STARA - 14.11.2015, Blaðsíða 6
S
T
A
R
A
n
o
.5
3
.T
B
L
2
0
15
6
Haust
á Akureyri
Verkin voru valin úr innsendum
tillögum frá 90 listamönnum sem
töldu sig eiga erindi á sýninguna.
Fimm manna nefnd var fengin til
að sjá um valið en í henni átti m.a.
sæti Hlynur Hallsson sýningar-
stjóri. Fyrirkomulagið bendir til að
hlutverk hans sem sýningarstjóra
hafi fyrst og fremst falist í að stýra
vinnu nefndarinnar og skipuleggja
upphengingu verkanna. En Hlynur
er jafnframt safnstjóri Listasafnsins
á Akureyri og sem slíkur mótar
hann sýningarstefnu safnsins.
Leiðin sem hann kaus að fara við að
útfæra sýninguna Haust, sem er ætlað
að veita innsýn í myndlistarlífið á
Norðurlandi, vakti athygli mína,
enda er á ferðinni fyrirkomulag sem
tíðkast ekki í söfnum. Söfn óska
yfirleitt ekki eftir umsóknum frá
listamönnum og byggja síðan heila
sýningu á vali á innsendum tillögum
þótt þessi aðferðafræði sé gjarnan
notuð í öðru samhengi. Tilgangur-
inn með kallinu var án efa að ná
til listamanna utan ratsjár safn-
stjórans, en um leið sendir safnið út
þau skilaboð að það sé opið öllum
listamönnum á og frá Norðurlandi.
Það sýnir ákveðið göfuglyndi sem
um leið vekur upp spurningar.
Raunveruleg göfgi hefði þýtt að
safnið sýndi allar innsendar tillögur
sem við vitum að það getur ekki
gert, hvorki vegna stærðar sinnar né
hlutverks. Kallið virðist hins vegar
hafa vakið vonir og því er skiljan-
legt að ekki hafi allir verið ánægðir
með niðurstöðuna. Þar á meðal var
lítill hópur listamanna sem ákvað
að opna eigin sýningu í Deiglunni
undir titlinum Salon des Refusés eða
Sýning þeirra sem var hafnað. Nú
er ekki ætlunin að halda því fram
að sú sýning hafi verið betri eða
áhugaverðari en sýningin Haust,
því hún var það ekki. Viðbrögðin
eru frekar áminning um að það er
hvorki hlutverk né skylda Lista-
safnsins að sýna verk eftir alla lista-
menn frá Norðurlandi og einmitt
þess vegna ætti safnið ekki að gefa í
skyn að allir eigi jafna möguleika á
að sýna þar.
Hlutverk Listasafnins á Akureyri
í því samhengi sem það starfar í á
að vera það sama og annarra safna.
Það þýðir að það á að gera það sem
aðrir sýningarsalir í Listagilinu á
Akureyri geta ekki gert. Það á að
velja úr, setja í samhengi og draga
fram sérstöðu með þeirri þekkingu
og yfirsýn sem hægt er að ætlast til
og gera ráð fyrir að safnið hafi.
Efasemdir um aðferðafræðina við
val verka á sýninguna Haust þýða
þó ekki að það hafi verið alslæmt
að kalla eftir tillögum. Sýningin
var frískleg og nokkur verk hefðu
líklega aldrei ratað á hana öðruvísi.
Sjálf hugmyndin að halda reglulega
haustsýningu sem veitir innsýn í
gerjunina í myndlist listamanna frá
svæðinu er einnig góðra gjalda verð
og engin ástæða til að letja safnið til
að halda aftur slíka uppskeruhátíð.
En rammi sýningarinnar þarf að
vera skýrari og framkvæmdin í takt
við þær kröfur sem gerðar eru til
listasafna á okkar tímum.
Á sýningunni Haust í Listasafninu á Akureyri mátti sjá á
f jórða tug verka eftir 30 listamenn búsetta á og frá Norður-
landi. Sýningin var líf leg, verkin f jölbreytt, viðfangsefnin
margvísleg og mörg verkanna eftirminnileg.
Margrét Elísabet Ólafsdóttir
Doktor í list- og fagur fræði og lektor við Háskólann á Akureyri
1.Sý ning in s tóð y f ir f rá 29 . ág úst t i l 18 . október 2015 .
2 .Undantekning e r Li s tasaf n ASÍ s em tekur v ið umsóknum um sý ningar f rá l i s tamönnum og Haf narborg , l i s ta - og menningar-
miðstöð Haf nar f jarðar, s em undanfar in ár he f ur kal lað e f t ir umsóknum f rá sý ningarst jór um.
1
2