Dagblaðið Vísir - DV - 17.12.2013, Blaðsíða 5

Vikublað 17.–19. desember 20136 Fréttir
Fékk þriggja ára
starfslokasamning
Einelti í garð starfsmanns RÚV leiddi til þess að gerður var langur samningur við hann
É
g læt af störfum fyrir rúmu
ári síðan og meira hef ég ekki
um málið að segja,“ segir Bára
Halldórsdóttir, fyrrverandi
tæknimaður hjá RÚV og trún­
aðarmaður rafiðnarmanna hjá stofn­
uninni, um starfslok sín þar í fyrra.
Starfslok Báru hafa verið altöluð
meðal starfsmanna RÚV síðast­
liðna mánuði og hefur umræða um
þau ágerst eftir fjöldauppsagnirn­
ar hjá stofnuninni í nóvember. Bára
var meðal annars einn af gestunum
á samstöðufundi um Ríkisútvarpið
sem haldinn var í Háskólabíói fyrir
skömmu.
Þriggja ára starfslokasamningur
Þegar Bára lét af störfum hjá RÚV
í fyrra var gerður við hana þriggja
ára starfslokasamningur. Hún fær
því laun í þrjú ár eftir starfslok­
in. Bára hætti hjá RÚV eftir nokkur
stormasöm ár þar sem mikið gekk á
í samskiptum hennar og yfirmanns
hennar og mun orðið einelti meðal
annars hafa komið upp í þeirri um­
ræðu.
Ástæðan fyrir því að gerður var
við hana starfslokasamningur var
sú að umrædd framkoma gagn­
vart Báru var talin vera þess eðlis
að RÚV hefði getað tapað dóms­
málinu gegn henni ef hún hefði
leitað réttar síns. Slíkt hefði vitan­
lega bæði getað haft slæm áhrif á
RÚV í ljósi umræðunnar um mál­
ið og eins hefðu fjárhagslegar af­
leiðingar slíks dómsmáls getað
orðið verri en það að greiða Báru
laun í þrjú ár eftir starfslokin.
Bára er hins vegar ennþá á
launum hjá RÚV og kann að vera
að hluti af samkomulaginu sem
gerður var við hana feli í sér þag­
mælsku hennar út samningstím­
ann. Sú staðreynd kann að skýra
þögn hennar í samtalinu við DV.
Uppsögnin dregin til baka
Báru var meðal annars sagt upp
störfum árið 2008 en var sú upp­
sögn dregin til baka, meðal annars
út af harðri gagnrýni frá Guð­
mundi Gunnarssyni, formanni
Rafiðnaðar sambandsins, en Bára
hafði þá meðal annars komið að
kjarasamningum innan stofnunar­
innar. Rafiðnaðarsambandið sendi
frá sér yfirlýsingu um uppsögn­
ina sem Guðmundur skrifaði þar
sem sagði meðal annars: „Þegar
Rafiðnaðarsamband Ísland frétti
síðastl. föstudag að henni hefði
verið sagt upp störfum var um­
svifalaust haft samband við lög­
mann RSÍ Láru V. Júlíusdóttir. Bára
fór til lögmannsins kl. 14.00 í gær.
Þegar hún var á leið af skrifstofu
lögmannsins út í bifreið sína var
hringt í hana af yfirmanni tækni­
deildar og uppsögnin dregin til
baka. Enda lá þá fyrir að gripið
yrði til aðgerða af hálfu RSÍ gagn­
vart RÚV í málinu. Vinnubrögð við
uppsagnir tæknimanna á föstudag
eru ámælis verðar. Starfsmenn líða
fyrir ofurlaunastefnu tiltölulega fá­
menns hóps innan stofnunarinnar.
Það hefur bitnað á tæknifólki sem
hefur verið hryggbeinið í snurðu­
lausum útsendingum.“
Starfaði áfram í fjögur ár
Bára var því ekki aðeins fórnar­
lamb eineltis hjá stofnuninni, sem
allar heimildir DV staðfesta og
var eineltið helsta ástæða starfs­
lokasamningsins, heldur var hún
einnig trúnaðarmaður fyrir hönd
aðildarmanna Rafiðnaðarsam­
bandsins hjá stofnuninni og tók
þátt í kjarabaráttu fyrir þeirra
hönd. Guðmundi var mikið niðri
fyrir í yfirlýsingunni: „Það að ráð­
ast að einstæðri móður með fatlað
barn sem hefur unnið hjá stofnun­
inni í 23 ár einkennist af fáheyrðri
fólsku. Bára hefur unnið ákaflega
samviskusamlega fyrir stofnun­
ina, en hún hefur einnig látið til
sín taka við leiðréttingu kjaraatriða
vegna þessa starfsfólks sem starfar
á gólfinu. Það hefur valdið ofur­
launaliðinu hugarangri og nú átti
að nýta tækifærið til þess að koma
höggi á trúnaðarmanninn.“
Bára starfaði svo áfram hjá RÚV
í fjögur ár eftir að sú uppsögn var
dregin til baka en svo var henni
loks sagt upp í fyrra. n
„Ég læt af störfum
fyrir rúmu ári síðan
og meira hef ég ekki um
málið að segja.
Ingi Freyr Vilhjálmsson
ingi@dv.is
Þriggja ára starfslokasamningur
Tæknimaður hjá RÚV fékk þriggja ára
starfslokasamning í fyrra. Páll
Magnússon er útvarpsstjóri.
Sérstaklega hættuleg árás
Ákærður fyrir að reyna að skalla lögreglumenn og kýla
R
úmlega þrítugur karlmaður
hefur verið ákærður fyrir sér­
staklega hrottalega líkams­
árás. Honum er gefið að sök
að hafa aðfaranótt laugardagsins
24. nóvember 2012 í Garðabæ ráð­
ist að öðrum manni, á fimmtugs­
aldri, með hnefum og glerflösku.
Þá er hann einnig ákærður fyrir
að hafa ráðist með ofbeldi að lög­
reglumönnum, reynt kýlt annan
þeirra og reynt að skalla hinn.
Í ákæru kemur fram að maður­
inn sé ákærður fyrir að hafa slegið
brotaþola hnefahöggi vinstra
megin í andlitið og skömmu síðar
slegið hann í höfuðið með gler­
flösku, með þeim afleiðingum að
flaskan brotnaði. Maðurinn hlaut
kinnbeinsbrot vinstra megin, brot
í beingólfi undir vinstra auga og
skurð á höfði. Þá fékk hann áverka
á taug sem gengur út úr höfuð­
kúpunni með þeim afleiðingum
að hann hlaut varanlegan dofa í
vinstri kinn. Er þetta talið varða við
218. gr. almennra hegningalaga,
eða þriggja ára fangelsi. Brota­
þoli vill fá greidda tæpa milljón í
miskabætur.
Sem áður sagði er maðurinn
einnig ákærður fyrir að ráðast
á tvo lögreglumenn sömu nótt.
Lögreglumennirnir voru við
skyldustörf þegar að þeir þurftu að
hafa afskipti af ákærða. Maðurinn
er sagður hafa reynt að kýla annan
þeirra, sem náði að víkja sér und­
an högginu, og reyndi að skalla
hinn sem einnig náði að víkja sér
undan. n
astasigrun@dv.is
Hrottaleg árás Maðurinn er sagður hafa
ráðist á lögreglumenn og stórslasað annan
mann. SVIðSett mynd
Kært vegna
kynferðisbrots
Stúlka á tvítugsaldri hefur lagt
fram kæru vegna kynferðisbrots
í gestaíbúð í Hamrahlíð á föstu­
dagskvöldið. Blindrafélagið leigir
út íbúðina, en hvorki stúlkan né
sá sem kæran beinist gegn tengist
Blindrafélaginu á nokkurn hátt.
Kæran barst lögreglu á laugar­
daginn, en skemmtanahald
átti sér stað í íbúðinni kvöldið
áður. Staðfestir Friðrik Smári
Björgvins son yfirlögregluþjónn
að kæran sé á borði lögreglu og
málið til rannsóknar.
Lítið atvinnu-
leysi á Vest-
fjörðum
Atvinnuleysi á Vestfjörðum er
umtalsvert undir meðaltali en í
síðasta mánuði mældist atvinnu­
leysi þar ekki nema 2,3 prósent.
Vefmiðillinn BB.is greinir frá
því að 76 hafi að meðaltali ver­
ið atvinnulausir á Vestfjörðum
í mánuðinum. Í lok nóvember
voru 82 án atvinnu á Vestfjörð­
um. Er þetta aukning um 0,2
prósentustig frá fyrri mánuði, en
nokkru lægra en á sama tíma fyrir
ári þegar atvinnuleysi mældist
2,5 prósent á Vestfjörðum.
Landlæknir safnar
upplýsingum
Upplýsingar um starfsemi
legudeilda á sjúkrahúsum frá
degi til dags flæða nú rafrænt
inn í heilbrigðisskrár emb­
ættis landlæknis. Á vef emb­
ættisins segir að aðgengi að
þessum upplýsingum muni
breyta möguleikum á eftirliti
með starfsemi, gæðum og ár­
angri þjónustunnar og styðja
við stefnumótun og áætlana­
gerð. Eins og DV hefur greint
frá hyggst embættið samkeyra
allar sjúkraskrár landsmanna
á næstu mánuðum. Persónu­
vernd hefur sett spurningar­
merki við þessa þróun.