Dagblaðið Vísir - DV - 29.09.2008, Blaðsíða 4
Bílvelta við Ól-
afsfjarðarveg
Bíll fór út af veginum við Ól-
afsfjarðarveg á Norðurlandi um
ellefuleytið á sunnudagsmorg-
un. Einn maður var í bílnum og
þurfti að beita klippum við að ná
honum út. Maðurinn var fluttur
með sjúkrabifreið á Fjórðungs-
sjúkrahúsið á Akureyri þar sem
hlúð var að honum. Hann er
ekki alvarlega slasaður. Að sögn
lögreglunnar á Dalvík er mað-
urinn grunaður um ölvun við
akstur.
mánudagur 29. september 20084 Fréttir
InnlendarFréttIr
ritstjorn@dv.is
Kona féll
niður í gil
Kona á þrítugsaldri slasað-
ist töluvert eftir að hún féll ofan
í gil og fékk fjórhjól ofan á sig.
Slysið varð með þeim hætti að
hún var ásamt annarri konu að
aka á fjórhjóli eftir slóða á Heng-
ilssvæðinu þegar þær komu að
gilbrún. Þegar konan hemlaði
snögglega datt hún af hjólinu
og rann niður í gilið. Fjórhjólið
lenti svo ofan á konunni. Hún
slasaðist á brjóstholi og var flutt
með aðstoð björgunarsveitar-
innar Ársæls á sjúkrahús.
Leiðrétting
Í helgarblaði DV var viðtal við
ungan fiðlusnilling en rangt
var farið með nafn stúlkunn-
ar. Hún heitir réttu nafni
Chrissie Thelma Guðmunds-
dóttir en í greininni var hún
kölluð Krissý Thelma Guð-
mundsdóttir. Leiðréttist hér
með nafnamisskilningurinn
og beðist er velvirðingar á
mistökunum.
Leiðrétting
Rangt var farið með verð í
verðkönnun á neytendasíðu
blaðsins mánudaginn 22.
september. Það stóð að árs-
kort í sundlaugar Kópavogs
kostaði 27.990 krónur. Það
er hins vegar verð á árskorti í
líkamsrækt ásamt sundi. Rétt
verð fyrir sundkort er 17. 500
krónur.
„Ég var bara að gera við girðingu
þegar hann kom og danglaði í mig
með naglbítnum,“ segir Jón Bald-
vinsson á Furuvöllum um við-
skipti sín við Hauk Þórarinsson
hjá Hestaleigunni Laxnesi. Lög-
regla var kölluð til og benti Jóni á
að verða sér úti um áverkavottorð
sem og hann gerði hjá heilsugæsl-
unni í Mosfellsbæ. Jón segir að eft-
ir ryskingarnar hafi Haukur fjarlægt
girðingu úr túninu og hann hyggst
því kæra Hauk í vikunni bæði fyrir
líkamsárás og stuld á „einum kíló-
metra af griðingu“.
Jón segist hafa verið að dytta að
girðingu þegar Haukur hafi komið
á staðinn. „Hann byrjaði svo bara
að klippa girðinguna fyrir fram-
an nefið á okkur og nú er hún bara
horfin,“ segir Jón og bætir því við
að þegar hann hafi haft afskipti af
Hauki hafi hann „danglað“ í hann
með naglbítnum.
Áralangar deilur
Jón segist hafa staðið í áralöng-
um deilum við Þórarin Jónsson og
Hauk son hans um nýtingu lands-
ins í Laxnesi. „Þetta er voðalega
einfalt mál. Þeir reka hestaleigu á
5.400 fermetra lóð og ég er aðili að
landinu sem liggur við bæinn hjá
honum. Þar hafa þeir verið að færa
til girðingar og hlaupa með þær til
og frá í óþökk okkar. Líklega vantar
þá beit en allir dalbúar eru rasandi
út af þessari hrikalegu ofbeit á Lax-
nesi 1,“ segir Jón.
Haukur hefur aðra sögu að segja
og telur ásakanir Jóns um ofbeldi
storm í vatnsglasi. „Þetta er smá-
mál. Þarna voru um það bil hundr-
að metrar af ónýtri girðingu í beit-
arlandi og ég ætlaði að fjarlægja
hana þar til niðurstaða fæst í mál-
ið,“ segir Haukur um leið og hann
staðfestir að vissulega hafi deilur
um nýtingu landsins staðið lengi.
Haukur segir Jón hafa veist að
sér þar sem hann var að eiga við
umrædda girðingu. „Hann réðst
á mig sparkandi og kýlandi og svo
óheppilega vill til að ég er örvhent-
ur og þegar ég lyfti upp hendinni í
varnarstöðu hljóp hann utan í mig
og rak efri vörina í naglbítinn,“ seg-
ir Haukur og bætir við að atvikið
hafi verið eins klaufalegt og hugs-
ast getur.
Heiftin kom á óvart
Haukur segist sjálfur hafa kall-
að til lögreglu og líklega sé hluti
ryskinganna til á upptökum á sím-
tali hans við lögregluna. Hann seg-
ir jafnframt að honum hafi verið
nokkuð brugðið yfir viðbrögðum
Jóns. „Þetta er eldri maður, rúm-
lega sextugur, og ég er búinn að
þekkja til hans lengi. Hann er ekki
ofbeldismaður þannig að heiftin
kom mér á óvart.“ Haukur segist
hafa látið bóka „þessa árás“ á sig
en hann muni ekki aðhafast frek-
ar nema Jón vilji fara með málið
lengra. „Ég mun ekki kæra hann fyr-
ir þessa árás nema hann fari lengra
með þetta og hann græðir ekkert á
því,“ segir Haukur. „Landið sem um
ræðir er eign Nýsis og hann kemur
ekkert að þessu máli og við erum
að lögsækja hann fyrir brot á hluta-
félagalögum. Þetta snýst um ein-
hverja 4 til 5 metra til eða frá og við
erum bara að bíða eftir að fá stað-
festingu á því hvar mörkin liggja.“
Jón er hins vegar harður á því að
kæra og segist hafa verið alblóðug-
ur þegar lögreglan kom á vettvang
og gefur ekki mikið fyrir þær skýr-
ingar Hauks að hann hafi „gengið á
naglbítinn“. Þá bætir Jón því við að
hann vilji ekki hafa þær hótanir eft-
ir sem Haukur lét dynja á honum
þegar þeim lenti saman um dag-
inn. „Það er ekki prenthæft.“
Jón segir að áður hafi slegið í
brýnu og fyrir nokkrum árum hafi
Haukur mætt með „það sem maður
myndi kalla handrukkara með sér
og hótaði að kála mér ef ég hætti
ekki að skipta mér af. Lögreglan er
með þessar upplýsingar líka. All-
ir dalbúar eru brjálaðir út af þessu
framferði hérna en líklega er ég sá
eini sem þorir að standa uppi í hár-
inu á honum. Ég væri sáttur bara ef
hann léti mínar girðingar og landið
mitt í friði,“ segir Jón.
Lögregla var kölluð til fyrir helgi þegar upp úr sauð í langvarandi nágrannadeilu um
aðgengi að beitarlandi í Laxnesi í Mosfellsbæ. Jón Baldvinsson á Furuvöllum segir
Hauk Þórarinsson hjá Hestaleigunni Laxnesi hafa slegið til sín með naglbít þannig
að undan blæddi. Haukur segir um smámál að ræða og að Jón hafi rekist í naglbítinn
þegar Haukur bar hönd fyrir höfuð sér undan áhlaupi Jóns.
Þórarinn Þórarinsson
fréttastjóri skrifar toti@dv.is
NaglBít Beitt í
NágraNNaerjum
„allir dalbúar eru
brjálaðir út af þessu
framferði hérna en lík-
lega er ég sá eini sem
þorir að standa uppi í
hárinu á honum.“
Hestaleigan á Laxnesi eigendur
leigunnar hafa staðið í langvarandi
illdeilum við Jón baldvinsson og nú
síðast sauð upp úr með slíkum látum að
Jón stóð eftir blóðgaður með naglbít.
Líðan Össurar Péturs Össurar-
sonar, sem fannst með lífshættu-
lega áverka á mótum Laugavegs,
Skúlagötu og Höfðatúns 6. sept-
ember síðastliðinn, fer batnandi.
Fyrir helgi opnaði hann augun og
sýndi nokkur viðbrögð. Honum er
þó enn haldið í öndunarvél.
Össur Pétur fannst 6. septem-
ber og hefur því legið meðvitund-
arlaus á gjörgæsludeild í rúmar
þrjár vikur. Hann hlaut mar á heila
auk þess sem hann tvíhöfuðkúpu-
brotnaði. Ekki hefur komið í ljós
með hvaða hætti hann hlaut þessa
lífshættulegu áverka.
Fjölmargir hafa sýnt Össuri,
aðstandendum hans og vinum
samhug. Meðal annars fór fram
bænastund í Ísafjarðarkirkju 9.
september. Þar að auki hefur ver-
ið stofnuð styrktarsíða fyrir hann á
Facebook og eru það eru ættingj-
ar og vinir sem standa á bak við
hana. Þar getur fólk skrifað kveðju
í gestabók og skoðað myndir af
honum.
Í síðustu færslu í gestabókinni
segir: „Yndislegt að heyra að þú
ert búinn að opna augun og ert að
sýna viðbrögð. Bið ætíð fyrir þér.
Milla.“ Meðlimir síðunnar eru nú
1.472.
samfélag vina Vinir
og aðstandendur koma
saman á síðu Össurar,
senda heillaóskir og
greina stöðu mála.
Líðan Össurar Péturs fer batnandi:
Sýnir viðbrögð