Dagblaðið Vísir - DV - 29.09.2008, Qupperneq 12

mánudagur 29. september 200812 Fréttir
Hryðjuverkaógn
skekur Þýskaland
Þýskir sérsveitarmenn réðust til
inngöngu í þotu hollenska flugfé-
lagsins KLM fyrir helgi og hand-
tóku tvo menn eftir að sjálfsmorðs-
bréf fundust heima hjá þeim sem
innihéldu meðal annars hryðju-
verkahótanir.
Vélin, sem var á leið til Amster-
dam frá Köln í Þýskalandi, hafði
fengið leyfi til flugtaks en á ell-
eftu stundu fékk lögreglan því leyfi
hnekkt og kyrrsetti vélina. Sér-
sveitarmenn þýsku lögreglunnar
handtóku mennina tvo sem eiga
ættir að rekja til Sómalíu. Þeir eru
23 og 24 ára.
Vélin rýmd
Öllum farþegum vélarinnar var
gert að yfirgefa vélina til að bera
kennsl á farangur sinn, en lagt
var hald á farangur Sómalanna
tveggja. Mennirnir voru meðal 40
farþega vélarinnar á leið sinni til
Amsterdam. Talsmaður lögregl-
unnar vildi ekki tjá sig um hvort
mennirnir hefðu veitt mótþróa
við handtökuna. Rúmlega klukku-
tíma töf varð á fluginu vegna at-
viksins sem skaut farþegum skelk
í bringu. Talsmaður flugvallarins
í Köln, Walter Roemer, vildi sem
minnst gera úr atvikinu og sagði
handtökurnar hafa verið án allra
tilþrifa og að mennirnir hefðu ekki
sýnt mótþróa.
Raunveruleg ógn
Í yfirlýsingu þýsku lögreglunn-
ar segir að mennirnir tveir hafi ver-
ið grunaðir um að standa í heilögu
stríðsbrölti og ætluðu sér að taka
þátt í „jihad“ með hryðjuverkaár-
ásum. Bréf sem þeir skildu eftir sig,
sem lögreglan taldi sjálfsmorðsbréf,
þóttu sýna með óyggjandi hætti að
slíkur væri ásetningur mannanna. Í
tilkynningunni kom fram að ann-
ar mannanna sé fæddur í Sómalíu
og hinn sé þýskur ríkisborgari sem
fæddist í Mógadisjú, höfuðborg
Sómalíu. Lögreglan vildi ekki gefa
upp hvernig hún komst yfir bréfin
sem mennirnir skildu eftir sig, né
heldur hversu lengi hún hefði verið
með þá undir eftirliti.
Sajjan Gohel, sem er sérfræð-
ingur í málefnum hryðjuverka, lét
hafa eftir sér við fréttastofu CNN að
handtökurnar í Þýskalandi sýndu,
svo ekki verði um villst, að þjóðinni
stafi gríðarleg ógn af hryðjuverkum
öfgamanna.
Flugvellirnir skotmark
Handtökurnar nú koma um einu
ári eftir að þrír meintir hryðjuverka-
menn, tveir Þjóðverjar sem tek-
ið höfðu upp íslamska trú og einn
Tyrki, voru handteknir í Þýskalandi
vegna gruns um að ætla sér að gera
sprengjuárás á flugvöllinn í Frank-
furt og á herstöð Bandaríkjamanna
í Ramstein.
Þjóðverjar á nálum
Þjóðverjar eru á tánum þessa
dagana vegna öfgamanna, en ríkis-
lögreglan í Þýskalandi leitaði í síð-
ustu viku til almennings í von um
að finna tvo grunaða hryðjuverka-
menn. Hinn þýska Eric Breininger
og Líbanann Houssain al-Malla, sem
lögregluna grunar að séu að undir-
búa hryðjuverkaárás í landinu.
Hinn 21 árs Breininger tók ísl-
amstrú og hlaut þjálfun í hryðju-
verkabúðum á landamærum Afgan-
istan og Pakistan. Fjöldi myndbanda
af Breininger hefur birst á netinu
það sem af er ári þar sem hann sést
bæði hóta sjálfsmorðsárásum og í
slagtogi með þekktum hryðjuverka-
mönnum. Enn sem komið er hafa
yfirvöld í Þýskalandi enga hugmynd
um hvar fyrirhugaðar árásir muni
eiga sér stað og hafa því allan var-
ann á.
SiguRðuR Mikael jónSSon
blaðamaður skrifar: mikael@dv.is
Fyrir helgi ruddust þýskir sérsveitarmenn til atlögu í þotu hollenska flugfélagsins KLM í Þýskalandi til að
handsama tvo sómalska karlmenn sem grunur leikur á að hafi ætlað sér að fremja hryðjuverk. Hryðjuverkaógn-
in virðist vera Þjóðverjum ofarlega í huga þessa dagana og grunur leikur á um að eitthvað stórt sé í bígerð.
Sajjan Gohel, sem er sérfræðingur í málefnum
hryðjuverka, lét hafa eftir sér við fréttastofu CNN
að handtökurnar í Þýskalandi sýndu, svo ekki
verði um villst, að þjóðinni stafi gríðarleg ógn af
hryðjuverkum öfgamanna.
klM í köln Hollenska flugfélagið KLm gæti hafa átt að verða skotmark öfgamanna.
eftirlýstur eric breininger er
eftirlýstur á flugvöllum víðs vegar um
Þýskaland af ríkislögreglunni vegna
hótana um hryðjuverk.