Lögmannablaðið - 01.03.2008, Blaðsíða 21
Með nýjum jafnréttislögum sem samþykkt voru á
Alþingi þann 26. febrúar 2008 eru gerðar umtalsverðar
breytingar og þá fyrst og fremst varðandi eftirlitsþáttinn.
Þá eru auknar skyldur lagðar á vinnu veit endur hvað
varðar gerð jafnréttis áætlana, reglur um tilnefningar í
nefndir og ráð á vegum hins opin bera eru hertar auk
þess sem starfs mönnum skal ávallt heimilt að skýra frá
launakjörum sínum.
Auknar eftirlitsheimildir Jafnréttisstofu
Heimildir Jafnréttisstofu til að krefjast upplýsinga og
gagna eru auknar mjög verulega og stofunni veitt
heimild til beitingar dagsekta þar til umbeðnar
upplýsingar og gögn hafa verið látin í té. Stofan skal
óska eftir því að kærunefnd jafn réttis mála taki mál til
meðferðar renni gögnin frekari stoðum undir að brotið
hafi verið gegn lögunum. Jafnréttisstofa skal einnig
fylgja eftir úrskurðum kærunefndar að beiðni kæranda
og getur beitt dagsektum verði sá sem úrskurður
nefndarinnar beinist gegn ekki við fyrirmælum hennar
um að grípa til viðunandi úrbóta. Sama gildir láti
vinnuveitandi hjá líða að gera jafnréttisáætlun eða telji
Jafnréttisstofa jafnréttisáætlun ekki viðundandi.
Málsmeðferð fyrir kærunefnd jafnréttismála
Úrskurðir kærunefndar jafnréttis mála eru nú bindandi
gagnvart málsaðilum. Málsmeðferðar reglurnar vekja
athygli. Úrskurði skal kveða upp eigi síðar en þremur
mánuðum eftir að nefndinni berst mál í hendur sem er
afar knappur tími, t.d. ef um er að ræða flókin
jafnlaunamál.
Frestun réttaráhrifa úrskurðar
Lögin fjalla ítarlega um frestun réttaráhrifa úrskurðar
og heimildir kærunefndar til slíkrar ákvörðunar. Krefjast
þarf frestunar innan 10 daga frá birtingu úrskurðar og
hún er háð því skilyrði að mál sé borið undir dómstóla
innan 30 daga og óskað hafi verið eftir flýtimeðferð.
Þetta vekur spurningar um hvaða réttaráhrif úrskurðir
nefndarinnar hafi. Verkefni hennar er óbreytt frá fyrri
lögum, þ.e. að fjalla um það hvort ákvæði laganna hafi
verið brotin. Það verður því ekki séð úrskurðir
kærunefndar geti verið aðfararhæfir.
Ný gjafsóknarregla
Lögin veita kærunefnd heimild til ákvörðunar
málskostnaðar til handa kæranda. Hafi kæra verið
bersýni lega tilefnislaus getur nefndin þó úrskurðað
kærða málskostnað. Þá hafa lögin að geyma sérstaka
gjafsóknarreglu sem felur í sér að kærandi fær
málskostnað sinn fyrir héraðsdómi og Hæstarétti
greiddan úr ríkissjóði án nokkurra skilyrða vilji gagnaðili
ekki una úrskurði nefndarinnar.
Um málsmeðferð fer auk þess að hætti opinberra
mála.
Ný jafnréttislög
LÖGMANNABLAÐIÐ – 4 / 2007 > 21
Litlaprent ehf. | Skemmuvegi 4 | 200 Kópavogi
Sími 540 1800 | Fax 540 1801 | litla@prent.is prent.is
Stórt verk lítið mál
Einstakt námskeið hjá LMFÍ:
Samningatækni – vísindin og
listin að eiga árangursríkar
samninga viðræður
Í aprílmánuði er von á dr. Simao avila
prófes sor við Stanford háskóla til að halda
námskeið á vegum LmFÍ í samningatækni.
Ástæða þess að dr. avila er að koma til
Íslands er sú að einn félagsmanna lög
manna félagsins var nemandi hans við Stan
ford háskóla á síðasta ári. Á námskeiðinu
verður farið yfir hvernig þátttakendur geta
aukið hæfni sína við lausn ágreiningsefna,
hlutverki lögmanna við samninga borðið,
færni við að greina og undirbúa samninga
viðræður og að þróa samningatækni sem
reynist þeim sjálfum best. Námskeiðið
verður haldið 22. og 23. apríl en nánari
upplýsingar eru á heimasíðu LmFÍ.