Dagblaðið Vísir - DV - 21.08.2013, Blaðsíða 22

22 Menning 21. ágúst 2013 Miðvikudagur
Kynlífsferðir miðaldra kvenna
Þ
að eru til margar gerðir af
vændi. Eitt er það þegar
einn aðili borgar öðrum fyrir
afnot af líkama hans. Ann­
að er þegar fólk með mismunandi
fjárhagsstöðu mætist og sá efna­
minni þiggur gjafir af þeim efna­
meiri í skiptum fyrir blíðu. Ef til
vill var þetta algengt hér á landi í
ástandinu, að minnsta kosti er það
þetta sem myndin Paradís: Ást lýs­
ir.
Segir hér frá austurrískum efna­
konum sem halda til Kenía og
sænga hjá yngri mönnum. Þær
bera saman líkamsparta og líkja
þeim við grillað beikon, og mað­
ur kemst ekki hjá því að velta fyrir
sér hvernig yfirbragðið væri ef hér
væru efnaðir hvítir miðaldra karl­
ar á ferð og mun yngri þeldökkar
konur.
En myndin fer mun dýpra. Í
samræðum kvennanna heyrum
við að á heimavelli eiga þær erfitt
með að afklæða sig fyrir framan
aðra. Útlitskröfur Vesturlanda gera
fólki þar ómögulegt að vera saman,
hingað eru þær komnar til að finna
stað þar sem útlit skiptir ekki máli.
En Eva var ekki lengi í Paradís. Brátt
kemur í ljós að karlarnir hér eru að
sækjast eftir peningum, ástin er
dýru verði greidd og hver er í raun
að nota hvern?
Hin 50 ára gamla Teresa finnur
sér elskhuga og fer með honum
beint upp á hótel en hættir við,
finnur sér annan sem virðist bjóða
upp á meira en reynist síðan það
sama. Undir lokin er ekkert eftir
nema tilgangslaus holdleg girnd, og
jafnvel henni er ekki hægt að svala.
Myndin er á köflum afar klám­
fengin, en kynlíf þetta virðist hjá­
kátlegt fremur en eggjandi. Hinar
löngu senur gera það að verkum
að manni finnst þetta raunverulegt
fólk í raunverulegum aðstæðum.
Neyð beggja aðila er sýnd þvert á
kyn og þjóðfélagsstöðu. Allir eru
gerendur, allir eru fórnarlömb og
enginn fær á endanum það sem
hann eða hún vill.
Fyrst ástin er svona getur maður
ekki annað en beðið spenntur eft­
ir næstu myndum í þessum þríleik,
þeim sem fjalla um trúna og von­
ina. Ef einhver er. n
Íslenskur leikritavetur
n Sex ný íslensk leikrit verða frumsýnd í Borgarleikhúsinu og Þjóðleikhúsinu í vetur
Þ
að sýndi sig á síðasta leikári
að íslenskir leikhúsgest­
ir vilja sjá íslensk leikrit.
Gullregn Ragnars Braga­
son fékk mikla aðsókn, líkt
og Englar alheimsins í Þjóðleik­
húsinu. Jónsmessunótt og Karma
fyrir fugla vöktu athygli og umtal. Í
ár bjóða stóru leikhúsin tvö upp á
frumsýningar á sex íslenskum leik­
verkum. DV skoðaði dagskrá leik­
húsanna sem kemur fyrir almenn­
ingssjónir nú í vikunni.
Leikrit byggt á morðmáli
Íslensku verkin í Þjóðleikhúsinu
eru eftir Braga Ólafsson (Maður að
mínu skapi), Auði Övu Ólafsdóttur
(Undarlegt eðli hjónabandsins)
og Mikael Torfason (Harmsaga).
Auk þeirra verður verkið Englar
alheimsins sem byggt er á sam­
nefndri skáldsögu Einars Más aftur
á fjölunum.
Af þessum verkum ríkir líklega
mesta eftirvæntingin vegna leik­
rits Auðar Övu sem frum­
sýnt verður í febrúar.
Frumraun hennar á leik­
sviðinu, Svartur hundur
prestsins, vakti mikla athygli
og hlaut lofsamlega dóma.
Auður hefur síðan þá gefið
út bókina Undantekningin
auk þess sem smáleikritið
Lán til góðverka, sem sýnt
var sem hluti af dagskránni
Rýmin og skáldin á Lista­
hátíð í Reykjavík, gaf til
kynna að árangur Svarta
hundsins hafi ekki verið
nein tilviljun.
Harmsaga eftir Mika­
el Torfason verður frum­
sýnt í upphafi leikársins.
Verkið var upphaflega
skrifað sem útvarpsleikrit
og frumflutt í Útvarpsleik­
húsinu á síðasta leikári.
Leikritið byggir Mikael á
morðmáli sem átti sér stað í Kópa­
voginum árið 2005 þar sem Magn­
ús Einarsson varð eiginkonu sinni
Sæunni Pálsdóttur að bana. Leik­
ritið er hrátt og fjallar um með­
virkni, þráhyggju, lygar og brostna
drauma.
Mikael hefur verið í sviðs­
ljósinu síðustu mánuði sem að­
alritstjóri 365 fjölmiðla en hann á
að baki langan og farsælan rithöf­
undaferil auk þess sem hann hefur
verið ötull þýðandi. Það verður
spennandi að sjá hvaða viðtökur
þetta nútímamorðdrama
fær hjá íslenskum áhorfendum.
Samkeppni um list
Á síðasta leikári sló sýningin Rautt
í Borgarleikhúsinu í gegn. Þar lék
Jóhann Sigurðarson bandaríska
myndlistarmanninn Mark Rothko.
Hilmar Guðjónsson fékk óvænt
Grímuna sem besti aukaleikari fyr­
ir hlutverk sitt í verkinu. Kannski
er leikritið Pollock eftir Stephen
Sachs svar Þjóðleikhússins við sýn­
ingu Borgarleikhússins en leikritið
fjallar um fyrrverandi barþernu
sem uppgötvar að málverk uppi
á háalofti gæti verið eftir Jackson
Pollock. Hilmir Snær leikstýrir.
Hilmir Snær leikstýrir einnig
verkinu Spamalot sem byggt er á
kvikmyndinni Monty Python and
the Holy Grail og verður frumsýnt
í febrúar. Og Benedikt Erlingsson
leikstýrir Þingkonunum eftir
Aristófanes sem verður jólasýning
leikhússins í ár.
Hamlet-ár í Borgó
Ragnar Bragason snýr aftur í
Borgarleikhúsið með sama hóp
og stóð að Gullregni og setur
upp verkið Óskasteina í lok janú­
ar. Og frumraun Kristínar Mörju
Baldursdóttur, Ferjan, verður
frumsýnt í lok mars. En í Borgar­
leikhúsinu er ljóst að stærsta ver­
kefni ársins er Hamlet. Kannski
mætti segja að Borgar leikhúsið
hafi verið undir í „Shakespe­
are“­keppninni við Þjóðleik­
húsið síðustu ár. Lér konungur
og Macbeth­sýningar Bened­
icts Andrews voru báðar vald­
ar „sýningar ársins“ á Grímunni
og þrátt fyrir að vera ekki allra
vöktu þær athygli fyrir kröft­
uga og frumlega nálgun á efni­
viðinn. Uppsetning Borgar­
leikhússins á Ofviðrinu árið
2010 stóðst hins vegar ekki þær
væntingar sem leikhúsið gerði
til leikstjórans Oskars Korsunovas
sem kynntur var fyrir Íslendingum
sem einn fremsti leikstjóri heims.
Nú er öllu tjaldað til og áhuga­
vert að sjá að í kynningarbækl­
ingi Borgarleikhússins er nafn
Ólafs Darra fyrir neðan Hamlet­
titilinn líkt og um plakat fyrir bíó­
mynd væri að ræða. Enda er Ólaf­
ur Darri á leiðinni til Hollywood
þar sem hann hefur vakið verð­
skuldaða athygli fyrir sinn leik.
Símon Birgisson
blaðamaður skrifar simonb@dv.is
Harmsaga Er byggt á morðmáli sem átti sér sta
ð
í Kópavogi árið 2005 þegar Mikael var ritstjó
ri DV.
Mikael Torfason
Hefur skrifað bækur og
þýtt leikrit en nú er fyrsta
leikrit hans á fjölunum.
Hamlet Ólafur Darri leikur aðalhlutverkið.
Bíómynd
Valur Gunnarsson
valurgunnars@gmail.com
Paradies: Liebe
IMDb 7,0 RottenTomatoes 71% Metacritic 65
Leikstjóri: Ulrich Seidl
Handrit: Ulrich Seidl og Veronika Franz
Leikarar: Margarete Tiesel, Peter Kazungu
og Inge Maux
120 mínútur
Laddi
snýr aftur
Sýningar á gamanleiknum
Laddi lengir lífið, sem sýndur
var í Hörpu allan síðasta vetur,
eru hefjast á nýjan leik. Í til­
kynningu frá aðstandendum
sýningarinnar segir: „Frá fyrsta
degi miðasölu hefur selst upp
á hverja sýninguna á fætur
annarri og var snemma brugðið
á það ráð að færa hana í stærri
sal til að anna eftirspurn. Það
var þó skammgóður vermir því
sama vandamál kom upp. Því
þurfti að flytja sýninguna í ann­
að sinn. Hún hefur nú fasta bú­
setu í Norðurljósasalnum sem
tekur tæplega 600 manns í sæti.
Nú er Laddi til í slaginn aftur,
endurnærður eftir gott sumar­
frí og fyrsta sýning haustsins
er laugardaginn 7. septem­
ber. Næsta sýning þar á eftir er
laugardaginn 21. september.“
Menningarnótt
á Hjalteyri
Það er ekki bara menningarnótt
í Reykjavík. Verksmiðjan á Hjalt­
eyri býður gestum og gangandi
á Menningarnótt 25. ágúst. Hún
hefst með opnun tveggja mynd­
listarsýninga klukkan 16.00.
Kristín Eiríksdóttir opnar sýn­
ingu, unna upp úr ljóðum og
öðrum verkum hennar. Á sama
tíma opna Auður Anna Kristjáns­
dóttir og Síta Valrún sýninguna
Tunglsýki. Upplestrar og gjörn­
ingar byrja klukkan 17.00. Kristín
Eiríksdóttir, Þórarinn Leifsson og
Auður Jónsdóttir lesa úr verkum
sínum og Angela Rawlings fer
með gesti í Hljóðagöngu.