Dagblaðið Vísir - DV - 04.01.2012, Blaðsíða 6

6 Fréttir 4. janúar 2012 Miðvikudagur
Ísland fær risalán
n Gjaldeyrisforðinn styrktur
Á
föstudag fékk íslenska rík-
ið síðari hlutann af tvíhliða
lánum frá Norðurlönd-
unum sem samið var um í
efnahagsáætlun stjórnvalda og Al-
þjóðagjaldeyrissjóðsins. Ísland
fékk að þessu sinni 887,5 milljónir
evra, eða sem nemur 141 milljarði
íslenskra króna. Upphæðin bætist
við gjaldeyrisvaraforða Seðlabanka
Íslands.
Af þessari fjárhæð tekur ríkis-
sjóður að láni 647,5 milljónir evra
(103 milljarða króna) frá Dan-
mörku, Finnlandi og Svíþjóð en
Seðlabanki Íslands tekur að láni
240 milljónir evra (38 milljarða
króna) frá Seðlabanka Noregs.
Frá október 2008 hefur Ísland
fengið 753 milljarða króna að láni
í því skyni að styrkja gjaldeyris-
forða Seðlabankans. Gjaldeyris-
forðinn nemur um þessar mund-
ir 1.030 milljörðum króna eða 2/3
af vergi landsframleiðslu að því er
fram kemur í tilkynningu frá Seðla-
bankanum.
Vaxtagreiðslur af gjaldeyrisl-
ánum ríkissjóðs og Seðlabanka Ís-
lands eru áætlaðar 33 milljarð-
ar króna á þessu ári. Á móti koma
vaxtatekjur vegna ávöxtunar forð-
ans en áætlað er að hreinn vaxta-
kostnaður af forðanum sé um þrjú
til fjögur prósent.
„Í ljósi óvissu á alþjóðleg-
um fjármálamörkuðum og í ljósi
áforma um losun gjaldeyrishafta
er mikilvægt fyrir Ísland að vera
með stóran gjaldeyrisforða um
þessar mundir þrátt fyrir umtals-
verðan kostnað við forðahaldið.
Þegar aðstæður breytast er vonast
til að hægt verði að minnka gjald-
eyrisforða jafnframt því sem unn-
ið verður að því að draga úr skuld-
setningu hans,“ segir í tilkynningu
Seðlabanka Íslands.
M
ér finnst þetta svo
ósanngjarnt og ófyrir-
leitið,“ segir Paul Ragn-
ar Smith sem var sekt-
aður um tíu þúsund
krónur eftir að hafa lagt í bílastæði
ætlað fötluðum fyrir utan neyðar-
móttöku fæðingardeildarinnar á
Landspítalanum. „Í þessu tilviki lá
svo mikið á að koma konunni inn,“
segir Paul Ragnar en hann lagði
ekki áherslu á að borga í stöðu-
mæli áður en hann kom eiginkonu
sinni undir læknishendur en hún
var með mikla verki og blæðingar,
komin átta mánuði á leið með tví-
bura.
Paul Ragnar segir að hann hafi
komið út af spítalanum nokkrum
mínútum síðar til að færa bílinn í
annað stæði og til að borga í stöðu-
mæli. Þá hafi hins vegar verið kom-
inn sektarmiði á framrúðuna.
Myndi borga undir öðrum
kringumstæðum
Paul Ragnar segir að hann hafi
fengið þau svör að sérstaklega hart
væri tekið á því þegar fólk legði í
bílastæði ætluð fötluðum. „Undir
venjulegum kringumstæðum get
ég skilið það að fólk sé sektað fyr-
ir að leggja í bílastæði fatlaðra en
þetta eru bara kringumstæður sem
eru þess eðlis að ég ræð ekki við
það, það þurfti að bjarga konunni,“
segir Paul. „Ég var búinn að hringja
í neyðarmóttökuna og mér var sagt
að koma bara í logandi hvelli með
hana, þetta væri bara spurning um
líf eða dauða fyrir börnin.“
Aðspurður segir Paul Ragnar að
börnunum og eiginkonu sinni hafi
verið bjargað. Skjót viðbrögð hafi
þar skipt höfuðmáli en eiginkona
hans fékk strax viðeigandi meðferð
þegar hún var komin á bráðamót-
tökuna. „Hún fékk meðferð sem
varð þess valdandi að þetta stöðv-
aðist en hún er bara rúmliggjandi
heima og getur ekki hreyft sig,“ seg-
ir Paul Ragnar.
Gerði athugasemd
en fékk ekki svar
„Þeim virðist vera alveg sama þó
hún hefði misst börnin,“ segir Paul
Ragnar sem er afar sár út í við-
brögð Bílastæðasjóðs. Hann gerði
skriflega athugasemd við sektina
þar sem hann útskýrði aðstæðurn-
ar. „Ég útskýrði þetta mjög vel og
vandlega fyrir þeim.“ Paul Ragnar
segir að hann hafi sent athuga-
semdina í gegnum þar til gert form
á vefsíðu Bílastæðasjóðs þar sem
fólki gefst tækifæri til að mótmæla
sektum.
„Það er bara ekki sanngjarnt
gagnvart borgurum þessa lands að
fá svona meðferð,“ segir Paul Ragn-
ar sem er allt annað en sáttur við
niðurstöðu Bílastæðasjóðs varð-
andi sektina. „Ef manni er gefinn
kostur á því að andmæla eða út-
skýra og þetta eru ekki nægar út-
skýringar, hvað eru þá nægar út-
skýringar í svona máli?“ spyr hann
og bætir við: „Það er engin furða þó
að maður sé sár.“
Gjaldið fyrir að leggja í bílastæði
fatlaðra er tíu þúsund krónur en sé
það greitt strax lækkar það niður í
8.900 krónur. Á vefsíðu Bílastæða-
sjóðs er ekki tilgreint sérstaklega
hvers konar andmæli eru tekin til
greina. Reglurnar eru þó mjög skýr-
ar er varða hvenær sektir eru lagð-
ar á en það er við öllum brot á 108.
grein umferðarlaga frá árinu 1987.
Sektaður fyrir utan
neyðarmóttökuna
n Paul Ragnari Smith var sagt að koma með eiginkonu sína í hvelli á bráðamóttöku
n Hún er ólétt að tvíburum n Fékk sekt fyrir að leggja í stæði fyrir fatlaða„Þeim virðist vera
alveg sama þó
hún hefði misst börnin.
Útskýrði málið
Paul Ragnar segir að
Bílastæðasjóður hafi ekki
tekið athugasemdirnar
sínar gildar. Mynd SiGtRyGGuR aRi
Aðalsteinn Kjartansson
blaðamaður skrifar adalsteinn@dv.is
uppköst og niðurgangur:
Nóróveira á
Landspítala
Nóróveira herjar nú á sjúklinga og
starfsfólk Landspítalans, en hún
veldur uppköstum og stundum
niðurgangi. Pestin er bráðsmit-
andi, en veikindin sem nóróveiran
veldur eru ekki talin hættuleg og
yfirleitt gengur pestin yfir á einum
til tveimur sólarhringum. Hún get-
ur legið lengur í fólki sem er veikt
fyrir og því er sérstaklega erfitt að
eiga við slíkt á Landspítalanum
enda getur slík pest breiðst hratt
út í lokuðum rýmum.
Þeir sem hafa verið með ógleði
eða öndunarfærasýkingar ættu að
bíða með að heimsækja sjúklinga
á Landspítalanum. 
Í nóvember kom upp skæð
nóróveira á Íslandi og í fréttum
RÚV á þriðjudag kom fram að fyrir
þremur árum hefði veiran kostað
eina deild Landspítalans 25 millj-
ónir króna.
Ekki náðist í Ólaf Baldursson,
lækningaforstjóra Landspítalans,
eða upplýsingafulltrúa spítalans.
Faldi sig í
snjóskafli
Lögregluþjónar í Reykjavík drógu
karlmann á þrítugsaldri upp úr
snjóskafli í Háaleitishverfinu um
kvöldmatarleytið á mánudag.
Maðurinn var í annarlegu ástandi
og varð honum ekki meint af en
hann var hins vegar handtekinn.
Maðurinn hafði nefnilega
skömmu áður ekið um götur
borgarinnar á fólksbifreið á flótta
undan laganna vörðum. Hafði
hann gripið til þess ráðs að fela sig
í snjóskaflinum í von um að kom-
ast undan lögreglu.
Auk þess að vera undir áhrif-
um þegar hann settist undir stýri
reyndist maðurinn hafa verið
sviptur ökuleyfi.
Lán frá vinaþjóðum Ríkið hefur fengið
753 milljarða króna að láni frá hruni.
Útsala
30 - 70%
Falleg olíumálverk í úrvali
á einstökum verðum
Allt orginal málverk