Dagblaðið Vísir - DV - 09.09.2013, Side 27

Fólk 27 Mánudagur 9. september 2013
13 ára skoraði 7 mörk hjá David James
n Fótboltahetjan mætti í vítaspyrnukeppni um helgina
Á
laugardaginn fór fram víta­
spyrnukeppni þar sem 20 við­
skiptavinir Orkunnar reyndu
sig gegn David James, fyrrver­
andi markverði enska landsliðsins,
Liverpool, Manchester City og nú­
verandi leikmanni ÍBV.
6.000 manns skráðu sig til leiks og
20 voru valdir af handahófi til að taka
þátt. Keppt var með útsláttarfyrir­
komulagi, þeir sem brenndu af voru
úr leik, engin miskunn.
Kolbeinn Þórðarson, 13 ára leik­
maður 4. flokks HK, sigraði í víta­
spyrnukeppninni með sjö mjög
öruggum vítaspyrnum framhjá sjálf­
um David James. Það virðist vera
bjart fram undan hjá HK. Í verð­
laun fékk Kolbeinn hundrað þúsund
króna inneign og fékk því að upplifa
hvernig tilfinning það er að vera með
100.000 kr. á tímann fyrir það eitt að
spila fótbolta.
Margir lögðu leið sína á keppnina
til að berja kappann augum. David
James gaf sér nægan tíma í ljós­
myndatöku og áritanir fyrir þátttak­
endur og fylgdarlið þeirra enda ekki
á hverjum degi sem fólki gefst kostur
á að hitta eða skora hjá slíkum leik­
manni, sem er í frábæru formi þótt
hann sé orðinn 43 ára. n
„Börnin okkar eru
orðin sjálfala“
Þ
að er gaman að sjá hvað það
var mikil spenna fyrir fyrsta
blaðinu og við erum búin að
fá ótrúlega góð viðbrögð,“
segir Björk Eiðsdóttir, en
hún ritstýrir tímaritinu MAN ásamt
Elínu Arnar. MAN kom út á mið­
vikudag og í tilefni af því var haldið
glæsilegt útgáfuteiti á Hótel Borg á
fimmtudag. Boðið var upp á léttar
veitingar frá Restaurant Borg og var
margt um manninn.
„Þóra er vinkona mín og Völli er
einn af þeim sem verður með mat­
arþátt í blaðinu svo við ákváðum að
vera á Borginni,“ segir Björk.
Skemmtileg boðskort
Athygli vakti hvernig boðið var í út­
gáfuteitið en söngdúett fór víða um
bæ og bauð fólki í partí með söng.
„Það er gaman ef við náðum að
skapa stemningu fyrir þessu. Ég náði
því miður aldrei að sjá boðskortið,“
segir Björk enda hefur hún haft í
nógu að snúast undanfarna daga og
vikur.
„Við erum búnar að vera eins og
útspýtt hundsskinn. Við vorum að
koma úr búðum þar sem við fylltum
á og kláruðum dreifingu þannig að
ég er dauðfegin að við héldum ekki
útgáfupartí á útgáfudaginn. Það er
svona þegar fáir koma að þessu. Rit­
stjórar verða dreifingarstjórar, aug­
lýsingastjórar, áskriftarstjórar og svo
framvegis. Það er búið að vera nóg að
gera.“
Mikið stress
„Börnin okkar eru orðin sjálfala,“
segir Björk og hlær. „Það er smá mál
að stofna nýjan fjölmiðil svo það eru
allir búnir að vinna dag og nótt. Það
er smá spennufall eftir þetta en við
erum strax byrjaðar á blaði númer
tvö svo það er engin rosaleg pása.“
Björk segir útgáfu fyrsta tölublaðs
hafa gengið vel en að eðlilega hafi út­
gáfunni fylgt mikið stress.
„Auðvitað er allt búið að vera á
síðustu stundu eins og gengur og
gerist, en blaðið fór í prentun á rétt­
um tíma, viku fyrir útgáfu, svo þetta
gekk allt upp. Við kunnum náttúrlega
alveg að búa til blað og ef við hefðum
getað einbeitt okkur að því að gera
bara það þá hefði þetta nú kannski
ekki verið vinna dag og nótt. En það
er náttúrlega margt sem fylgir blaða­
útgáfu; dreifing og ýmis tæknileg út­
færsla. n
horn@dv.is
n Útgáfu tímaritsins MAN fagnað á Hótel Borg „Við erum búnar að
vera eins og út-
spýtt hundsskinn
Fjölskyldufjör Auður
Húnfjörð. auglýsinga-
stjóri MAN. sést hér
ásamt Brynju móður
sinni, Óskari föður sínum
og Jónu dóttur sinni.
Stoltar
Björk Eiðsdóttir,
Elín Arnar, Sunna
Jóhannsdóttir,
Auður Húnfjörð.
Hafa unnið dag og
nótt við að koma
út tímaritinu.
Myndir Sigtryggur Ari
Æsileg lesning
Rithöfundurinn
Stefán Máni
gluggar í hið nýja
tímarit ásamt
ritstjóranum Björk
Eiðsdóttur og
Sunnu Jóhanns-
dóttur.
Móttökunefndin Óskar Jarl og Eiður Breki tóku á móti gestum og tryggðu að allir kæmust í gleðskapinn.
Með nýjan
kærasta
Heiða Kristín Helgadóttir og Guð­
mundur Kristján Jónsson eru nýtt
par. Þau mættu saman til frum­
sýningar á kvikmynd Benedikts
Erlingssonar, Hross í oss, og þóttu
glæsileg saman.
Heiða Kristín hefur haft í nógu
að snúast síðustu misseri. Hún
var kosningarstjóri Besta flokks­
ins og fyrrverandi aðstoðarmaður
Jóns Gnarr borgarstjóra Reykjavík­
ur. Í dag er hún annar formanna
Bjartrar framtíðar.
Enn á Íslandi David James
virðist kunna vel við sig hér á
landi. Fjöldi aðdáenda mætti
til að horfa á hann í vítaspyrnu-
keppni um helgina.
Friðrik Dór að
verða pabbi
Söngvarinn vinsæli Friðrik Dór
hefur margt á sinni könnu þessa
dagana. Lag hans, Glaðasti hund­
ur í heimi, situr í efsta sæti vin­
sældalista Rásar 2, þá stundar
hann fullt nám í Háskóla Íslands
og stýrði opnunarþætti nýrrar
sjónvarpsstöðvar á laugardaginn
sem nefnist Stöð 3 á svipuðum
tíma og hann á von á sínu fyrsta
barni. Í viðtali við Fréttablaðið
sagðist Friðrik Dór ekki hafa mikl­
ar áhyggjur af því að barnið fæð­
ist á meðan hann er í beinni út­
sendingu.
Syngjandi
ruslakarlar
Halldór Gunnar Jónssson kór­
stjóri brá sér í vinnugallann ný­
verið ásamt 40 Fjallabræðrum og
aðstoðaði Hafnarfjarðarbæ við að
setja saman og koma fyrir bláum
sorptunnum.
Saman tóku Fjallabræður á
móti sjö þúsund bláum tunnum
sem komu í fjórtán 40 feta gám­
um. Að sjálfsögðu var mikið sung­
ið á meðan tunnurnar voru sett­
ar saman og að sjálfsögðu tóku
Fjallabræður svo lagið á götum úti
þegar þeir komu færandi hendi
með bláu tunnurnar á heimili um­
hverfisvænna Hafnfirðinga.
Vakti söngurinn athygli bæjar­
búa og setti skemmtilegan svip
á bæjarlífið. Fjallabræður sem
gegndu hlutverki syngjandi rusla­
karla þennan dag fengu einnig
eitthvað fyrir sinn snúð en kórinn
þarf að stunda markvissa fjáröflun
til að halda starfinu gangandi.