Dagblaðið Vísir - DV - 21.08.2013, Blaðsíða 8

8 Fréttir 21. ágúst 2013 Miðvikudagur
„2007-martröðin“
snarlækkar í verði
Í
einni dýrustu götu Garðabæjar,
Sunnuflöt, stendur stærsta ein-
býlishús landsins fokhelt og hef-
ur gert síðan árið 2007. Þá var
byrjað að byggja húsið sem átti
að vera tæpir 1.000 fermetrar að
stærð. Líkt og DV hefur áður sagt
frá er saga þess nokkuð ævintýra-
leg og í umfjöllun blaðsins frá 2010
var húsið kallað „2007-martröðin.“
Ekki hefur tekist að selja húsið og
nú hefur það verið lækkað töluvert
í verði. Fasteignamat þess er 116
milljónir en upprunalega var hús-
ið auglýst til sölu á 100 milljónir. Nú
fæst það á 69,8 milljónir. Húsið hef-
ur vakið mikla athygli enda er lóðin
sjálf um 1.600 fermetrar og afgirt
með hárri steyptri girðingu.
200 milljónir til viðbótar
Árið 2007 keyptu Arnar Sölvason og
eiginkona hans Hildur Gunnlaugs-
dóttir lóðina ásamt teikningum af
Írisi Björk Jónsdóttur. Kaupverðið
var 70 milljónir króna. Íris keypti
hús sem stóð á lóðinni á 50 millj-
ónir, lét rífa það og ætlaði að ráðast
í byggingu á nýju húsi þegar hjón-
in gerðu tilboð í lóðina og teikn-
ingarnar.
Samkvæmt þeim teikningum
sem Íris hafði látið gera átti hús-
ið að vera um 600 fermetrar en
þau Arnar og Hildur létu bæta við
teikninguna og úr átti að verða eitt
stærsta og glæsilegasta einbýlishús
landsins, 870 fermetrar með 60 fer-
metra bílskúr. Kreppan skall hins
vegar á skömmu seinna og fyr-
irætlanir þeirra gengu ekki upp.
Þau misstu húsið til Landsbank-
ans sem hefur frá þeim tíma reynt
að selja það en ekki haft erindi sem
erfiði þar sem ekki virðist vera mik-
ill áhuga á húsinu. Nú þegar hefur
um 100 milljónum verið eytt í húsið
en að klára það myndi líklega kosta
200 milljónir til viðbótar við kaup-
verð samkvæmt upplýsingum sem
DV hefur frá fasteignasölum.
Getur alveg kíkt í
baksýnisspegilinn
Í samtali við DV segist Arnar vera
orðinn þreyttur á því að vera spurð-
ur út í húsið. Það sé langt síðan
hann hafi átt það en viðurkennir
þó að leiðinlegt hafi verið að missa
það. „Þú getur bara rétt ímyndað
þér. Að missa eignirnar þínar, tapa
þínum hlutum, það hlýtur að vera
mjög erfitt og leiðinlegt að lenda í
því,“ segir hann. Aðspurður hvort
hann sjái eftir þessu segir hann: „Já,
maður getur alveg kíkt í baksýn-
isspegilinn; séð eftir að hafa ver-
ið Íslendingur og séð eftir því að
vera fæddur á þessum tíma þegar
hrunið skellur svona á þjóðinni og
bankarnir búnir að ræna alla. Ég
held að þjóðin sé ekki enn búin að
bíta úr nálinni með það. Ég held
það séu 30 þúsund heimili í mjög
slæmum málum út af þessu bulli
öllu saman.“
Aðspurður hvort hann telji sig
hafa gengið of langt í góðærinu,
meðal annars með því að hafa ætl-
að sér að byggja slíka glæsihöll, seg-
ir Arnar ósáttur: „Ég ætla ekkert að
ræða þetta við þig,“ og bætir svo
við: „Er búið að borga launatengdu
gjöldin hjá ykkur? Hvað er DV búið
að fara oft á hausinn? Þið ættuð
kannski að fjalla meira um ykkur.“
Samkvæmt fyrirtækjaskrá tengist
Arnar fimm félögum sem hafa verið
úrskurðuð gjaldþrota eftir hrun.
Þá situr hann í stjórn Helgafells-
bygginga hf.
Fasteignagjöld tæplega
800 þúsund
Samkvæmt fasteignasala hjá fast-
eignasölunni Ási sem meðal annars
hefur húsið til sölu hafa nokkr-
ir sýnt því áhuga eftir að það var
lækkað í verði. Þetta sé þó hins
vegar ein sú allra erfiðasta eign sem
þau hafi fengið í sölu. „Já, ég held
það sé alveg óhætt að segja að þetta
sé ein sú erfiðasta sem við höf-
um fengið hingað. Það hefur verið
spurt um hana og þá mestmegnis
í atvinnuskyni. Menn í hótelrekstri
hafa viljað breyta þessu í hótels-
vítu – eina stóra sem væri hægt að
leigja út til fræga fólksins. Það eru
bara fyrirspurnir og ekkert sem hef-
ur verið tekið alvarlega til greina,“
segir Eiríkur Svanur Sigfússon fast-
eignasali sem hefur húsið til sölu.
Hann segir þó ekki liggja fyrir hvort
að leyfi fengist hjá nágrönnum
fyrir slíkum rekstri í götunni. Hann
segir þurfa efnamikið fólk til þess
að reka húsið eigi að byggja það
samkvæmt þeim teikningum sem
liggja fyrir. Hins vegar sé þó hægt
að rífa það sem búið er að byggja
af húsinu og byggja minna á lóð-
inni. Þá yrðu fasteignagjöld af hús-
inu lægri. „Nú eru fasteignafjöld af
þessu á byggingarstigi fjögur; 742
þúsund á ári. Þegar þetta er kom-
ið á byggingarstig 7 þá verður þetta
örugglega yfir milljón á ári,“ segir
hann. Eiríkur segir þó vel vera til
fólk á Íslandi sem hafi efni á hús-
inu. „Já, já. Það er til staðar en það
lætur ekki mikið á sér bera. n
n Óklárað risahús í Garðabæ fæst á niðursettu verði n 600 fermetrar
Lýsing á húsinu
Samkvæmt samþykktum teikning-
um af húsinu skiptist efri hæðin í
anddyri, gestasalerni, forrými, eldhús,
borðstofu, stofu með arni, sjónvarps-
stofu, hjónaherbergi með baðherbergi,
fataherbergi, baðherbergi, tvö herbergi,
skrifstofu, þvottaherbergi og bílskúr.
Neðri hæðin skiptist í herbergi, fataher-
bergi, baðherbergi, tómstundaherbergi,
vínkjallara, forrými, lagnarými, fitness,
baðrými með sundlaug og heitum potti,
búningsherbergi með salerni, sturtum,
köldum potti og gufubaði.
„ Já, maður getur
alveg kíkt í bak-
sýnisspegilinn; séð eftir
að hafa verið Íslending-
ur og séð eftir því að vera
fæddur á þessum tíma.
Viktoría Hermannsdóttir
blaðamaður skrifar viktoria@dv.is
Erfitt í sölu Fáir sýna húsinu áhuga en þó hafa aðilar tengdir hótelrekstri spurst fyrir
um það. Mynd: SiGtryGGur Ari
Fokhelt Húsið
hefur staðið fokhelt
á lóðinni síðan hrunið
skall á. Landsbankinn
á það. Mynd: SiGtryGGur Ari
Sægarpur
gjaldþrota
Útgerðarfyrirtækið Sægarpur í
Grundarfirði hefur verið tekið
til gjaldþrotaskipta. Þetta kem-
ur fram í Lögbirtingablaðinu en
fyrirtækið óskaði eftir greiðslu-
stöðvun í byrjun júlímánaðar
skömmu eftir að skip á vegum
þess strandaði á skeri við Skor-
eyjar á Breiðafirði.
16 starfsmenn störfuðu hjá
fyrirtækinu en þeim hefur öllum
verið sagt upp störfum.
Bræðurnir Steindór og Aðal-
steinn Sigurgeirssynir voru lykil-
menn í fyrirtækinu, sá fyrrnefndi
stjórnarformaður og sá síðar-
nefndi framkvæmdastjóri, en fé-
lagið er í eigu Skiphóls ehf. Hlut-
hafar í Skiphóli eru annars vegar
Austmenn ehf. með 75 prósenta
hlut og hins vegar fyrirtækið
Nautilius Fisheries sem Steindór
stofnaði í Kína ásamt samstarfs-
aðilum sínum fyrir nokkrum
árum. Nautilius á einnig hlut í
Austmönnum á móti Steindóri
sjálfum. Hann er viðriðinn fleiri
félög, svo sem Storm Seafood, P.
Petersen, Íslenska makrílveiði-
félagið og Fjélagið, sem nýlega
keypti Gamla bíó af Íslensku
óperunni. Ekki náðist í bræðurna
við vinnslu fréttarinnar.
Frosti kveður
„Nú eru komin hátt í tvö ár síðan
ég stofnaði þennan hóp sem vett-
vang fyrir skoðanaskipti um hlut-
leysi RÚV. Tilefnið þá var meintur
halli á umfjöllun RÚV um Icesave
málið. Nú eru hátt í 500 þátttak-
endur í hópnum og fjölgar stöðugt
sem bendir til að full þörf sé fyrir
þennan vettvang, málefnin eru
fjölbreytt,“ segir þingmaðurinn
Frosti Sigurjónsson á Facebook.
Athygli vakti að Frosti var upp-
hafsmaður hóps á Facebook sem
heitir Eftirlit með hlutleysi RÚV
og var stofnaður árið 2009. „Þessi
hópur er opinn öllum sem vilja
hafa eftirlit með því að RÚV fari að
lögum hvað hlutleysi varðar,“ segir
í lýsingu á honum.
Hann segir nú tímabært að
hann láti af störfum sem einn af
stjórnendum hópsins, það sam-
rýmist ekki þingmannsstörfunum.
„Umsjón með umræðuhópi um
hlutleysi RÚV samrýmist ekki vel
því að vera kominn á þing. Með
ósk um málefnalegar og upp-
byggilegar umræður,“ segir hann.
Fjölmargir valdamiklir einstak-
lingar tilheyra hópnum og taka
virkan þátt í þeirri gagnrýni á
Ríkis útvarpið sem þar fer fram. Á
meðal þeirra eru ýmsir þingmenn
og ráðherrar Framsóknarflokksins
og Sjálfstæðisflokksins, svo sem
Vigdís Hauksdóttir, Unnur Brá
Konráðsdóttir, Hanna María Sig-
mundsdóttir, Ragnheiður Rík-
harðsdóttir, Jón Gunnarsson, Ill-
ugi Gunnarsson og Sigurður Ingi
Jóhannsson.
Mynd SiGtryGGur Ari