Lögmannablaðið - 01.09.2005, Page 21

og hommum. Karlmenn hvorki skrifuðu né læsu þessi blöð nema kannski á biðstofu hjá
læknum. Það var eins og Mörður hefði kastað sprengju inn í kennslustofuna. Var Mörður
vændur um skaðleg sjónarmið og fordóma auk þess að vera lummó og karlremba. Breytti
engu þótt Mörður segði að mjög horaðar konur vektu heldur ekki losta hjá honum.
Mörður varð alveg miður sín. Hafði alltaf talið sig þokkalega frjálslyndan og víðsýnan
þó hann væri mjög íhaldsamur í klæðaburði og liti út eins og starfsmaður örnefnanefndar
eða mannanafnanefndar. Sessunautur Marðar benti honum á að hægt væri að skipta um
kúrs þar sem stutt væri liðið á önnina. Mörður ætti ekkert erindi þarna enda hefði hann
ekki þroska og skilning til að stunda þessi fræði. Stakk því að í leiðinni að erfiðleikar
Marðar við að fá vinnu kæmu sennilega menntunarskorti hans ekki við heldur útliti.
Mörður fór að þessum ráðum og skráði sig í réttarsögu. Þar kenndi karlmaður af
góðum ættum, stuttur á alla kanta, sérstaklega á útlimum og málglaður svo, að hann dró
ekki að sér andann fyrr en í lok kennslustundar. Nemendur voru allra gerðar en litu ekki
út eins þeir væru fastir með títiprjón í rassinum. Mörður var mjög sáttur við nýja kúrsinn
þar sem kennt var um garpa og hetjur til forna og engar heeelvítis keeellingar kæmu við
sögu.
21L Ö G M A N N A B L A Ð I Ð