Málfregnir - 01.11.1991, Qupperneq 8

komna. Marga kafla, sem Orðanefnd
hefur þýtt og enn eru óbirtir eða voru
gefnir út í fyrsta og öðru bindi Raftækni-
og Ijósorðasafns, hefur IEC endurskoðað,
og bíða þeir nýrrar umfjöllunar Orða-
nefndar. Má þar meðal annarra nefna
kaflann um ljósfræði. Pýðing Orða-
nefndar á fyrri kafla er þó ekki til einskis,
þó að ótrúlega mörg erlend íðyrði og
skilgreiningar þeirra hafi breyst. Að
meginstofni hefur kaflinn ekki breyst
fremur en aðrir.
Auk þess að glíma við orðasafn IEC,
rak ýmislegt annað efni á fjörur Orða-
nefndar sem tekist var á við. Þess var
farið á leit við nefndina að hún tæki að
sér að þýða orðasafn í samantekt World
Energy Conference, WEC, sem heitir
List of Standard Energy Terms. Unnið
var að þýðingu þess jafnhliða þýðingu og
frágangi á IEC-orðasafnsköflum. Orða-
nefnd tók fleiri „hliðarspor". Nefndar-
menn íslandsdeildar NFTU (Nordisk
Film- og TV-Union) óskuðu eftir sam-
starfi við Orðanefnd RVFÍ um samræm-
ingu þýðinga á tækniorðum á sviði sjón-
varps- og kvikmyndagerðar. Sátu nefnd-
irnar á sameiginlegum fundum og fjöll-
uðu um nærri 1700 orð í orðasafni
NFTU. Fleiri leituðu samstarfs við
nefndina, t.d. læknir um orð á sviði raf-
læknisfræði, Landsvirkjun um orð á sviði
virkjunarmála, Rafmagnseftirlit ríkisins
um orð í „Reglugerð um raforkuvirki“,
Iðnaðarráðuneytið vegna orðalista úr raf-
veitumáli eða frumvörpum til laga í
raforkumálum og Iðntæknistofnun íslands
vegna orðalista í staðli um raftæknitákn.
Eru þá ótaldir allir hinir mörgu, t.d. orða-
bókaútgefendur og einstaklingar, sem
leitað hafa til nefndarinnar eða einstakra
nefndarmanna með ýmiss konar fyrir-
spurnir um raftækniorð.
Afmælisgjafir
Mörg ár eru liðin frá því að fyrst var rætt
um að tölvuskrá þann orðaforða sem
Orðanefnd hefur safnað. Umræðan lá
niðri um skeið meðan orð úr tveimur eða
þremur köflum orðasafns IEC voru skráð
á seðla. Talið var að seðlasafn gæti jafn-
vel orðið auðveldara en tölvuskrá til
þeirra nota sem nefndarmenn ætluðu
því. Fljótlega var þó ákveðið að hætta
þessu starfi og huga að tölvukaupum.
Orðanefnd var hins vegar fjárvana nefnd
sem starfað hafði yfir 40 ár án þess að
eignast peninga. Þegar samningar tókust
við Menningarsjóð um að greiða nokkra
umbun til nefndarinnar fyrir útgáfu
Raftækniorðasafns rofaði þó til, og
ákveðið var að leita að heppilegri tölvu
til að kaupa. Stjórn Rafmagnsverkfræð-
ingadeildar Verkfræðingafélags íslands
ákvað þá að hlaupa undir bagga með
nefndinni og standa fyrir fjársöfnun til
tölvukaupa á 50 ára afmæli Orðanefnd-
ar. Mörg fyrirtæki, stofnanir og einstak-
lingar brugðust vel við og gáfu í söfnun-
ina af miklu örlæti. Á aðalfundi RVFÍ í
maí 1991 var nefndinni afhent kjöltu-
tölva af nýjustu gerð og afgangur pen-
inga úr söfnuninni. Þegar þetta er ritað
er unnið að því að skrá orðasafn nefnd-
arinnar í tölvuna.
Stjórn Verkfræðingafélags íslands
ákvað líka að heiðra störf Orðanefndar í
50 ár með því að færa nefndinni veglega
peningagjöf. í bréfi, sem gjöfinni fylgdi,
segir:
Á þessum 50 árum hefur orðanefnd unnið
mikið og vandasamt starf af óeigingirni og
þrautseigju. Starfið hefur verið verkfræðinga-
stétt til mikils sóma og auðgað og styrkt ís-
lenska tungu að nýyrðum á sviði tækni. Með
því hefur verið komið í veg fyrir að ýmis erlend
tækniorð og slanguryrði næðu fótfestu í
íslensku máli. Hefur þetta verið öðrum
stéttum gott fordæmi.
Oleyst verkefni og starfsskilyrði
Eins og ráða má af því, sem á undan er
sagt, á Orðanefnd RVFÍ margt efni í
fórum sínum sem enn hefur ekki verið
birt, og enn bíður fjöldi verkefna. Þrátt
8