Dagblaðið Vísir - DV - 29.09.2008, Blaðsíða 14
mánudagur 29. september 200814 Umræða
ReyniR TRausTason RiTsTjóRi skRifaR: Fá þekkt dæmi eru um að Haraldur búi yfir kostum Jóhanns.
Lygimál dómsmálaráðherra
Leiðari
Björn Bjarnason dómsmálaráðherra er trausti rúinn eftir einelti sitt og aðför að Jóhanni R. Benediktssyni lögreglu-stjóra. Dómsmálaráðherrann er kominn út í horn, líkt
og Haraldur Johannessen ríkislögreglustjóri sem staðið hefur í
skjóli ráðherrans. Örlög Jóhanns lögreglustjóra eru þau að hafa
ekki viljað taka þátt í bolabrögðum ríkislögreglu-
stjóra sem rekið hefur embætti sitt af fáheyrðri
ósvífni og talið sjálfan sig standa lögum ofar. Jó-
hann er embættismaður sem fylgir reglum og not-
ar ekki vald sitt til að berja á borgurum landsins
í óþarfa. Engin dæmi eru um annað en lögreglu-
stjórinn hafi í hvívetna haft réttsýni og heiðarleika
að leiðarljósi. Ríkislögreglustjórinn hefur þver-
öfuga ímynd. Fá þekkt dæmi eru um að Harald-
ur búi yfir kostum Jóhanns. DV hefur sagt frá því
að ríkislögreglustjóri hafi mætt andstöðu Jóhanns
og hans manna þegar hann ætlaði að setja upp
leikrit með því að handtaka Jón Ásgeir Jóhann-
esson, einn aðaleiganda Baugs, í Leifsstöð þegar
hann var viljugur að mæta til yfirheyrslu við upp-
haf Baugsmálsins. Embættismönnum á Keflavík-
urflugvelli blöskraði framgangan og þeir neituðu
að standa að aðgerðinni. Síðasta vor sagði DV frá
þessari atburðarás og byggði á heimildum innan lögreglu sem
ekki verða vefengdar. Í framhaldinu sendi ríkislögreglustjóri út
yfirlýsingu um að þetta ætti sér enga stoð. Björn Bjarnason dóms-
málaráðherra blandaði sér opinberlega í málið á föstudagskvöld
þegar hann sagði á bloggsíðu sinni að DV færi með „ósannindi“.
Það sætir furðu að svo sterk taug skuli tengja
hann og ríkislögreglustjóra að ráðherrann, sem
nú rambar á barmi afsagnar, skuli treysta sér til
að gefa Haraldi sannleiksvottorð. DV hefur gef-
ið dómsmálaráðherra kost á að leiðrétta lygimál
sitt en hann þverskallast við í nauðvörn sinni.
Þegar Richard Nixon, fyrrverandi bandaríkjafor-
seti, var kominn út í horn, fastur í lygavef sínum,
opnuðust augu þjóðar hans fyrir því hvað hann
hafði aðhafst. Björn er sumpart í sömu stöðu nú.
Hann segir ósatt og neitar að horfast í augu við
þann veruleika að spilltur ríkislögreglustjóri hef-
ur fengið hann til þeirrar óhæfu að leggja góðan
embættismann í einelti og flæma hann úr starfi. Á
næstu vikum munu heimildir DV um áform ríkis-
lögreglustjórans í ágúst árið 2002 verða staðfest-
ar rækilega. Þá verður hugsanlega orðið of seint
fyrir ráðherrann að biðjast afsökunar.
Sandkorn
n Óeining um stefnu í gjald-
eyrismálum skekur stoðir
Sjálfstæðisflokksins um þessar
mundir en evruandúð Dav-
íðs Oddssonar, seðlabanka-
stjóra og fyrrverandi formanns
flokksins,
heldur vit-
rænni um-
ræðu um
gjaldeyris-
mál innan
flokksins
í bónda-
beygju.
Vilhjámur
Egilsson, framkvæmdastjóri
Samtaka atvinnulífsins, er
gamalgróinn sjálfstæðismað-
ur sem hefur talað hátt fyrir
upptöku evru hér á landi. Sú
saga gengur nú fjöllum hærra
að Davíð Oddsson hafi not-
að tækifærið þegar hann hitti
Vilhjálm í brúðkaupi Sigurðar
Kára Kristjánssonar alþingis-
manns á dögunum til þess að
setja ofan í við Vilhjálm. Nokk-
ur fjöldi gesta mun hafa orðið
vitni að orðaskiptum Davíðs og
Vilhjálms og bókstaflega sopið
hveljur yfir fúkyrðaflaumnum
sem seðlabankastjórinn lét
dynja á Vilhjálmi.
n Krísa, hvaða krísa? mátti lesa
út úr orðum Geirs H. Haarde
forsætisráðherra þegar fjöl-
miðlamenn spurðu hann
spurninga eftir langan fund
með seðlabankastjórum á
laugardag. Fundartíminn vakti
mikla athygli fjölmiðla og þarf
kannski ekki að koma á óvart
í lok vikunnar þar sem krónan
setti met í verðleysi. Eitthvað
fóru fréttirnar þó fyrir brjóstið
á Helga Hjörvar, þingmanni
Samfylkingar, sem furðaði sig
mjög á því í Silfri Egils í gær að
það þætti fréttnæmt að allir
seðlabankastjórarnir væru kall-
aðir á fund forsætisráðherra við
þessar kringumstæður.
n Fundahöldin gætu þó orðið
til að hleypa enn upp vanga-
veltum sem heyrðust síðla
sumars um að svo kynni að fara
að stjórn
og stefna
Seðlabank-
ans yrðu
teknar til
endur-
skoðunar.
Nokkuð var
rætt um
slíkt eftir að
Tryggvi Þór Herbertsson var
ráðinn efnahagsráðgjafi forsæt-
isráðherra og töldu þeir sem
spáðu ríkulegast fyrir að svo
gæti jafnvel farið að áður en
yfir lyki yrði orðinn aðeins einn
seðlabankastjóri við völd – og
jafnvel enginn þeirra sem nú
sitja í Svörtuloftum.
n Stefán Pálsson og félagar
hans í Samtökum hernaðar-
andstæðinga keppast þessa
dagana við að selja hlutabréf.
Ekki er það þó vegna verðfalls á
mörkuðum heimsins. Ástæðan
er sú að í vikunni ætla þeir að
greiða upp síðustu eftirstöðv-
arnar af láni sem þeir tóku til
að kaupa sér og gera upp Frið-
arhús, félagsheimili íslenskra
friðarsinna.
LyngháLs 5, 110 Reykjavík
Útgáfufélag: Útgáfufélagið Birtíngur ehf.
Stjórnarformaður: hreinn Loftsson
framkvæmdaStjóri: elín Ragnarsdóttir
ritStjórar:
jón Trausti Reynisson, jontrausti@dv.is
og Reynir Traustason, rt@dv.is
fréttaStjórar:
Brynjólfur Þór guðmundsson, brynjolfur@dv.is
og Þórarinn Þórarinsson, toti@dv.is
auglýSingaStjóri:
ásmundur helgason, asi@birtingur.is
dv á netinu: dv.is
aðalnúmer: 512 7000, ritstjórn: 512 7010,
áskriftarsími: 512 7080, auglýsingar: 515 70 50.
Umbrot: dv. Prentvinnsla: landsprent. Dreifing: árvakur.
dv áskilur sér rétt til að birta aðsent efni blaðsins á stafrænu
formi og í gagnabönkum án endurgjalds.
Öll viðtöl blaðsins eru hljóðrituð.
Þetta var brenni-
vínssull, kanna-
bis- og kókaín-
notkun. Ég var
bara að missa tökin.“
n Herbert Guðmundsson tónlistarmaður, sem
sneri við blaðinu fyrir 15 mánuðum, um
eiturlyfjaneyslu sína. – 24 stundir.
„En þetta er
bara töff
heimur og
þegar menn
velja svona eru
þeir ekki að því til að vera
vondir við einhvern eða
hefna sín á einhverjum.“
n Elín Hirst um það þegar henni var sagt upp sem
fréttastjóri Sjónvarpsins á dögunum. – DV
„Það lenda heilu
vélarnar af
ungum fyrir-
sætum í París og
Mílanó á vorin
vegna lyga og gylliboða.“
n María Guðmundsdóttir, fyrrverandi fyrirsæta
og ljósmyndari, um harðan heim fyrirsætubrans-
ans. – DV.
„Þá reyndi ég
að rifja upp að
hann lék Ólaf
Kárason
Ljósvíking, kynlausasta
mann bókmenntanna.“
n Sólveig Arnarsdóttir, leikkona í Svörtum englum,
um hvað hún taki til ráðs þegar kynþokki Helgja
Björns, meðleikara hennar, sé alveg að fipa hana. – DV.
bókStafLega
Daglega falla bombur móðuharð-
inda og þokan þéttist. Enginn veit
sína krónu og enn síður hún. Stuð-
menn syngja betri tíð og ráðamenn
taka undir. Bollaleggingar um gjald-
miðla og vísitölur æra sparifjáreig-
endur meðan skuldarinn vex með
haugi sínum. Eitt er ljóst: Hunangið
er hætt að drjúpa, að minnsta kosti
af hverju strái.
Íslendingar eru þó ekki öllu rún-
ir. Mannauðurinn virðist að vísu
hafa verið ofmetinn en ríkissjóður
ku vera í plús og auðlindir höfum
við nógar. Fiskurinn í kringum land-
ið hefur löngum verið drjúg matar-
kista og skapað þjóðinni ótalin
verðmæti. Í hallæri væri kannski lag
að veiða aðeins meira. Önnur auð-
lind er fallvötnin. Þau gætu hugsan-
lega haldið einhverju á floti meðan
óáranin gengur yfir. Fagra
Ísland heldur áfram að
vera fagurt þó stjórn-
málaflokkur þurfi
að kyngja einu
slagorði.
Jarð-
varminn
er svo
þriðja stoð-
in og vænleg
á komandi
árum.
Hið opin-
bera þarf vita-
skuld að gæta
hófs en gæti lagt
fé í afmörkuð verk-
efni, til dæmis á sviðum viðhalds og
samgangna en hætta strax við enda-
leysur eins og hátæknisjúkrahús.
Slík framkvæmd er firra í góðæri,
geggjun í slæmu og yfirleitt óþörf.
Samhliða þessu ætti að grisja stjórn-
sýsluflóka þann sem vaxið hefur
óhuggulega umliðin kjörtímabil og
líkja má við mávagerið á tjörninni,
innanhúss og utan.
Kjarasamningar eru á næsta leiti
og hafa ljósmæður þegar samið. Að
eigin áliti hafa þær dregist aftur úr
sambærilega menntuðum stéttum.
Læknar eru greinilega
ósammála og albúnir að saxa á ný-
fengið forskot ljósmæðra. Kjararúll-
ettan bersýnilega byrjuð og endar
að vanda á seðlabankastjóra. En þó
langskólagengnir vilji gjarna miða
laun við námslengd er engan veg-
inn víst að það endurspegli arðsem-
ina. Auk þess telja margir þessi nám
allt of löng og líku gagni megi ná á
skemmri tíma. Prósentuhækkanir á
laun eru ennfremur varasamar og
auka einungis launamisréttið.
Framganga peningamálaráð-
herra er þó skondnust sem biður al-
menning að vera hófsaman í launa-
kröfum sínum svo verðbólgubálið
fari nú ekki úr böndunum. Reyndar
er rétt hjá ráðherranum að sá draug-
ur leiki verst þá sem minnst hafa
en hófsemiskrafan hlýtur að teljast
háðung í ljósi ennlifandi eftirlauna-
laga ráðamanna. Stjórnendur sem
sýna fólki slíka vandlætingu skortir
tilfinnanlega þá væntumþykju sem
til þarf.
Gangi
forsvars-
menn
þjóðar-
innar ekki
á undan
með góðu
fordæmi er
engin von
um þjóðar-
sátt og vilji
þeir sem
nóg hafa
ekki leggja
neitt í púkk-
ið er vart við
neinu að bú-
ast.
Þjóðarsátt án ráðamanna
Stafar heimili þínu ógn af innbrotSþjófum?
„nei, alls ekki, ég er í góðum höndum.“
Karen Guðnadóttir,
16 ára nemi
„Ég er ekki með kerfi og spái annars
voðalega lítið í það.“
Jóhannes LonG,
58 ára sendibílstjóri
„nei, ég er í góðum höndum, ég er
með öryggiskerfi.“
tryGGvi aGnarsson,
50 ára sjálfstæður atvinnurekandi
dómStóLL götunnar
„nei, það finnst mér ekki, ég er í fínum
málum.“
haLLfríður eLín Pétursdóttir,
11 ára nemi
kjaLLari
LÝður Árnason
heilbrigðisstarfsmaður
skrifar
Mannauðurinn
virðist að vísu hafa
verið ofmetinn en
ríkissjóður ku vera
í plús og auðlindir
höfum við nógar.