjálfsögðu hollenski fram-
herjinn Robin van Persie, nýi
dýrlingurinn í Norður-Lund-
únum.
Meiðist of mikið
Þriðja mark Persie á laugar-
daginn var hans 28. í 27 leikj-
um með Arsenal. Hann er
búinn að fara á kostum í úr-
valsdeildinni í ár og skorað tíu
mörk í tíu leikjum. Það eru ein-
faldlega ekki margir betri en
Hollendingurinn þegar hann
er heill. En það getur reynst
honum erfitt. Á síðasta tíma-
bili fór Persie einnig á kostum
og skoraði 18 mörk í 25 leikj-
um fyrir Arsenal sem þótti lík-
legt lengi vel til að landa doll-
unni í fyrsta skipti síðan árið
2004. Liðið þurfti þó á honum
að halda í fleiri en tuttugu og
fimm leikjum en Persie átti við
erfið meiðsli að stríða og gat
ekki verið meira með.
Þetta hefur verið saga Per-
sie hjá Arsenal en á hans átta
tímabilum með liðinu hefur
hann aldrei náð 30 leikjum í
ensku úrvalsdeildinni. Und-
an farin fjögur tímabil þar
sem hann hefur gegnt algjöru
lykil hlutverki í liði Arsenal
eftir brotthvarf margra góðra
leikmanna hefur hann aðeins
spilað 25 leiki í fyrra, þar af 6
sem varamaður, 16 leiki tíma-
bilið 2009/2010, 28 leiki tíma-
bilið á undan því og ekki nema
fimmtán leiki 2007/2008. Ætli
Arsenal sér einhverja hluti í
ár verður Persie að fara nærri
þessu 30 leikja marki því enn
frekari meiðsli hjá honum
yrðu meira en áfall fyrir Arse-
nal. Það yrði hrein og klár
martröð.
Má ekki gera lítið úr
ástríðunni
Arsene Wenger, knattspyrnu-
stjóri Arsenal, var brattur eftir
leikinn. „Þetta var frábær sig-
ur. Við sýndum allt sem gott
lið getur sýnt. Mikinn anda í að
koma til baka eftir að hafa lent
undir og auðvitað klassaspila-
mennsku,“ sagði Frakkinn í við-
tali við BBC eftir leik. „Við gáf-
um Chelsea of mikið pláss í fyrri
hálfleik en í þeim síðari lokuð-
um við svæðum betur og svo
skoruðum við auðvitað fimm
mörk.“
Hann fór fögrum orðum
um fyrirliðann Persie enda
ekki annað hægt. „Hann er að
byrja þetta tímabil frábærlega.
Hann er náttúrulega bara ótrú-
lega hæfileikaríkur leikmaður
en það hjálpar honum að þeg-
ar við vinnum boltann þá vilj-
um við sækja. Það skiptir hann
máli,“ sagði Wenger.
Eftir tvo sigurleiki er hljóð-
ið í stuðningsmönnum Arse-
nal allt annað, en fyrr á tíma-
bilinu var farið að kalla eftir því
að Frakkinn segði af sér. „Þetta
er bara hluti af ástríðunni og
þó ég sé ekki alltaf sammála
því sem er sagt má ekki gera
lítið úr ástríðu stuðnings-
mannanna. Fótboltinn er samt
nægilega erfiður fyrir og því er
um að gera fyrir alla að standa
saman. Við einbeitum okk-
ur að liðinu en allt í kringum
það síðustu vikur hefur verið
mjög jákvætt. Því þurfum við
að halda áfram,“ sagði Arsene
Wenger.
Tómas Þór Þórðarson
tomas@dv.is
Fótbolti
n Arsenal skráði sig til leiks með frábærum 5–3 sigri gegn Chelsea n Robin
vann Persie með þrennu n 28 mörk í 27 deildarleikjum hjá fyrirliðanum
Leiðir liðið
Persie fer fyrir
sínum mönnum.
Mynd REutERs
Markakóngur
Markahæstir
í deildinni
1 Robin Van Persie Arsenal 10
2 Wayne Rooney Man. United 9
Sergio Agüero Man. City 9
Edin Dzeko Man. City 9
5 Frank Lampard Chelsea 5
R. V. der Vaart T. Hotspur 5
Demba Ba Newc. Utd 5
Mario Balotelli Man. City 5