Lögmannablaðið - 01.10.2010, Side 26

26 < LÖGMANNABLAÐIÐ – 3 / 2010
Umfjöllun
Síðastliðin sjö ár hefur
lögmanns stofan LOGOS tekið
þátt í könnun sem gerð hefur
verið um fyrirtæki ársins af
VR. Oftar en ekki hefur
LOGOS verið í hópi þeirra
fyrirtækja sem best hafa
komið út í könnuninni en árið
2008 var fyrirtækið í þriðja
sæti í hópi stærri fyrirtækja,
2009 í öðru sæti en 2010 í
fimmta sæti. Sigríður Þorgeirs­
dóttir lögfræðingur er fram­
kvæmdastjóri rekstrar sviðs
LOGOS og segir könnunina
skipta miklu máli fyrir
fyrirtækið:
„Við eyðum miklum tíma á vinnu­
staðnum og því skiptir máli að
starfsmönnum líði vel og að
andrúmsloftið sé létt.“
Hvernig kom til að þið hófuð
þátttöku í könnuninni?
„Upphaflega var hún einungis fyrir
félagsmenn VR en svo var hún opnuð
fyrir alla starfsmenn. Við sáum þetta
sem tækifæri til að fá betri innsýn inn í
viðhorf allra starfsmanna til þeirra þátta
sem könnunin tekur til. Við erum
stöðugt að vinna í því að bæta okkur og
fyrirtækið og þetta er gott innlegg í þá
vinnu.“
Hvert hefur svarhlutfallið
verið meðal starfsmanna?
„Að meðaltali hafa um 75% starfsmanna
svarað könnuninni en við höfum svo
nýtt okkur þjónustu Capacent, sem
framkvæmir könnunina, til að fá ítarlegri
greiningu á svörum okkar starfsmanna.
Við hvetjum starfsfólk til að svara
könnuninni af einlægni en hún er
nafnlaus og þar af leiðandi ætti hún að
endurspegla viðhorf fólksins. Einnig
hvetjum við starfsmenn til að tjá sig við
okkur um það sem betur má fara og það
hefur tekist vel enda er þetta einstaklega
sterkur og góður hópur. Það er því
almennt þannig að það er fátt sem
kemur á óvart í niður stöðunum.“
LOGOS í hópi
fyrirmyndarfyrirtækja