Dagblaðið Vísir - DV - 04.01.2013, Síða 2

V
ið ættum að vera þokkalega
varin þó einstaka tilfelli geti
komið upp,“ segir Haraldur
Briem sóttavarnalæknir að­
spurður hvort Íslendingar
þurfi að óttast alvarleg svínaflensutil­
felli líkt og komið hafa upp í Noregi
undanfarnar vikur. Ellefu ára drengur
lést úr svínaflensu þar í landi þann 27.
desember og fleiri hafa veikst alvar­
lega í Noregi af völdum flensunn­
ar. Svínaflensan, H1N1, lét mikið á
sér kræla á haustmánuðum 2009 og
greindist hún meðal annars á Íslandi
þar sem einn lést og margir veiktust.
Álag á heilbrigðiskerfinu
Haraldur segir í viðtali við DV að
hann hafi verið í samskiptum við
kollega sinn í Noregi um flensutilfell­
in sem þar hafa komið upp. Það sé
mat sóttvarnalæknis Noregs að það
sé alls óvíst hvort svínainflúensan
verði að útbreiddu vandamáli þrátt
fyrir dauðsfallið á dögunum. „Það
hefur verið mikið álag á heilbrigðis­
þjónustunni í Noregi síðustu tvær
vikur og ýmsar tegundir af inflúensu
í gangi. Henni (sóttvarnalækni Nor­
egs, innsk. blm.) sýndist þetta ekki
vera eitthvert sérstakt vandamál og
við höfum ekki heldur heyrt neitt af
þessu annars staðar frá. Þeir eru á
kafi að reyna að greina þetta,“ segir
Haraldur en tugir einstaklinga hafa
verið lagðir inn á sjúkrahús í Nor­
egi undanfarnar vikur vegna flensu.
„Einhverjir hafa greinst með svína­
inflúensu og einhverjir með þessa
hefðbundnu árlegu inflúensu.“
Sækir í sig veðrið
Haraldur segir að inflúensan hafi ver­
ið að sækja í sig veðrið hér á landi að
undanförnu. „Því er ekki að leyna að
hún er að sækja í sig veðrið og það hef­
ur verið mikið um ýmiss konar sýk­
ingar,“ segir hann og nefnir meðal
annars RS­vírus, kvefveiru, sem getur
lagst þungt á ungbörn en einnig full­
orðna. Þá hafi nokkuð borið á háls­ og
lungnabólgum og fleiri greinst með
inflúensulík einkenni. „Milli jóla og
nýárs fór þetta að færast í vöxt og það
hefur dálítið mikið verið sótt á Lækna­
vaktina,“ segir Haraldur. Aðspurð­
ur hvort árstíðabundna inflúensan sé
erfiðari viðureignar en oft áður seg­
ist Haraldur ekki geta sagt til um það
enda hafi enn sem komið er tiltölulega
fá tilfelli komið upp. „Bandaríkjamenn
hafa óttast að hún geti orðið erfið í ár
og eftir því sem maður heyrir í Noregi
þá er dálítið álag á heilbrigðiskerfinu
þar. Það er samt ekki hægt að fullyrða
neitt.“
Bólusetning besta vörnin
Besta vörnin gegn inflúensu segir Har­
aldur að sé bólusetning. „Norðmenn
eru svekktir yfir því að bólusetningar­
þátttakan þykir ekki hafa verið nógu
góð í vetur. Í bóluefninu sem við eigum
er svínaflensuþáttur. Við hvetjum því
þá sem eru óbólusettir og eru í áhættu­
hópum að láta bólusetja sig,“ seg­
ir hann en einstaklingar sem komnir
eru yfir sextugt teljast til áhættuhóps.
Í áhættuhópi teljast einnig þeir sem
eru með undirliggjandi sjúkdóma, til
dæmis í öndunarfærum, og breytir
þá aldur viðkomandi engu. Vill Har­
aldur því hvetja sem flesta sem ekki
eru bólusettir til að láta gera það enda
virðist inflúensan vera að sækja í sig
veðrið í upphafi nýs árs. n
Einar Þór Sigurðsson
blaðamaður skrifar einar@dv.is
Óttast ekki
svínaflensu
n Svínaflensa í Noregi n Inflúensan sækir í sig veðrið hér á landi„Því er ekki að
leyna að hún er að
sækja í sig veðrið og það
hefur verið mikið um ým-
iss konar sýkingar.
Flensan kemur Haraldur segir að ekki sé tilefni
til að óttast svínaflensuna sérstaklega þrátt fyrir
nokkur tilfelli í Noregi. Árstíðabundna inflúensan hafi
þó verið að sækja í sig veðrið hér á landi.
2 Fréttir 4.–6. janúar 2013 Helgarblað
Sjómaður færði Hildi verndargrip
n Tengist hafinu og mikilvægum þáttum í lífi okkar allra
Þ
að var gott að geta
fært henni Hildi
svona táknræn­
an verndargrip
að gjöf,“ segir Hilmar
Sigurbjörnsson sem
afhenti Hildi Lilli­
endahl Von hafsins í
vikunni. Hálsmenið er
kross sem Hilmar hann­
aði en Hildur var, eins
og kunnugt er, kosin hetja
ársins 2012 af lesendum DV rétt
fyrir áramót.
Hilmar hefur verið sjómaður í 15
ár og fékk hugmyndina að hönnun­
inni fyrir fimm árum þegar hann fór
að setja saman tákn sem tengjast
hafinu og og mikilvægum þáttum
í lífi okkar allra. Hann segir sterka
þýðingu bak við hvert tákn. Tákn­
in sem um ræðir eru kross, akkeri,
skipsstefni, áttirnar fjórar,
hjarta, stýri, viti og
alda. „Þetta á við okk­
ur öll, við erum öll
að glíma við ein­
hvers konar áskor­
anir, vandamál eða
velgengni en það
sem skiptir mestu
er að halda áfram.
Láta gott af okkur leiða
og gefast aldrei upp sama
hvað á gengur. Mér finnst þetta
eiga vel við hana Hildi sem er hetja
fyrir það sem hún hefur gert. Þótt
við höfum öll okkar ólíku skoð­
anir þá er það sem mikilvægast er
að bera virðingu fyrir skoðunum
hvers og eins án þess að vera með
svívirðingar í garð hvers annars,
okkar vegna og barnanna okkar,“
segir hann að lokum. n
Verndargripur Hilmar og Hildur við
afhendingu gjafarinnar.
Eignalaus
gosverksmiðja
Gosverksmiðjan Klettur hefur verið
leyst upp í kjölfar 330 milljóna króna
gjaldþrots fyrirtækisins. Samkvæmt
upplýsingum úr Lögbirtingablaðinu
fundust engar eignir í búi fyrirtækis­
ins við skiptameðferð þess. Búið var
tekið til gjaldþrotaskipta í desember
2011 en skiptameðferð lauk endan­
lega þann 19. desember 2012.
Gosverksmiðjan Klettur hóf
framleiðslu á gosdrykkjum undir
merkjum KlettaGOSS og Kletta­
VATNS í desember 2010. Í tilkynn­
ingu kom fram að lögð væri áhersla
á að um íslenska framleiðslu væri
að ræða og ekki stefnt að útflutn­
ingi vatnsins. Verðið var sagt lægra
en á öðrum gosdrykkjum og stefnt
yrði að því að auka fjölbreytni á
drykkjar vörumarkaði.
„Við stofnun og uppsetningu
verksmiðjunnar voru lögð til grund­
vallar gömul og góð íslensk gildi
eins og nýtni og sjálfbærni í bland
við kröfur samtímans um gagnsæi
og upplýsingar til neytenda.“ Þetta
var á meðal þess sem kom fram í til­
kynningu frá fyrirtækinu við stofnun
þess á sínum tíma.
Gengur með
kalsár
Pólfarinn Vilborg Arna Gissurar­
dóttir nálgast markmið sitt hægt
og bítandi en hún hefur nú gengið
í 45 daga á suðurskautinu. Gangi
áætlanir hennar eftir gæti hún náð
suðurpólnum rétt eftir helgina.
Samkvæmt dagbók Vilborgar
reyndist miðvikudagurinn henni
nokkuð erfiður eins og raunin hef­
ur verið síðustu daga. Mjög kalt er
í veðri og lítið hefur sést til sólar
og er hún komin með kalsár á lær­
in eftir alla gönguna. Ferð hennar
gengur hægar nú en áður sökum
þess að hún fer um sprungusvæði
og þarf að gæta sín sérstaklega vel.
Upphafleg áætlun hennar gerði
ráð fyrir að hún næði pólnum á 50
dögum og hún er því komin lang­
leiðina þó hún hafi reyndar ekki
náð að ganga jafn hratt og hún
vildi alla ferðina. Ekki er þó fráleitt
að ætla að hún nái markmiði sínu
á þriðju­ eða miðvikudag í næstu
viku ef ekkert kemur upp á.