Dagblaðið Vísir - DV - 14.11.2012, Blaðsíða 14

Sandkorn
Í
mars árið 2009 skrifaði leiðarahöf­
undur nærmynd í DV um Bjarna
Benediktsson sem þá var nánast ör­
uggur um að verða næsti formaður
Sjálfstæðisflokksins. Bjarni hafði
þegar þarna var komið sögu komist
næsta skaðlaust undan efnahagshrun­
inu þó fortíð hans í viðskiptalífinu hjá
N1 væri talin hans stærsta fótakefli
til framtíðar. Rannsóknarskýrslan var
ekki komin út, stórfelldar afskriftir N1
og tengdra félaga lágu ekki endanlega
fyrir og aðkoma Bjarna að Vafnings­
viðskiptunum og sala hans á hlutabréf­
um sínum í Glitni var ekki komin fram í
dagsljósið. „Flekklaus í skugga N1“ var
fyrirsögnin á greininni sem var fremur
jákvæð úttekt á formannsefninu þrátt
fyrir yfirliggjandi skugga; efni stóðu
ekki til annars þar sem meira að segja
andstæðingar Bjarna úr öðrum flokk­
um töluðu vel um hann.
Kolbrún Halldórsdóttir, þáverandi
þingmaður VG, sem sat með Bjarna í
allsherjarnefnd þar sem hann var for­
maður, sagði meðal annars um hann:
„Ég get alveg gefið Bjarna Benedikts­
syni góð meðmæli fyrir þá vinnu sem
hann vann í nefndinni.“ Kolbrún bætti
því við að Bjarni hefði lagt talsvert á
sig til að miðla málum manna á milli
og komast að niðurstöðu. „Hann hef­
ur margt til brunns að bera og ég vona
að hann eigi eftir að vinna vel úr þeim
góðu eiginleikum og láti pólitíkina ekki
eyðileggja sig. Vonandi fellur hann
ekki í þá gryfju sem leiðtogi sjálfstæðis­
manna að reyna að stjórna öllum
þingmönnum flokksins að ofan líkt og
margir stjórnendur flokksins hafa gert
hingað til.“ Annar þingmaður VG, sem
ekki vildi ekki koma fram undir nafni,
sagði um Bjarna: „Hann var ágætlega
liðinn á Alþingi af stjórnarandstöðunni.
Hann þótti diplómatískur og góður í
samstarfi þegar hann stýrði störfum í
nefndum þingsins. Hann þótti nokkuð
sanngjarn miðað við marga aðra í Sjálf­
stæðisflokknum.“
Þetta sögðu pólitískir andstæðingar
Bjarna um hann, þingmann
Sjálfstæðis flokksins sem á þessum tíma
var talinn hafa átt mestan þátt allra
stjórnmálaflokka í því að stýra Íslandi
inn í efnahagshrunið. Ég fullyrði að
enginn pólitískur andstæðingur Davíðs
Oddssonar, fyrirrennara Bjarna á for­
mannsstóli til margra ára, hefði talað
um hann með slíkum hætti. Í raun má
segja að lýsingin á Bjarna hafi verið
í algjörri andstöðu við allar lýsingar
kunnugra á Davíð Oddssyni, þessum
makíavelíska harðstjóra og klækjaref ís­
lenskra stjórnmála sem yfirleitt lét stýr­
ast af hagsmunum sínum og flokksins
en ekki prinsippum, hugmyndafræði
eða gildum.
Nú er þessi fyrrverandi formaður
flokksins, Davíð Oddsson, orðinn að
stærsta pólitíska vandamáli Bjarna
Benediktssonar, ef marka má orð
Gunnars Helga Kristinssonar, pró­
fessors í stjórnmálafræði við Háskóla
Íslands. Gunnar Helgi túlkaði niður­
stöðuna úr nýafstöðnu prófkjöri Sjálf­
stæðisflokksins í Suðvesturkjördæmi,
þar sem Bjarni fékk rétt rúmlega helm­
ing atkvæða í fyrsta sætið, með þessum
hætti: „Flokkurinn er með ákveðinn
aftursætisbílstjóra uppi á Morgun­
blaði sem ennþá setur mjög mark sitt
á flokkinn og gerir hverjum þeim sem
ætlar að leiða flokkinn mjög erfitt fyrir.“
Gunnar Helgi nefndi ekki Vafningsmál­
ið heldur Davíð.
En hvað á Gunnar Helgi við þess­
um orðum? Líklega á hann við hvað
Bjarni virðist vera ráðvilltur og veikur
formaður sem virðist ekki vita hvernig
hann á að vera og hvað honum á að
finnast. Bjarni, sem lýst hafði því yfir í
grein í Fréttablaðinu í lok árs 2008 að
Ísland ætti að hefja aðildarviðræður við
Evrópusambandið og bera ætti samn­
inginn undir þjóðina, varð til að mynda
allt í einu andsnúinn aðildarviðræðun­
um eftir að hann varð formaður og vildi
slíta þeim sem fyrst. Íslenska krónan,
sem Bjarni taldi í árslok 2008 að yrði Ís­
lendingum fjötur um fót til framtíðar,
var ekki lengur vandamál ef marka má
viðtal við Bjarna frá því í ágúst í fyrra.
Þessi sinnaskipti Bjarna eru lítið annað
en þjónkun við Davíð sem lengi hefur
barist gegn aðild Íslands að Evrópu­
sambandinu, meðal annars fyrir hönd
vinnuveitenda sinna á Morgunblaðinu.
Þá skipti Bjarni um skoðun á Ice­
save­málinu í fyrra, eftir að hafa stutt
samning ríkisstjórnarinnar og talið
að þjóðin ætti að samþykkja samn­
inginn, þegar Davíð skammaði hann
í leiðara í blaðinu og kallað hann
„vikapilt Steingríms J“ og sagði að
sjálfstæðismenn væru „agndofa“ yfir
skoðun hans í Icesave­málinu. Davíð
er enn í því hlutverki sem Kolbrún
Halldórsdóttir lýsti að reyna að stýra
Sjálfstæðisflokknum „að ofan“ þrátt
fyrir að hann sé ekki lengur formað­
ur hans heldur aðeins ritstjóri á dag­
blaði.
Slíkur vingulsháttur formannsins
fer greinilega ekki vel í sjálfstæðis­
menn í Suðvesturkjördæmi og hvað
þá í kjósendur sem ekki eru skráðir í
Sjálfstæðisflokkinn. Tvístígandi, veik­
ur og óviss formaður, sem lætur fyrr­
verandi formann stýra sér og stjórna
úr fjarlægð eins og viljalausu verkfæri,
hefur lítinn kjörþokka og er dæmdur
til að vera skammlífur á formanns­
stóli. Þegar tekin eru viðtöl við Bjarna
í sjónvarpi hljómar hann alltaf eins og
hann spyrji sig að því hvort hann eigi
að segja það sem honum finnst eða
það sem hann heldur að Davíð vilji
að hann segi, enda eru þetta gerólíkir
menn með allt aðrar skoðanir. Fyrir
vikið er Bjarni Benediktsson búinn
að veikja stöðu sína sem formaður á
síðustu þremur árum með því að láta
Davíð Oddsson spila með sig.
Vilji Bjarni verða formaður flokks­
ins áfram þarf hann að standa keikur á
eigin fótum og sýna sitt rétta andlit. Ef
marka má pólitíska andstæðinga hans
á þingi hefur hann þá mannkosti sem
til þarf til að verða farsæll formaður
og jafnvel vinna ágætlega með öðrum
flokkum. Bjarni þarf að taka skrefið til
fulls, og gera það sem ríkisstjórn Jó­
hönnu Sigurðardóttur reyndi að gera í
ársbyrjun 2009 þegar Davíð var rekinn
með valdi úr Seðlabankanum, og gera
Davíð óvirkan í þjóðlífinu og Sjálfstæð­
isflokknum með því að hætta að láta
hann fjarstýra flokknum. Þetta skref
væri bæði honum sjálfum, Sjálfstæðis­
flokknum og íslensku stjórnmálalífi til
heilla. Nægan skaða hefur Davíð unnið
íslensku samfélagi nú þegar svo hann
fái ekki að halda því áfram um ókom­
in ár sem skuggastjórnandi Sjálfstæð­
isflokksins. Ef Bjarni gerir þetta ekki
hefur honum sannarlega tekist „að láta
pólitíkina eyðileggja sig“.
Árni var ósigrandi
n Sigur Árna Páls Árnasonar
í prófkjöri Samfylkingar í
Kraganum kom sumum á
óvart. Töldu margir að Katrín
Júlíusdóttir myndi hafa
betur. Skýringin á sigrinum
kann þó að vera skammt
undan því
í starfsliði
Árna Páls var
stórkanón­
an Ólafía
Rafnsdóttir
sem leitt hef­
ur í tvígang
sigursæla kosningabaráttu
Ólafs Ragnars Grímssonar
og einnig leitt baráttu Ingi-
bjargar Sólrúnar Gísladóttur.
Ekki skemmdi fyrir að
Gaukur Úlfarsson, einn af
arkitektum Besta flokksins,
var í starfsliðinu. Árni Páll
var því nær ósigrandi.
Skrímslið Davíð
n Örlög Bjarna Benedikts-
sonar í eigin kjördæmi vekja
mismikla samúð með for­
manninum. Meðal þeirra
sem hafa unnið gegn
Bjarna er frændi hans, Björn
Bjarnason, fyrrverandi ráð­
herra. Athygli vekur að á
bloggi sínu vegur Björn að
fréttastofu Ríkisútvarpsins
sem hann telur að ræði við
ranga stjórnmálaskýrendur.
Þar vísar hann til Gunnars
Helga Kristinssonar prófess­
ors sem hann segir að sé
ráðgjafi forsætisráðherra.
Athyglisverðara er þó að
Björn hjólar í átrúnaðargoð
sitt, Davíð Oddsson, í tengsl­
um við þau ummæli að
hann sé aftursætisformað­
ur sem geri Bjarna lífið leitt.
Björn tilgreinir Davíð sem
„skrímslið í Hádegismóum“.
Guðlaugur Þór
slapp
n Gunnar Andersen, fyrr­
verandi forstjóri Fjármála­
eftirlitsins, hafði ekki erindi
sem erfiði
fyrir Hæsta­
rétti þegar
hann óskaði
eftir rann­
sókn á fjár­
málavafstri
Guðlaugs Þórs
Þórðarsonar með svissneskt
tryggingaumboð. Ekki ligg­
ur fyrir hvort Gunnar á ein­
hvern leik í þeirri stöðu að
fletta hulunni af málinu.
Hann gæti þó gripið til þess
ráðs að leggja fram kæru á
þingmanninn.
Reiður útrásarkarl
n Sigurður G. Guðjónsson,
hæstaréttarlögmaður og einn
nánasti samstarfsmaður
útrásarmanna, er ekki sáttur
við að Vilhjálmur Bjarnason
skyldi hafa náð fjórða sætinu
í Kraganum. Sigurður gefur
til kynna að eitthvað vafa­
samt sé að baki Samtök­
um fjárfesta sem auðguð­
ust fyrir hrun. Þá gerir hann
Vilhjálm ábyrgan fyrir verð­
tryggingunni og lætur í ljósi
þá von að hann nái ekki kjöri.
Lokaorð Sigurðar á Pressunni
eru kjarnyrt: „Þjóðin þarf
því ekki Villa verðtryggingu“.
Stuðningsmenn Vilhjálms
eru sagðir himinlifandi með
óvininn.
Hún er
ein í Prag
Við eigum ýmsar leiðir í
hendi ef í harðbakka slær
Faðir stúlku sem var handtekin með kókaín hefur áhyggjur af dóttur sinni. – Kastljós Össur Skarphéðinsson tekur ekki hótunum Norðmanna þegjandi. – DV
Hver er Bjarni Benediktsson?„Ég vona að hann
eigi eftir að vinna
vel úr þeim góðu eiginleik-
um og láti pólitíkina ekki
eyðileggja sig.
Í
slendingar hafa gengið í gegnum
erfiða tíma frá hruni fjármálafyrir­
tækjanna. Sérhvert heimili hefur
fært fórnir á þessum árum og margt
er óunnið. Íslendingar geta hins vegar
horft yfir sviðið og glaðst með erlend­
um fréttaskýrendum sem velta fyrir sér
hvernig okkur tókst að hraða endur­
reisn eftir bankahrunið, koma í veg
fyrir fjöldaatvinnuleysi og verja vel­
ferðarkerfið. En við vitum að dagleg
úrlausnarefni eru ærin í þágu fólksins
í landinu.
Sem betur fer eiga Íslendingar
framúrskarandi stofnanir og kunnáttu­
fólk sem gengur daglega til verka við
að setja fram haldgóð gögn um fram­
vinduna í þjóðfélaginu. Hagstofa Ís­
lands gaf til að mynda út þjóðhagsspá
áranna 2012 til 2017 fyrir rúmri viku.
Spáin gerir ráð fyrir að landsfram­
leiðsla aukist um 2,7% á þessu ári og
2,5% 2013. Þetta er meiri hagvöxtur en
víðast hvar um þessar mundir í nálæg­
um löndum. Hagvöxtur er merki um
aukna verðmætasköpun sem þjóðin
leggur sig fram um að stuðla að.
Án umsvifa heimila og fyrirtækja
væri hér lítill vöxtur. Þá segir í þessari
nýju þjóðhagspá Hagstofunnar að með
„auknum þrótti í efnahagslífinu og að
hluta vegna átaksverkefna Vinnumála­
stofnunar hefur atvinnuleysi minnkað
talsvert að undanförnu“. Atvinnuleysi
er böl sem bera að taka á með öllum
tiltækum ráðum og því ber að fagna
sérstaklega þessari þróun.
Græna hagkerfið, skapandi
greinar og nýsköpun
Í síðustu viku kynnti fjármála­ og
efnahagsráðherra að tryggðir hefðu
verið rúmlega 6 milljarðar króna til
fjárfestinga og framkvæmda undir
merkjum fjárfestingaáætlunar rík­
isstjórnarinnar á næsta ári. Fjár­
magnið kemur einkum sem arður af
eignarhlutum ríkisins í bönkunum.
Áður var búið að tryggja fjárfestinga­
áætluninni 4,2 milljarða króna með
sérstöku veiðigjaldi sem lögleitt var
fyrr á árinu. Samtals verður því 10,3
milljörðum króna varið á næsta ári til
atvinnusköpunar og eflingar innviða
samfélagsins samkvæmt fjárfestinga­
áætluninni.
Þetta er fagnaðarefni og sýnir að
ríkisstjórninni hefur enn eina ferðina
tekist ætlunarverk sitt, nú í þágu upp­
byggingar í atvinnulífinu. Áður hafði
verið tryggt fjármagn til samgöngu­
bóta, meðal annars gerðar Norð­
fjarðarganga, en verkið verður boðið
út eftir áramótin. Viðbótarfjármagnið
nemur 2,5 milljörðum króna. Þetta eru
verkefni sem um munar en markmiðið
er aukin fjárfesting og fjölgun starfa.
Hitt er ekki síður mikilvægt, að
fjárfestingaráætlunin felur í sér nýjar
áherslur og nýja sýn á atvinnulífið.
Þessar áherslur falla prýðilega saman
við margt það sem fram kemur í ný­
legri skýrslu ráðgjafarfyrirtækisins
McKinsey. Þar segir meðal annars frá
því að raunvöxtur á Íslandi hafi verið
minni síðastliðin 30 ár en í nágranna­
löndunum. Hins vegar eru dregin fram
spennandi sóknarfæri fyrir Ísland sem
ríkisstjórnin hefur fullan hug á að nýta
sér í náinni framtíð. Fjárfestingaáætl­
unin gerir nefnilega ráð fyrir auknum
stuðningi við rannsóknar­ og tækni­
sjóði. Þeim eru ætlaðir 1,3 milljarðar
króna sérstaklega á næsta ári. Nefna
má aukna áherslu á græna hagkerf­
ið svonefnda. Ætlunin er að leggja 500
milljónir króna á næsta ári í grænan
fjárfestingarsjóð og 280 milljónum
króna verður varið til þess að styðja við
grænar áherslur fyrirtækja.
Breytt hagkerfi með nýjum
áherslum
En þar með er ekki allt upp talið. Kvik­
myndasjóður fær nánast tvöfalt hærra
framlag en áður, 250 milljónir króna
renna aukalega til verkefnasjóða fyrir
aðrar skapandi greinar og Netríkið
Ísland fær 200 milljónir króna í sinn
hlut.
Forvígismenn ferðaþjónustunnar
hafa undanfarnar vikur brugðist hart
við áformum um að hækka virðisauka­
skatt greinarinnar til jafns við aðrar
greinar. Það mál hefur ekki enn verið
til lykta leitt, en þeir hinir sömu geta
glaðst yfir því að allt að 500 milljónum
króna verður varið í nafni fjárfestinga­
áætlunarinnar til uppbyggingar ferða­
mannastaða sem eru undir sífellt
meira álagi vaxandi fjölda ferða­
manna. Einnig er ráðgert að verja 250
milljónum króna til að efla innviðina á
friðlýstum og eftirsóttum svæðum.
Það verður því ekki annað séð en
að fjárfestingaáætlun falli vel að þeirri
sýn sem fram kemur í Íslandsskýr­
slu McKinsey sem forsætisráðuneytið
hefur nú tekið til sérstakrar skoðunar.
Ríkis stjórnin hefur því sett aukinn kraft
í fjölgun starfa þar sem fjárfestingar
í innviðum samfélagsins og í hinu
græna og skapandi hagkerfi eru sett í
forgang.
Tíu milljarðar í atvinnusköpun
Útgáfufélag: DV ehf. Stjórnarformaður: Ólafur M. Magnússon Ritstjóri: Reynir Traustason (rt@dv.is) Fréttastjóri: Ingi Freyr Vilhjálmsson (ingi@dv.is) Umsjón helgarblaðs: Ingibjörg
Dögg Kjartansdóttir (ingibjorg@dv.is) Umsjón innblaðs: Kristjana Guðbrandsdóttir (kristjana@dv.is) Framkvæmdastjóri og vefstjóri DV.is: Jón Trausti Reynisson (jontrausti@dv.is)
Sölu- og markaðsstjóri: Heiða B. Heiðarsdóttir (heida@dv.is) Umbrot: DV Prentun: Landsprent Dreifing: Árvakur DV á netinu: www.dv.is
F R J Á L S T, Ó H Á Ð D A G B L A Ð
Heimilisfang
Tryggvagötu 11
Hafnarhvoli, 2. hæð
101 Reykjavík
FRéTTASkoT
512 70 70 DV áskilur sér rétt til að birta aðsent efni blaðsins á stafrænu formi og í gagnabönkum án endurgjalds. Öll viðtöl blaðsins eru hljóðrituð. Notkun á efni blaðsins er óheimil án samþykkis.
512 7000
512 7010
512 7080
512 7050
AÐALnúmeR
RiTSTJÓRn
ÁSkRiFTARSími
AuGLýSinGAR
14 14. nóvember 2012 Miðvikudagur
Leiðari
Ingi Freyr
Vilhjálmsson
ingi@dv.is
„Þetta er fagnað-
arefni og sýnir
að ríkisstjórninni hefur
enn eina ferðina tekist
ætlunarverk sitt, nú í
þágu uppbyggingar í
atvinnulífinu.
Aðsent
Jóhanna
Sigurðardóttir
forsætisráðherra