Dagblaðið Vísir - DV - 27.10.2008, Blaðsíða 17

„Niðurbrot
fyrir strákana“
„Þetta var allt of stórt tap,“ sagði
Róbert Sighvatsson, þjálfari Víkings,
við DV eftir fjórtán marka tap gegn
Haukum, 37-23, að Ásvöllum í
gærkvöldi. „Eftir tíu mínútur í seinni
hálfleik hættum við að spila
handbolta og fórum að skjóta of
snemma á markið. Við tókum leikhlé
til að reyna hrista upp í þessu en svo
héldum við áfram því sama og Gísli
var auðvitað erfiður í markinu,“
sagði Róbert en Gísli Guðmundsson
varði 25 skot í Haukamarkinu.
„Við gerðum mikið af tæknifeilum og
þar vil ég bera við reynsluleysi. Í
þessum leik erum við með 23
tæknifeila, ekki skotfeila og allir sem
vita eitthvað um handbolta vita
hvað slík mistök kosta.“
Víkingur hefur ekki enn unnið leik í
N1-deildinni og er án stiga eftir sex
leiki. Töpin hafa þó öll litið mun
betur út en gegn Haukum í gær.
„Þetta er alstærsta tapið og því
niðurbrot fyrir strákana. Það er það
leiðinlega í þessu. Auðvitað þyngir
þetta á svona unga stráka en við
vissum að þetta yrði erfitt fyrir
tímabilið. Við erum samt í þessu til
að gefa ungum leikmönnum
tækifæri og leyfum því mörgum að
spila og einblínum ekki alltaf
algjörlega á úrslitin. Takmarkið er að
búa til atvinnumenn og jafnvel
landsliðsmenn í Víkinni. Við sjáum
bara bjarta framtíð,“ sagði Róbert
sem fer ekkert í felur með að hann
nýti hvaða hjálp sem bjóðist í
leikmannamálum.
„Við skoðum allt og erum tilbúnir að
taka á móti öllu sem vill hreyfa sig á
handboltamarkaðinum,“ sagði
Róbert ákveðinn.
tomas@dv.is
Veigar með þrennu
Veigar Páll Gunnarsson skoraði
þrennu fyrir Stabæk sem innsiglaði
Noregsmeistaratitilinn með 6–2 sigri
á Vålerenga í gær. Veigar var tekinn
af velli fyrir Pálma Rafn Pálmason
sem skoraði einnig. Hann hefur nú
skorað í tveimur leikjum í röð. Ólafur
Örn Bjarnason bjargaði jafntefli fyrir
Brann með marki á 80. mínútu gegn
Tromsö. Það er því ljóst að
Íslendingalið eru í efstu tveimur
sætunum. Veigar og Pálmi eru
Noregsmeistarar með Stabæk og
silfrið tekur Fredrikstad með Garðar
Jóhannsson í framlínunni. Lilleström,
lið Viktors Bjarka Arnarssonar og
Björns Bergmann Sigurðarsonar,
bjargaði sér endanlega frá falli með
4–2 sigri á Rosenborg í gærkvöldi.
mÁNuDAGuR 27. okTÓBER 2008 17Sport
Emil Ekki mEð í sigri Emil Hallfreðsson var ekki í
leikmannahópi Reggina þegar liðið vann sinn fyrsta
leik í Seria A á þessu tímabili. Reggina skoraði tvö mörk
gegn engu gestanna í Lecce. Þrátt fyrir sigurinn er
Reggina enn á botni deildarinnar með fimm stig eftir
átta umferðir. Emil virðist eiga erfitt uppdráttar þessa
dagana hjá ítalska félaginu. Hann hefur þrisvar byrjað
inn á og tvisvar komið inn á í fyrstu fimm leikjunum en
eftir það ekkert komið við sögu í leikjum liðsins.
Hjá maN.Utd til frambúðar Cristiano Ronaldo
hefur gefið það út að hann hafi tekið rétta ákvörðun
með því að hafna Real madrid í sumar. Hann segist
búast við því að verða áfram í herbúðum united eftir
næsta tímabil. Í síðustu viku sagði forseti Real, Ramon
Calderon, að áhugi þeirra á Ronaldo væri úti. „Ég er með
manchester united af lífi og sál. Ég vil sýna félaginu,
meðspilurum og aðdáendum liðsins mína virðingu með
því að ræða ekki um önnur lið,“ sagði Potrúgalinn knái.
„Heilt yfir held ég að þetta séu nokk-
uð sanngjörn úrslit,“ sagði Sigurð-
ur Ragnar Eyjólfsson, landsliðsþjálf-
ari kvenna, við DV um 1-1 jafntefli
Íslands gegn Írlandi í umspilsleik um
sæti á EM í knattspyrnu í gær. „Þetta
var mjög jafn leikur og mikið um bar-
áttu. Við sköpuðum okkur þó nokk-
ur góð marktækifæri sem við nýttum
ekki. Það er þó jákvætt að skora á úti-
velli og vonandi dugar það til,“ sagði
Sigurður Ragnar.
Rakel Hönnudóttir komst tvisv-
ar sinnum ein inn fyrir vörn Íra en
brenndi af í bæði skiptin, í annað
skiptið í stöðunni 1-0. Mark Íslands
skoraði Hólmfríður Magnúsdóttir
strax á fyrstu mínútu og fékk Ísland
því draumabyrjun gegn Írlandi sem
Sigurður segir hafa bætt sig mikið frá
því Ísland rúllaði því upp á Algarve-
mótinu fyrr á árinu, 4-1.„Þær gerðu
svo sem allt sem var reiknað með. Það
kom þó svolítið á óvart hversu mikið
írsku stelpurnar hafa bætt sig frá því í
Algarve.“
Sigurður segist þó nokkuð sáttur
með úrslitin en betur má ef duga skal
hér heima í seinni leiknum og óskar
hann eftir stuðningi áhorfenda. „Það
er langur vegur frá því að við séum
eitthvað mikið mun betri. Írland var
álíka mikið með boltann og við, jafn-
vel meira. Ég held að við þurfum alltaf
að skora á heimavelli ætlum við áfram.
Best væri þó bara að halda hreinu því
þá duga þessi úrslit. Það er samt von-
andi að fólk fjölmenni á völlinn því
þetta eru tvö mjög áþekk lið og þar
gæti stuðningur áhorfenda skipt sköp-
um,“ sagði Sigurður Ragnar.
Seinni leikurinn fer fram á Laugar-
dalsvelli 30. október en sigurvegarinn
samanlagt mun leika á Evrópumótinu
sem fram fer í Finnlandi á næsta ári.
tomas@dv.is
Ísland er í góðri stöðu um sæti á EM eftir 1–1 jafntefli gegn Írum í gær:
1–1 í hálfleik
Íslandsmeistarar Hauka rönkuðu við sér í gærkvöldi eftir þrjá tapleiki í N1-deildinni í
röð og rótburstuðu nýliða Víkings með fjórtan mörkum, 37–23. Víkingar héldu í við
Hauka í fyrri hálfleik en í þeim seinni urðu ótal tæknimistök þeim dýrkeypt og einnig
áttu þeir fá svör við stórleik gísla guðmundssonar í Haukamarkinu.
HAUKAR VAKNAÐIR
Haukar höfðu fyrir leikinn gegn Vík-
ingi í N1-deildinni í handbolta í gær
tapað þremur leikjum í röð og sátu
í 6. sæti deildarinnar. Þeir vöknuðu
þó af værum blundi og fóru létt með
nýliða Víkings, 37-23, að Ásvöllum
í gærkvöldi. Aron Kristjánsson gaf
ungum hornamanni, Stefáni Rafni
Sigurmannssyni, tækifærið og nýtti
piltur það vel en hann skoraði fimm
mörk. Lykilmenn Hauka gátu hvílt
sig í seinni hálfleik þar sem Íslands-
meistararnir rúlluðu yfir nýliðana
sem hjálpuðu sér lítið sjálfir með
ótal tæknifeilum.
strax að elta
Þrátt fyrir stigaleysið komu Vík-
ingar ákveðnir inn í leikinn og öskr-
uðu sig áfram í vörninni. Þeir náðu
tveggja marka forskoti, 5-3, en þá
varð kappið meira en forsjáin og
misstu þeir tvo menn af velli á stutt-
um tíma. Það nýttu Haukarnir sér
til fullnustu, skoruðu fjögur mörk í
röð og náðu forystu sem þeir gerðu
ekkert nema auka við það sem eft-
ir lifði leiks. Víkingar misstu Hauka
of snemma of langt fram úr sér og
aðeins í góðum kafla undir lok fyrri
hálfleiksins, þar sem Haukarnir
slökuðu heldur betur á klónni, tókst
þeim að minnka muninn í 18-14 og
þannig stóð í hálfleik.
gísla saga guðmundssonar
Í seinni hálfleik fóru Víkingarn-
ir að verða fallbyssufóður fyrir
Haukana sem nýttu leikinn í að gefa
ungum leikmönnum tækifæri eins
og Stefáni Rafni Sigurmannssyni,
18 ára vinstri hornamanni sem kom
sterkur inn og skoraði fimm mörk.
Þá varð seinni hálfleikurinn fínasta
skotæfing fyrir Sigurberg Sveinsson
sem fann netmöskvana hvað eft-
ir annað með glæsilegum skotum.
Fyrrverandi samherji hans í Vík-
ingsmarkinu, Björn Viðar Björns-
son, varð þriðja leikinn í röð lang-
besti maður Víkinga en það dugði
skammt.
Þegar tæknifeilarnir fóru ekki
með Víkingana, alls 23 talsins, varð
Gísli Guðmundsson Víkingum of-
viða en þeir komu boltanum vart
framhjá markverðinum knáa sem
varði 25 skot í leiknum, þar af eitt
víti.
Nutum þess að spila
Aron Kristjánsson, þjálfari
Hauka, var ánægður með sigurinn
eftir þriggja leikja taphrinu. „Það
var ánægjulegt að fá hér tvö stig og
gera það á svona sannfærandi hátt.
Gísli varði vel og fín hreyfing var á
6:0-vörninni. Í seinni hálfleik fund-
um við svo leikgleðina og menn
nutu þess að spila,“ sagði Aron við
DV eftir leik en var ekki jafnánægður
með lokakafla fyrri hálfleiks þar sem
gestirnir náðu að minnka forskotið
hvað mest. „Menn voru farnir þar að
kíkja svolítið á hver annan frekar en
sig sjálfa og hættir að spila sem lið.
Það var eins og ætti að klára leikinn
á eins auðveldan hátt og hægt væri.“
Aron var ánægður með innkomu
hins átján ára Stefáns Rafns í horn-
ið. „Meðan aðrir spiluðu ekki jafn-
vel var um að gera að gefa honum
tækifæri sem hann nýtti vel. Nú er
hann kominn inn og farinn að spila
á fullu. Með svona frammistöðu gæti
mínútum hans farið að fjölga í leikj-
unum,“ sagði Aron Kristjánsson.
tÓmas ÞÓr ÞÓrðarsON
blaðamaður skrifar: tomas@dv.is
góð innkoma Stefán Rafn
Sigurmannsson nýtt sitt
tækifæri og skoraði fimm mörk
mYNd: rÓbErt
Einn leikur enn Ísland er einum góðum úrslitum frá stórmóti.