Dagblaðið Vísir - DV - 04.01.2012, Blaðsíða 10

baráttan um bessastaði
10 Fréttir 4. janúar 2012 Miðvikudagur
Davíð
Oddsson
Aldur: 63 ára  Menntun: Lögfræðingur
Maki: Ástríður Thorarensen
n Bakgrunnur: Davíð er einn
sigursælasti og vinsælasti, en um
leið umdeildasti, stjórnmálamaður
Íslandssögunnar. Hann var borgar-
stjóri í Reykjavík frá árinu 1982 til
1991, forsætisráðherra Íslands frá
árinu 1991 til ársins 2004, utanríkis-
ráðherra frá 2004 til 2005 og for-
maður Sjálfstæðisflokksins frá árinu
1991 til 2005. Davíð gegndi stöðu
aðalbankastjóra Seðlabankans
2005 til 2009 en hefur frá því í sept-
ember 2009 stýrt Morgunblaðinu.
n Það sem fólk hafði að segja:
„Kann að hafa stjórn á landinu.“
„Hann er mesti leiðtogi sem Íslands
hefur alið af sér.“
n Hvað segir Davíð? „Nei, hef ekki
spáð í þetta, Ég er í öðru,“ sagði
Davíð þegar leitað var til hans um
mögulegt framboð.
Ómar
Ragnarsson
Aldur: 71 árs  Menntun: Atvinnuflug-
mannspróf  Maki: Helga Jóhannsdóttir
n Bakgrunnur: Ómar er einn þekkt-
asti fjölmiðlamaður þjóðarinnar en
í seinni tíð hefur hann snúið sér að
stjórnmálum. Hann var fréttamaður
og dagskrárgerðarmaður í sjónvarpi
frá árinu 1969. Barátta hans fyrir
náttúruvernd hefur vakið athygli
víða en hann var einn af stofnendum
stjórnmálaflokksins Íslandshreyf-
ingarinnar sem síðar rann inn í Sam-
fylkinguna. Hann var einn þeirra sem
valinn var sem fulltrúi í stjórnlagaráð.
n Það sem fólk hafði að segja:
„Heill, skynsamur, með bein í nefinu,
mannasættir og fjölhæfur.“
„Fáir sem þekkja betur skapið í
þjóðarsálinni.“
n Hvað segir Ómar? „Ég er upp fyrir
haus í verkefnum sem ég er að velta
vöngum yfir, en ekki þessu,“ sagði
Ómar við DV.is og virtist ekki vera að
íhuga framboð.
Herdís
Þorgeirsdóttir
Aldur: 57 ára  Menntun: Doktor í lögum,
með lögmannsréttindi og stjórnmála-
fræðingur  Hjúskaparstaða: Fráskilin
n Bakgrunnur: Herdís hefur gegnt
stöðu prófessors við Háskólann á
Bifröst. Í júlí árið 2009 var Herdís
kjörin forseti Evrópusamtaka
kvenlögfræðinga og starfar fyrir
Evrópuráðið á sviði mannréttinda.
n Hvað segir Herdís? „Það er heiður
að vera nefnd í þessu sambandi,“
segir Herdís þegar blaðamaður DV
tilkynnti henni að fjöldi lesenda
hefði tilnefnt hana sem mögulegan
eftirmann Ólafs Ragnars Gríms-
sonar. Herdís vildi ekki segja til um
hvort hún íhugi framboð en ítrekaði
að henni þætti heiður að hugsað hafi
verið til hennar.
Þorsteinn
Pálsson
Aldur: 57 ára  Menntun: Lögfræðingur
Maki: Ekkill
n Bakgrunnur: Þorsteinn hefur
gegnt embætti fjármála-, forsætis-,
sjávarútvegs- og dóms- og kirkju-
málaráðherra. Hann var fyrst kjörinn
á Alþingi árið 1983 og gegndi stöðu
formanns Sjálfstæðisflokksins
á árunum 1983 til 1991. Hann rit-
stýrði fréttablaðinu Vísi á árunum
1975–1979 og Fréttablaðinu á ár-
unum 2006–2009. Hann er fulltrúi í
samninganefnd Íslands sem fer með
samningaviðræður við Evrópusam-
bandið.
n Hvað segir Þorsteinn? „Ég hef
ekki velt því fyrir mér,“ sagði Þor-
steinn þegar DV náði tali af honum.
Jón Gnarr
Aldur: 45 ára  Menntun: Grunnskólapróf
Maki: Jóhanna Jóhannsdóttir
n Bakgrunnur: Jón er einn þekktasti
grínisti landsins en hann hefur komið
víða við. Sjálfur segir hann að hann
hafi fyrst fundið sína hillu sem starfs-
maður á Kópavogshæli á níunda
áratug síðustu aldar. Hann hefur
starfað sem leigubílstjóri en árið 1994
hóf hann störf í útvarpi ásamt Sigur-
jóni Kjartanssyni. Síðan hefur hann
starfað í sjónvarpi og komið fram á
sviði. Árið 2009 stofnaði Jón Besta
flokkinn sem hann leiddi til sigurs í
borgarstjórnarkosningum ári síðar.
n Það sem fólk hafði að segja:
„Öfgalaus húmoristi og veit meira en
flestir halda.“
„Með hjartað á réttum stað.“
n Hvað segir Jón? „Ég er náttúrlega
bara nýbúinn að frétta að fólk sé að
stinga upp á mér sem forseta og auð-
vitað finnst mér það gleðilegt, það
kitlar aðeins,“ sagði Jón Gnarr borgar-
stjóri við fréttastofu stöðvar 2.
Páll Skúlason
Aldur: 68 ára  Menntun: Heimspekingur
Maki: Auður Birgisdóttir
n Bakgrunnur: Páll er hvað
þekktastur fyrir að hafa starfað sem
rektor Háskóla Íslands á árunum 1997
til 2005. Hann hafði áður starfað sem
lektor og síðar prófessor við í heim-
speki við skólann. Nafn Páls hefur
áður verið nefnt í tengslum við for-
setaframboð en hann hefur hingað til
ekki gefið kost á sér. Páll hefur skrifað
nokkurn fjölda heimspekirita og hann
hefur gegnt fjölda trúnaðarstörfum
fyrir Háskóla Íslands.
n Það sem fólk hafði að segja:
„Hefur allt það sem þarf til að gegna
embætti forseta Íslands.“
„Klár, heiðvirður og vandaður í alla
staði.“
n Hvað segir Páll? „Nei ég hef
ekkert skoðað þetta,“ sagði Páll.
Ólafur Ragnar
Grímsson
Aldur: 68 ára  Menntun: Stjórnmála-
fræðingur Maki: Dorrit Moussaieff
n Bakgrunnur: Ólafur er forseti
Íslands en hann lýkur sínu fjórða kjör-
tímabili í embætti á árinu. Hann var
fyrst kjörinn forseti árið 1996. Áður
hafði hann setið á þingi á árunum
1978 til 1983 og svo aftur 1991 til 1995.
Á árunum 1988 til 1991 var hann fjár-
málaráðherra í ríkisstjórn Steingríms
Hermannssonar. Ólafur var fyrstur
Íslendinga til að ljúka doktorsprófi í
stjórnmálafræði en hann starfaði um
árabil sem lektor og síðar prófessor
við Háskóla Íslands.
n Það sem fólk hafði að segja:
„Hann hefur staðið sig vel sem
verndari lýðræðis á Íslandi.“
„Hann hlustar á þjóðina.“
Kristinn
Sigmundsson
Aldur: 61 árs  Menntun: Líffræðingur og
óperusöngvari  Maki: Ásgerður Þórisdóttir
n Bakgrunnur: Kristinn er einn af
okkar fremstu óperusöngvurum.
Hann er menntaður líffræðingur
frá Háskóla Íslands en hann var
kennari áður en hann hóf söngnám.
Hann nam fyrst við Söngskólann
í Reykjavík en síðar við óperudeild
Hochschule für Musik und dar-
stellende Kunst í Vínarborg. Hann
hefur sungið fjölmörg óperuhlutverk
bæði hér heima og erlendis.
n Það sem fólk hafði að segja:
„Hann gæti hafið embættið til
þeirrar virðingar sem það hafði.“
„Hefur þá kosti sem þjóðhöfðingi
þarf að hafa.“
Ragna
Árnadóttir
Aldur: 45 ára  Menntun: Lögfræðingur
Maki: Magnús Jón Björnsson
n Bakgrunnur: Ragna var dóms-
málaráðherra í minnihlutastjórn
Vinstri grænna og Samfylkingarinn-
ar eftir hrun. Hún lauk embættisprófi
í lögfræði frá Háskóla Íslands árið
1991 og var sama ár ráðin sem lög-
fræðingur við nefndadeild Alþingis.
Árið 1995 var hún svo ráðin sem
sérfræðingur við skrifstofu Norður-
landaráðs þar sem hún starfaði til
ársins 1999. Í dag starfar Ragna sem
skrifstofustjóri hjá Landsvirkjun.
n Það sem fólk hafði að segja:
„Stóð sig vel í ráðherraembætti, var
málefnaleg og ekki pólitísk.“
n Hvað segir Ragna? Ekki náðist í
Rögnu vegna málsins en í samtali við
fréttavefinn Smuguna í fyrra sagði
Ragna að sér þætti vænt um þann
hlýhug sem henni væri sýndur, en
þá bar nafn hennar einnig á góma í
sambandi við forsetaembættið.
Þorvaldur
Gylfason
Aldur: 61 árs  Menntun: Hagfræðingur
Maki: Anna Karitas Bjarnadóttir
n Bakgrunnur: Þorvaldur hlaut
yfirburðakosningu í atkvæðagreiðslu
til stjórnlagaþings en hann var
síðar skipaður í stjórnlagaráð. Hann
er með doktorsgráðu í hagfræði
en hann er starfandi prófessor í
hagfræði við Háskóla Íslands. Hann
hefur skrifað nítján bækur og á
annað hundrað ritgerðir. Þorvaldur
hefur starfað fyrir Seðlabanka
Íslands og hjá Alþjóðagjaldeyris-
sjóðnum.
n Það sem fólk hafði að segja:
„Gáfaður, óháður, með sterka sið-
ferðisvitund.“
„Vel menntaður en ekki pólitíkus.“
n Hvað segir Þorvaldur? „Þessa
dagana hef ég hugann við að koma
nýrri stjórnarskrá í gegn,“ segir
Þorvaldur sem neitaði að tjá sig um
málið að öðru leyti.
Salvör Nordal
Aldur: 50 ára  Menntun: Heimspekingur
n Bakgrunnur: Salvör er einn af
höfundum siðfræðihluta skýrslu
rannsóknarnefndar Alþingis. Hún
vakti mikla athygli fyrir þátttöku
sína í vinnslu skýrslunnar en hún
var valin til setu í stjórnlagaráði.
Salvör hefur komið víða við í störfum
sínum en hún er forstöðumaður
Siðfræðistofnunar Háskóla Ís-
lands og menntuð í heimspeki. Þá
hefur Salvör einnig starfað sem
blaðamaður og verið framkvæmda-
stjóri Listahátíðar í Reykjavík og
Kvikmyndahátíðar í Reykjavík.
n Það sem fólk hafði að segja:
„Skelegg, heiðarleg, vel menntuð
með ríka réttlætiskennd.“
„Óumdeild.“
DV óskaði eftir tilnefningum frá lesendum um hverjir ættu að bjóða sig fram til forseta. Þessir einstaklingar fengu flestar tilnefningar.
Listinn er birtur í stafrófsröð og endurspeglar ekki hversu margar tilnefningar hver og einn fékk. Davíð Oddsson hefur „ekki spáð“ í hvort
hann ætli fram. Fáir vilja gefa upp afstöðu sína varðandi hugsanlegt framboð.
Páll Óskar
Hjálmtýsson
Aldur: 42 ára
n Bakgrunnur: Tónlistarmaðurinn
Páll Óskar er einn ástsælasti popp-
tónlistarmaður þjóðarinnar. Páll Óskar
hefur einnig vakið mikla athygli fyrir
baráttu sína fyrir mannréttindum og
gegn einelti. Hann hefur sérstaklega
barist fyrir réttindum samkynhneigðra
en hann kom út úr skápnum þegar
hann var sextán ára.
n Það sem fólk hafði að segja:
„Heiðarlegur og skynsamur maður
sem kemur vel fyrir.“
n Hvað segir Páll Óskar? „Það er
óneitanlega mikill heiður að fólk
skuli stinga upp á manni. Ég er mjög
hrærður,“ segir Páll um málið en
segir þó forsetastarfið ekki heilla sig.
Hann hafi eitt sinn hitt Ólaf Ragnar
í veislu þar. Páll bað Ólaf að gefa sér
stutta lýsingu á því sem fælist í starfi
forsetans. „Í stuttu máli, þá heillaði
það mig ekki,“ segir Páll sem segist
vera á góðum stað í lífinu í dag.