Dagblaðið Vísir - DV - 25.02.2013, Side 2

2 Fréttir 25. febrúar 2013 Mánudagur
B
jarni Benediktsson er ekki
sammála því að stefna
flokksins um að lækka skatta
en auka þjónustu séu töfra-
lausnir sem engin innistæða
sé fyrir. Hann er sannfærður um að
lægri skattar skili auknum tekjum hjá
ríkissjóði. „Við horfum á það þannig
að einfalt sanngjarnt skattkerfi með
hóflegum sköttum sé besta leiðin til
að auka umsvifin í samfélaginu og
aukin umsvif munu skila sér í aukn-
um tekjum í ríkissjóð,“ segir Bjarni.
„Þannig að þetta gengur hönd í
hönd, að vera með einfalt sanngjarnt
skattkerfi og treysta stöðu ríkissjóðs
til að standa undir velferðarkerfinu.“
Skattar háir með
tilliti til lífeyris
Bjarni segir skatta vera háa ef litið sé
til þess sem launþegar borga í lífeyr-
issjóði. „Það er nauðsynlegt að taka
með það sem rennur beint frá laun-
þegum til lífeyrissparnaðar. Vegna
þess að í öðrum löndum þá er það
víðast hvar þannig, í þeim löndum
sem við berum okkur saman við, að
ríkissjóður stendur sjálfur undir því
að tryggja lífeyrisréttindi. Þegar þetta
hefur verið tekið með í reikninginn,
að skattarnir í öðrum löndum er til
að standa undir lífeyrisréttindum, þá
eru skattar á Íslandi mjög háir.“
Bjarni segir að skattalækkanir séu
mikilvægar og að draga þurfi úr þeim
tekjutengingum sem eru til stað-
ar í dag. „Þetta er stefna sem gengur
upp því menn verða að skoða hana í
þessu heildarsamhengi. Ég til dæmis
lít ekki þannig á að í dag sé ríkissjóð-
ur rekinn með halla vegna þess að
skattar hér séu ekki nógu háir,“ segir
hann og bætir við að þeir sem trúa
því ekki að ekki sé hægt að loka fjár-
lagagatinu án þess að halda áfram
að hækka skattana séu talsmenn úr-
eltra hugmynda.
„Við eigum ofboðslega mik-
ið undir því, til að geta treyst vel-
ferðina í landinu, haldið áfram að
styrkja heilbrigðiskerfið, almanna-
tryggingakerfið, menntamálin og
samgöngumálin, að okkur takist að
auka hagvöxt,“ en það telur Bjarni
hægt að gera með skattalækkunum.
Stefnir með flokkinn hærra
Flokkurinn mælist með sambærilegt
fylgi og hann mældist með fyrir hrun.
Í kosningunum 2009 beið flokkurinn
hinsvegar afhroð og tapaði miklu
fylgi til annarra flokka. Þrátt fyrir að
mikið fylgi hafi endurunnist hefur
Bjarni og aðrir í forystusveitinni ver-
ið gagnrýndir og því haldið fram að
með jafn óvinsæla ríkisstjórn og þá
sem nú er við völd ætti flokkurinn að
vera að mælast með talsvert meira
fylgi en raun ber vitni.
Þetta segir Bjarni ekki vera rétt og
segist hann ánægður með fylgi
flokksins þó hann stefni hærra.
„Það þarf að hafa fyrir hverju ein-
asta atkvæði og ég hef ávallt kos-
ið að líta þannig á það að það ætti
enginn neitt,“ segir Bjarni.
„Mér finnst ekki sjálfgefið að
flokkurinn hafi náð fyrri stuðn-
ingi á þessu kjörtímabili þrátt fyr-
ir ríkisstjórnina. Það hefur bara
verið í mínum huga árangur sem
raunhæft var að ná með því að
leggja mikið á sig og ég er bjart-
sýnn um það að framundan, eftir
þennan landsfund, séu mjög mik-
il sóknarfæri sem við ætlum að
nýta okkur og þegar þau hafa ver-
ið nýtt, takist okkur að koma vel til
skila þeim áherslumálum sem við
erum hérna að koma okkur saman
um, þá er ég sannfærður um að
við munum ekki bara ná sögulegu
fylgi heldur getum gert enn betur,“
segir hann og bætir við: „Við ætlum
að sækja fram alveg fram á síðasta
dag.“ n
Aðalsteinn Kjartansson
blaðamaður skrifar adalsteinn@dv.is
LÆKKUN SKATTA
ER RÉTTA LEIÐIN
„Það þarf að hafa fyrir
hverju einasta atkvæði
n Bjarni ætlar að einfalda skattkerfið og draga úr tekjutengingu
Afgerandi stuðningur
Þ
að er mjög ánægjulegt,
þetta er afgerandi stuðn-
ingur. Allir þeir sem voru í
kjöri til forystu fyrir flokk-
inn fengu góða kosningu. Þannig
að við förum með mjög samhenta
forystu inn í kosningabaráttuna,
með traust umboð,“ sagði Bjarni
en hann hefur aldrei áður fengið
jafn góða kosningu í embætti for-
manns. Bjarni fékk 78,9 prósent
gildra atkvæða.
Bjarni var fyrst kjörinn formað-
ur flokksins árið 2009 en þá fékk
hann 58 prósent gildra atkvæða
gegn 40 prósentum Kristjáns Þórs
Júlíussonar. Ári síðar var aftur kos-
ið til formanns en þá sigraði Bjarni
Pétur Blöndal með 65 prósentum
gildra atkvæða gegn 32 prósentum.
Á síðasta landsfundi, árið 2011,
var þó minnstur munurinn en þá
bauð Hanna Birna Kristjánsdótt-
ir sig fram gegn Bjarna. Sá slagur
endaði með því að Bjarni fékk 55
prósent og Hanna Birna 44 pró-
sent. Í formannskjörinu á lands-
fundinum um helgina fékk Hanna
Birna 18,8 prósent atkvæða án þess
þó að gefa kost á sér.
Sækja fram „Við ætlum að
sækja fram alveg fram á síð-
asta dag,“ segir Bjarni en hann
stefnir talsvert hærra með
flokkinn sem þó mælist með
mikið fylgi í dag. MYND SIGTRYGGUR ARI
Tókust á um
kristileg gildi
Sjálfstæðismenn tókust á um
kristileg gildi á landsfundi flokks-
ins en á laugardag var samþykkt
ályktun þar sem sagði að við alla
lagasetningu ætti að taka mið af
kristnum gildum og hefðum þegar
það ætti við. Tillagan var afgreidd
síðdegis á laugardag þegar fá-
mennt var í fundarsalnum sem
jafnan var þétt setinn um helgina.
Mikil óánægja reyndist vera með
ályktunina og var hún harðlega
gagnrýnd af flokksmönnum á
laugardagskvöld. Því ákvað sam-
ræmingarnefnd flokksins að leggja
það til að umræða yrði að nýju um
þessa tilteknu setningu í ályktun-
inni á sunnudag. Það var gert og
fór það svo að setningin í ályktun-
inni var felld út með yfirgnæfandi
meirihluta atkvæða.
Vilja láta loka
Evrópustofu
Sjálfstæðismenn voru nokkuð af-
gerandi í ályktun sinni um utan-
ríkismál. Á landsfundi flokksins
var áréttuð sú afstaða að hætta eigi
aðildarviðræðum við Evrópusam-
bandið og þær ekki teknar upp
að nýju nema að undangenginni
þjóðaratkvæðagreiðslu. Fyrir fund-
inum lá tillaga þess efnis að að-
ildarviðræðurnar yrðu áfram á ís
en þeirri tillögu var hafnað. Flokk-
urinn samþykkti hinsvegar líka að
Evrópusambandinu verði gert að
loka kynningarskrifstofu sinni hér á
landi, sem er Evrópustofa. „Lands-
fundurinn mótmælir íhlutun
sendiherra Evrópusambands-
ins á Íslandi í stjórnmálaumræðu
þjóðarinnar og telur óhæfu að
stækkunardeild ESB haldi úti starf-
semi hér þar sem lagst er á sveif
með einu stjórnmálaafli gegn öðr-
um,“ segir í ályktuninni.
Lögðu með
óhefðbundn-
um hætti
Lögreglan mætti á landsfund Sjálf-
stæðismanna til að sekta þá sem
lagt höfðu ólöglega við Laugar-
dalshöllina þar sem fundurinn
fór fram. Tilkynnt var um þetta
nokkrum sinnum í fundarsaln-
um og í eitt skiptið var talað um að
þeir sem hefðu lagt með óhefð-
bundnum hætti ættu að huga að
því að færa bíla sína. „Okkur hafa
borist ábendingar, allnokkrar,
um það að margir landsfundar-
fulltrúar hafi lagt bifreiðum sín-
um með óhefðbundnum hætti,“
sagði fundarstjóri og hvatti fólk til
að bjarga sér frá sektum lögreglu.
„Það væri auðvitað best ef lands-
fundarfulltrúar gætu brugðist við
þessu og láta auðvitað flokkinn
sinn frekar njóta fjárins en tóman
ríkissjóðinn.“