Dagblaðið Vísir - DV - 10.12.2013, Blaðsíða 28

28 Lífsstíll Bílar
M
azda 3 er nýjasta afurðin
í Mazda-fjölskyldunni og
jafnframt þriðji bíllinn frá
Mazda sem kemur á mark-
að með SkyActiv-tækninni.
Þessi bíll er ótrúlega góður í akstri fyr-
ir ekki meiri pening en raun ber vitni
og er ég þess fullviss að Mazda á eftir
að slá öll sín sölumet með þessum bíl.
Hann er ekki gallalaus en sem ódýr
millistærðarbíll þá er hann einn af
betri valkostum á markaðnum í dag.
Mazda leggur ekki bara áherslu á út-
lit og eyðslu því mikið er lagt upp úr
þægindum og vellíðan og er bíllinn
með flottan Multimedia-búnað sem
gerir manni m.a. kleift að tengjast
netinu í gegnum síma, skoða tölvu-
póst, Facebook og fleira á öruggan og
einfaldan hátt.
SkyActiv
SkyActiv-tækni Mazda hefur leitt til
mikillar lækkunar í rekstrarkostnaði
bíla framleiðandans og eru tölur
yfir eldsneytisnotkun þessara bíla
mjög aðdáunarverðar. Sérlega eft-
irtektarvert er að sjá tölur á bensín-
mótorum þeirra en þessi bíll notar
t.a.m. einungis 5,1 lítra á hundraðið í
blönduðum akstri og sjálfskipta týpan
þiggur aðeins 0,5 lítra til viðbótar með
mun meiri þægindum. Með tilkomu
þessa bíls er því ljóst að samkeppnis-
staða Mazda mun styrkjast verulega,
enda gera allar söluspár ráð fyrir því
að þessi bíll verði einn sá vinsælasti
í sínum stærðarflokki á heimsvísu.
Dísilútgáfa, sem ég hef reyndar enn
ekki prófað, er svo með enn minni
eldsneytisnotkun en uppgefin tala frá
framleiðanda er 3,9 lítrar á hundraðið
með 2,2 lítra dísilvélinni.
Aksturinn
Í akstri er Mazda 3 einfaldur og góður.
Bíllinn hefur sportlega eiginleika og
vinnslan er alveg þokkaleg. Það er lítið
sem ekkert veghljóð í bílnum, en þess-
um bíl var ekið í hálku en á ónegldum
dekkjum. Gírkassinn er góður og
þægilegt bil á milli gíra. Öll stjórn-
tæki eru vel staðsett fyrir ökumann
og ekki er hægt að pirra sig á neinu
þar ef frá er talinn hinn leiðinlegi galli
sem hefur verið á öllum Mazda-bílum
sem ég hef ekið í ár. Þar er ég að tala
um „bíb“-hljóðið sem ekki er hægt að
slökkva á þegar sett er í bakkgír. Mér
finnst ég alltaf vera kominn um borð
í lyftara þegar í bakkgírinn er sett og
er það mjög leiðinlegur galli á annars
góðum bílum frá Mazda. Þetta er for-
ræðishyggja af verstu gerð því það er
lífsins ómögulegt að missa bílinn í
bakkgír miðað við uppsetningu gír-
kassans sé maður með hugann við
það sem maður er að gera og á ann-
að borð með réttindi á aksturs bif-
reiða. Gluggapóstar við framrúðu
eru stærsti galli þessa bíls en þeir eru
breiðir og þannig staðsettir að hættu-
legur blindur punktur myndast í út-
sýni og þarf að venja sig á að líta vel
beggja vegna þeirra á gatnamótum til
þess að forðast óhöpp í akstri.
Innanrými
Bíllinn er mjög flottur að innan og þá
sérstaklega sé horft til verðmiðans
á honum. Multimedia-kerfið er
mjög einfalt og gott, flottur skjár og
tengingar við síma og net eru auð-
veldar og þægilegar í notkun. Snerti-
skjárinn er þó pínu hægur en noti
maður handvirku leiðina þá virkar
allt hnökralaust og fínt. Það er ágætis
pláss aftur í bílnum, gott höfuðrými
en þó er geta bara setið þar tveir far-
þegar í þægilegri stellingu þótt bíllinn
sé skráður fyrir þrjá aftur í. Þetta kem-
ur ekki að sök fyrir smærri farþega og
lítið mál var að smella tveimur sessum
og einum barnabílstól í bílinn án þess
að það væri þröngt. Farangursrými er
vel yfir meðallagi í þessari stærð bíla
og skottopnun er góð.
Gjaldið
Hér kemur Mazda 3 hvað sterkastur
inn því verðið á þessum bíl er ótrú-
lega gott miðað við útlit, búnað og
rekstrar kostnað. Þessi bíll sem hér
var ekið var með 2,0 lítra bensínvél-
inni, beinskiptur og í Vision-útgáfu.
Sem slíkur kostar hann aðeins 3.490
þúsund sem verður að teljast frá-
bært verð í dag. Hann er með mik-
inn staðal búnað og fáir, ef nokkr-
ir bílaframleiðendur á markaðnum í
dag, sem geta boðið jafn flottan pakka
á sambærilegu verði. n
Vikublað 10.–12. desember 2013
Nýr og glæsilegur Mazda 3
n Sparneytinn og góður n Enn eitt snilldarútspil Mazda
Mazda 3 HB 5 dyra
✘
Kostir: Útlit, eldsneytisnotkun,
aksturseiginleikar og verðmiðinn
✔
Gallar: Gluggapóstar fram í, lítið
útsýni og bakkgírs-„bíb“
Umboðsaðili: Brimborg
Bíll: Mazda 3 HB 5 dyra
Eyðsla: 5,1 l/100 (blandaður akstur)
Hestöfl: 120
Gírar/þrep: 6 gíra beinskiptur
Árekstrarpróf: 81%
Verð: 3.490 þús.
Sambærilegir bílar: Audi A3, BMW 1,
VW Golf, Ford Focus, Toyota Corolla.
Björgvin Ólafsson
bilar@dv.is
Bílar
Falleg Mazda Hönnuðir Mazda eru alveg með puttann á púlsinum í dag og er Mazda 3,
rétt eins og aðrir nýir Mazda-bílar, mjög flottur og vel heppnaður bíll í útliti. Mynd BÓ
SkyActiv-mótorinn Mazda 3 er þriðji
bíllinn sem Mazda kynnir sem er knúinn
af SkyActiv-spartækninni og hefur þessi
framleiðsla Mazda hlotið fjölmörg verðlaun
um allan heim. Mynd BÓ
Innréttingin Bíllinn er einnig vel hannað-
ur að innan og eru öll stjórntæki og aðgerðir
til fyrirmyndar. Útsýnið úr bílnum er þó
ekki það besta og breiðir gluggapóstar að
framan hindra útsýni verulega til hliðanna
og þarfnast aðlögunar ökumanns svo ekki
komi til óhappa í akstri. Mynd BÓ
Framendinn Það er nokkuð sama hvar
er litið á Mazda 3-bílinn, hann er flottur og
vel hannaður bíll – það verður bara ekki
tekið af honum. Mynd BÓ
Sportlegur Þessi bíll ber útlit mikið dýrari bíls og er einstaklega sportlegur og flottur. Það
kæmi verulegu á óvart ef Mazda næði ekki að slá sölumet sitt í flokki þessa bíls með þessari
snilldarhönnun. Mynd BÓ
Verður
nefndur S8
Nýji ofurbíllinn sem væntan-
legur er frá Saleen mun fá
nafnið S8, allavega svo lengi
sem Audi setur sig ekki upp á
móti því en Audi hefur einnig
framleitt bíl undir því nafni.
Þetta kynnti stofnandi og
stjórnarformaður fyrirtækisins,
Steve Saleen, á bílasýningunni
í Los Angeles þar sem fyrirtæk-
ið fagnaði 30 ára starfsafmæli.
Þessi bíll verður byggður á
grunni S5S Raptor-bílsins sem
byggður var árið 2008 og verð-
ur með 5 lítra miðjumótor með
blásara sem skilar bílnum 650
hestöflum. S7-bílinn sem hér er
á mynd var hins vegar hægt að
fá á sínum tíma með tveimur
túrbínum og upp í 750 hestöfl.
Nýir
Hybrid-bílar
Töluvert er síðan hægt var að fá
V60-bílinn fyrst í Hybrid-útgáfu
frá Volvo en nú stendur til að
stóri bróðir, XC90, verði einnig
boðinn í Hybrid-útgáfu. Hinn
sænski bílaframleiðandi hefur
látið hafa eftir sér að ekki verði
þó um dísiltvinnbíl að ræða
nema þá bara fyrir Evrópu-
markað. Volvo XC 90 mun fyrst
og fremst verða með fjögurra
sýlindra túrbóknúnum bens-
ínmótor ásamt rafmótorum.
Þetta kram var kynnt í P1800-til-
raunabílnum á bílasýningunni
í Frankfurt í haust og þar skil-
aði þessi búnaður ríflega 400
hestöflum sem ætti að vera
skemmtileg viðbót í crossover-
búnað XC90.
Hægt á
framleiðslunni
Viper-aðdáendur þurfa að ekki
að örvænta þrátt fyrir dræma
sölu á bílnum undanfarið
og sögusagnir um brotthvarf
Vipers úr framleiðslu. Chrysler
hefur sent frá sér tilkynningu
þess efnis að einungis verði
hægt á framleiðslu bílsins og nú
verði framleiddir sex SRT Viper-
bílar á dag í stað níu áður. Þá
verður pöntunarkerfi fyrir bíl-
ana breytt þannig að viðskipta-
vinir geta nú valið nákvæmlega
hvernig þeir vilja sinn ofurbíl
útbúinn og með því á að koma í
veg fyrir að söluaðilar hans sitji
uppi með bíla sem ekki eru ná-
kvæmlega eins og kaupendur
vilja hafa þá.