Dagblaðið Vísir - DV - 15.07.2014, Síða 18

18 Fréttir Erlent Vikublað 15.–17. júlí 2014
V
onir kínverskra fjárfesta um
að byggja nýjan skipaskurð
í gegnum Níkaragva glædd-
ust í síðustu viku þegar sér-
stök nefnd skipuð af yfir-
völdum í Níkaragva lagði blessun
sína yfir mögulegar framkvæmdir.
Áætlanir gera ráð fyrir að skurðurinn
verði 276 kílómetra langur og mun
hann veita Panamaskurðinum harða
samkeppni.
4.600 milljarðar króna
Nefndin sem hafði málið til um-
fjöllunar var meðal annars skip-
uð pólitískum fulltrúum yfirvalda,
sérfræðingum og kaupsýslumönn-
um. Áætlaður kostnaður við fram-
kvæmdirnar er talinn nema 40
milljörðum Bandaríkjadala, eða
tæplega 4.600 milljörðum íslenskra
króna. Það er kínverskur fjárfesta-
hópur, HKND, sem hefur veg og
vanda að fyrirhuguðum fram-
kvæmdum. Forsvarsmaður hópsins
er kínverskur lögfræðingur að nafni
Wang Jing. Teikningar gera ráð fyr-
ir að skurðurinn muni ná frá Brito-
ánni á Kyrrahafsströnd Níkaragva
að Punto Gorda-ánni sem er Karí-
bahafsmegin.
27 metra djúpur
Business Insider fjallaði ítarlega
um málið á dögunum. Í umfjöllun
blaðsins kom fram að framkvæmd-
irnar séu gríðarlega metnaðarfull-
ar og í hópi þeirra umfangsmestu í
sögunni. Panamaskurðurinn, sem
tekinn var í notkun 1914, er 82 kíló-
metra langur og verður skurður-
inn í Níkaragva því rúmlega þrisvar
sinnum lengri. Gert er ráð fyrir að
skurðurinn verði á bilinu 230 til 520
metra breiður og 27 metra djúpur.
Skuggahliðar
Þó að framkvæmdirnar muni færa
þjóðarbúinu töluverðar skatttekjur
vegna skipaumferðar um skurðinn
hafa mögulegar framkvæmd-
ir sínar skuggahliðar. Skurðurinn
myndi fara í gegnum Níkaragva-
vatn, stærsta stöðuvatn Mið-Ame-
ríku. Vatnið hefur gegnt mikilvægu
hlutverki fyrir íbúa landsins og er
ein helsta uppistaða ferskvatns.
Tilkoma skipaskurðar gæti stefnt
þessari mikilvægu auðlind í hættu
og haft mikil áhrif á fátæka íbúa
sem eiga allt sitt undir Níkaragva-
vatni.
32 kærur
„Annaðhvort verður vatnið notað
undir skip eða sem drykkjarvatn
fyrir íbúa. Við getum ekki notað það
undir bæði,“ sagði Victor Campos,
aðstoðarframkvæmdastjóri nátt-
úruverndarsamtakanna Humboldt
Center, í samtali við AP-fréttastof-
una á síðasta ári. Svo virðist einnig
vera sem hugsanlegar framkvæmd-
ir séu byggðar á veikum lagalegum
grunni. Þannig sagði að Gabriel Ál-
varez, lagaprófessor við National
Autonomous-háskólann í Níkarag-
va, í samtali við The Economist í
október í fyrra að 32 kærur hefðu
borist vegna málsins. Allar voru
þær vegna meintra brota á stjórnar-
skrá landsins.
Framkvæmdir hefjast brátt
Hvað sem öllu þessu líður, áhyggj-
um af áhrifum framkvæmdanna
eða mögulegum ávinningi, er bú-
ist við því að vinna við þetta risa-
verkefni hefjist strax í desember
næstkomandi, að sögn Telemaco
Talavara, fulltrúa í nefndinni sem
gaf grænt ljós á framkvæmdirn-
ar. Hann segir að markmiðið sé að
framkvæmdirnar taki tæp fimm ár –
skurðurinn verði að mestu tilbúinn
árið 2019 og skipum verði hleypt í
gegn strax árið 2020.
Hagfræðingar ósammála
Á vef HKND-hópsins kemur fram
að ástæðan fyrir þessum fram-
kvæmdum sé aukinn þungi skipa-
flutninga til og frá Kína. Kína sé
orðið að eins konar miðstöð fyrir
framleiðslu á ýmsum vörum og það
sé einfaldlega þörf á nýjum skipa-
skurði í gegnum Ameríku. Hag-
fræðingar og aðrir sérfræðingar
benda þó á í samtali við AP að þetta
sé ekkert öruggt. Aukin samkeppni
frá öðrum siglingaleiðum og opn-
un siglingaleiða um norðurskautið
gætu gert það að verkum að fram-
kvæmdirnar muni aldrei borga sig
í efnhagslegu tilliti. „Með þessu er
verið að svara kalli um þörf sem er
ekki til staðar,“ segir Rosalyn Wil-
son, sérfræðingur hjá Delcan Cor-
poration í Toronto í Kanada. „Ég
myndi ekki leggja mína peninga í
þetta,“ bætir hún við. n
Risa skipaskurður
ógnar fjölda íbúa
n Stefnt á að framkvæmdir hefjist í desember n Þrisvar sinnum lengri en
Einar Þór Sigurðsson
einar@dv.is
Panamaskurðurinn Ef
áætlanir ná fram að ganga
verður skipaskurðurinn í
Níkaragva rúmlega þrisvar
sinnum lengri en Panama-
skurðurinn.
Leiðin Hér sést annars vegar
Panamaskurðurinn, fyrir neð-
an, og hins vegar skurðurinn
sem allt bendir til að verði
grafinn í gegnum Níkaragva.
Kyrrahafið
Karíbahaf
Panamaskurðurinn
82 km.
Nýr áætlaður
skurður 276 km.
Hondúras
Níkaragva
Kostaríka
Panama
Gvatemala
El Salvador
Forsvarsmaðurinn Wang Jing fer
fyrir HKND-hópnum sem fjármagnar fram-
kvæmdirnar.
Níkaragvavatn
Fannst frosinn
32 árum síðar
Lík fjallgöngumanns, Patrice
Hyvert, sem hvarf sporlaust á
Mont Blanc fyrir 32 árum fannst
á dögunum. Hyvert var franskur
en hann var 23 ára þegar hann
hvarf í vonskuveðri á fjallinu 1.
mars 1982. Breska blaðið Guardi-
an fjallaði um málið á dögunum
og þar var haft eftir föður Hyverts,
Gérard, að hann hefði frekar kos-
ið að sonur sinn hefði fengið að
liggja áfram á fjallinu. „Hann
kynni betur við sig þar en í lík-
kistu,“ sagði hann, en frosið líkið
var flutt af fjallinu í júnímánuði.
Segja ekkert
stöðva sig
Blóðug átök milli Palestínu-
manna og Ísraels fara harðnandi
Sautján þúsund Palestínumenn
hafa flúið heimili sín á norður-
hluta Gazasvæðisins. Fólkið fór
af stað eftir viðvaranir Ísraels-
hers þess efnis að þeir hygð-
ust hefja loftárásir á svæðið, en
þar eru bæði heimili óbreyttra
borgara, bækistöðvar Hamas-
samtakanna og heimili liðs-
manna þeirra. Aðgerðirnar um
helgina og síðustu daga eru
þær blóðugustu í áraraðir.
Loftárásir voru gerðar á
fjörutíu staði á Gazaströndinni
á sunnudag, auk þess sem
bækistöðvar Hamas, svokallað-
ar æfingabúðir, voru sprengd-
ar í loft upp. Í æfingabúðunum
hafa liðsmenn Hamas feng-
ið þjálfun. Markmið ísrael-
skra stjórnvalda er að hæfa
skotmörk eins og stjórnendur
Hamas og eldflaugum Ísraels-
manna rignir yfir svæði Palest-
ínumanna.
Þá segjast þeir vera að vega
vígamenn, en engu að síður
hafa um áttatíu óbreyttir borg-
arar fallið í árásunum, þar á
meðal sextán manna fjölskylda.
Alls eru 160 manns látnir í
átökunum. Benjamín Netanya-
hu, forsætisráðherra Ísraels,
hefur greint frá því að Ísraels-
menn ætli að beita fullri hörku.
Palestínumenn hafa skotið
flugskeytum á Ísrael, um þús-
und talsins. Mörg þeirra hafa
verið skotin niður af Ísraelsher.
Ekkert manntjón hefur hlotist
af aðgerðum þeirra í Ísrael en
nokkrir eru særðir. Á sunnudag
var hersveit Ísraelshers send
inn í Gaza og átti hún að ráð-
ast á svæðið þar sem Palest-
ínumenn eru taldir skjóta eld-
flaugum.
Þúsundir ísraelskra her-
manna eru komnir að landa-
mærum Gaza og er búist við
innrás þeirra á svæðið. Fulltrú-
ar Sameinuðu þjóðanna hafa
lýst því yfir að mikilvægt sé að
koma á vopnahléi sem fyrst og
koma í veg fyrir innrás Ísraels-
manna.