Dagblaðið Vísir - DV - 15.07.2014, Side 31

Vikublað 15.–17. júlí 2014 Sport 31
HM 2014: Það besta og versta
n Eftirminnilegu stórmóti lokið n Mótið gert upp n Skúrkurinn, efnilegasti leikmaðurinn, leikur mótsins og besti leikmaðurinn
Liðið sem kom á óvart
Kostaríka
n Í riðli með Englandi, Úrúgvæ og Ítalíu bjóst enginn við að Kostaríka yrði til stórræða á HM. Liðið varí riðli með þremur
sterkum knattspyrnuþjóðum. Með Bryan Ruiz, leikmann Fulham, og Joel Campbell, leikmann Arsenal, í broddi fylkingar
gerði liðið sér lítið fyrir og vann Úrúgvæ 3-1 í fyrsta leik. Í leiknum á eftir, gegn Ítalíu, tryggði liðið sér fyrst liða í riðlinum
sæti í 16 liða úrslitum, og Ítalir vissu ekki hvaðan á þá stóð veðrið. Liðið gerði svo jafntefli við andlausa Englendinga áður
en þeir mættu Grikkjum í 16 liða úrslitum. Þeir unnu Grikki í vítaspyrnukeppni og voru skyndilega komnir í 8 liða úrslit.
Hvern hefði grunað? Eftir hetjulega baráttu gegn Hollendingum í 8 liða úrslitum máttu þeir játa sig sigraða í vítaspyrnu-
keppni (4-3). Kostaríkumenn sýndu og sönnuðu að með réttu hugarfari og góðu skipulagi er allt hægt.
Efnilegasti
leikmaðurinn
James Rodriguez
n Kólumbíumenn voru í hópi þeirra liða sem
komu mest á óvart í keppninni í sumar og var það
ekki síst ótrúlegri frammistöðu James Rodriguez
að þakka. Þessi 22 ára leikmaður skoraði sex
mörk í keppninni og lagði upp tvö og það í aðeins
fimm leikjum. Ekki bara að hann hafi skorað sex
mörk heldur voru allavega tvö þeirra í hópi flottu-
stu marka mótsins. Rodriguez leikur með Monaco
og er ljóst að verðmiðinn á honum hefur hækkað
talsvert. Þessi jarðbundni og frábæri leikmaður á
eftir að láta mikið til sín taka í framtíðinni, það er
nokkuð ljóst.
Eftirminnileg augnablik
Marki fagnað Robin van
Persie og Louis van Gaal
fögnuðu marki þess fyrrnefnda
gegn Spáni með því að gefa
hvor öðrum fimmu. Glaðbeittir
varamenn og aðrir í teymi
hollenska landsliðsins fylgdust
glaðbeittir með. Markið sem
Persie skoraði var einkar
glæsilegt, flugskalli fyrir utan
teig eftir langa sendingu Daley
Blind af vinstri kanti.
Óvígur Neymar meiddist illa
á baki í 8 liða úrslitunum gegn
Kólumbíu þegar Juan Zuniga braut
á honum. Neymar var fluttur með
þyrlu á sjúkrahús og missti sem
kunnugt er af undanúrslitaleiknum
gegn Þjóðverjum.
Erfitt fyrir ungan mann
James Rodriguez átti erfitt með að
sætta sig við tapið gegn Brasilíu
í 8 liða úrslitunum. David Luiz og
Daniel Alves voru sannir höfðingjar
og hughreystu þennan unga og
stórefnilega leikmann eftir leik.
Lið keppninnar 4-2-3-1
Lið mótsins
Thomas
Mueller
Manuel
Neuer
Philip
LahmMats
Hummels
Toni
Kroos
Javier
Mascherano
Lionel
Messi James Rodriguez
Stefan de
Vrij
Arjen
Robben
Daley
Blind
Besti leik-
maðurinn
Lionel Messi
n Sitt sýnist hverjum um valið á
leikmanni mótsins, en Lionel Messi fékk
að minnsta kosti þann heiður. Eftir úr-
slitaleik Þjóðverja og Argentínumanna
var tilkynnt að Messi fengi Gullknött-
inn svokallaða, sem er viðurkenning
sem veitt er leikmanni keppninnar.
Að sjálfsögðu var Messi potturinn og
pannan í sóknarleik argentínska liðsins,
en hann skoraði fjögur mörk í keppninni
og átti ágætis leiki. Fleiri leikmenn
hljóta þó að hafa komið til greina í
valinu. Má þar nefna James Rodriguez,
Javier Mascherano og Thomas Mueller.
Þó að Messi hafi misst af gullinu með
Argentínumönnum ætti hann að geta
huggað sig við þessa nafnbót.