Dagblaðið Vísir - DV - 30.11.2012, Blaðsíða 4

Blikastaðalandið til Arion
n Bleiksstaðir gjaldþrota
A
rion banki hefur leyst Blika­
staðalandið í Mosfellsbæ
til sín vegna gjaldþrots fé­
lagsins sem átti það. Félag­
ið heitir Bleiksstaðir og var í eigu
verktakafyrirtækisins Eyktar. Fé­
lagið keypti landið af eignarhalds­
félaginu EAV ehf. fyrir 65 millj­
ónir evra, rúmlega 6,2 milljarða á
þávirði, í febrúar 2008. Kaupþing
fjármagnaði viðskiptin.
Þegar Blikastaðalandið var selt
til Bleiksstaða í ársbyrjun 2008
stóð til að byggja um 1.800 íbúðir
á svæðinu. Reiknað var með að
íbúðirnar seldust á næstu sjö til
tíu árum þar á eftir. Íslenska efna­
hagshrunið setti strik í reikninginn
hjá Eykt, líkt og hjá flestum öðrum
verktakafyrirtækjum í landinu,
og varð ekkert af því að hafist
væri handa við þessa miklu upp­
byggingu á svæðinu.
Blikastaðalandið var í eigu Ís­
lenskra aðalverktaka þegar ríkið
seldi 40 prósenta hlut sinn í fyrir­
tækinu til þáverandi æðstu stjórn­
enda verktakafyrirtækisins árið
2003. Eftir einkavæðinguna kom í
ljós að landið hafði verið vanmetið
þegar íslenska ríkið seldi hlutinn
í Íslenskum aðalverktökum. Verð­
matið á Blikastaðalandinu fyrir
einkavæðingu árið 2002 var tæp­
lega 900 milljónir króna. Í árs­
reikningi Íslenskra aðalverktaka
árið 2003 hafði verið framkvæmt
„sérstakt endurmat“ á landinu þar
sem verðmat þess hækkaði upp í
tæplega 4,5 milljarða króna. Blika­
staðalandið var svo selt til Bleiks­
staða fyrir rúma 6 milljarða króna
árið 2008. Meira en fimm milljarða
munur var því á bókfærðu verð­
mæti landsins þegar ríkið seldi
hlut sinn í fyrirtækinu og þegar
kaupendurnir seldu Blikastaða­
landið til Eyktar 2008. n
n Rætt um Dróma á ráðherrafundi n Greinir á um færslu til Arion
E
kki er einhugur í ríkisstjórn­
inni um hvort flytja eigi út­
lánasafn Dróma ehf. yfir
í Arion banka samkvæmt
heimildum DV. Á fundi
fjögurra ráðherra, Steingríms J.
Sigfússonar, Ögmundar Jónasson,
Katrínar Júlíusdóttur og Guðbjarts
Hannessonar á miðvikudaginn, var
rætt um málefni Dróma samkvæmt
heimildum DV. Þar kom þessi óein­
ing nokkuð skýrt fram. Drómi er
félag sem var stofnað utan um út­
lánasafn Sparisjóðs Reykjavíkur og
nágrennis og Frjálsa fjárfestingar­
bankans.
Orð Jóhönnu skýr
Bæði Jóhanna Sigurðardóttir for­
sætisráðherra og Ögmundur Jónas­
son innanríkisráðherra hafa lýst
því yfir að þau vilji leita alllra leiða
til að flytja útlánasafn Dróma yfir í
Arion banka. Margir af viðskipta­
vinum Dróma una hag sínum illa og
telja á sér brotið vegna innheimtu­
aðferða félagsins og hefur málflutn­
ingur þeirra meðal annars snúist
um gagnrýni á einstaka starfsmenn
Dróma, til dæmis Hlyn Jónsson.
Í fréttum Stöðvar 2 í síðustu viku
sagði Jóhanna til dæmis: „Og ég
held að menn hljóti að skoða það
hvort að það sé ástæða til þess að
flytja eignasafnið frá Dróma með
einhverjum hætti til Seðlabanka
eða Arion banka.“
Þá sagði Jóhanna einnig: „Það er
auðvitað öllum ljóst að það er eitt­
hvað mikið að í samskiptum Dróma
við þá, þá lántaka sem mynda
félagið þeirra, úr þeim vanda verður
að, að leysa. Og þessi mál hafa verið
lengi í skoðun og ég tel að það þurfi
að grípa til aðgerða …“
Hávær mótmæli
Stofnuð hefur verið sérstök Face­
book­síða þar sem ósáttir við­
skiptavinir Dróma deila á félagið og
starfsmenn þess. Byggir gagnrýnin
meðal annars á því að viðskipta­
vinir Dróma fái verri lánaskilmála
en viðskiptavinir annarra banka
og að sú ákvörðun byggi á ein­
hliða ákvörðununum starfsmanna
Dróma. Á síðunni segir Ingileif
Jóhannesdóttir meðal annars: „Inn­
lán og útlán hefðu átt að fara saman
inn í Arion banka … fólki er mis­
munað á þessum forsendum og því
verður að ljúka.“
Viðskiptavinirnir hafa einnig
kvartað sáran yfir því að starfsmenn
Dróma hafi sagt að þeir ætli ekki að
hlíta neinum dómum um gengis­
tryggð lán þar sem þeir séu að gæta
hagsmuna kröfuhafa félagsins sem
ekki vilji gefa neitt eftir. Arion banki
er stærsti kröfuhafi Dróma.
Sjónarmið FME reifuð
DV hefur heimildir fyrir því að
Steingrímur J., atvinnuvega­ og ný­
sköpunarráðherra, hafi lagt fram
minnisblað um Dróma á fundi ráð­
herranna á miðvikudaginn sem
skilja megi sem svo að hann vilji
óbreytt ástand í starfsemi félagsins.
Í minnisblaðinu munu hafa verið
reifaðar niðurstöður Fjármála­
eftirlitsins um starfsemi Dróma þar
sem einungis kom fram gagnrýni
við einn lið í starfsemi félagsins sem
stofnunin skoðaði. Sú niðurstaða
FME var gerð opinber í síðustu viku
og er í reynd eins konar heilbrigðis­
vottorð um starfsemi Dróma.
Mun Steingrímur hafa sagt á
fundinum að gagnrýnin á starfsemi
Dróma kæmi einungis frá örfáum
einstaklingum. Orð hans má skilja
sem svo að umræðan um vinnu­
brögð Dróma sé í reynd stormur í
vatnsglasi.
Ríkið gæti þurft að borga
Í minnisblaðinu mun einnig hafa
komið fram að Steingrímur teldi
að íslenska ríkið gæti þurft að
greiða Arion banka fyrir þann mis­
mun sem myndast á kaup­ og
söluverðinu á eignasafni Dróma
ef það verður keypt og fært inn í
Arion banka. Samningurinn sem
sú greiðsla frá ríkinu myndi byggja
á, ef útlánasafn Dróma yrði fært
inn í Arion banka, byggir á samn­
ingi sem fjármálaráðuneytið
gerði í september árið 2009. Sam­
kvæmt þeim samningi mun byggja
hugsan legar greiðslur íslenska rík­
isins til Arion banka á því að þeim
mun meira sem Drómi innheimtir
af útlánasafni sínu þá muni ríkið
þurfa að borga Arion þeim mun
minna. Ef af flutningi á útlánasafni
Dróma verður þá þýðir það að
Drómi innheimtir minna af útlán­
unum en gert var ráð fyrir og þar af
leiðandi mun íslenska ríkið þurfa
að greiða Arion banka þeim mun
hærri fjárhæð fyrir vikið ef af færsl­
unni verður.
Arion banki stendur því ekki
frammi fyrir neinu tapi, sama
hvort útlánasafnið verður fært yfir
í Arion eða ekki, heldur er það að­
eins spurning um hugsanlegt tap
íslenska ríkisins á gerningnum.
Steingrímur virðist ekki hlynntur
þessari yfirfærslu. Tap ríkisins
vegna yfirfærslunnar á útlánasafn­
inu yrði líka skrifað á ráðherratíð
hans í fjármálaráðuneytinu.
Niðurstaðan á fundinum á mið­
vikudaginn mun hafa verið sú að
Katrínu Júlíusdóttur var falið að
skoða betur möguleikann á færslu
útlánasafnsins yfir til Arion banka
og hugsanlegan kostnað ríkisins
vegna þessa. n
Óeining í ríkisstjórn
um málefni Dróma
4 Fréttir 30. nóvember – 2. desember 2012 Helgarblað
Ingi Freyr Vilhjálmsson
fréttastjóri skrifar ingi@dv.is
„Fólki er mismunað
á þessum forsend-
um og því verður að ljúka.
Ríkið gæti þurft að borga Flutningur útlánasafns Dróma inn í Arion banka myndi
kosta ríkið fjármuni vegna samnings sem fjármálaráðneyti Steingríms J. Sigfússonar gerði á
haustmánuðum 2009. Fund ráðherranna má skilja sem svo að Steingrímur sé ekki hlynntur
færslunni en Jóhanna Sigurðardóttir er það.
Frítt á skíði
á Ísafirði
Frítt verður inn á skíðasvæðið í
Tungudal á Ísafirði í dag, föstudag.
Tilefnið er opnun skíðasvæðisins.
Opið verður á milli klukkan fjög­
ur síðdegis fram á kvöld. „Flestar
brekkur hafa verið troðnar, færi er
gott og veðurspá morgundagsins
gerir ráð fyrir hægu og björtu veðri,“
segir í tilkynningu frá Ísafjarðarbæ
vegna skíðasvæðisins. Þar kemur
einnig fram að lyfturnar séu allar
komnar í stand og starfsfólkið sé
klárt til að taka á móti gestum.
Lögreglan
leitar Elvu
Lögreglan hefur ítrekað að enn sé
lýst hefur Elvu Brá Þorsteinsdóttur.
Ekkert hefur spurst til hennar frá
því að síðast var óskað eftir upp­
lýsingum um hvar hún væri niður­
komin. Hennar hefur verið leitað
síðan í síðustu viku. Elva er 165
sentímetrar á hæð, grannvaxin
og dökkhærð. Síðast þegar vitað
var um hana var hún klædd í ljósa
kuldaúlpu með hettu en hettan er
úr skinni. Elva er fædd árið 1990.
Allir geta sent
athugasemdir
Stjórnskipunar­ og eftirlitsnefnd
Alþingis veitir öllum skriflegum
athugasemdum við frumvarp
til stjórnarskipunarlaga um
breytingar á stjórnarskrá
Íslands viðtöku fram til 13. des­
ember. Þetta kemur fram í til­
kynningu frá nefndinni. Fram
kemur að nefndin taki við er­
indum frá félögum, samtökum
og einstakl ingum á netfangið
stjornskipun@althingi.is. Frum­
varpið sem fyrir liggur byggir á
þeim tillögum sem stjórnlaga­
ráð lagði fyrir þingið í kjölfar
vinnu sinnar. Lögfræðingateymi
á vegum þingsins hefur einnig
farið yfir tillögurnar.
Vanmetið í einkavæðingunni
Blikastaðalandið var vanmetið í bókum
Íslenskra aðalverktaka þegar nokkrir af
helstu stjórnendum þess keyptu fyrirtækið
af íslenska ríkinu 2003.