Dagblaðið Vísir - DV - 28.08.2013, Blaðsíða 6

6 Fréttir 28. ágúst 2013 Miðvikudagur
Væntingar neytenda snarminnka
n Taka oft sveiflu í kringum alþingiskosningar og myndun nýrrar ríkisstjórnar
S
autján mánuðir eru síðan
væntingar íslenskra neytenda
til efnahags og atvinnulífs voru
jafn litlar og þær eru nú. Þetta
kemur fram á vef Greiningar Íslands-
banka sem vísar í væntingavísitölu
Gallup sem birt var á þriðjudag. Hún
lækkar um 12,2 stig frá júlímánuði og
mælist nú 66,4 stig. Það að væntinga-
vísitala Gallup sé á tilteknum tíma
100 merkir að það séu jafnmargir já-
kvæðir og neikvæðir svarendur. Ef
hún er hærri en 100 eru fleiri jákvæðir
og ef hún er lægri eru fleiri neikvæðir.
Væntingavísitalan hafði mælst rétt
um 100 stig í maí og júní, sem felur í
sér að álíka margir svarendur voru
bjartsýnir og svartsýnir á ástand og
horfur í íslensku efnahagslífi, en nú
virðist svartsýnin hafa vinninginn að
nýju.
„Meginskýringin á lækkuninni nú
liggur í mikilli lækkun væntinga til
ástandsins í efnahags- og atvinnu-
málum eftir 6 mánuði. Lækkar sú
undirvísitala um rúmlega 20 stig,
en hún er nú 86,3 stig. Er það í fyrsta
sinn á þessu ári sem þessi undirvísi-
tala fer undir 100 stig, en í því felst að
flestir svarendur telja nú að ástandið
í atvinnu- og efnahagsmálum verði
verra að hálfu ári liðnu. Þá lækka
undirvísitölur fyrir mat á efnahags-
lífinu og atvinnuástandi einnig nokk-
uð, en vísitalan fyrir mat á núverandi
ástandi helst óbreytt milli mánaða,“
segir á vef Greiningar Íslandsbanka.
Þar kemur enn fremur fram að engin
ein augljós skýring sé á þessari miklu
lækkun væntingavísitölunnar frá
vormánuðum. Þó megi benda á að
vísitalan taki gjarnan sveiflu í kring-
um alþingiskosningar og myndun
nýrrar ríkisstjórnar þar sem vísitalan
hækkar strax í kjölfar kosninga en
lækkar síðan oft að nýju. Hreyfingin
nú er hins vegar stærri en raunin hef-
ur verið á fyrri kosningaárum. n
Toll stjóri:
Ekki láta
gabba þig
„Á því hefur borið að undanförnu,
að einstaklingar, búsettir erlendis,
bjóðist til að kaupa varning,
einkum fatnað fyrir Íslendinga
og senda hingað til lands, gegn
ákveðinni þóknun sér til handa.
Að auki er fullyrt að ekki þurfi að
greiða toll né önnur lögbundin
gjöld af vörunni, þar sem pakkinn
sé merktur sem „gjöf.“ Auglýsingar
þessa efnis hafa birst á tilteknum
vefsíðum á netinu,“ segir í tilkynn-
ingu frá tollstjóra sem segist vilja
vara fólk við þessari fullyrðingu,
því hún sé beinlínis röng og engin
innistæða fyrir henni.
„Meginreglan er sú að greiða
skuli aðflutningsgjöld af öllum
vörum sem fluttar eru til landsins,“
segir tollstjóri og segir að skilyrði
undanþáguheimildar sé að um
gjöf af sérstöku tilefni sé að ræða.
Þar eru taldar gjafir vegna af-
mælis, brúðkaups, jóla eða ferm-
inga, en þær teljast meðal annars
vera gjafir af sérstöku tilefni í
þessu samhengi.
Sending þarf einnig að bera
það með sér að um sé að ræða gjöf
frá gefanda búsettum erlendis og
að tengsl séu milli hans og þess
sem gjöfina fær.
Tollstjóri bendir á að nánari
upplýsingar megi finna í 32. grein
reglugerðar 630/2008 á vefsíðu
innanríkisráðuneytisins.
Minni væntingar Væntingavísitalan hefur ekki verið jafn lág í 17 mánuði.
„Þessa lögleysu
verður að stöðva“
n Deila um skráningu á eignarhaldi Vatnsendajarðarinnar fyrir dóm
Þ
essa lögleysu verður að
stöðva,“ segir í bréfi lögmanns
tveggja erfingja Sigurðar
Hjaltested til sýslumannsins í
Kópavogi sem dagsett er þann
20. ágúst síðastliðinn en með orðun-
um vísar lögmaðurinn til jarðarinnar
Vatnsenda sem áratugalangar deil-
ur hafa staðið um. Í maí síðastliðinn
kvað Hæstiréttur Íslands upp þann
dóm að Vatnsendajörðin skyldi verða
eign dánarbús Sigurðar Hjaltested en
ekki Þorsteins Hjaltested sem skráð-
ur hefur verið sem þinglýstur eigandi
jarðarinnar.
Orðrétt sagði í dómi Hæsta-
réttar: „Við opinber skipti á dánar-
búi Sigurðar Kristjáns Lárussonar
Hjaltested telst beinn eignarréttur að
jörðinni Vatnsenda í Kópavogi enn
vera á hendi dánarbúsins.“ Emb-
ætti sýslumannsins í Kópavogi vill
hins vegar ekki breyta skráningunni
á eignarhaldinu á jörðinni þannig
að dánarbúið verði þinglýstur eig-
andi jarðarinnar heldur er sett
athugasemd með skráningunni á
Vatnsendajörðinni þar sem vísað er
til dóms Hæstaréttar. „Nei, það er ekki
búið að breyta skráningu jarðarinnar.
Þau vilja að skráningin verði með öðr-
um hætti en við teljum að það eigi að
skrá þetta með ákveðnum hætti. Þess
vegna er þetta komið til Héraðsdóms
Reykjaness,“ segir Guðgeir Eyjólfsson,
sem er sýslumaðurinn í Kópavogi.
Vilja afmá nafn Þorsteins
Þrátt fyrir niðurstöðu Hæstaréttar tel-
ur lögmaður tveggja erfingja Sigurðar
að sýslumaðurinn í Kópavogi hafi ekki
framfylgt dómnum þar sem hann hafi
ekki breytt skráningu á eignarhaldi
jarðarinnar eftir að dómurinn féll og
að hún sé ennþá skráð sem þinglýst
eign Þorsteins Hjaltested. Lögmaður-
inn heitir Valgeir Kristinsson og heita
umbjóðendur hans Sigríður Hjalte-
sted og Markús Hjaltested.
Orðrétt segir í kröfubréfinu til
sýslumannsins: „Að ákvörðun þing-
lýsingarstjórans í Kópavogi að hafna
kröfu skiptastjóra db. Sigurðar Krist-
jáns Lárussonar Hjaltested, Jóns
Auðuns Jónssonar hrl. verði hrundið
og og felld úr gildi og lagt verði fyrir
þinglýsingarstjórann að skrá jörðina
Vatnsenda í Kópavogi landnr. 116957
á nafn dánarbús Sigurðar Kristjáns
Lárussonar Hjaltested samkvæmt
dómi Hæstaréttar Íslands í málinu
númer 701/2012 upp kveðinn 3. maí
2013. Dómurinn verði skráður sem
eignarheimild dánarbúsins. Að nafn
núverandi þinglesins eiganda jarðar-
innar Þorsteins Hjaltested kt. 220760-
5619 verði afmáð úr þinglýsinga-
bókum ásamt heimildarskjali sem
skráningin byggist á dagsett 21. nóv-
ember 2000.“
Einn af erfingjum Sigurðar Hjalte-
sted, Guðmundur Gíslason, segir að
hann hafi búist við ýmsu eftir að dóm-
ur Hæstaréttar féll í vor: „Við reiknuð-
um með ýmsu eftir dóminn í Hæsta-
rétti. En við áttum ekki von á því að
sýslumaðurinn stillti sér upp með
Þorsteini og færi að verja hann líka.“
Deila um formsatriði
Ættingjar og erfingjar Sigurðar Hjalte-
sted telja að sýslumaðurinn í Kópa-
vogi sé með aðgerð sinni að véfengja
dóm Hæstaréttar Íslands í málinu.
Aðspurður hvort embættið sé að vé-
fengja dóminn með því að neita að
færa eignarhaldið á jörðinni yfir á
dánarbúið segir Guðgeir að svo sé
ekki. „Nei, nei, við véfengjum ekki
dóminn, það er fjarri lagi. Þetta er
bara spurning um aðferð við skrán-
ingu.“
Aðspurður af hverju embættið
skrái eignarhaldið á jörðinni ekki
þannig að dánarbúið sé þinglýstur
eigandi þess segir Guðgeir: „Af því
við höfum ákveðnar hugmyndir um
hvernig við teljum að eigi að skrá
þetta og við gerum það þannig.“ Að-
spurður hver sé þá þinglýstur eigandi
jarðarinnar segir sýslumaðurinn:
„Þorsteinn er skráður sem þinglýstur
eigandi jarðarinnar samkvæmt erfða-
skránni.“
Í kröfubréfi lögmannsins segir
hins vegar að þetta sé brot á lögum. „Í
ljósi þessa er óviðunandi að þinglýsa
hæstaréttardóminum en breyta ekki
skráningunni á eiganda jarðarinnar,
og þar með hver er eignarréttarhafinn
að jörðinni. Brýtur núverandi skrán-
ing sýslumannsins í Kópavogi gegn
25. gr. þinglýsingarlaga samanber 1.
mgr. „Þinglýsta eignarheimild hefur
sá, er þinglýsingabók nefnir eiganda á
hverjum tíma“.“
Líkt og áður segir þá er þessi deila
komin til Héraðsdóms Reykjaness
og segir Guðgeir að niðurstöðu sé
að vænta þaðan bráðlega. „Ég vænti
niðurstöðu þaðan innan tíðar.“ n
Ingi Freyr Vilhjálmsson
fréttastjóri skrifar ingi@dv.is
„Nei, það er ekki
búið að breyta
skráningu jarðarinnar.
Enn þinglýstur eigandi
Þorsteinn Hjaltested er
ennþá þinglýstur eigandi
Vatnsendajarðarinnar. Deil-
ur um jörðina hafa staðið
yfir í mörg ár.
Eitt og hálft
ár í fangelsi
Héraðsdómur Reykjavíkur hefur
dæmt rúmlega þrítugan karlmann
í 18 mánaða óskilorðsbundið
fangelsi. Maðurinn var sakfelldur
fyrir að hafa í þrjú skipti ekið
sviptur ökuréttindum. Í eitt skipt-
ið var hann undir áhrifum áfengis.
Maðurinn á nokkurn sakaferil að
baki og hefur ítrekað brotið gegn
umferðarlögum á undanförnum
árum.
Framseldur
til Póllands
Hæstiréttur hefur úrskurðað að
þrítugur Pólverji, sem búið hef-
ur hér á landi í þrjú ár, skuli
framseldur til Póllands. Ástæðan
er sú að maðurinn var dæmdur
í eins árs fangelsi þar í landi árið
2006 fyrir fjársvik og vildu yfir-
völd þar í landi að hann afplán-
aði dóminn. Samkvæmt dómn-
um sveik hann fé af mönnum í
farsímaviðskiptum og hafði hann
upp úr því rúmar 30 þúsund krón-
ur. Hæstiréttur staðfesti með
úrskurði sínum á þriðjudag úr-
skurð héraðsdóms sem féll í máli
mannsins þann 22. ágúst síðast-
liðinn.