Dagblaðið Vísir - DV - 04.01.2012, Blaðsíða 14

14 Neytendur 4. janúar 2012 Miðvikudagur
M
argar verslanir byrjuðu
með útsölu í vikunni og
ætla má að landsmenn
reyni að gera góð kaup
á hinum ýmsu vörum. Í
Kringlunni og Smáralind hófst út-
salan í byrjun vikunnar og stendur
yfir út janúar. Að venju taka svo við
götumarkaðir þegar útsölulok verða.
DV fékk upplýsingar um þá afslætti
sem nokkrar verslanir bjóða upp á
en segja má að algengasti afsláttur-
inn sé á milli 30 til 40 prósent. Nokkr-
ar verslanir hafa lækkað verð á öllum
vörum en sums staðar voru valdar
vörur á allt að 75 prósenta afslætti.
Þannig gæti fólk fundið ný jakkaföt á
70 prósenta afslætti og sjónvarp á 65
prósent lægra verði en áður.
Mun lækka enn meira
Þeir kaupmenn sem rætt var við voru
sammála um að útsölurnar hafi far-
ið vel af stað og margt hafi verið um
manninn. „Þetta lítur vel út og fólk
var greinilega farið að bíða eftir út-
sölunni,“ sagði einn þeirra og annar
nefndi að salan hefði verið ótrúlega
góð strax fyrsta daginn. Þeir voru
einnig sammála um að verðlækk-
anir séu með svipuðu sniði og fyr-
ir ári. Einnig má búast við að verð
lækki enn frekar eftir því sem líður á
mánuðinn. Það verður því væntan-
lega hægt að gera betri kaup síðar en
auðvitað er sú hætta til staðar að flík-
in eða hluturinn sem óskað er eftir
verði uppseldur.
Fyrir alla fjölskylduna
66°Norður er með útsölumarkað í
Faxafeni en þangað fara eldri vörur
allt árið um kring. Þar má fá eldri
týpur af flíkum á 30 til 50 prósenta af-
slætti. Cintamani er með svipað kerfi
en útsölumarkaðurinn er í Garða-
bæ. Þar má finna eldri vörur á af-
slætti sem er um það bil 30 til 40 pró-
sent. Debenhams býður upp á afslátt
á milli 30 og 70 prósenta á völdum
vörum. Þar fengust þær upplýsingar
að þetta væri stærsta útsalan fram
til þessa. Afsláttur er svipaður og
áður en þær vörur sem fara á útsölu
eru mun fleiri. „Við sáum hvað eftir-
spurnin var mikil og settum fleiri nýj-
ar vörur á útsölu,“ segir starfsmaður
Debenhams. Hjá ZO-ON er 20 til 40
prósenta afsláttur á flest öllu. Útsalan
í Hagkaupi er á svipuðum nótum og
undanfarin ár en þar er boðið upp á
verðpunkta sem gefa allt frá 30 til 50
prósenta afslátt. Eins eru einstaka til-
boð í boði.
Snyrtivörur
Í Make Up Store fara valdar vörur á
útsölu og eru á 20 til 70 prósenta af-
slætti. Þar má finna bæði eldri og
nýjar vörur, meðal annars það sem
kom nýtt inn fyrir jólin.
Body Shop býður að mestu leyti
upp á 40 til 50 prósenta afslátt en
sumar vörur eru þó með 60 prósenta
afslætti. Það eru aðallega jólavörurn-
ar sem fara á útsölu en einnig koma
inn gamlir gullmolar sem verslunin
pantar inn fyrir útsölurnar. Það eru
hlutir sem eru hættir í daglegri sölu
en koma inn tvisvar á ári þegar útsöl-
ur byrja. Þar fengust þær upplýsing-
ar að afsláttur sé svipaður og áður en
vöruúrvalið sé meira.
Herrarnir
Dressmann býður afslátt upp á 50 til
70 prósent af völdum vörum og eru
það aðallega peysur og gallabux-
ur. Valin jakkaföt og Rolling Stones-
peysur eru með 70 prósent afslátt,
svipað og hefur verið áður. Þegar
líður á útsölu bætast 3 fyrir 2-tilboð
við. Í Boss eru allar vörur á 30 pró-
senta afslætti en það er sama tilboð
og var í fyrra. Þar er búist við að út-
salan standi langleiðina út janúar.
Herragarðurinn býður einnig 30 pró-
senta afslátt á öllum vörum en sam-
kvæmt venju er búist við að hann fari
upp í 40 prósent á völdum vörum
þegar líður á útsöluna. „Það fer að-
eins eftir því hvernig landinn tekur
í útsölurnar,“ sagði starfsmaður þar.
Í Jack & Jones er boðið upp á 3 fyrir
2 út þessa viku en í næstu viku hefst
útsalan. Þá verða allar flíkur á 30 pró-
senta afslætti.
Börnin
Í Englabörnunum fást allar vörur á
30 prósenta afslætti en afsláttur mun
hækka og fer stighækkandi eftir því
sem líður á útsöluna. Í Polarn O. Py-
ret er 40 prósenta afsláttur af öllum
vörum nema útifatnaði. Hann er á 20
prósenta afslætti sem er tilboð með-
an á útsölunni stendur.
Skór
Bianco Footwear býður 40 prósenta
afslátt af völdum vörum og 10 pró-
sent af nýjum vörum. Þær upplýsing-
ar fengust að afsláttur hækki líklega
þegar líður á útsölur eins og annars
staðar. Í BossaNova eru valdir skór
á 30 til 40 prósenta afslætti. Það er
meirihlutinn en þó ekki þeir sem
komu inn rétt fyrir jól. Þegar líður á
útsölur mun afsláttur hækka í 50 pró-
sent og svo enn meira þegar götu-
markaðurinn í Kringlunni byrjar. Í
Ecco eru valdar týpur af skóm á 30
prósenta afslætti en það eru allt nýj-
ar týpur og í Kaupfélaginu eru valdir
skór á 40 prósenta afslætti.
Tækjabúðir
Í Sony Center er reynt að setja af-
slátt á allt en þar má fá 10 til 20 pró-
senta afslátt á stærri hlutum, svo sem
sjónvörpum, tölvum, spjaldtölvum
og svo framvegis. Smávaran er þó
á upp undir 40 prósent. Sjónvarps-
miðstöðin býður afslátt á milli 15 og
60 prósenta á völdum vörum. Þar er
hægt að gera góð kaup á til að mynda
sjónvörpum og til dæmis hefur 50
tommu Panasonic-sjónvarp lækkað
úr 350.000 í 230.000. Mikið af sjón-
vörpum og öðrum raftækjum svo
sem heimabíóum, hljómtækjum og
hátölurum er á góðu verði. Önnur
smáravara er flest á 15 prósenta af-
slætti. Heimilistæki býður allt frá 10
til 75 prósenta afslátt af langflestum
vörum. Sjónvörpin eru með á milli 5
til 25 prósenta afslátt en mestur af-
sláttur er til dæmis á pottum. Útsalan
stendur í þrjár vikur en ekki er hefð
fyrir því að lækka verðið í lokaútsölu.
Epli.is er með ýmsa fylgihluti á af-
slætti og hafa þeir lækkað um 15 til
50 prósent. Tölvurnar sjálfar eru ekki
á afslætti en til dæmis eru tölvutösk-
ur á helmingsafslætti og einnig má fá
þar myndavél á 43 prósenta afslætti.
Unglingarnir
Outfitters Nation býður upp á 30 til 40
prósenta afslátt á öllum vörum nema
nýjum. Eins eru sérvaldar gallabuxur
á útsölunni. Í Smash er um það bil
helmingur á 40 prósenta afslætti og
afgangurinn, nýjar vörur sem teknar
voru inn fyrir jól, eru á 10 prósenta af-
slætti.
Dömurnar
Í Company´s eru allar vörur á 40 pró-
senta afslætti en gera má ráð fyrir
að verð lækki enn frekar þegar líður
á mánuðinn. Friis Company býður
40 prósenta lækkun á öllum vörum
nema nýjum. Auk þess eru í verslun-
inni tilboðsskálar með hlutum á til
dæmis 500 krónur. Langflestar vörur í
Warehouse eru á 40 prósenta afslætti
en einnig má finna nokkrar á 70 pró-
senta afslætti. Þar er einnig tilboðsslá
með flíkum á 1.500 til 3.500 krónur en
það eru einungis þær sem komu inn
fyrir jól sem eru ekki á afslætti. Í Top
Shop er boðið upp á 30 til 70 prósenta
afslátt á völdum vörum sem mun
væntanlega hækka eftir því sem líð-
ur á útsölu. Þar eru flestar vörur á af-
slætti til að rýma fyrir nýjum vörum.
Gyllti kötturinn selur allan fatnað og
skó á 50 prósenta afslætti núna fyrir
utan sokkabuxur og skartgripi. Það
má jafnvel búast við að afsláttur verði
enn meiri eftir því sem á líður. Þar
endar útsalan á svokölluðum poka-
dögum en þá er hægt að kaupa stór-
an poka á 15.000 krónur og lítinn á
10.000 krónur en fyrir þann pening
má fylla pokann af fötum.
Heimilið
Hjá IKEA fengust þær upplýsingar að
útsala verði á vörum í öllum deild-
um að undanskildum veitingastað
og sænska matarhorninu. Það sé um
það bil fjórðungur af vöruúrvali IKEA.
Afslátturinn er mismikill milli vöru-
númera en er á bilinu 10–70 prósent.
Í Rúmfatalagernum eru valdar vörur
úr öllum flokkum á 10–70 prósenta
afslætti.
n Hægt að gera góð kaup á útsölunum í ár n Það má fá 50 tommu sjónvarp á 65 prósenta afslætti
n Jakkaföt á 75 prósenta afslætti n Verð mun lækka enn frekar í mörgum búðum
Gerðu góð kaup á útsölunum
Gunnhildur Steinarsdóttir
blaðamaður skrifar gunnhildur@dv.is
„Þetta lítur vel út og
fólk var greinilega
farið að bíða eftir ústölunni.
Í Kringlunni Það var fjöldi viðskiptavina í Kringlunni á upphafsdegi útsölunnar.