Lögmannablaðið - 01.12.2013, Side 26
26 lögmannaBlaðið tBl 04/13
Á léttUM nótUM
stefnumót við hæstarétt
FÉLAg kVEnnA í LögmEnnsku hefur þetta starfsárið
20132014 staðið fyrir stefnumótaröð. Þann 28. nóvember
sl. heimsótti hópur kvenlögmanna þannig æðsta dómstól
landsins, Hæstarétt íslands, að dómhúsinu við Arnarhól.
Rúmlega sextíu lögmenn voru skráðir til leiks, þ. á m.
heiðursfélagi félagsins frú guðrún Erlendsdóttir fyrrum
hæstaréttardómari, og á annan tug hæstaréttarlögmanna.
Færri komust að en vildu en fullt varð á stefnumótið innan
sólahrings frá upphafi skráningar.
Heimsóknin hófst á því að tveir aðstoðarmenn
hæstaréttardómara, lögfræðingarnir guðlaug jónasdóttir
og Valgerður sólnes, kynntu gestum starfsemi Hæstaréttar
og þróun hin síðari ár. Þá voru gestir leiddir um bygginguna
með leiðsögn; frá aðalinngangi eftir gönguhalla í þingsal,
móttökuherbergi forseta Hæstaréttar, aðstöðu dómara og
minni dómsal réttarins. Var gestum kynnt saga byggingarinnar
og þau listaverk sem fyrir augu bar. Að endingu var haldið í
aðaldómsal réttarins þar sem þær ingibjörg Benediktsdóttir
hæstaréttardómari og ingveldur Einarsdóttir settur hæsta
réttardómari buðu gesti velkomna. Að heimsókn lokinni var
gestum boðið til móttöku að skrifstofu Lögmanna Laugavegi
3 þar sem kvenlögmönnum gafst tækifæri til þess að ræða
saman og efla tengsl sín í milli. Að móttökunni stóðu eigendur
stofunnar, Lára V. júlíusdóttur hrl. og Hulda Rós Rúríksdóttir
hrl. áttu lögmenn þar góða stund saman fram undir kvöld.
Félag kvenna í lögmennsku kann Hæstarétti íslands og
Lögmönnum Laugavegi 3 kærar þakkir fyrir góðar móttökur.
Marta Margrét Ö. Rúnarsdóttir hdl.,
formaður stjórnar FKL