Dagblaðið Vísir - DV - 16.09.2013, Blaðsíða 8

8 Fréttir 16. september 2013 Mánudagur
Hatursfull umræða gegn
múslimum hér á landi
F
jölmennur hópur hér á landi
er mjög andvígur múslimum,“
segir Bjarni Randver Sigur­
vinsson, guðfræðingur og
stunda kennari við Háskóla Ís­
lands. Hann bendir á hatursfulla um­
ræðu gagnvart þessum þjóðfélags­
hópi og segir að þó að það sé hans
tilfinning að meginþorri þjóðarinn­
ar hafi ekkert við það að athuga að
hér verði reist moska þá sé því ekki
að neita að hér sé einnig fjölmennur
hópur sem vill neita múslimum um
það. „Það er írónískt þar sem það hef­
ur verið starfandi moska hér á landi í
hátt í þrjátíu ár. Moskurnar eru núna
tvær og verða jafnvel þrjár þegar
ahmadiyya­múslimar hafa komið sér
upp húsnæði en þeir standa í fast­
eignakaupum þar sem þeir munu
koma sér upp aðstöðu fyrir bæna­
hald,“ útskýrir Bjarni.
Umræðan minnir á gyðingahatrið
Hann segir að andstöðuna megi
fyrst og fremst rekja til ótta við fram­
andi trúarbrögð sem hafa fengið á
sig neikvæða ímynd í fjölmiðlum.
„Það birtast margar neikvæðar frétt­
ir frá heimshluta múslima af alls kyns
öfgahreyfingum, talíbönum og öðru
slíku sem fólk slysast til að heim­
færa á alla múslima hvar sem þá er
að finna um heiminn. Fólk óttast að
slík öfgasamtök geti fest rætur hér á
landi og vísa til hreyfinga múslima í
nágrannalöndunum sem eru funda­
mentalískar eða sakamála sem tengj­
ast vissum múslimum og síðan er al­
hæft út frá því.“
Hann segir að það megi finna
vissa hliðstæðu með múslimafóbí­
unni og antisemitismans og gyðinga­
hatursins sem endaði með helför­
inni í seinni heimsstyrjöldinni. Máli
sínu til stuðnings les hann upp tvær
tilvitnanir í texta sem var skrifaður á
Facebook­síðuna Mótmælum mosku
á Íslandi. „Fyrri tilvitnunin er svona:
Mesta hættan sem steðjar að Evrópu í
dag eru múslimar. Ef það er einhvern
tímann ástæða til þess að snúa baki
við trúfrelsi þá er það í þessu tilviki.
Og sú seinni hljómar svona: Múslim­
ar eru sníkjudýr og trúarbrögð þeirra,
íslam, rotið epli. Af ávöxtunum skulið
þér þekkja þá.
Ef við skiptum út orðinu múslimi
fyrir gyðingar þá eru þetta textar sem
eiga algjörlega heima í þriðja rík­
inu. Í rauninni vilja þeir sem ganga
hvað lengst gagnvart múslimum að
þeim sé öllum smalað saman og vís­
að úr landi og síðan komið í veg fyr­
ir það í eitt skipti fyrir öll að nokkur
múslimi geti komið hingað til lands.
Umræðan snýst ekki bara um það
að múslimar geti ekki byggt mosku
hér heldur einnig að þeir geti ekki
viðhaldið þeim moskum sem eru
þegar á landinu, það þurfi jafnvel að
reka þá alla úr landi. Þessi sjónarmið
hafa komið fram frá forystumönnum
þessa hóps og sýna alvarleika máls­
ins.“
Glæpir framdir í nafni íslam
Bjarni þekkir ágætlega til þar sem
hann er fulltrúi Þjóðkirkjunnar í sam­
ráðsvettvangi trúfélaga. Hann hefur
því verið í samskiptum við þessi trú­
félög múslima sem starfa hér á landi
auk þess sem hann hefur fjallað um
þau í tímum við Háskólann. Hann
telur óttann ástæðulausan. „Það er
engin ástæða til að óttast múslima
sem eina heild. Ekki frekar en það er
ástæða til að óttast kristna, gyðinga
eða búddista.
Hitt er svo annað mál að það sama
gildir um íslam og önnur trúarbrögð
að það má finna hreyfingar og stefn­
ur sem kenna sig við trúna en eru
varhugaverð. Glæpir eru framdir í
nafni íslam og þeir sem þá fremja
kalla sig múslima. En það er ekki þar
með sagt að allir múslimar séu sam­
mála því sem þeir gera.
Það er jafn fráleitt að gera alla
múslima ábyrga fyrir hryðjuverkum
öfgahreyfinga og það væri að gera
alla kristna menn ábyrga fyrir öfga­
hreyfingum á borð við IRA á Írlandi,
Klu Klux Klan í Suðurríkjum Banda­
ríkjanna eða illvirkjum Breiviks sem
sagðist vera að vernda kristin gildi
með gjörðum sínum.
Í öllum mínum samskiptum við
múslima hér á landi hef ég aldrei
kynnst öðru en algjörri fordæmingu
á hryðjuverkum og illgjörðum á borð
við heiðursmorð og annað slíkt.“
Alþjóðleg baráttusamtök
Engu að síður hafa hér um langt skeið
verið starfandi samtök gegn múslim­
um. „Þessi samtök kallast Group
1627 og voru stofnuð ári eftir hryðju­
verkaárásina á Bandaríkin þann 11.
september 2001 til þess að vara við
múslimum hér á landi og sporna
gegn frekari útbreiðslu íslam.
Forsvarsmenn þeirra hafa skrif­
að greinar sem hafa verið birtar í
Morgunblaðinu og sendar á presta,
þingmenn og starfsmenn ríkisstofn­
ana til að vara við múslimum. Þá
hafa samtökin haldið úti vefsíðum
sem helga sig baráttunni gegn íslam,
eins og hryðjuverk.wordpress.com
og Facebook­hópnum Mótmælum
mosku á Íslandi sem var stofnaður
árið 2010. Nú eru 3.025 skráðir stuðn­
ingsmenn þess hóps.
Samkvæmt forystumönnum sam­
takanna þá hafa yfir þúsund grein­
ar verið þýddar frá samtökum er­
lendis sem helga sig baráttunni gegn
múslimum. Sú gagnrýni sem á sér
stað hér á landi er nefnilega ekki
séríslensk heldur alþjóðleg. Skipu­
lögð alþjóðleg baráttusamtök gegn
múslimum eiga sér fylgismenn hér á
landi sem nýta sér málflutning þeirra
og rök til að andmæla múslimum á
Íslandi.“
„Just one nuke“
Efnið á þessum síðum hefur stund­
um verið varhugavert. Þann 11. apríl
var til dæmis birt mynd á Facebook­
síðu Mótmælum mosku á Íslandi
sem Bjarna misbauð. Myndin var
loftmynd af Mekka sem tekin var að
næturlagi. Allt var upplýst og hægt
var að sjá tugþúsundir múslima
samankomna við bænagjörð. Efst á
myndina var hins vegar búið að skrifa
just one nuke, eða bara eina kjarn­
orkusprengju. „Undir stóð að það
þyrfti ekki kjarnorkustríð á Kóreu­
skaganum, það vanti bara eina á
þennan stað.
Í kjölfarið komu einhverjir fram
og skömmuðu hann fyrir þetta, köll­
uðu hann siðlausan og fáfróðan.
Einn sagði einfaldlega: „og þið haldið
að annað fólk sé hættulegt“. Svo voru
aðrir sem lækuðu við þetta og með­
al annars leiðtogi samtakanna. Eftir
gagnrýni á að þarna væri birt mynd
og texti þar sem í raun var verið að
fara fram á fjöldamorð á múslimum
var þetta tekið út af síðunni, en ég á
skjámynd af þessu.“
Sagði mynd Breiviks snilldarverk
Þetta var svo sem ekkert í fyrsta og
síðasta skipti sem Bjarna blöskr­
aði málflutningurinn – það gerist
oft. „Röksemdarfærslurnar ganga
gríðarlega langt og áróðurinn gegn
múslimum hér á landi getur tekið á
sig gríðarlega hatursfulla mynd. For­
ysta samtakanna virðist telja barátt­
una svo mikilvæga að það skipti ekki
máli hvert rökin eru sótt eða hvernig
rök það eru.“
Hann tekur dæmi: „Þeir hafa
til dæmis lýst yfir aðdáun á áróðri
norska fjöldamorðingjans Brei­
viks þar sem hann andmælir áhrif­
um múslima í Noregi og á Vestur­
löndum og andmælir þeim sem vilja
standa vörð um sjálfsögð mann­
réttindi múslima í þessum heims­
hluta. Daginn eftir að Breivik framdi
fjöldamorðin í Noregi og menn átt­
uðu sig á því að hann hefði birt áróð­
ursmyndband á Youtube og birt rit­
verk sitt þar sem hann gerir ítarlega
grein fyrir hugsjónum sínum, birti
upphafsmaður og aðalforystumaður
hópsins Mótmælum mosku á Íslandi
status um þetta þar sem hann sagði
„myndin er hrífandi og snilldarverk,
verulega umhugsunarverð“.
Næstu mínúturnar linkaði hann
á fjölda greina sem hann hafði sjálf­
ur birt um þessi efni á eigin vettvangi,
greina sem fjalla meðal annars um að
Evrópuráðið vari við fjölmenningu, að
Svíþjóð fari í hundana, múllaklerkar
hóti Norðmönnum og svo var síðasta
færslan vísun á bók Breiviks.“
Kallaður menningarmarxismi
Bjarni gagnrýndi þetta og fékk fyrir
vikið að heyra það. „Viðbrögðin voru
vægast sagt athyglisverð. Maður sem
skrifar undir nafninu Rétthugsun rétt­
læti, og er meðritstjóri hópsins Mót­
mælum mosku á Íslandi, sagði að
myndbandið væri allt saman „deija
vu“ og ætti ekki að koma á óvart. Síð­
an sagði hann: „Það sem þér gremst
er að þarna er verið að sýna kultural
marxisma í réttu ljósi. Það sem gömlu
kommúnistaþjóðirnar spörkuðu á
ruslahaugana.“
Hann sagði fleira, en það sem
er áhugavert er að hann skuli segja
að áróðursmyndband Breiviks sýni
kultural marxisma í réttu ljósi.
Þeir kalla þetta menningarmarx­
ista á íslensku og þegar ég hef gagn­
rýnt þá hef ég í kjölfarið verið sakað­
ur um menningarmarxisma eða verið
kallaður menningarmarxisti. Þetta
hug tak var Breivik hugleikið en hann
skilgreindi þá sem hann var að berjast
gegn úr röðum Vesturlandabúa sem
menningarmarxista og þá sem hann
var að drepa kallaði hann þessu nafni.
Þess vegna tel ég það akademíska
skyldu mína að draga þetta fram,“
segir Bjarni að lokum. n
n Kallaður menningarmarxisti fyrir að mótmæla áróðrinum n Rök sótt í áróðursrit Breivik
Group 1627
n Áróðursrit gegn
múslimum á Íslandi
Árið 2011 tók Skúli Skúlason saman
helstu upplýsingar um samtökin sem
voru stofnuð þann 11. september 2002
og birti á netinu. Þar segir meðal annars
að stofndagurinn hafi verið valinn með
tilliti til þess að þann 11. september
1683 hafi herir Kalífans að láta undan
fyrir herjum hinna kristnu bandamanna
og að nafn hópsins hafi verið valið til
minningar um fyrstu innrás múslima á
Íslandi. „Í þeim hernaðaraðgerðum kom
fram allur hinn íslamski hugarheimur
og boðskapur hins ófræga fants frá
Arabíuskaganum Múhameðs spámanns.
Íslendingar mega aldrei gleyma þessu,
því þar var hið sanna Íslam kynnt þeim í
verki,“ segir í samantektinni. „Lang flest
ef ekki öll Mið-Austurlönd flokka kristna
söfnuði sem hryðjuverkasamtök.“
Þá segir að hópurinn hafi verið stofnaður
vegna þess að þeim þótti ýnt að múslim-
ar hefðu hafið innrás í Vesturlönd og í
raun ráðist á allar heimsálfur. Íslam hafi
sagt þeim stríð á hendur. Árásargirnin
ætti sér rætur í hugmyndafræði þeirra
sem er grundvölluð á kenninsetningum
Múhammeðs. „Sá Kóran sem ber af í
ofbeldisboðskap, miskunnarleysi og
grimmd er kallaður MedínaKóraninn og
er eini Kóraninn sem er gildur.“
Í upphafi hafi kynningarstarf samtak-
anna farið leynt vegna óskaplegrar
trúgirni og barnaskaps síðustu kynslóða.
„Þetta á ekki síst við menntastéttina og
suma þjóna kirkjunnar, sem áttu þða til
að opna kirkjur sínar fyrir múslimum og
afhelga kirkjurnar með þeim hætti.“
Því hafi verið sent út dreifibréf, hálfs
mánaðarlega, til áhrifafólks. Á síðustu
níu árum hafi verið skrifaðar, þýddar og
enduritaðar um þúsund greinar.
„Stundum birtu fjölmiðlar þessar greinar
óbreyttar frá okkur, en í öðrum blaða-
skrifum birtust áhrif greina okkar.“
Að lokum segir að moskan sé eitt aðal
stjórntæki múslima og baráttutæki.
Hún sé fyrst og fremst stjórnmálalegt
aðsetur þar sem dómar og ákvarðanir
um framkvæmdir fara fram um allt.
Sogamýrin hafi mjög mikið hernaðarlegt
gildi þar sem innkeyrslan í borgina fer
þar fram hjá og þjóðvegurinn er í beinni
skotlínu frá moskunni.
„Múslimar eru
sníkjudýr og trúar-
brögð þeirra, íslam, rotið
epli. Af ávöxtunum skulið
þér þekkja þá.
Ingibjörg Dögg Kjartansdóttir
blaðamaður skrifar ingibjorg@dv.is
Snilldarverk Hér er vísað í áróðursmynd daginn eftir að hann framdi fjöldamorðin í Noregi. Sá
sem skrifar notar dulnefndi og segir að myndin sé hrífandi snilldarverk.
Just one nuke Þessi mynd af Mekka var
birt á síðu Mótmælum mosku á Íslandi.
Á bæn Tvær moskur
eru starfandi í Reykja-
vík um þessar mundir.
Mynd: KriStinn MAGnúSSon
Kallaður menningar-marxisti Bjarna
Randveri Sigurvinssyni hefur oft blöskrað
hatursfull umræðan um múslima.