Ægir - 01.06.2014, Blaðsíða 31

31
Sigurður VE 15 nýtt skip Ísfélagsins í Vestmannaeyjum er
væntanlegur í júlí. Skipið er eitt af sex nýjum fiskiskipum
sem Celiktrans skipasmíðastöðin í Tyrklandi mun smíða
fyrir Íslendinga á næstu misserum.
Þann 8. júní var nýju skipi Ísfélags Vestmannaeyja hf. gefið
nafnið Sigurður í Celiktrans skipasmíðastöðinni í Istanbúl í
Tyrklandi þar sem skipið verður afhent tilbúið til veiða á næstu
dögum. Gert er ráð fyrir að skipið komi til landsins í júlí en sigl-
ingin hingað til lands tekur um 12 daga. Sigurður fær einkenn-
isstafina VE 15 og skipaskrárnúmerið 2883.
Sigurður VE er 80 metra langur og 17 metra breiður og er af-
ar vel búinn til veiða á uppsjávarfiski s.s. loðnu, síld, makríl og
kolmunna. Aðalvélin er 4.500 kW og kæligetan er 2x1.300.000
kcal/klst. Kælitankar skipsins eru 12 og eru samtals 2.970
rúmmetrar þannig að burðargeta skipsins er mikil og styður
hún vel við öfluga landvinnslu félagsins í Vestmannaeyjum og á
Þórshöfn.
Þess má geta að eldra skip Ísfélagsins með sama nafni var
smíðað árið 1960 í Þýskalandi og var 72 metra langt og 10
metra breitt. Í því var 1.766 kW Nohab Polar aðalvél og bar skip-
ið um 1.500 tonn í lestum sem ekki voru útbúnar til að kæla afl-
ann. Eldra skipið var sett í niðurrif á síðasta ári.
Í fréttatilkynningu frá Ísfélaginu kemur fram að kaupin á
hinu nýja skipi eru liður í endurnýjun á skipaflota Ísfélagsins og
þáttur í hagræðingaraðgerðum þess, ekki síst í kjölfar sífellt
aukinnar skattlagningar stjórnvalda. Félaginu er ætlað að
greiða um einn og hálfan milljarð í veiðigjöld og tekjuskatt á
þessu ári. Félaginu er því nauðsynlegt að fækka skipum og auka
hagræðingu á öllum sviðum rekstrarins. Gert er ráð fyrir að nýja
skipið leysi af hólmi tvö af eldri skipum félagsins, Guðmund VE
og Þorsteini ÞH með tilheyrandi lækkun olíu- og launakostnað-
ar.
Skipstjóri á Sigurði VE 15 er Hörður Már Guðmundsson og
yfirvélstjóri er Svanur Gunnsteinsson.
Nýr Sigurður VE 15
væntanlegur til Eyja í júlí