Dagblaðið Vísir - DV - 28.08.2013, Blaðsíða 18

18 Sport 28. ágúst 2013 Miðvikudagur
Upprisa Gareth Bale
n Vann ekki leik með Tottenham í rúm tvö ár n Næstum því seldur á slikk
F
áir knattspyrnumenn hafa feng-
ið jafn mikið umtal í sumar og
Gareth Bale, leikmaður Totten-
ham. Flest bendir til þess að
þessi 24 ára Wales-maður verði
dýrasti knattspyrnumaður sögunnar
en hann hefur í allt sumar verið orð-
aður við Real Madrid. Á dögunum var
greint frá því að félagaskipti hans væru
nánast frágengin og að Real Madrid
myndi greiða 86 milljónir punda, rúma
16 milljarða króna, fyrir leikmanninn.
Það er óhætt að segja að framfar-
ir leikmannsins séu ótrúlegar enda
virtist fátt benda til þess fyrir fjór-
um árum að Gareth Bale yrði dýr-
asti – og óumdeilan lega einn besti –
knattspyrnu maður heims.
Talaði við móður Bale
Gareth Bale hóf feril sinn hjá South-
ampton líkt og margir aðrir frábærir
enskir knattspyrnumenn. Nægir í því
samhengi að nefna Theo Walcott og
Alex Oxlade-Chamberlain sem nú spila
með Arsenal. Það varð snemma ljóst
að Gareth Bale hefði alla burði til að
ná langt í knattspyrnunni enda spilaði
hann sinn fyrsta leik fyrir Southampton
þegar hann var aðeins 16 ára. Varð
hann þar með næstyngsti leikmaður-
inn til að spila fyrir Southampton. Stór-
lið fengu veður af hæfileikum hans og
var hann um tíma nálægt því að ganga
í raðir Manchester United. Sir Alex
Ferguson var þó of seinn að landa leik-
manninum enda lagði Martin Jol, þá-
verandi stjóri Tottenham, mikið á sig til
að landa kauða.
„Ég ræddi aðeins við móður hans til
að sannfæra hann um að velja Totten-
ham,“ sagði Jol í samtali við breska blað-
ið The Express á þeim tíma. Það var svo
þann 25. maí árið 2007, þegar Bale var
á sautjánda aldursári, að gengið var frá
félagaskiptunum til Tottenham og var
Bale hugsaður sem vinstri bakvörður.
Kaupverðið var fimm milljónir punda
en hækkaði upp í sjö milljónir punda
þegar Bale fór að spila reglulega.
Enginn dans á rósum
Þó svo að framtíð Bale hafi verið björt
þegar hann gekk í raðir Tottenham
verður seint sagt að fyrstu mánuðirn-
ir og árin hjá hafi gengið eins og í sögu.
Að vísu byrjaði hann ágætlega; skoraði
í sínum öðrum leik í 3–3 jafntefli gegn
Fulham þann 1. september 2007. Svo
skoraði hann gott mark úr aukaspyrnu
gegn Arsenal í þriðja leik sínum og
svo aftur gegn Middlesbrough í enska
deildabikarnum. Þrjú mörk í fjórum
leikjum var ágætis byrjun hjá þessum
Wales-manni.
En þegar komið var fram í desem-
ber 2007 hafði honum að einhverjum
ástæðum aldrei tekist að vinna leik
með Tottenham í deildinni. Það breytt-
ist ekki í bráð enda varð Bale fyrir
ökklameiðslum sem héldu honum frá
keppni það sem eftir lifði tímabils.
Bale-bölvunin
Fyrir tímabilið 2008/09 var nýr stjóri
ráðinn til Tottenham, Harry Red-
knapp, sem tók við af Spánverjan-
um Juande Ramos sem stoppaði stutt
við hjá Tottenham. Bale hélt áfram að
fá sín tækifæri en eftir tólf fyrstu leiki
tímabilsins hafði Bale ekki enn tekist
að vera í sigurliði með Tottenham. Fjöl-
miðlar voru farnir að veita þessu athygli
enda hafði Bale ekki tekist að vera í sig-
urliði í 24 leikjum í röð með Tottenham.
Tottenham var á þeim tíma ekki jafn
stöðugt toppbaráttulið og það átti síð-
ar eftir að verða; liðið endaði í 11. sæti
tímabilið 2007/08 og 8. sæti tímabilið
2008/09.
Loks kom þó að því að Bale varð í
sigurliði. Bale-bölvunin, eins og breska
pressan var farin að kalla þátttöku Bale í
leikjum Tottenham, var loks rofin þann
26. september 2009, rúmum tveimur
árum eftir að Bale gekk í raðir félags-
ins. Þá kom hann inn á sem varamaður
í leik gegn Burnley á 84. mínútu. Áður
höfðu stuðningsmenn Tottenham gert
að gamni sínu og öskrað úr stúkunni
að skipta Bale inn á þegar liðið var með
örugga forystu í leikjum. Það gerðist
gegn Burnley og upp frá þessum leik
fór allt að gerast hjá þessum magnaða
knattspyrnumanni.
„Leigubíl fyrir Maicon“
Tímabilið 2009/10 tókst Tottenham að
landa 4. sætinu í deildinni og átti Bale
sinn þátt í því að koma liðinu þangað.
Á þessu tímabili fór Bale að sýna snef-
il af þeim tilþrifum sem hann átti síð-
ar eftir að sýna. Hann gerði þrjú mörk
í 34 leikjum í öllum keppnum. Tímabil-
ið 2010/11, þegar Tottenham tók þátt
í Meistaradeildinni, fór Bale þó að
blómstra. Þá var hann færður ofar á
völlinn og var ekki lengur vinstri bak-
vörður eins og hann hafði verið. Í þeim
leikjum sem Bale hafði spilað sem bak-
vörður átti hann það til að skilja eftir sig
opin svæði þegar hann þeyttist fram
völlinn og þá voru varnarhæfileikar
hans í besta falli í meðallagi.
Að kvöldi þriðjudagsins 2. nóvem-
ber 2010 urðu ákveðin kaflaskipti á ferli
Bale. Það kvöld átti hann ótrúlegan leik
á vinstri vængnum þegar Tottenham
tók Evrópumeistara Inter í karphúsið á
White Hart Lane, 3–1. Gareth Bale fór af-
skaplega illa með brasilíska bakvörðinn
Maicon, sem á þeim tíma var talinn
einn besti hægri bakvörður heims. Það
er skemmst frá því að segja að Bale skor-
aði öll mörk Tottenham og varð á einu
kvöldi átrúnaðargoð í augum margra
stuðningsmanna Tottenham. „Taxi for
Maicon,“ sungu stuðningsmenn Totten-
ham á vellinum í hvert skipti sem Bale
lék kúnstir sínar og skyldi Brasilíu-
manninn ítrekað eftir í ryki með hraða
sínum og krafti. Þetta tímabil skoraði
Bale 11 mörk í öllum keppnum og varð
þriðji markahæsti leikmaður liðsins.
Bale hélt áfram að bæta leik sinn og
tímabilið 2011/12 skoraði Bale 12 mörk
í 42 leikjum og á síðustu leiktíð, þegar
hann sló endanlega í gegn, skoraði
hann 26 mörk í 44 leikjum og var valinn
besti leikmaður ensku úrvalsdeildar-
innar.
Orðaður við önnur félög
Þetta öskubuskuævintýri Gareth Bale
er í raun magnað í ljósi þess hversu illa
honum gekk hjá Tottenham til að byrja
með. Í raun var Bale nálægt því að yfir-
gefa Tottenham skömmu eftir að hann
gekk í raðir félagsins enda virtist hann
ekki finna sig í Tottenham-treyjunni
til að byrja með. Breska blaðiðð Daily
Mail greindi frá því í desember 2008
að Middlesbrough, sem þá lék í úrvals-
deildinni, hefði boðið Tottenham að
skipta á Gareth Bale og Stewart Down-
ing.
Á þeim tíma var Downing í miklum
metum hjá Middlesbrough og hefði
Tottenham þurft að greiða talsverða
upphæð á milli. Af ókunnum ástæð-
um varð ekkert af félagaskiptunum en
spurningin er hvar Bale væri í dag ef af
þeim hefði orðið. Líklegt þykir þó að
hann væri ekki á leið til Real Madrid
fyrir metfé. Þegar þarna var komið sögu
var Boro í þokkalegum málum, með 20
stig eftir 12 leiki í deildinni. Liðið féll
hins vegar úr úrvalsdeildinni á lokadegi
tímabilsins.
Middlesbrough var ekki eina liðið
sem hafði áhuga á Bale. Í október 2009
var greint frá því að Birmingham hefði
boðið þrjár milljónir punda í Bale en
tilboðinu var hafnað. Mögulega hefðu
forsvarsmenn Tottenham leyft honum
að fara hefði örlítið hærra tilboð borist.
Hvað sem því líður gerði Daniel Levy,
stjórnarformaður Tottenham, gríðar-
lega vel í að halda í leikmanninn sem
margir töldu að væri bölvun fyrir félag-
ið. Hvort hann fái að njóta krafta hans
áfram skal ósagt látið þó flest bendi
til þess að hann yfirgefi liðið innan
skamms . n
Bestur Gareth Bale var valinn besti
leikmaður ensku úrvalsdeildinnar á
síðasta tímabili. Hann var reyndar
líka valinn sá efnilegasti.
Ungur Þarna má sjá ungan Gareth Bale í
treyju Southampton-liðsins.
Efnilegur Gareth Bale kom úr unglingaakademíu Southampton líkt og margir frábærir
knattspyrnumenn.
Einar Þór Sigurðsson
blaðamaður skrifar einar@dv.is
„Ég ræddi
aðeins
við móður hans
til að sannfæra
hann um að velja
Tottenham
Ferill Bale hjá Tottenham:
Framfarir á
hverju tímabili
Tímabil Leikir Mörk
2007/08 12 3
2008/09 30 0
2009/10 34 3
2010/11 41 11
2011/12 42 12
2012/13 44 26