Dagblaðið Vísir - DV - 27.10.2008, Blaðsíða 14

mánudagur 27. október 200814 Umræða
ReyniR TRausTason RiTsTjóRi skRifaR Fríblaðamódelið var aldrei annað en blekking.
Skemmdarverk
Leiðari
Auðmaðurinn Björgólfur Guð-mundsson, einn aðaleigenda Morgunblaðsins, lýsir því í við-
tali við eigið blað að rekstur þess sé
nánast vonlaus við núverandi aðstæð-
ur. Hann segir að skuldir útgáfufélags-
ins séu nær óyfirstíganlegar og rekstur-
inn standist ekki að óbreyttu. Þarna er
ástæða til að staldra við og líta um öxl.
Hvað var það sem setti rekstur stærsta
áskriftarblaðs landsins svo rækilega
út af sporinu? Svarið liggur að hluta til
í augum uppi. Við upphaf íslensku út-
rásarinnar var gerð sú uppgötvun að
hægt væri að gefa út dagblöð og færa fólki þau frítt inn um lúg-
una. Hið íslenska viðskiptamódel gerði ráð fyrir að auglýsingar
einar gætu staðið undir útgáfu blaðs í 100 þúsund eintökum. Al-
menningur tók gjöfinni fegins hendi og unnvörpum sagði fólk
upp áskriftarblöðum sem verið höfðu sum við lýði í hartnær 100
ár. Fríblað var það sem koma skyldi. Útlendingar botnuðu ekk-
ert í þessu viðskiptaundri. Þar var reynslan fyrir landsdreifingu
á fríblöðum ekki til staðar. Helstu þekktu fríblöðin voru þau sem
dreift var á járnbrautarstöðvum og þar sem massi var af fólki.
Íslenska viðskiptaundrið var flutt út
til Danmerkur og Bandaríkjanna þar
sem það endaði með hreinni skelfingu
og blöðin lognuðust út af. Nokkru eft-
ir að fyrsta íslenska fríblaðið, Frétta-
blaðið, var stofnað komst annað slíkt,
Blaðið, á koppinn. Aðstandendur frí-
blaðanna báru saman lestur þeirra við
áskriftarblöð og grobbuðu sig af því að
fólk nennti að beygja sig eftir blöðum
þeirra. Þeir gáfu vöruna og hreyktu sér
af því að frívaran gengi hraðar út en
sú selda. Nú hefur annað fríblaðið lagt
upp laupana og hitt er í erfiðleikum.
Morgunblaðið þarf að súpa af þessu seyðið, sligað af skuldum.
Sama er með önnur seld blöð. Fríblaðamódelið var aldrei annað
en blekking. Látið var í veðri vaka að rekstur slíkra blaða gengi
upp þótt nú liggi fyrir að svo var aðeins í bullandi góðæri sem
að langmestu leyti byggðist á röngum forsendum. Skemmdar-
verk var unnið á dagblaðamarkaði þar sem augljóst er að tekjur
þurfa að koma af fleiru en auglýsingum. Í uppbyggingu hins nýja
Íslands verður eitt verkefnanna að reisa við dagblöðin sem nú
gjalda fyrir ruglið.
Sandkorn
n Forsíðuviðtal sunnudagsút-
gáfu Morgunblaðsins við einn
aðaleiganda sinn, Björgólf
Guðmundsson, fyrrverandi
stjórnarformann Landsbank-
ans, var með þeim endemum
að Mogginn
hefur víðast
fengið bágt
fyrir. Björg-
ólfur lýsir
miklum sár-
indum sín-
um vegna
þess hvernig
komið er þar
sem íslenska þjóðin er í ábyrgð
fyrir þúsundum milljarða í inn-
eign sem Bretar eiga í þrota-
búinu. Björgólfur er með það
á hreinu að allt þetta sé öðrum
að kenna en honum sjálfum.
Og Mogginn spyr eigandann
auðvitað einskis í aðra veru.
n Helstu tíðindin í Moggavið-
talinu við Björgólf Guðmunds-
son eru þau að blaðið og útgáfa
þess, Árvakur, eru í slíkum
rekstrarvandræðum að eigand-
inn sér enga leið færa. Hann
lýsir því hvernig allar tilraunir
til að laga reksturinn hafi mis-
tekist og skuldirnar hafi hrúgast
upp: „Þannig að reksturinn get-
ur aldrei staðið undir þessu,“
hefur Mogginn eftir Björgólfi.
Líklegt er að Einari Sigurðs-
syni, framkvæmdastjóra Árvak-
urs, hafi svelgst á við lesturinn.
n Jón Baldvin Hannibalsson,
fyrrverandi ráðherra og sendi-
herra, birtist í splunkunýju
hlutverki á Austurvelli á laug-
ardag þar
sem hópur
fólks mætti
til að mót-
mæla ríkis-
stjórninni
og Seðla-
bankanum.
Ráðherrann
fyrrverandi
holdgerðist í kallinn á kassan-
um og hélt þrumandi bylting-
arræðu gegn valdhöfunum.
Greinilegt er að Jón Baldvin
þráir nú allra heitast að snúa
aftur í íslenska pólitík til að
starfa að endurreisninni. Þá er
víst að Jón Baldvin langar allra
mest að jafna um sinn fyrrver-
andi samherja, Davíð Oddsson
seðlabankastjóra.
n Tryggð Geirs H. Haarde for-
sætisráðherra við Davíð Odds-
son seðlabankastjóra virð-
ist vera algjör og innmúruð.
Margir velta fyrir sér hvað liggi
þar að baki en vitað er að Davíð
hefur leynt og ljóst gert grín að
Geir og stjórntökum hans. Sú
skýring sem er helst uppi nú er
sú að ef Geir
reki Davíð
úr embætti
seðlabanka-
stjóra og
rústi þannig
goðsögninni
muni gamli
formaður-
inn kljúfa
Sjálfstæðisflokkinn. Óljóst er
hvaða þingmenn myndu fylgja
Davíð en líklegt er að Sigurður
Kári Kristjánsson myndi elta
sinn gamla leiðtoga.
LyngháLs 5, 110 Reykjavík
Útgáfufélag: Útgáfufélagið Birtíngur ehf.
Stjórnarformaður: hreinn Loftsson
framkvæmdaStjóri: elín Ragnarsdóttir
ritStjórar:
jón Trausti Reynisson, jontrausti@dv.is
og Reynir Traustason, rt@dv.is
fréttaStjórar:
Brynjólfur Þór guðmundsson, brynjolfur@dv.is
og Þórarinn Þórarinsson, toti@dv.is
auglýSingaStjóri:
ásmundur helgason, asi@birtingur.is
dv á netinu: dv.is
aðalnúmer: 512 7000, ritstjórn: 512 7010,
áskriftarsími: 512 7080, auglýsingar: 515 70 50.
Umbrot: dv. Prentvinnsla: landsprent. Dreifing: árvakur.
dv áskilur sér rétt til að birta aðsent efni blaðsins á stafrænu
formi og í gagnabönkum án endurgjalds.
Öll viðtöl blaðsins eru hljóðrituð.
Hvað finnst þér um að lánveitingu alþjóðagjaldeyrissjóðsins?
„stjórnmálamennirnir eru búnir að
keyra allt í kalda kol. núna er þetta allt
brunarúst og því ekki að taka við
alþjóðagjaldeyrissjóðnum?“
Viðar Jónsson,
50 ára húsasmíðameistari
„Það er bara fínt, ég held það.“
halldór ingi sævarsson,
Halldór ingi sæVarsson
19 ára verkamaður
„ef við þurfum á því að halda er
sjálfsagt að sækja um það.“
Bergur Þór BJörnsson,
41 árs smiður
„bara hið besta mál, ég held að það sé
eina vitið.“
georg sigurðsson,
46 ára garðyrkjumaður
dómStóLL götunnar
„Mig langar að
læra kynlífsráð-
gjöf.“
n Siggu Lund, útvarpskonu á
FM, langar að söðla um. Hún er
þegar nokkuð sjálflærð eftir tíðar kynlífsumræður
í morgunþættinum Zúúber. – DV.
„Mun því verksmiðjan
Ultramax verða keyrð
allan sólarhringin til að
geta mætt þeirri pöntun.“
n Ágúst Smári, umboðsmaður fyrir
typpastækkarann Bathmate, um 25.000 stykkja
pöntun sem var samþykkt á hjálpartækjasýningu
í Berlín. – DV.
„...hringdi í mig háttsettur
maður frá seðlabankan-
um og sagði mér
að ég gæti verið
skotin fyrir að
birta þá grein.“
n Rússneska blaðakonan Natalia Morar sem var
gerð útlæg frá Rússlandi eftir að hafa birt grein
um spillingarmál í þarlendum viðskiptum. – DV.
„Ég er stimpluð af Djúpu
lauginni.“
n Kolbrún Björnsdóttir, fjölmiðlakona á
Bylgjunni, um að hún líði ennþá fyrir að hafa
stjórnað stefnumótaþættinum sáluga á Skjá
einum. – DV.
„Þeir eru jú
aðalmarkaðs-
torgið.“
n Hemmi Gunn um að það
þrengi leitina að hinni einu sönnu
að hann stundi ekki bari og skemmtistaði. – DV
bókStafLega
Á að setja hryðjuverkalög á útrás-
arfurstana og gera þá brottræka af
landinu?
Ég skrifa fyrir hönd margra hér
landi. Hvernig væri að alþingis-
menn hysjuðu upp um sig buxurn-
ar og gerðu kröfu um að þessi fjár-
glæframál verði rannsökuð ofan í
kjölinn. Á Alþingi Íslendinga að
setja lög, hryðjuverkalög sem ná til
þeirra er settu Ísland á hausinn og
frysta eigur þeirra strax hvar sem
þær er að finna? Þarf ekki að setja
á laggirnar rannsóknarnefnd með
okkar bestu og heiðarlegustu aðil-
um á þessu sviði en ekki úr röðum
alþingismanna. Að mati margra eru
útrásarfurstarnir ekkert annað en
föðurlandssvikarar. Eftir þá blasir
við sviðin jörð á Íslandi og þúsund-
ir fjölskyldna eiga um sárt að binda
og munu þúsundir manna enda í
gjaldþrotum. Það er ekkert líf eftir
gjaldþrot segja þeir sem í því hafa
lent því viðkomandi er eltur í ára-
tugi af skuldareigendum. Getur
það verið að vegna seinagangs rík-
isvaldsins sé það jafnvel orðið of
seint að ná því til baka sem útrás-
arfurstarnir hafa skotið undan? Það
væri svo sem í takt við annað hér á
landi. Íslendingum ofbýður fram-
ferði útrásarfurstanna og enn berast
fréttir af gjörðum þeirra. Nú byggja
þessir aðilar risavaxnar hallir hér á
landi sem kosta hundruð milljóna
en hver segir að þjóðin vilji að þess-
ir menn búi hér á landi í framtíð-
inni? Þeir ferðast enn um í einka-
þotum og sigla um heimsins höf á
snekkjum sem eru það glæsilegar
að vitnað er um í virtum bátatíma-
ritum heimsins. Þvílíkur er flottræf-
ilshátturinn. Ég veit að ég skrifa fyr-
ir hönd mikils fjölda manna hér á
landi sem telur furstana föðurlands-
svikara og hvernig meðhöndlum við
slíka menn? Jú, við gerum þetta fólk
brottrækt af Íslandi.
Hryðjuverkalög á
útrásarfurstana?
kjaLLari
Ásgerður Jóna
Flosadóttir
formaður Landssambands
kvenna í Frjálslynda flokknum
Eftir þá blasir við sviðin
jörð á Íslandi og þúsund-
ir fjölskyldna eiga um
sárt að binda og munu
þúsundir manna enda í
gjaldþrotum.