Ægir - 01.06.2014, Blaðsíða 23

23
„Úttekt á makrílstofninum á
vegum Alþjóðahafrannsókna-
ráðsins (ICES) er gerð á haustin,
þar sem ráðgjöf hefur byggst á
aflareglu og niðurstöðum
stofnmatslíkans,“ segir í nytja-
stofnaskýrslunni um makríl-
stofninn. „Síðastliðið haust var
ákveðið að styðjast ekki við
stofnmatslíkanið þar sem
aflagögn eru talin mjög óáreið-
anleg fram til ársins 2006. Afla-
tillögur ICES byggðust í staðinn
á vísitölum úr síðustu tveimur
eggjaleiðöngrum og nýjustu
aflatölum. Ráðlagt aflamark fyr-
ir 2014 var 890 þús. tonn. Í febr-
úar síðastliðinn var haldinn sér-
stakur fundur á vegum ICES um
stofnmat makríls þar sem þróað
var stofnmatslíkan sem tók bet-
ur á annmörkum í gögnum en
fyrra líkan. Auk þess var tekið
tillit til gagna úr alþjóðlegum
stofnmælingum með botn-
vörpu, vísitalna eldri árganga í
makrílleiðöngrum í Norðurhöf-
um í júlí–ágúst og gagna um
endurheimta merkta fiska. Í
framhaldi af því var fyrri ráðgjöf
uppfærð og var ráðlagt afla-
mark fyrir árið 2014 á bilinu
927–1011 þús. tonn , sem sam-
svarar veiðidánartölu 0.20–0.22.
Við þá veiði er talið að hrygn-
ingarstofninn verði 4,4–4,5
milljónir tonna árið 2015. Þetta
er talið samræmast varúðar-
sjónarmiðum. Samkvæmt
stofnmatinu stækkaði hrygn-
ingarstofninn úr 1,9 milljónum
tonna í 4,7 milljónir tonna á ár-
unum 2003–2011 en hefur
minnkað síðan og er metinn 4,4
milljónir tonna árið 2013.“
Varaaflgjafar
fyrir skip og báta
Við bjóðum trausta og aflmikla varaaflgjafa frá Socomec sem
standast þær kröfur sem gerðar eru í skipum og bátum.
Verndið viðkvæman búnað um borð fyrir rafmagnsleysi og
spennuflökti.
Þegar rafmagn fer skyndilega af eða spenna er óstöðug getur
það valdið skemmdum á viðkvæmum og mikilvægum búnaði
svo sem siglingakerfum, samskiptakerfum og vélbúnaði.
Nýr varaaflgjafi, NE TYS RT-M, hentar einstaklega vel fyrir skip
og báta.
Á loðnumiðum. Útreikningar Hafrannsóknastofnunar gefa tilefni til að
ætla að nokkur aukning verði á loðnuaflanum á ný eftir mjög slaka ver-
tíð síðaliðinn vetur.