Víkurfréttir - 19.12.2013, Síða 16

fimmtudagurinn 19. desember 2013 • VÍKURFRÉTTIR16
-jólahúsin
Jólahúsið! Túngata 14 í Keflavík var valinsem jólahús Reykjanesbæjar 2013
Túngata 14 Jólahús Reykjanesbæjar 2013
Verslunin Draumaland í Reykjanesbæ er með fal-legasta jólagluggann í ár en slík viðurkenning hefur
verið veitt undanfarin ár.
Verslunin Kóda þótti vera með næst fallegasta gluggann
og Gallerý 8 fékk 3. verðlaun en báðar verslanirnar eru við
Hafnargötu en Draumaland er skammt frá, við Tjarnargötu.
Magnea Guðmundsdóttir, bæjarfulltrúi og formaður Um-
hverfis- og skipulagssviðs Reykjanesbæjar afhenti viðurkenn-
ingarnar í Duushúsum. Hún sagði við þetta tækifæri að velja
jólagluggann í Reykjanesbæ væri skemmtilegt verkefni. „Þeir
sem standa vaktina í verslunum okkar hér í miðbæ Reykja-
nesbæjar gleðja okkur hin með líflegum og fallegum skreyt-
ingum. Hátíðarandi færist yfir bæinn og við njótum fallegs
umhverfis á aðventunni. Ásýnd verslana og húsa í miðbænun
er einn mikilvægasti þátturinn í útliti miðbæjarins.“
Í umsögn dómnefndar segir að Draumaland hafi vakið
athygli fyrir bjartan og fallegan jólaglugga. Draumaland er
gamalgróin verslun í bæjarfélaginu, með mikið úrval af gjafa-
vöru og blómum. Verslunin Koda fékk viðurkenningu fyrir
samræmt útlit skreytinga innan- og utanhúss. Í versluninni
Gallerý 8 þar sem íslensk hönnun er í fyrirrúmi nýtur hönn-
unin sín einnig vel í gluggaskreytingum.
Nefndina skipuðu bæjarfulltrúarnir Magnea Guðmunds-
dóttir og Björk Þorsteinsdóttir og Páll Ketilsson, ritstjóri
Víkurfrétta.
FALLEGASTI JÓLAGLUGGINN Í DRAUMALANDI
Magdalena S. Þórisdóttir, ein af lystagyðjunum
í Gallerý 8 fyrir framan verslunina. Kristín og Hildur fyrir framan Kóda.
Nanna Jónsdóttir, eigandi Draumalands fyrir framan einn
af gluggum verslunarinnar með dómnefndarfólkinu,
Magneu, Björk og Páli.
Hætti við að
hætta vegna
barnanna
Hallbjörn Sæmundsson er eigandi Jólahússins 2013 við Túngötu 14 og hefur haft veg og
vanda að skreytingu þess. Hann var að vonum
sáttur við viðurkenninguna þegar Víkurfréttir
höfðu samband við hann.
„Þetta er flott, maður. Þetta hefur alltaf verið jólahús
og ég sé ekki alveg muninn á jólahúsi og ljósahúsi.
Þetta er eitthvað sem nefndin ákvað og íbúarnir í
ár,“ segir Hallbjörn. Hann hafði áður fengið viður-
kenningar í ramma fyrir skreytingar og það sé alltaf
skemmtilegt. Keppnin um Jólahúsið hófst árið 2000
en Hallbjörn segist hafa byrjað að skreyta miklu fyrr.
Húsið á jólakorti í Ástralíu
Hann segir að stanslaust sé keyrt framhjá húsinu og
þannig hafi það verið í gegnum árin. „Svo eru það
blessuð börnin. Enda er maður að hugsa fyrst og
fremst um þau. Ég var að spá í að hætta þessu en fékk
svo samviskubit yfir því út af þeim. Það eru heilu leik-
skólarnir sem koma og alltaf á svipuðum tíma.
Núna koma stúlkur, sem áður komu sem leikskóla-
börn, með barnavagna og skoða. Það er skemmti-
legt,“ segir Hallbjörn. Hann segir konu hafa hringt
í sig og tjáð sér að það væri mynd af húsinu á jóla-
korti í Ástralíu. Einnig viti hann af mynd af húsinu
á Facebook.
Keypti mikið af skrauti í siglingum
Sjálfur segist hann alltaf hafa verið jólabarn og mikið
fyrir glingur frá því hann var barn. Hann bjó áður í
fjölbýlishúsi en skreytti þá bara vel inni. „Ég var í sigl-
ingum í 11 ár hjá Eimskipafélaginu og keypti mikið af
skrauti þá. Sankaði að mér. Þegar skipsfélagarnir fóru
í verkfærabúðir fór ég í jólabúðir,“ segir Hallbjörn
glaðbeittur. Hann hefur búið við Túngötuna í um
16 ár og hefur þróað skreytingarnar smám saman.
„Sumt af þessu er heimasmíðað, t.d. líkan af húsinu
og hellir, sveitabær og kirkja. Hellirinn er með Grýlu,
Leppalúða og öllu liðinu, maður.“
Líkanið vekur mesta athygli
Hann segir litla líkanið af húsinu sjálfu gjarnan vekja
mesta athygli því frá því hljóma jólalög. „Þetta er
Útvarp Latibær og krakkarnir hafa gaman að því
að dansa við gömlu góðu jólaballalögin með Ómari
Ragnarssyni og fleirum,“ segir Hallbjörn og bætir
við að hann slökkvi á útsendingunni um níuleytið
á kvöldin til að pirra ekki nágrannana. Annars segir
hann ekki mikið um kvartanir. „Ef nágrannar kvarta
þá gera þeir það bara. Ef þeir þola ekki jólin einu
sinni á ári verða þeir bara að flytja úr landi,“ segir
Hallbjörn kíminn.
Reykjanesbær hefur staðið fyrir samkeppni um Ljósahús/Jólahús
bæjarins frá árinu 2001 og er þetta því
í þrettánda sinn sem veittar eru viður-
kenningar fyrir bestu ljósaskreyting-
arnar í bænum. Reykjanesbær hefur
lengi verið þekktur fyrir mikla ljósa-
dýrð og margir gera sér sérstaka ferð
á aðventunni til bæjarins til að skoða
ljósadýrðina. Viðurkenningar í sam-
keppninni um Ljósahús Reykjanes-
bæjar 2013 voru afhentar mánudaginn
16. desember kl. 18.00.
Í ár var hafður sami háttur á valinu eins
og í fyrra, þ.e. að hin skipaða „jólanefnd“
tilnefndi tíu hús sem bæjarbúar sjálfir
fengu svo að velja úr í rafrænni kosningu
á vef Víkurfrétta. Tæplega 1.000 manns
tóku þátt í valinu og er það miklu fleira
fólk en sendi venjulega inn tilnefningar.
Þessi aðferð virðist því ná betur til íbú-
anna og ákveðið er að halda þessu verk-
lagi áfram á næsta ári. Í valnefndinni sátu
fulltrúar frá menningarráði, umhverfis-
og skipulagsráði ásamt fulltrúa Víkurf-
rétta en það voru auðvitað íbúarnir sjálfir
sem kusu sér Ljósahús.
Verðlaunahafar fengu viðurkenningar-
skjal frá Reykjanesbæ og frá HS Orku
og HS Veitum fengust ávísanir upp í
orkureikninginn í desember að upphæð
kr. 30.000 fyrir fyrsta sætið, 20.000 fyrir
annað sætið og 15.000 fyrir þriðja sætið.
Enn er hægt að sjá hvaða hús voru til-
nefnd og myndir af þeim öllum á vef
Víkurfrétta vf.is.
Úrslitin urðu eftirfarandi:
1.Túngata 14
2. Týsvellir 1
3. Heiðarból 19
Hallbjörn Sæmundsson
Týsvellir 1. Heiðarból 19.
Handhafar viðurkenninga og eigendur jólahúsa í Reykjanesbæ ásamt fulltrúa frá HS Orku
og HS Veitum sem gefa verðlaun, bæjarstjóra og nokkrum bæjarfulltrúum úr Reykjanesbæ.