Dagblaðið Vísir - DV - 04.01.2012, Blaðsíða 11

baráttan um bessastaði
Fréttir 11Miðvikudagur 4. janúar 2012
Góð tengsl Fáir stjórnmálamenn á
Íslandi búa yfir jafn góðu tengslaneti og
Ólafur Ragnar. Hvað hann mun taka sér
fyrir hendur þegar hann lætur af embætti
er alls óvíst. Möguleikar hans eru þó
nánast ótakmarkaðir.
Mynd SiGtryGGur Ari
Milljón dala tengsl
n tengsl Ólafs sögð milljón dala virði n Starf hjá Sameinuðu þjóðunum hugsanlega á döfinni
n Forsetinn gríðarlega verðmætur fyrir andstæðinga ESB
U
m framtíðaráform Ólafs Ragn-
ars Grímssonar, forseta Ís-
lands sem segist ætla að láta
af embætti í sumar, eru ýms-
ar kenningar. Viðmælendur
DV telja flestir afar ólíklegt að forsetinn
ætli sér aftur í stjórnmálin með því að
leiða nýtt stjórnmálaafl gegn ESB-að-
ild. Fáir stjórnmálamenn á Íslandi búa
yfir tengslaneti af sömu stærðargráðu
og Ólafur Ragnar en meðal vina hans
eru meðlimir Kennedy-fjölskyldunnar
í Bandaríkjunum og Gandhi-fjölskyld-
unnar á Indlandi en auk þeirra fyrrver-
andi forsetar, utanríkisráðherrar og virt-
ir vísindamenn í flestum heimsálfum.
Þá er ekki hægt að líta fram hjá tengslum
Dorrit Moussaieff en tengslanet hennar
er sagt allavega jafnstórt og Ólafs Ragn-
ars.
Stofnun Ólafs ragnars Gríms-
sonar
Staða Ólafs Ragnars er því sterk og ekki
ólíklegt að hann ætli sér stóra hluti eftir
að hann lætur af embætti forseta. Við-
mælendur DV telja í því samhengi að
líklegt sé að forsetinn ætli í uppbyggingu
eigin stofnunar sem verði með svipuð-
um hætti og Clinton-stofnun fyrrver-
andi forseta Bandaríkjanna Bill Clinton.
Ólafur hefur orð á sér fyrir einstaka
hæfileika til að greina eigin stöðu og er
sagður hugsa marga leiki fram í tímann.
Ekki er talið ólíklegt að Ólafur Ragnar
hafi tryggt sér starf hjá stórum alþjóða-
samtökum eða stofnun. Þar eru Sam-
einuðu þjóðirnar sérstaklega nefndar
en starf hjá stofnuninni færi vel með
uppbyggingu stofnunar Ólafs. Forsetinn
hefur góð tengsl inn í bandarísk og asísk
stjórnmál og er góður vinur doktors Raj-
endra K. Pachauri sem stýrir IPCCC, vís-
indanefnd Sameinu þjóðanna um lofts-
lagsbreytingar.
Sá möguleiki er nefndur að Ólaf-
ur hafi tryggt sér starf í gegnum tengsl
sín við Pachauri. Forsetinn hefur látið
sér málefni norðurslóða, opnun sigl-
ingaleiða og nýtingu náttúruauðlinda
á svæðinu sérstaklega varða. Þá hefur
hann verið talsmaður aukinnar nýting-
ar vistvænna orkugjafa. Sé það tilfellið
er líklegt að Ólafur Ragnar hafi allavega
vilyrði fyrir slíku starfi, enda langur að-
dragandi að störfum hjá Sameinuðu
þjóðunum. Staða hjá Sameinuðu þjóð-
unum er líkleg til að styrkja stofnun for-
setans, sem er gríðarlega þekktur á al-
þjóðavísu, sé miðað við aðra íslenska
stjórnmálamenn en þyrfti ef til vill að
styrkja nafn sitt lítillega. Það á sérstak-
lega við í Evrópu en forsetinn hefur
raunar bakað sér nokkrar óvinsældir þar
meðal annars vegna framgöngu sinnar í
Icesave-málinu.
Aðgangur að fjármagni
Árið 2008 kom bókin Saga af forseta
– Forsetatíð Ólafs Ragnars Grímsson-
ar eftir Guðjón Friðriksson út. Þar er
tengslaneti forsetans lýst og haft eftir
ónefndum forystumanni bandarísks at-
vinnulífs að ekki væri til það stórfyrir-
tæki í Bandaríkjunum sem ekki myndi
greiða Ólafi milljónir fyrir þann aðgang
sem hann hefði í Indlandi og Kína. Er
það orðað þannig að tengsl Ólafs séu
milljón dala virði. Sem forseti á Ólaf-
ur Ragnar rétt á talsverðum launum til
æviloka og þarf því ekki að hafa miklar
áhyggjur af því að ná endum saman.
Þá eru auðævi Dorritar ónefnd en for-
setafrúin er vel tengd og afar auðug.
Dorrit hefur skapað sér orð hér á landi
sem einn helsti talsmaður íslenskra lista
og menningar og er sögð nýta tengsl sín
við auðmenn og viðskiptalíf til hins ýtr-
asta í þágu landsins. Ljóst er að með eig-
inkonu sinni býr Ólafur Ragnar yfir gríð-
arlegum auð sem mun nýtast í baráttu
hans.
Mun ekki leiða framboð gegn ESB
Framboð með nýju stjórnmálaafli er tal-
ið of áhættusamt fyrir Ólaf Ragnar sem
ekki geti hætt á að verða óbreyttur þing-
maður í stjórnarandstöðu.
Það verður þó að teljast ansi líklegt
að forsetinn leggi samtökum andstæð-
inga lið þegar að því kemur að kjósa um
aðild Íslands. Þátttaka Ólafs Ragnars
yrði gríðarlegur akkur fyrir baráttumenn
gegn aðild Íslands að Evrópusamband-
inu. Orðum Ólafs Ragnars fylgir vigt og
tengslanet hans er eins og áður sagði
gríðarlegt. Þá er hæfileiki Ólafs til að
greina stjórnmálaástandið ómetanlegt
fyrir nei-hreyfinguna ákveði hann að
leggja baráttunni lið. Fyrir hreyfingu að-
ildarsinna yrði virk þátttaka Ólafs Ragn-
ars mikið reiðarslag.
Síðustu mánuðir Ólafs ragnars
„Ákvörðun mín felur því ekki í sér
kveðjustund heldur upphaf að annarri
vegferð, nýrri þjónustu við hugsjónir
sem hafa löngum verið mér leiðarljós;
frjálsari til athafna en áður og ríkari af
reynslunni sem forsetaembættið færir
hverjum þeim sem þjóðin kýs,“ sagði
Ólafur við lok nýársávarpsins. Nokk-
ur óvissa ríkti í fyrstu um hvort túlka
mætti orð forsetans sem svo að hann
hygðist klára kjörtímabilið en ekki sitja
lengur. „Ólafur Ragnar gerði þjóðinni
tilboð í ávarpinu,“ sagði Eiríkur Berg-
mann, prófessor í stjórnmálafræði,
og átti þá við að Ólafur hygðist leiða
stjórnmálaafl inn á þing. Stjórnmála-
fræðingurinn Ólafur Þ. Harðarson
túlkaði orð forsetans hins vegar á þá
leið að hann væri raunar að kalla eft-
ir áskorun um að halda áfram. Sé það
raunin er ljóst að áætlun Ólafs Ragnars
hefur heppnast enda þegar verið skor-
að á forsetann.
„Ekki er talið ólíklegt
að Ólafur Ragnar
hafi tryggt sér starf hjá
stórum alþjóðlegum
samtökum eða stofnun
Atli Þór Fanndal
blaðamaður skrifar atli@dv.is
Andri Snær Magnason
Ari Gunnarsson
Ari Trausti Guðmundsson
Árni Páll Árnason
Ásdís Rán
Bergþór Pálsson
Björk Guðmundsdóttir
Bogi Ágústsson
Dorrit Moussaieff
Edda Björgvinsdóttir
Egill Helgason
Einar Garðar Hjaltason
Gerður Kristný Guðjónsdóttir
Guðbjartur Hannesson
Guðfinna Bjarnardóttir
Guðmundur Andri Thorsson
Guðni Ágústsson
Hanna Birna Kristjánsdóttir
Hákon Þór Sindrason
Heiðdís Steinsdóttir
Hjálmar Jónsson
Hörður Torfason
Ingibjörg Sólrún Gísladóttir
Jakob Frímann Magnússon
Jóhanna Vigdís Hjaltadóttir
Jón Baldvin Hannibalsson
Jón Bjarnason
Jón Ormur Halldórsson
Jón Þór Ásgrímsson
Kristín Ingólfsdóttir
Mugison
Ólafur Jóhann Ólafsson
Ólafur Stefánsson
Rannveig Rist
Sigríður Dúna Kristmundsdóttir
Sigríður Þorgeirsdóttir
Sigurður Pálsson
Stefán Haukur Jóhannesson
Stefán Jón Hafstein
Steinunn Ólína Þorsteinsdóttir
Vilhjálmur Bjarnason
Þorsteinn Már Baldvinsson
Þóra Arnórsdóttir
Þórarinn Eldjárn
Þórólfur Árnason
Þau voru
líka nefnd