Dagblaðið Vísir - DV - 20.09.2013, Blaðsíða 2

2 Fréttir 20.–22. september 2013 Helgarblað
„Ég vonast til að sjá ykkur“
n Sigmundur Davíð ávarpaði fjárfesta í Lundúnum
É
g vonast til að sjá ykkur, og pen-
ingana ykkar, á Íslandi,“ sagði
forsætisráðherra Íslands, Sig-
mundur Davíð Gunnlaugsson,
í ávarpi sínu á fjárfestaráðstefnu í
Lundúnum á fimmtudag. Sigmundur
lét þessi orð falla í lok ávarps síns þar
sem hann útlistaði helstu áherslu-
þætti í efnahags- og fjárfestingar-
stefnu ríkisstjórnarinnar. Í ávarpinu
sagði Sigmundur ríkisstjórn sína
bjóða fjárfesta velkomna til Íslands og
að stjórnin væri reiðubúin til að skapa
aðstæður á Íslandi sem féllu að þörf-
um fjárfesta.
„Markmið ríkisstjórnar minnar
er ekki að skapa sömu aðstæður og
voru til staðar árin fyrir hrun. Sá tími
er liðinn og kemur ekki aftur, og ætti
ekki endilega að gera það,“ sagði Sig-
mundur Davíð sem sagði ríkisstjórn
Íslands ætla að ná nánari samskipt-
um við Bandaríkin og bætti við að
leiðtogar Norðurlandanna og forseti
Bandaríkjanna, Barack Obama, hefðu
skrifað undir yfirlýsingu þar sem þeir
heita því að leita leiða til að stuðla að
viðskiptum og fjárfestingum á milli
Bandaríkjanna og Norðurlandanna.
Þá benti Sigmundur Davíð einnig á
í ávarpi sínu að þó svo að hlé hefði ver-
ið gert á samningaviðræðum Íslands
og Evrópusambandsins þá legði rík-
isstjórn hans ríka áherslu á að halda
nánum samskiptum við Evrópusam-
bandið. „Evrópusambands löndin
eru ennþá mikilvægustu viðskipta-
félagar Íslands og okkar samskipti við
Evrópusambandið eru byggð á traust-
um grunni í EES-samningnum sem
veitir okkur aðgengi að Evrópumark-
aðinum.“ n
1 matsk. safieða 1 hylki.
F æ s t í a p ó t e k u m , h e i l s u b ú ð u m , F j a r ð a r k a u p o g K r ó n u n n i .
Jafnvægi og vellíðan
lifestream™
nature’s richest superfoods
B
jartviðri og tiltölulega lítil úr-
koma verður einkennandi
fyrir veðurfar framan af
vetri sunnan og vestan til á
landinu en íbúar á Norður-
og Austurlandi geta átt von á tölu-
verðum snjóþyngslum, sérstaklega
í desember. Þetta segir Sigurður Þ.
Ragnarsson veðurfræðingur. DV fékk
Sigurð til að leggja mat á veðurfar
næstu mánaða og lagði hann meðal
annars til grundvallar spá sinni upp-
lýsingar frá bandarísku og bresku
veður stofunni.a Sumarið á suðvestur-
horninu var ekki upp á marga fiska
enda var hiti undir meðallagi og úr-
koma langt yfir meðallagi. Sigurður
á von á að dæmið súist við í vetur og
íbúar sunnan og vestan til á landinu
muni upplifa nokkuð þægilegan vetur
– fram til áramóta að minnsta kosti
enda nær vonlaust að spá lengra fram
í tímann.
Bjartari tímar í vændum
„Ef við horfum heildrænt á þetta þá
verður þetta alls enginn hörkuvetur.
Við sjáum ekki miklar vetrarhörkur
eða neitt slíkt og úrkoman verður
frekar í minna lagi,“ segir Sigurður
þegar hann er spurður hvað muni
einkenna komandi vetrarmánuði.
Sigurður segist styðjast við svokall-
aðar tímabilsspár (e. seasonal clima-
te forecast) þar sem nokkrar breytur
eru teknar inn í reikninginn, til dæm-
is sjávarhiti og meðaltöl undanfar-
inna ára. Hann segir að þessar spár
hafi oftar en ekki gefið góða raun og
reynst býsna nákvæmar. Sigurður
segir að útlit sé fyrir að úrkoma verði
í minna lagi framan af vetri sunnan-
lands sem þýðir að bjartari tímar séu
í vændum. „En bjartir dagar á þess-
um árstíma eru oft kaldir og það er
ekkert tilefni til að ætla annað en að
þeir verði kaldir – en úrkoman verð-
ur í minna lagi. Þó dagurinn sé stuttur
þá verðum við ekki í endalausum
dumbungi eins og við höfum geng-
ið í gegnum undanfarnar vikur,“ segir
hann og bætir við að veturinn ætti
að verða tiltölulega léttur framan af
sunnanlands.
Sigurður bætir við að hitinn syðra
verði að líkindum svipaður og undan-
farin ár þó norðanhret og sunnan-
stormar muni gera vart við sig.
Snjóþungt fyrir norðan og austan
Útlitið er þó örlítið annað fyrir
norðan- og austanvert landið og seg-
ir Sigurður að íbúar þar geti gert ráð
fyrir talsverðri úrkomu í nóvember
og desember. En verður hún í formi
snjóa eða rigninga? „Þetta verður
svona beggja blands því hitinn þar
verður ekkert fjarri meðallagi. Í nóv-
ember og desember er útlit fyrir að
hann verði ívið lægri en í meðalári
sem þýðir að úrkoman sem fellur þar
verður í hvítari kantinum. Þetta gæti
allt eins orðið snjóþungur vetur á
Norðausturlandi – desember sérstak-
lega. Veturinn á eftir að sýna sig,“ segir
Sigurður sem tekur þó fram léttur í
bragði að hann sé alls ekki að boða
frostaveturinn mikla eða neitt slíkt.
Sigurður segir að vindur verði
nokkuð hægur – það verði ein-
kennandi fyrir veturinn þó vissulega
muni koma hvellir. „Þessar klassísku
haustlægðir virðast ekkert endilega
stefna til okkar og virðast frekar vilja
fara sunnar. Þannig að við verðum í
sæmilega hægum vindi. Það verður
að taka þessu með þeim fyrirvara
að veðrið verður ekki alltaf svona
en þetta er veðurfar sem verður ein-
kennandi fyrir tímabilið.“
Spáði vætusömu sumri
Sigurður spáði lélegu sumri sunnan-
lands en fínu veðri á Norður- og
Austur landi þegar DV ræddi við
hann um sumarveðrið í vor. Sú spá
reyndist á rökum reist. „Sú spá hljóð-
aði upp á kalt og vætusamt sumar
sem minnti dálítið á sumurin í kring-
um 1980 – svona gamaldags sum-
ar. Síðan kemur í ljós að það þarf að
fara aftur til ársins 1923 til að finna
eitthvað sambærilegt,“ segir Sig-
urður en sumarsins á Norður- og
Austur landi, Austurlandi sérstak-
lega, verður minnst sem eins besta
sumars í áraraðir. „Þeir voru búnir að
vera óheppnir á undanförnum árum
og það var eiginlega komið að því að
þeir fengju eitthvað sem minnti á
gamla tíma.“ n
„Þetta verður alls
enginn hörkuvetur“
n Sigurður Þ. Ragnarsson spáir björtum vetri fyrir sunnan
Einar Þór Sigurðsson
blaðamaður skrifar einar@dv.is
Enginn frostavetur Sigurður segir að
engar miklar vetrarhörkur séu í kortunum.
Bjartviðri Svona veður,
bjartviðri en jafnframt
kalt, verður einkennandi
fyrir veðrið framan af vetri
á Suðvesturlandi, ef spár
ganga eftir.
Vill peninga til Íslands Sigmundur
Davíð sagðist vonast til að sjá fjárfesta og
fé þeirra á Íslandi. MynD Þorri
Eiður krafinn
um fimm
milljónir evra
Knattspyrnumaðurinn Eiður
Smári Guðjohnsen er krafinn
um fimm milljónir evra af Kaup-
þingi í Lúxemborg, eða sem
nemur um 811 milljónum ís-
lenskra króna. Þetta kom fram
á vef belgíska dagblaðsins
Nieuwsblad, þar sem segir að
Eiður hafi samið við þrotabú
bankans um að hluti launa hans
hjá belgíska knattspyrnuliðinu
Club Brugge muni fara upp í
skuldina en Eiður er sagður hafa
fengið peningana að láni fyrir
fjárfestingum á Íslandi. „Hann
var fórnarlamb falls Kaupþings,“
sögðu forsvarsmenn Club
Brugge í samtali við Nieuwsblad.
Mótmæla
komu Dana
Hershöfðinginn og Daninn
Knud Bartels kom til landsins
á fimmtudaginn í boði Varð-
bergs, Nexus og Alþjóðamála-
stofnunar Háskóla Íslands.
Hann er einn hæst setti maður
hernaðarbandalagsins NATO.
Hann ræddi um nýlegar aðgerð-
ir NATO í fyrirlestrinum. Ungir
Vinstri grænir mótmæltu komu
hans.
Gísli Garðarsson, stjórnar-
maður i stjórn UVG, sagði í sam-
tali við DV að honum blöskraði
sérstaklega að Norræna húsið
væri notað undir hernaðaráróð-
ur. Hann sagði að mótmælun-
um væru ekki sérstaklega beint
að Bartels, heldur væri UVG
að mótmæla þátttöku Íslands í
NATO eins og svo oft áður.