Dagblaðið Vísir - DV - 21.01.2013, Síða 6

6 Fréttir 21. janúar 2013 Mánudagur
Vill láta rannsaka rekstur Hörpu
n Stjórnarmenn rekstrarfélaga Hörpu fengu 40 milljónir á einu og hálfu ári
K
jartan Magnússon, borgar-
fulltrúi Sjálfstæðisflokks-
ins, sagði í samtali við RÚV
í gær að hann vildi athuga
hvort skoða þyrfti rekstur tónlistar-
og ráðstefnuhússins Hörpu með
opin berri rannsókn. „Ég held að
það þurfi að fara yfir alla þætti
málsins. Eftir því sem maður skoð-
ar þessi mál betur vakna alltaf nýj-
ar og nýjar spurningar. Það þarf að
rannsaka þetta mál miklu betur.
Satt best að segja kemur upp í hug-
ann hvort það sé ekki rétt að þetta
mál sé bara skoðað með opinberri
rannsókn.“
Á borgarstjórnarfundi á dögun-
um lagði Kjartan fram fyrirspurn
til borgarstjóra um heildarkostn-
að borgarinnar vegna Hörpu og
sérstaka kostnaðarliði. Telur hann
borgarstjóra vanmeta heildar-
kostnaðinn verulega.
Í svari Jóns Gnarr borgar-
stjóra kom ýmislegt fram er varð-
ar rekstur Hörpu. Þar segir meðal
annars að á einu og hálfu ári hafi
samanlagðar greiðslur til einstakra
stjórnarmanna numið rúmlega 41
milljón. Þar af fengu þau Þórunn
Sigurðardóttir og Pétur J. Eiríksson
saman 24 milljónir fyrir stjórnar-
setu sína.
Átta einkahlutafélög tengj-
ast rekstri Hörpu. Pétur J. Eiríks-
son var formaður stjórnar fimm
þeirra, Portus, Totus, Situs, Hospes
og Custos. Þá sat hann líka í stjórn
rekstrarfélagsins Ago. Pétur þáði
tæplega 11 milljónir fyrir störf sín
fyrir þessi félög sem jafngildir um
640 þúsund krónum á mánuði.
Sem stjórnarformaður rekstrar-
félagsins Ago og meðstjórnandi í
Portus fékk Þórunn Sigurðardótt-
ir rúmar þrettán milljónir eða um
760 þúsund á mánuði. Nokkrir
aðrir stjórnarmenn voru með laun
yfir einni og hálfri milljón króna
fyrir umrætt tímabil en margir
þeirra eru í fullu starfi eða í öðr-
um stjórnum á vegum hins opin-
bera. n
120 manns
leituðu
Um 120 björgunarsveitarmenn
tóku þátt í leit að manni sem
týndist á Esjunni á sunnudaginn.
Manninum heilsast vel en hann
vildi ekki veita DV viðtal né held-
ur láta nafns síns getið. Maðurinn
var á ferð á Kerhólakambi ásamt
félaga sínum og hugðust þeir fara
mismunandi leiðir niður af fjall-
inu um hádegið. Þegar félaginn
kom niður beið hann í nokkurn
tíma en sá týndi skilað sér ekki.
Leitin var afar umfangsmikil og
aðstæður erfiðar en mikið kapp
var lagt á að finna manninn áður
en myrkvaði. Veður var mjög vont,
mikið rok, slydda og snjókoma.
Björgunarsveitarmenn frá höfuð-
borgarsvæðinu, Borgarfirði og
Suðurnesjum tóku þátt í leitinni
sem hófst um fjögurleytið og
fannst maðurinn rúmum fjórum
tímum síðar í Gunnlaugsskarði.
Var hann ágætlega haldinn miðað
við aðstæður.
Meirihluti vill
olíuvinnslu
Mikill meirihluti landsmanna vill
leyfa olíuvinnslu á Drekasvæð-
inu samkvæmt skoðanakönnun
Stöðvar 2 og Fréttablaðsins. Þar
kemur fram að um 80 prósent
landsmanna styðja slík áform en
aðeins 9 prósent sögðust frekar
eða mjög andvíg þeim. Stuðn-
ingurinn er mestur á meðal sjálf-
stæðis- og framsóknarmanna
eða 87 prósent hjá fyrrnefnda
hópnum og 85 prósent hjá þeim
síðarnefnda. Athygli vekur að
meirihluti kjósenda Vinstri-
grænna, um 60 prósent, skuli vera
hlynntur olíuboruninni í ljósi þess
að sá flokkur leggur einna helst
áherslu á umhverfismál.
Náðu tuttugu
milljörðum sem
komið var undan
Rúmlega tuttugu milljarðar
hafa skilað sér í ríkiskassann
vegna rannsókna skattayfir-
valda á fjármálagjörningum í
aðdraganda efnahagshruns-
ins. Þar af innheimtist um
þriðjungur upphæðarinnar
á síðasta ári. Þetta kom fram
í umfjöllun RÚV um skatt-
rannsóknir í kjölfar hrunsins.
Þessi upphæð, endurheimt
skattsvikafé, jafngildir um það
bil kostnaðinum við að grafa
Norðfjarðargöng, Súðavíkur-
göng og Dýrafjarðargöng.
Eftir að bankarnir féllu settu
yfirvöld aukinn kraft í skatt-
rannsóknir vegna vísbendinga
um að ekki hefðu verið greidd-
ir fullir skattar af öllum tekjum
sem urðu til í góðærinu. Rann-
sóknir Fjármálaeftirlitsins og
uppgjör á þrotabúum banka og
fyrirtækja vörpuðu jafnframt
ljósi á margt sem áður hafði
verið hulið. Ein þeirra aðferða
sem skattayfirvöld hafa beitt er
að skoða notkun á erlendum
greiðslukortum hérlendis.
Þykir Harpa dýr Kjartan Magn-
ússon, borgarfulltrúi Sjálfstæð-
isflokks, lagði fram fyrirspurn til
borgarstjóra um ýmsa kostnað-
arliði er varða rekstur Hörpu.
n Snæfríður lést í blóma lífsins n Varð bráðkvödd á heimili sínu
N
ánir ástvinir Snæfríðar
Baldvinsdóttur, lektors við
Háskólann á Bifröst, eru
harmi slegnir yfir óvæntu frá-
falli hennar. Snæfríður varð
bráðkvödd að heimili sínu á Víðimel
27 í Reykjavík laugardaginn 19. janúar.
Hún var 44 ára að aldri.
Aðstandendur komu saman á
heimili foreldra Snæfríðar, Bryndísar
Schram og Jóns Baldvins Hannibals-
sonar, í gær þar sem þau sýndu hvert
öðru styrk í áfallinu.
Hélt til tískuborganna
Snæfríður fæddist í Reykjavík 18. maí
1968, en ólst upp á Ísafirði til tólf ára
aldurs. Hún stundaði tónlistarnám
við Tónlistarskóla Ragnars H. Ragn-
ar á Ísafirði frá barnsaldri, með fiðlu-
leik sem aðalgrein. Snæfríður lauk
stúdentsprófi frá Menntaskólanum í
Reykjavík 1988, en las að mestu utan-
skóla til prófs, þar sem hún stundaði
fyrirsætustörf frá sautján ára aldri með
aðsetur í París og Róm.
Bjó í Róm
Snæfríður var búsett í Róm í rúman
áratug frá 1990 til 2000 og í Mexíkó-
borg frá 2001 til 2003, þar sem hún
var aðstoðarframkvæmdastjóri Ítalska
verslunarráðsins. Á Rómarárunum tók
hún B.Sc.-próf í hagfræði og alþjóða-
samskiptum frá John Cabot University
(1995) og MS-próf í fjármálahagfræði
og stærðfræði frá St. John‘s University
(2000). Árið 2011 lauk hún meistara-
prófi frá Háskóla Íslands í þjóðhag-
fræði og hagmælingum.
Starfaði hjá Fjármálaeftirlitinu
Heim komin árið 2003 gerðist
Snæfríður aðjúnkt og síðar lektor í
hagfræði við Háskólann á Bifröst. Á
síðastliðnu hausti var hún ráðin til
starfa sem sérfræðingur hjá Fjármála-
eftirlitinu. Frá árinu 2010 sat hún í
stjórn Neytendasamtakanna og í fram-
kvæmdastjórn frá hausti 2012.
Skilur eftir sig dóttur
Fyrri sambýlismaður Snæfríðar var
Marco Brancaccia. Dóttir þeirra er
Marta Brancaccia Snæfríðardóttir
framhaldsskólanemi. Seinni sambýlis-
maður Snæfríðar var Gunnar Gylfason
framkvæmdastjóri. Foreldrar Snæ-
fríðar eru sem fyrr segir þau Bryndís
Schram og Jón Baldvin Hannibalsson,
fyrrverandi formaður Alþýðuflokks-
ins. n
Harmi
slegnir
ástvinir
Snæfríður
Baldvinsdóttir
F. 18. maí 1968
D. 19. janúar 2013
Umhverfisverndarsinni Snæfríður
hvatti til þess í ræðu og riti að gengið yrði
betur um náttúruna. Í grein eftir hana
sem birtist í Fréttablaðinu í fyrra vakti
hún meðal annars athygli á lofts-
lagsbreytingum af manna völdum og
skrifaði: „Við þurfum að breyta um fram-
leiðsluhætti og lífsstíl. En fyrst verðum
við að breyta um hugsunarhátt.“
Bjó í París og Róm Snæfríður stundaði fyrirsætustörf á sínum yngri árum og las að
mestu utanskóla til prófs í Menntaskólanum í Reykjavík.