Dagblaðið Vísir - DV - 04.01.2012, Blaðsíða 12
U
mfangsmikil morðrann-
sókn er hafin eftir að lík konu
fannst á landareign Elísabetar
Bretlandsdrottningar í Sand-
ringham á nýársdag.
Lík konunnar fannst í skóglendi í
um 1,6 kílómetra fjarlægð frá drottn-
ingarbústaðnum í Sandringham í Nor-
folk-sýslu. Konungsfjölskyldan hafði
einmitt varið jólunum þar og var því
skiljanlega brugðið.
Það var gangandi vegfarandi sem
var að viðra hund sinn á fyrsta degi nýs
árs sem fann líkið við bæinn Anmer og
hafði samband við lögreglu. Lögreglu-
rannsókn er á frumstigi en breskir fjöl-
miðlar greina frá því að lögreglan hafi
byrjað á því að fara í gegnum skrár sín-
ar yfir fólk sem er saknað í sýslunni og
gömul óleyst sakamál.
Verið þarna í langan tíma
Enn er á huldu með hvaða hætti konan
lést en farið er með málið sem morð-
mál. Lögreglumenn girtu umsvifalaust
af svæðið og var líkið flutt á QE-sjúkra-
húsið í Kings Lynn. Yfirrannsóknarlög-
reglumaðurinn Jes Fry ávarpaði fjöl-
miðla á blaðamannfundi í Anmer þar
sem hann sagði rannsóknina á algjöru
frumstigi.
„Þetta gæti reynst flókin og erfið
rannsókn því líkið virðist hafa legið
þarna í dágóðan tíma. Kringumstæð-
urnar benda til að hér sé um morðmál
að ræða.“
Vettvangsfulltrúar og rannsóknar-
menn íklæddir hvítum samfestingum
fínkembdu svæðið í kringum líkfund-
arstaðinn í sólarhring eftir að málið
kom upp. Breska pressan sýnir málinu
skiljanlega mikinn áhuga af því að lík-
ið fannst á landareign drottningarinn-
ar en Daily Mail greinir meðal annars
frá því að líkið hafi fundist steinsnar frá
Royal Stud-búgarðinum þar sem kon-
unglegir veðhlaupahestar eru ræktað-
ir. Drottningin fer reglulega í útreiðar-
túra um svæðið.
Annað líkið á einu ári
Talsmaður Buckingham-hallar hefur
neitaði að tjá sig um líkfundinn og
sagði að lögreglan færi alfarið með
málið. Auk þess að hafa varið jólunum
í Sandringham þá eru Elísabet Bret-
landsdrottning og eiginmaður henn-
ar, Filippus prins, búsett í bústaðnum
um þessar mundir ásamt jarlinum
og greifynjunni af Wessex og tveimur
börnum þeirra.
Í gærmorgun sást meira að segja
til Elísabetar á hestbaki við Sandring-
ham og virtist hún ekki mikið vera að
stressa sig á stöðunni. Rúmlega 200
manns búa í Sandringham, þar á með-
al bændur, skógræktarfólk, veiðiverðir
og garðyrkjumenn. Svæðið er að auki
vinsæll viðkomustaður ferðamanna.
Það sem vekur ekki síður athygli
er að í mars á síðasta ári fannst lík
69 ára bandarísks einfara um 90
metra frá Buckingham-höll. Mað-
urinn, sem hét Robert Moore, var
hugfanginn af drottningunni og
hafði komið sér fyrir á lítilli óað-
gengilegri eyju í St. James‘s Park-
garðinum við höllina. Hann kom
til Bretlands árið 2007 og er talinn
hafa búið á eyjunni þar til hann lést
þar ári síðar.
12 Erlent 4. janúar 2012 Miðvikudagur
Hægrimenn kjósa í Iowa
n Mikil spenna í aðdraganda forsetakosninga
M
itt Romney var sagður
standa vel að vígi fyrir kjör-
fund repúblikana í Iowa-ríki,
sem fram fór á þriðjudags-
kvöldið. Flokksmenn Repúblikana-
flokksins mættu þá á kjörfund til að
lýsa yfir stuðningi við þann sem þeir
vilja sjá sem forsetaframbjóðanda
flokksins. Mitt Romney og Ron Paul
eru sagðir njóta mests fylgis.
Iowa er lykilríki í þeim skilningi
að sá frambjóðandi sem sigrar þar
er líklegur til að hljóta útnefningu
sem forsetaframbjóðandi flokksins
á landsþingi repúblikana síðsumars.
Í aðdraganda kjörfundarins hefur
í skoðanakönnunum komið fram að
Mitt Romney standi vel. Forskot hans
á Ron Paul, sem er fulltrúadeildar-
þingmaður frá Texas, er þó naumt.
Rick Santorum, fyrrverandi öldunga-
deildarþingmaður frá Pennsylvaníu,
er í þriðja sæti en hann hefur verið á
miklu flugi undanfarið. Þegar öllu er
á botninn hvolft ríkir mikil óvissa um
hver mun standa uppi sem sigurveg-
ari í Iowa.
Fréttaskýrendur í Bandaríkjun-
um segja að ef Romney vinni í Iowa
og svo í New Hampshire eftir viku,
sé hann í afar sterkri stöðu. Í kosn-
ingabaráttu sinni hafi hann reynt að
höfða til íhaldssamra flokksmanna
Repúblikanaflokksins. Nú muni
koma í ljós hversu langt sú áhersla
muni fleyta honum.
Einnig má nefna að Newt Ging-
rich, fyrrverandi forseti fulltrúa-
deildar Bandaríkjaþings, hefur mikið
forskot á Romney í Suður-Karólínu,
þar sem forsetakosningar fara fram
eftir þrjár vikur. Af viðbrögðum
stuðningsmanna Romney má sjá að
honum stafar ógn af Gingrich. Því er
alls óvíst hvaða hægrimanni repú-
blikanar stilla upp gegn sitjandi for-
seta, Barack Obama.
baldur@dv.is
„Ég hata
Bandaríkin!“
Maðurinn sem lögreglan í Los
Angeles hefur handtekið, grun-
aðan um að hafa kveikt í yfir 50
bílum, húsum og byggingum
síðan fyrir helgi þar í borg, er 24
ára Þjóðverji. Tímaritið LA Weekly
greinir frá því að eftir að lögreglan
stöðvaði för hans í gær hafi hann
hrópað: „Ég hata Bandaríkin!“
Maðurinn heitir Harry Burkhart
og greina bandarískir fjölmiðlar
frá því að hann sé bálreiður yfir
því að til standi að vísa móður
hans úr landi. Í bíl Burkharts
fundust eldfæri en ekki hafa borist
tilkynningar um íkveikjur af þeirri
stærðargráðu og hann er sakaður
um síðan hann var handtekinn.
Yfirvöld áætla að tjón af völd-
um skemmdarverkanna nemi 3
milljónum dala, þar sem tugir bif-
reiða, húsa og annarra eigna hafa
skemmst. Áður en Burkhart var
handtekinn á þriðjudag náði hann
til að mynda að kveikja í 12 bílum
til viðbótar að því er talið er.
Flestir
Þjóðverjar
með atvinnu
Opinberar tölur um atvinnuleysi
í Þýskalandi sýna að atvinnuleysi
hefur ekki verið minna í landinu
frá árinu 1991, eða í rúm 20 ár.
Í desember fór hlutfallið úr 6,9
prósentum niður í 6,8. Nú eru því
„aðeins“ 2,88 milljónir Þjóðverja
án atvinnu en alls búa liðlega 82
milljónir í landinu. Á vef breska
ríkisútvarpsins, BBC, er talað um
að hagfræðingar í Þýskalandi spái
því að lítill hagvöxtur verði í land-
inu á þessu ári og að samhliða
lækkandi launum gæti atvinnu-
leysi aukist á nýjan leik.
Elliheimili fyrir
homma og lesbíur
Spænskir eldri borgarar vinna nú
að því hörðum höndum að stofna
fyrsta elliheimilið á Spáni sem
ætlað er samkynhneigðum. Frá
þessu greinir á vef The Guardian
en þar segir að samkynhneigð-
ir sem fari inn á elliheimili þurfi
oft að fara inn í skápinn aftur. Svo
mikið sé um fordóma á meðal eldri
Spánverja. Þeim hafi á yngri árum
verið kennt að samkynhneigð væri
sjúkleg eða glæpsamleg. Elliheim-
ilið, sem verður að líkindum reist
í Rivas-Vaciamadrid, litlum bæ
við Madrid, verður þó ekki aðeins
fyrir samkynhneigða heldur verður
það öllum opið. Gert er ráð fyrir
að heimilið verði komið í gagnið
2014 en forsprakkinn Federico
Armenteros hyggur á frekari útrás
þessarar hugmyndar sinnar. Hann
segist horfa til Benidorm og Sitges
sem er vinsæll áningarstaður sam-
kynhneigðra.
lík á lóð
drottningar
„Líkið
virðist
hafa legið þarna
í dágóðan tíma
n Lík konu fannst í skóglendi á landareign Bretlandsdrottningar
Sigurður Mikael Jónsson
blaðamaður skrifar mikael@dv.is
Líkamsleifar
fundust hér
Sandringham
Á lóð drottningar Hér má sjá hversu stutt frá drottningarbústaðnum í Sandringham líkið fannst.
Óhugnanlegt Elísabet drottning sótti guðsþjónustu í St. Mary Magdalene-kirkjunni í Sandringham á jóladag. Hér sést hún mæta í
kirkjuna ásamt Edward prins. Mynd ReuteRs
M
y
n
d
G
o
o
G
Le
M
A
p
s
Óvissa Staða Mitt
Romney er sterk en
alls ekki örugg.