Ægir - 01.06.2014, Blaðsíða 16

16
Komur skemmtiferðaskipa að
sumarlagi setja svip á bæj-
arbraginn á Akureyri en á liðn-
um árum hafa þau í auknum
mæli haft viðkomu í bænum.
Undanfarna tvo áratugi hefur
aukningin numið um 9% á milli
ára. Tekjur sem Hafnasamlag
Norðurlands hefur af skipa-
komum þessum skipta einnig æ
meira máli í rekstrinum en um
þriðjungur af öllum tekjum
samlagsins er til komin vegna
skemmtiferðaskipa.
Aukin umferð í Grímsey
Pétur Ólafsson skrifstofustjóri
hjá Hafnasamlagi Norðurlands
segir að í sumar muni alls 78
skip hafa viðkomu á Akureyri
og þar af eru 12 sem koma við í
Grímsey. Það er mikil aukning
frá því á síðasta sumri, þegar
þar höfðu skamma viðdvöl 4
slík skip. „Ég held að það þyki
spennandi valkostur fyrir far-
þega að staldra aðeins við í
Grímsey,“ segir Pétur, en skipin
stoppa í 4 og upp í 8 tíma á
meðan farþegar bregða sér í
land og skoða sig um.
Um borð í þeim 78 skipum
sem leið sína leggja til Akureyr-
ar í sumar má gera ráð fyrir að
farþegar verði um 75 þúsund
talsins og tæplega 30 þúsund
manns eru í áhöfnum skipanna.
Ljóst er því að fjölmargir munu
líkt og undanfarin sumur líta
bæinn augum, en flestir bregða
sér frá borði, fara ýmist í
skoðunarferðir sem í boði eru
t.d. í Mývatnsveit eða rölta um í
miðbænum. Heildarstærð skip-
anna er svipuð og var síðast-
liðið sumar.
Skemmtiferðaskip setja svip á bæjarbraginn á Akureyri:
100 þúsund manns
í 78 skipum
Hið risavaxna Caribbean Princess við bryggju á Akureyri í september í fyrra.
S
k
em
m
tiferða
sk
ip